соседи – Kurir.mk

Соседи се степале пред кафеана во Скопје

Тале Кристо — Mon, 06 Jun 2022 15:47:47 +0000

На 05.06.2022 во 14.15 часот во Полициска станица Центар, Ј.Д. (30) од Скопје пријавил дека во близина на угостителски објект на подрачје на Центар, по претходна расправија, бил физички нападнат од негов сосед. Се преземаат мерки за расчистување на случајот.

Терминалот за течен природен гас на грчкиот остров Ревитуса има капацитет во иднина да ги снабдува и соседните земји

Тале Кристо — Tue, 19 Apr 2022 13:04:10 +0000

Грчкиот премиер Кирјакос Мицотакис, утрово го посети терминалот за течен природен на островот Ревитуса и порача дека „земјата треба да биде подготвена за најлошото сценарио при евентуален целосен прекин на испораките на гас од Русија“, додавајќи дека ќе бидат подготвени да се справат и со оваа веројатност, јави дописничката на МИА од Атина. Терминалот за течен природен гас (LNG) на грчкиот остров Ревитуса, што во овој момент е и единствениот во Грција од ваков тип, според владини извори, има капацитет за снабдување со природен гас не само наменет за грчкиот пазар, туку и на пазарите на соседните земји, преку постоечкиот интерконкетор со Бугарија, но и идниот со Северна Македонија. Малиот ненаселен остров Ревитуса е во Сарноскиот залив во близина на Атина, а пристаништето може да прими бродови од 25.000 до 266.000 метри кубни течен природен гас. Терминалот е со вкупен капацитет за складирање на 225.000 кубни метри течен природен гас, има два резервоари од по 65.000 кубни метри и еден поголем, со капацитет од 95.000 кубни метри. Во 2021 година Ревитуса, според истите извори, покри речиси една третина (31,8 отсто) од вкупниот увоз на гас во Грција, додека во првиот квартал на 2022 година, стана главна порта за природен гас во земјата, покривајќи 43,23 отсто од увозот со пристигнување течен природен гас од шест земји (САД, Алжир, Нигерија, Египет, Оман и Индонезија). Преку терминалот на Ревитуса за време на првата криза во Украина во 2009 година, со течен природен гас неколку дена се снабдувал бугарскиот пазар, преку обратен проток на гас кон Бугарија од приклучното место кај Сидирокастро. Грчкиот премиер за време на посетата ја истакна важноста на терминалот на Ревитуса. -Природниот гас во течен облик е исклучително важен за да се постигне проширување на изворите за снабдување со гас. Во овој план, одлучувачка улога има Ревитуса во сегашната, но и во надградената форма има клучна улога, како што имаат клучна улога и новите инвестиции, пловните капацитети за течен природен гас, како што е оној во Александрополис, рече Мицотакис. Терминал за течен природен гас се гради и во градот Александруполи во североисточниот дел на Грција, а во проектот е вклучена и Северна Македонија. Во однос на енергетската криза, Мицотакис рече дека високите цени на природниот гас претставуваат „увезен проблем“ и затоа потребен е и европски одговор, но и да не се постигне нешто такво, Мицотакис истакна дека грчката Влада, доколку е потребно ќе преземе дополнителни мерки за поддршка на граѓаните. ср/сд/

Ни Цеца, ни Брена не се однесуваат така – соседите на српската млада пејачка и ги открија сите тајни, дрска и безобразна до крајност!

Дарко Андоновски — Wed, 06 Apr 2022 13:29:58 +0000

Пејачката Теодора Џехверовиќ важи за една од најпопуларните млади ѕвезди, а сега нејзините комшии открија како се однесува приватно таа. Имено додека едни ја пофалуваат, има такви кои не им е баш омилена сосетка.

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)

-Ја гледам често и е нафурана. Умислена е дека е голема ѕвезда, не сака ниту да се поздрави, ниту да каже добар ден. Секогаш носи очила за сонце, некогаш и дуксери, секако е убава, но многу претерува. Па ни Цеца и Брена не се однесуваат така, популарноста може да дојде и да си отиде, но ова е премногу, вели еден сосед на пејачката. Друг сосед пак раскажува дека таа е слатко девојче, додека мајка и е опасна.

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)

-Ја гледам често со едно високо момче, внук ми ми вели дека е некој кошаркар, убави се, додава другиот сосед. Тие сепак се согласни во едно, дека не и треба шминка и дека е убава и природна.

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)

ВИДЕО: Холандски навивач се мајтапеше со своите соседи кои што гледале задоцнет пренос од 30 секунди од натпреварот!

Тале Кристо — Sun, 20 Jun 2021 13:18:18 +0000

Холандски навивач си играл мајтап со своите соседи, кои што организирано во својот двор го следеле натпреварот против Австрија, но со задоцнување повеќе од околу 30 секунди. Имено, навивачот на Холандија по име Карлос Ван Ервен, знаејќи дека соседите натпреварот го следат со задоцнет пренос од половина минута, тој заедно со своите пријатели на „себичен“ начин извикуваа како да паднал гол, притоа терајќи ги своите соседи да се радуваат на ништо. Видеото со брзина на светлината се прошири на социјалните мрежи и предизвика бура на реакции во фудбалската јавност. Инаку, Ван Ервен за ваквиот гест од изманипулираните соседи за возврат доби среден прст.

