соседни земји – Kurir.mk

Русија со предупредување до соседните земји на Украина

Ивана Ефремовски — Sun, 06 Mar 2022 21:54:23 +0000

Руската војска ги предупреди соседните земји на Украина да не дозволуваат влез на нејзините воени авиони и порача дека Москва може да ги смета за дел од конфликтот доколку украинските авиони извршуваат борбени мисии од нивна територија. -Руското Министерство за одбрана денеска соопшти дека некои украински борбени авиони биле префрлени во Романија и други соседни земји на Украина, пренесува Бета. Министерството предупреди дека доколку овие воени авиони нападнат руски сили од територијата на тие земји, тоа ќе го смета за ангажирање на државата во воен конфликт. (МИА)

Од 1-ви јули конечно без роаминг со соседните земји – ова се деталите

Дарко Андоновски — Thu, 10 Jun 2021 10:38:31 +0000

Министерот за надворешни работи Бујар Османи, на својот Фејсбук профил објави дека роамингот од Македонија, почнувајќи од 1ви јули нема да важи за Албанија, Косово, Србија, Босна и Херцеговина и Црна Гора.

Со оваа држава од соседството не може никој- ова е новиот Вухан на Балканот, само денеска застрашувачка бројка на новозаразени

Дарко Андоновски — Sat, 08 Aug 2020 17:06:25 +0000

Според последните податоци, во светот со новиот коронавирус досега се заразени 19.660.540 лица. Од нив починале 726.415, а оздравеле 12.615.495 луѓе. – Во последните 24 часа во Србија се потврдени 255 нови случаи на коронавирус, врз основа на 8.014 тестирани примероци, а шест лица починаа. Според Министерството за здравство, во моментот има 121 лицe на респиратор. Од почетокот на епидемијата, потврдени се вкупно 27.863 случаи на коронавирус, а 632 лица починаa. Тестирани се вкупно 741.073 примероци. – Во Црна Гора потврдени се 39 нови случаи на коронавирус во последните 24 часа, врз основа на 326 тестирани примероци, а едно лице починало, објави Институтот за јавно здравје. Повеќето од новозаразените се од Подгорица (22), пренесува Вијести. Вкупниот број активни случаи во Црна Гора во моментов е 1.119. Институтот соопшти дека вкупниот број смртни случаи од почетокот на годината е 62, а вкупниот број регистрирани случаи на инфекција со новиот коронавирус е 3.588. – Во последните 24 часа во Хрватска се потврдени 77 нови случаи на коронавирус, а две лица починаа, соопшти денеска Националниот штаб за цивилна заштита. Во моментов има 569 активни случаи во таа земја. Во болниците има 120 пациенти, од кои осум се на респиратор. Од почетокот на епидемијата, во Хрватска се заразени 5.543 лица, од кои 157 починале. До денеска, тестирани се вкупно 127.405 лица, од кои 995 во последните 24 часа. – Во Босна и Херцеговина, во последните 24 часа, вирусот е потврден кај 398 лица, од 2.151 анализирани примероци. Во Федерацијата на БиХ има 326 нови случаи и 72 во Република Српска. Во изминатите 24 часа, шест смртни случаи од коронавирус биле пријавени во Институтот за јавно здравје на Федерацијата на БиХ, а вкупно 196 лица починале од почетокот на пандемијата. – Во Словенија во последните 24 часа се потврдени 14 нови случаи на коронавирус, а едно лице почина. Во моментов има 181 активни случаи. Од почетокот на епидемијата во таа земја, заразени се вкупно 2.247 лица, од кои 126 починале. – Во Чешка во неколку региони е забележано најголемото зголемување на бројот на нови пациенти од 3 април, објави денеска чешката Влада. Според чешкото Министерство за здравство, потврдени се 323 случаи на коронавирус во последните 24 часа, со што вкупниот број потврдени случаи во оваа централноевропска земја со 10,7 милиони жители е зголемен на 18.060. Досега 389 лица починале од Ковид-19. – Во Полска во изминатите 24 часа се регистрирани 843 нови случаи, што е седми дневен рекорд по бројот на нови случаи во последните две недели. Досега во Полска се потврдени 51.167 случаи на заразени со Ковид-19 и 1.800 смртни случаи. – Во Русија во последните 24 часа надлежните регистрирале 5.212 новозаразени и 129 смртни случаи, со што се зголеми бројот на починати на 14.854, т.е. 1,68 отсто од вкупниот број заразени. – Во последните 24 часа, Јужна Кореја забележа најголемо дневно зголемување на бројот на нови случаи на коронавирус од локален пренос во претходните 16 дена, а сите беа пријавени во Сеул и околината. Според Центарот за контрола и превенција на болести, во претходниот ден се регистрирани 43 нови случаи, од кои 30 се пренесени на локално ниво. Од тој број, 16 новозаразени се од Сеул, а голем број случаи се поврзани со црквата во провинцијата Гионџи, недалеку од главниот град . Во последните 24 часа е регистриран еден смртен случај, така што вкупниот број на жртви се зголеми на 304, додека вкупно 14.562 лица се заразени од почетокот на епидемијата. – Министерството за здравство на Филипините соопшти дека 4.222 луѓе се разболеле од вирусот во последните 24 часа и дека починал 41 пациент. Министерството соопшти дека вкупниот број потврдени случаи во оваа земја со 107 милиони жители е 126.885, додека вкупниот број смртни случаи е 2.209. Филипините се држава со најголем број случаи на Ковид-19 во регионот на Јужна Азија и е втора земја во Индонезија во однос на бројот на починати од вирусот.

