состав – Kurir.mk

Лазаров пресече еве кои 16 ракометари ќе играат против Луксембург

Ристе Здравков — Wed, 26 Apr 2023 10:00:06 +0000

Машката репрезентација на Македонија денеска го игра претпоследниот натпревар од квалификациите за ЕП 2024 година. Ривал на Македонија ќе биде составот на Луксембург, кој лесно беше совладан на првиот меч во Скопје со 38-24. Селекторот Кире Лазаров го одреди ростерот за денешната пресметка на која нема да настапат Павле Атанасијевиќ и Давид Савревски. Натпреварот меѓу Луксембург и Македонија се игра вечерва со почеток во 20:15 часот, а се освен убедлива победа на нашите ракометари би било сензација.

Објавен составот на македонската фудбалска репрезентација за натпреварот со Фарски Острови

Ивона Петрова — Mon, 27 Mar 2023 14:59:37 +0000

Македонската фудбалска репрезентација денес ја очекува контролен натпревар со репрезентацијата на фарски Острови. „Црвено-жолтите“ ќе бидат со изменет состав во споредба со натпреварот со Малта одигран во четвртокот Селекторот Благоја Милевски за овој дуел се одлучи за следниов почетен состав и формација 4-3-3. голман: Дамјан Шишковски одбрана: Кире Ристевски, Стефан Ристовски и Езѓан Алиоски среден ред: Валон Етеми, Дарко Велковски, Енис Барди и Јани Атанасов напад: Милан Ристовски, Илија Несторовски и Дарко Чурлинов. Средбата ќе се игра на арената „Тодор Проески“ со почеток во 18 часот.

Идеалниот тим на 1/8 финалињата: Ливаковиќ, Мбапе, Рамош…

Ристе Здравков — Wed, 07 Dec 2022 13:33:28 +0000

Познатиот портал за статистика „Софаскор“, го објави идеалниот тим на 1/8 финалните натпревари. Интересно е тоа што во идеалниот тим се најдоа по еден фудбалер од елиминираните Јапонија и Шпанија. Ендо, фудбалерот од средниот ред на Јапонците имаше добра партија, но неговата селекција испадна. Од Хрватска, пак, во идеалната постава се најде голманот Доминик Ливаковиќ кој одбрани три пенали на Јапонците и така ги однесе „коцкастите“ во следната фаза. Од Шпанците, пак, имаше место за стоперот Родри кој се најде во идеалниот тим. Во идеалниот тим место имаше и за четири играчи на Португалија, кој со 6-1 ги „разби“ Швајцарците. Така покрај Гонзало Рамош, кој е најдобро оценет играч со 9.8, тука се и Бруно Фернандеш, Гереро и Далот. Од Бразил се најде само Тиаго Силва, додека од холандија се Блинд и Дамфрис. Од Франција се најде името на Мбапе, кој имаше два гола и една асистенција на дуелот со Полска.

Објавен германскиот состав за СП, изненадувачко отсуство во одбраната!

Ристе Здравков — Thu, 10 Nov 2022 11:53:42 +0000

Германскиот селектор Ханси Флик го објави списокот од 26-мина фудбалери на кои смета за Светското првенство во Катар. Германија не е комплетна, поради повреда ќе го нема Тимо Вернер, а изненадување е што на листата го нема искусниот дефанзивец Матс Хумелс. Ова е составот на Флик со кој ќе патува во Катар: Голмани: Нојер, Тер Штеген, Трап. Одбрана: Бела Кочап, Гинтер, Гунтер, Керер, Клостерман, Раум, Рудигер, Шлотербек, Суле. Среден ред и напад: Адејеми, Брант, Филкруг, Гнабри, Горецка, Геце, Гундоган, Хаверц, Хофман, Кимих, Мукоко, Мусиала, Милер, Сане.

ФОТО: Еден ракометар ќе остане на трибини, Лазаров го откри списокот за Турција

Ристе Здравков — Sun, 16 Oct 2022 08:37:12 +0000

Македонија е пред можеби најважниот натпревар од квалификациите за Европското првенство во Германија во 2024 година. Денес, во Ван, нашите избраници ќе се сретнат со Турција, а селекторот Кирил Лазаров го објави конечниот список на ракометари за овој дуел. Познато е дека Македонија за Турција отпатува со 17 ракометар, што значи дека еден ќе остане на трибини. Тоа е младиот Цветан Кузманоски. Составот на Македонија за дуелот со Турција: Во составот се враќа Дејан Манасков, кој ќе биде единствено лево крило во нашиот состав. Во однос на дуелот со Луксембург, тука се и голманот Томовски, Петров и Младеновиќ.