They pretended Depay's missed chance was a goal to prank their neighbors who were on a delay 😂

(via carlosvanerven/Instagram) pic.twitter.com/P6NZjqohgH
— ESPN FC (@ESPNFC) June 19, 2021

Ја нападнал сосетката, а потоа дошол нејзиниот сопруг: Скопјанец приведен поради насилство

Ивана Ефремовски — Fri, 12 Mar 2021 15:13:16 +0000

На 11.03.2021 во 16:50 часот, полициски службеници од СВР Скопје го лишиле од слобода В.Р.(29) од Скопје затоа што ја нападнал сосетката Д.С.(48) и се обидел со остар предмет да го нападне нејзиниот сопруг Г.С.(50). Според пријавеното, откако тој ја нападнал Д.С., дошол сопругот Г.С. и настанала физичка пресметка помеѓу него и В.Р., при што В.Р. се обидел со остар предмет да го нападне. Г.С.. Се преземаат мерки за расчистување на случајот.

Оставија порака до сосетката да не „вреска како свиња“ во текот на ноќта, нејзиниот одговор ги збуни сите

Ивана Ефремовски — Fri, 22 Jan 2021 11:58:38 +0000

Една жена сподели на социјалните мрежи непријатно искуство за тоа како, по една ноќ помината со нејзиниот партнер, добила лута порака од соседот преку која ја замолил да престане да „вреска како свиња“. Жената од Велика Британија откри дека соседите ја посрамотиле, бидејќи во пораката пишувало дека „вреска, односно грофта како свиња за време на сексуален однос“. „Лута протестна нота од соседите“, сподели таа на Твитер: „Може ли да престанете да грофтате и да врескате како свиња додека имате односи!? На сите ни е лошо од тоа!!! Во потписот - соседите“. Сфаќајќи ја целата ситуација опуштено, жената им одговори: „Јас бев навистина убедена дека во тие ситуации звучам како воодушевена жена од реклама за шампон, но, тоа е тоа“. Таа заклучи: „Да ја формулираа таа порака малку подобро, можеби ќе сменев нешто, но сега веројатно ќе бидам уште погласна“.

Меркел: Ниедна држава не е безбедна од Ковид-19 ако не се и нејзините соседи и пријатели

Тале Кристо — Sat, 09 Jan 2021 10:04:07 +0000

Ниту една земја не е безбедна од коронавирусот, ниту Германија, ако не се и нејзините пријатели и соседи, истакна германската канцеларка Ангела Меркел. Таа изрази верување дека е добра одлука да се набави вакцината во заеднички процес преку ЕУ. „Вирусот кој влијае на сите нас не може да биде поразен од една земја самостојно. Ниту една земја, дури ниту Германија, не би била безбедна од вирусот ако не се и нејзините пријатели и соседи“, подвлече таа. Во неделното обраќање, Меркел процени дека трезвеноста и претпазливоста ќе се исплатат. Таа исто така истакна дека следните недели од зимата ќе бидат најтешки во пандемијата. Според неа, продолжените и построги мерки се клучни во борбата против вирусот. „Лекарите и другиот медицински персонал работат во многу болници до истоштеност. Исто така, она што го слушаме за мутацијата на вирусот не ја прави загриженоста помала, туку напротив. Целта, според тоа, мора да биде јасно да се намали бројот на новозаразени, за да може здравствените установи да трагаат контакти“, објасни Меркел.

Кумановци не ги почитувале мерките за групирање на повеќе од 4 лица, соседите ги пријавиле па заработиле кривични

Тале Кристо — Fri, 08 Jan 2021 11:18:38 +0000

На 08.01.2021 година во 01.45 часот во СВР Куманово било пријавено дека во зграда лоцирана во центарот на градот имало поголема група граѓани кои ги вознемирувале станарите. Од страна на полициските службеници е влезено во станот во кој биле затекнати 10 лица и било утврдено дека се работи за кривично дело Непостапување според здравствени прописи за време на пандемија“. По целосно документирање на случајот ќе биде поднесена соодветна пријава.

Кавадарчанка нападната од соседите

Ивона Петрова — Sat, 04 Jul 2020 09:31:59 +0000

Д.С.(58) од Ваташа, Кавадарци вчера вечерта пријавила дека околу 17.15 часот на ул. “Диме Чекоров“ во Ваташа, Кавадарци во нејзиниот двор од семејна куќа, по претходна расправија била физички нападната со дрвен предмет од нејзините соседи Б.П. и неговата сопруга Б.П. која и упатувала навреди и закани, информира МВР. Од нападот пријавителката се здобила со повреди. Се преземаат мерки за расчистување на случајот.

Вербално се скарал со соседот во ходник од зграда па тој му вперил автоматска пушта во главата- еве ги деталите

Дарко Андоновски — Fri, 13 Dec 2019 13:50:22 +0000

На 12.12.2019 во 15.30 час. А. Д. пријавил дека во зграда на ул.„Тодор Александров“ во Скопје неговиот сосед Т.Д., по кратка вербална расправија, во ходникот на зградата извадил автоматска пушка и ја репетирал кон него. Полициски службеници веднаш по добивање на пријавата излегле на местото на настанот. Во домот на Т.Д. се пронајдени повеќе парчиња оружје и муниција, кои се одземени. Т.Д. е повикан во полициска станица и со него е извршен службен разговор и се работи на расчистување на случајот, информираат од МВР.