сосетка – Kurir.mk

Жена нападната од својата сосетка

Ивана Ефремовски — Sat, 26 Aug 2023 17:57:21 +0000

На 25.08.2023 во 20:40 часот во Полициска станица Струмица У.М.(20) од с.Василево пријавила дека околу 20:00 часот во с.Василево поради претходно недоразбирање била физички нападната од нејзината сосетка Г.И.. Се преземаат мерки за расчистување на случајот.

Сосетка на напаѓачот во Цетиње: Беше многу чуден, а брат му се обеси

Магдалена Андонова — Sat, 13 Aug 2022 13:21:53 +0000

Првата соседка на Вук Бориловиќ, кој вчера уби 10 лица и повреди шест во Цетиње, открива каков бил нејзиниот сосед кој беше застрелан за време на вчерашната драма. - Има некое зло во Цетиње. Сите сме со наведнати глави. Ѕверот уби и деца, нема оправдување. Завиени сме во црно. Прво ги убил децата... Тие деца си играа со неговите. Каква е таа судбина, вели соседката. Во разговор со српски „Курир“ зборувала и за неговото семејство. - Никој не му направил ништо лошо. Цело семејство се чудни, не е само убиецот. Неговиот брат се обеси пред 15 години. Тоа остави голема трага на целото семејство Бориловиќ, раскажува соседката.

Драма во зградата на поранешната хрватска претседателка Колинда: Нејзина сосетка се забарикадирала во станот и се заканувала со бомба!

Тале Кристо — Sat, 06 Mar 2021 11:41:41 +0000

Во зградата на поранешната претседателка на Хрватска Колинда Грабар-Китаровиќ се одиграла вистинска драма, за која таа дознала по телефон. Имено, Грабар-Китаровиќ била на положување камен-темелник за изградба на куќа на семејството Радошевиќ, кое има шест деца, кога и се јавиле дека нејзината сосетка се забарикадирала во станот и се заканувала со бомба. Нејзината сосетка на прозорецот залепила хартија со порака дека во станот има бомба. – Не знаев што се случува додека не почна да ми ѕвони мобилниот. Ме бараа новинари и пријатели и така дознав што се случува, рекла Грабар-Китаровиќ за Јутарњи лист по враќањето во Загреб. Таа додала и дека сите во нејзиното семејство се добро. – Сопругот бил на работа, синот на училиште. Не знам што точно се случило, не ги знам деталите, ниту ја познавам таа госпоѓа. Како што гледам од медиумите, очигледно ќе се погрижат и за неа и за нејзините проблеми, рекла поранешната претседателка.

Истрага против скопјанец кој криел марихуана во дворот на сосетката

Ивона Петрова — Tue, 10 Dec 2019 09:39:42 +0000

Јавен обвинител од Основното јавно обвинителство Скопје донесе Наредба за спроведување истражна постапка против едно лице, на возраст од 27 години, поради основано сомнение дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. -Осомничениот неовластено заради продажба држел наркотична дрога – марихуана, со вкупна нето маса од 1.512,2 грама. Дрогата била спакувана во три полиетиленски пакувања завиткани со транспарентна фолија, а осомничениот ги чувал скриени во дворот на негова сосетка во Ѓорче Петров. Извршувајќи работи во дворот, сосетката ја пронашла дрогата и една дигитална вага со остатоци од марихуана, информираат од ОЈО Со оглед на тоа што постојат околности кои укажуваат на опасност осомничениот да се даде во бегство или да го повтори кривичното дело, надлежниот јавен обвинител до судијата на претходна постапка од Основниот кривичен суд Скопје достави и предлог за определување мерка притвор.