Анкета: Шест партии би влегле во новиот Парламент

Ристе Здравков — Sun, 04 Sep 2022 18:36:11 +0000

– Според анкетата на „Алфа Рисрч”, спроведена од 27 август до 2 септември 2022 година, ГЕРБ има 23,4 отсто, а „Продолжуваме со промената” 17,5 проценти поддршка, јави дописникот на МИА од Софија. На трето место е Движењето за права и слободи со 10,9 отсто. Според резултатите од анкетата на четвртото место е Бугарската социјалистичка партија (9,8), потоа следат националистичката „Преродба” (9,5) и „Демократска Бугарија” (7,5 проценти). Додека на прагот на влез во 48. Народно собрание е партијата на поранешниот вршител на должноста премиер Стефан Јанев „Бугарски подем” со 4,2 отсто и партијата на ТВ водителот и шоумен Слави Трифонов, која сега има 3,9 отсто поддршка. Резултатите од анкетата покажуваат дека на избори ќе гласаат 48 отсто од бугарските граѓани односно 2,6 милиони Бугари, што е приближно колку и на парламентарните избори во Бугарија во ноември минатата година. На прашањето „која партија има најголема веројатност да ја формира идната влада?” 26,4 отсто од испитаниците одговориле ГЕРБ, а 24,2 проценти се изјасниле за „Продолжуваме промената”, а само пет отсто оцениле дека е можна коалиција меѓу нив. Како најсериозни проблеми за бугарските граѓани се инфлацијата (89), цените на енергенсите (86) и здравството (83проценти)

„Владата на Ковачевски е влада без легитимитет, продолжение на заевизмот поразен од граѓаните, потребни се предвремени парламентарни избори поскоро“

Магдалена Андонова — Fri, 14 Jan 2022 15:26:12 +0000

Владата на пиунот на Заев, Ковачевски е влада без легитимитет со стари кадри кои од граѓаните беа поразени на избори. Ковачевски покажа дека планира да работи единствено како продолжена рака на Зоран Заев, односно дека со владата на Ковачевски продолжува заевизмот. Во владата на Ковачевски продолжува Оливер Спасовски, најлошиот министер за внатрешни работи во историјата Македонија, министер со бројни криминални афери кој издаваше пасоши на светски криминалци кој е еден од најголемите заштитници на криминалот на Зоран Заев, стои во соопштението на ВМРО-ДПМНЕ. Од партијата додаваат дека Ковачевски го задржува и Маричиќ преку кого Заев го контролира правосудството и кој јавно прозиваше судии и обвинители само затоа што не му се допаѓаа одредени нивни одлуки. - Фатмир Битиќи, човекот на Заев и еден од одговорните за катастрофата во македонската економија, човек во чие време граѓаните едвај врзуваат крај со крај, додека цените нагло пораснаа, исто така остана како избор на Ковачевски. Пиунот Ковачевски го задржува и Благој Бочварски најнеспособниот министер за транспорт и врски кој нема ниту еден проект позади него, има најниска реализација на капитални инвестиции, но затоа на Заев му донесе бројни парцели и тендери. Во владата останува и Љупчо Николовски министерот за корупција на Заев, кој Македонија ја донесе на дното по корупција на Транспаренси Интернешнл, сега истиот се враќа на старата функција да доуништи македонско земјоделие. Министерска позиција си доби и Славјанка Петровска, десната рака на Оливер Спасовски во МВР, уште еден од заштитниците и спроведувачите на криминалите на Заев. Скандалозната пратеничка на Заев, Бисера Костадиновска Стојчевска која во скафандер гласаше криминални закони, сега добива треба да ги спроведува криминалите на Заев и пиунот Ковачевски во културата. Јована Тренчевска главниот поддржувач на штетните политики на јагода Шахпаска и Зоран Заев, сега треба да обезбеди континуитет на истите во труд и социјала, се појаснува во партиското соопштение. Од таму додаваат дека Ковачевски како министер за правда го зеде Никола Тупанчевски, еден од главните поддржувачи на срамните и противуставни закони и политики на Зоран Заев. - Во ова влада нема ништо ново, ова е продолжение на заевизмот, што си призна и самиот Битиќи кој јавно кажа дека ова ќе биде „Заев 3 влада“. Пинуот Ковачевски нема легитимитет за формирање на влада, тој и неговите избраници се главни виновници за катастрофата и штетните политики во Македонија. На Македонија и требаат предвремени парламентарни избори за излез од кризата час поскоро, додаваат од ВМРО-ДПМНЕ.