Пецас: Во континуиран контакт сме со надлежните власти од земјите од Балканот

Тале Кристо — Thu, 09 Jul 2020 13:02:53 +0000

За жал трендот на нови случаи во регионот е нагорен, во континуиран контакт сме со надлежните васти од балкански земји за да им пренесеме техничко знаење и да размениме мислења, изјави портпаролот на грчката Влада, Стелиос Пецас на денешниот редовен брифинг со новинарите, одговарајќи на прашањето во однос на евентуалната можност за отворање на копнените граници за државјаните од соседните земји на Грција по 15 јули. – Секојдневно, одблизу, го следиме развојот на позтивни случаи во сите балкански земји. За жал, трендот е нагорен и тоа нагло нагорен. Нешто што нѐ доведе до тоа да бидеме претпазливи. Во континуиран контакт сме со надлежните органи од другите балкански земји за да им пренесеме техничко знаење и да размениме мислења, објасни портпаролот на грчката Влада. Тој нагласи дека на почетокот одлуката на грчката Влада за влез на туристи да биде отворен само граничниот премин Промахонас (Кулата) наишла на критики, но дека сега со големиот број регистрирани позитивни случаи кај туристи е јасно дека „поинаква одлука би создала многу поголеми проблеми за Грција”. Во периодот од 1 до 6 јули, биле направени 31.169 тестови на посетители на Грција, а како што објасни Пецас, позитивни биле само 0,3 отсто од нив, односно 100 туристи. Тој исткна дека „увезените случаи претставуваат опасност, но не се главната опасност”. – Главната опасност е во внатрешноста и произлегува од опуштеноста. Опуштеноста се гледа. Кристално јасна е околу нас во сите апекти на економската и општествената активност и во наши раце е да ја запреме, истакна Пецас. Портпаролот на грчката Влада на денешниот редовен брифинг со ноинарите неколку пат се осврна и повтори дека во внатрешноста на земјатав постои опуштеност и објасни дека државниот механизам е подготвен да ги интензивира контролите за почитување на мерките, додавајќи дека казните за прекршувачите се строги. (МИА)

Пецаков: Кај сите соседни земји бројките се намалуваат или воопшто нема новозоболени, ние некако “пркосиме” и создадовме ПИК и нови кластери