Денеска на седница СДСМ ќе одлучува за составот на новиот владин кабинет

Магдалена Андонова — Mon, 10 Jan 2022 10:41:36 +0000

Седници на Извршниот и на Централниот одбор на владеjачката СДСМ ќе се одржат денеска во седиштето на партијата во Скопје на кои треба да бидат потврдени кадровските решенија за составот на новата влада. Како што потврдија од СДСМ за МИА, седница на Извршниот одбор е закажа за 18 часот, по што во 20 часот ќе има состанок и Централниот одбор. Заменик – претседателката на партијата Сања Лукаревска, во изјава дадена пред божикните празници најави дека во понеделник се очекува да има седница на Централниот одбор на СДСМ на која претседателот и мандатар Димитар Ковачевски ќе ги презентира имињата за составот на владиниот кабинет, по што ќе продолжи соодветната процедура во Собранието. Лидерот на СДСМ и мандатар Ковачевски се очекува утре до Собранието да го достави предлогот за состав на владиниот кабинет и новата владина програма, а на крајот од неделава да се одржи собраниска седница за избор на владата. Во интервју за МИА, викендот, Ковачевски вели дека подготовките за новата влада се на самиот крај, а програмата и кадровските решенија се усогласени со коалициските партнери. -Нашата цел да составиме стабилна Влада со јасни принципи на делување е исполнета. Ваквата Влада ќе значи ефикасност во работењето и стабилност во решавањето на сериозните предизвици кои ни претстојат. Во однос на кадровските решенија, би рекол дека тоа се луѓе кои ги отсликува ефикасноста во работењето, имаат сериозен професионален капацитет, чесност и желба да работат за граѓаните и општеството. Социјалдемократските вредности и пристап во политиката се исто така одлика на новиот тим. Тоа се луѓе кои веруваат во еднаквоста и солидарноста, кои се борат за правата на ранливите, а правичноста е нивна карактерна особина, вели Ковачевски. Што се однесува до новиот владин состав и ресорите со кои ќе раководи СДСМ, тој не кажа имиња, но рече дека станува збор за тим од нови луѓе, но и докажани кадри од претходната влада кои имале добра реализација и резултати во своите ресори. Претседателот на државата Стево Пендаровски на Ковачевски му го врачи мандатот за состав на нова влада на 29 декември, по што почна да тече рокот од 20 дена, односно не подоцна од 20-тиот ден во кој мандатарот треба да го достави составот на новиот владин кабинет и на владината програма до Собранието. Ковачевски, по добивањето на мандатот, изјави дека планира владата да ја предложи околу 10-11 јануари, односно во пократок рок од уставно предвидениот. Претседателот на Собранието Талат Џафери во својата завршна годишна изјава на крајот од декември, лани, на новинарско прашање околу постапка за избор на нова влада, изрази надеж дека мандаторот нема да оди во крајните рокови и дека очекува таа да биде функционална на 17 јануари 2022 година. Согласно Законот за Влада, Владата ја избира и разрешува Собранието на Република Македонија со мнозинство гласови од вкупниот број пратеници. При предлагањето на составот на Владата, мандаторот предлага министри за секое од министерствата утврдени со закон и министри без ресор. Владата стапува на должност со денот на изборот.

Ангеловски ги избра стартните 11. за дуелот со Украина

Ивона Петрова — Thu, 17 Jun 2021 12:09:38 +0000

Со една измена во тимот од натпреварот со Австрија и тактички ротации во составот, македонската фудбалска репрезентација ќе се соочи попладнево од 15 часот со Украина, во вториот натпревар од групата Ц на ЕУРО 2020. Од воведниот натпревар против Австрија, во почетниот состав на „црвено – жолтите“ за денешната пресметка го нема напаѓачот Александар Трајковски, а на негово место селекторот Игор Ангеловски се одлучи за играчот за врска Стефан Спировски. На голот е стандардниот Столе Димитриевски, а во одбраната се Дарко Велковски, Висар Муслуи и Кире Ристевски. Средниот ред го сочинуваат Стефан Ристовски, Аријан Адеми, Бобан Николов и Стефан Спировски, додека Енис Барди е позициониран пред напаѓачкиот двоец Горан Пандев – Елиф Елмас.

Утре ќе се знае составот на македонската фудбалска репрезентација за Европското првенство

Магдалена Андонова — Wed, 19 May 2021 14:18:08 +0000

Селекторот Игор Ангеловски утре претпладне на прес-конференција ќе го објави составот со кој македонската фудбалска репрезентација ќе отпатува на Европското првенство. Ангеловски, како што е најавено, ќе ги обелодени во јавноста имињата на 26. фудбалери на кои ќе се потпре за натпреварите во групната фаза против Австрија, Украина и Холандија. Македонската репрезентација својот дебитантски натпревар на европските првенства ќе го игра на 13 јуни против Австрија во Букурешт. На 17 јуни во романската престолнина избраниците на Ангеловски ги очекува мечот против Украина, по што репрезентацијата се сели во Амстердам за дуелот против Холандија на 21 јуни. Пред заминувањето за Букурешт, македонската репрезентација на 1 јуни во Скопје ќе одигра пријателски натпревар против Словенија. (МИА)