Тале Кристо — Tue, 02 Jun 2020 09:26:44 +0000

Како што и напишав пред некој ден аплаузот стивнува, ама веќе од денешен аспект гледајќи ја бројката на заболени тешко дека некој го слуша Венко или пак аплаудира...., реагира Кирил Пецаков од ВМРО-ДПМНЕ. Фејсбук статус на Кирил Пецаков: Кај сите соседни земји бројките се намалуваат или воопшто нема новозоболени, ние некако "пркосиме" и создадовме ПИК и нови кластери/жаришта во време кога е нелогично е да ги имаме, во добар дел исто како шо напишав претходно заради нелогичните одлуки во самата вонредна ситуација, добар дел носени врз база на политички одлуки, наместо врз јасни и прецизни одлуки кои се за заштита на здравјето на луѓето и негово унапредување! И се заради една работа, битно било да има брзи избори!!! Мешајќи ги приоритетите како партија СДСМ надвор од сите протоколи започна кампања меѓу луѓето делејќи флаери и маски, состаноци и промоција на кандидати по изборни единици,притоа како поминуваат деновите гледаме се поголем број заболени од самото раководство на СДСМ, а таквата ситуација делејќи рекламен материјал по плоштадите, пазарите и шеталиштата низ градовите, за мене делува безмалку апокалиптично гледајќи по сликите дека најголем дел од луѓето се и пензионери и постари од 67 и спаѓаат во најризичната група на луѓе која може да биде афектирана од вирусот КОВИД 19. Како и секогаш здравјето, а и општата благосостојба на граѓаните за нив била од второстепено значење на сметка на себепромоцијата! Секако од се срце, му посакувам успешно оздравување без последици на сите заболени од раководството на СДСМ, меѓутоа за неодговорното однесување и создадениот кластер внатре во самата СДСМ одговорност мора да има! #Одговорност мора да има и #оставки мора да има! Се надевам овај пат на состаноците на Оливер, Заев и Филипче наместо да ги одлучуваат следните чекори на здравствената комисија, шо само по себе му е далеку од опис и попис на работа, да си се погледнат очи в очи и да си ги депонираат оставките за неспособноста, неодоговрноста и не знаењето да се води една држава како Македонија и не само во овие вонредни услови на пандемија туку општо во целото владеење!!!

Со соседните земји ќе се координираат мерки за патувањата во летните месеци

Тале Кристо — Mon, 04 May 2020 15:07:38 +0000

За стратегија за годишните одмори и патувања во време на пандемијата во летните месеци ќе се зборува откако ќе има координација со соседните земји, рече министерот за здравство Венко Филипче одговарајќи на прашање дали има препораки до граѓаните каде да летуваат, со кои превозни средства и дали се водите безбедни за капење. Соопшти дека се координира и разменува информации за активности со министри од соседните земји и треба, рече, да направат заедничка конференција. -Има сè уште многу отворени прашања. Како што ме информираше грчкиот колега, тие планираат отворање на границите во јуни. Сè уште ништо во мај. Но мислам дека многу ќе постигнеме со овој заеднички состанок и координација поради тоа што може да донесеме некакви мерки коишто ќе ги почитуваат сите граѓани, од сите околни земји, ако патуваат било каде. Сметам дека само тоа може да биде една успешна приказна. Зашто непочитување на мерките, не само кај нас, туку и во која било друга земја, е загрозување на јавното здравје – дома или таму во странство, истакна Филипче. Во однос на Словенија, која им препорачала на своите граѓани да патуваат со автомобили до блиски дестинации и да не користат авиони и бродиви, министерот смета дека има логика во тоа, но се поставува прашање, рече, дали и странците би ги почитувале тие препораки. За утре е закажан состанок на Светската здравствена организација за нашиот регион, а и на самит на ЕУ во среда, исто така, на агендата е дискусија за т.н. излезна стратегија од КОВИД-19. -Една од темите на двата состанока, утре и задутре, ќе биде како ќе се координира отворањето на границите и кои мерки ќе ги преземе секоја од земјите. Затоа што нема да можеме, не само ние, туку која било земја, да има успешна национална стратегија ако во одреден момент без контрола се пуштат патници од странство. И затоа е секоја земја свесна и затоа се овие координативни состаноци, истакна министерот Филипче. Во однос на отворање на базените, одговори дека како и за сите други спортски објекти, работата и организацијата на тренинзите и натпреварите е предмет на мерките што ќе ги официјализираат до крајот на оваа недела. За сугестиите од некои пливачки клубови дека хлорот во водата не влијае на ширење на вирусот, Филипче одговори дека проблем може да предизвика самото собирање на луѓето и користење на соблекувалните во базените. Филипче посочи и дека според историски податоци за сите други респираторни вируси кои се појавувале, експертите и за овој респираторен вирус очекуваат дека во летните месеци ќе се префрли во Јужната хемисфера. Повторно постои ризик, за кој не може да се предвиди со колкав интензитет, рече тој, да се врати наесен на Северната хемисфера.