Избрани членови на Советот на јавните обвинители

Дарко Андоновски — Tue, 16 Jun 2020 20:20:29 +0000

Комисијата за спроведување на избори за членови на Советот од редот на јавните обвинители денеска ги објави резултатите по извршениот избор од страна на јавните обвинители во Република Северна Македонија, по огласот објавен во Службен весник на РСМ бр.128/20 од 18.05.2020 година, од подрачјето на ВЈО Битола, ВЈО Гостивар, ВЈО Скопје, како и од посебната листа на кандидати на јавните обвинители припадници на сите заедници кои не се мнозинство во Република Северна Македонија за целата територија на Републиката, со изборни места како за општата листа. -За член на Советот од подрачјето на ВЈО Битола е избран Антонио Јолевски – јавен обвинител во ОЈО Битола, за член на Советот од подрачјето на ВЈО Гостивар е избран Фаик Арслани – јавен обвинител во ВЈО Гостивар, за член на Советот од подрачјето на ВЈО Скопје е избрана Фиданка Рајевска – јавен обвинител во ВЈО Скопје, за член на Советот од посебната листа на кандидати јавни обвинители кои не се мнозинство во Република Северна Македонија за целата територија на Република Македонија е избран Коле Штерјев – јавен обвинител во ВЈО Скопје, се наведува во соопштението од Советот на јавните обвинители на Република Северна Македонија.

Партизација во обвинителството: Партиските адвокати на СДСМ ќе бидат нови членови на Советот на обвинители

Ивана Ефремовски — Wed, 21 Feb 2018 13:45:33 +0000

Иако ветуваа професионалност и департизација судството, СДСМ со последните предлози за членови на советот на обвинители максимално го партизира ова тело. Партиските адвокати кои се членови на правниот совет на СДСМ, Ангеле Илиевски и Ангел Солев, се очекува да бидат нови членови на Советот на обвинители. Илиевски е познат по тоа што му беше адвокат на Зоран Верушевски во постапката “Пуч“ во која беше обвинет и премиерот Зоран Заев за кој подоцна СЈО го повлече тоа обвинение. Ангел Солев, пак, е поранешен претседател на Основниот суд Скопје и во еден мандат член на Републичкиот судски совет. Дали ваквото назначување на партискиот адвокат на Верушевски е награда за добро извршената работа останува непознато. Она што јавноста треба да го знае дека се врши директна партизација на сите нивоа во јавното обвинителство и во советот на обвинители. Инаку, Советот на јавни обвинители е моќно тело кое избрира и разрешува јавни обвинители. Овие партиски војници во иднина ќе имаат моќ преку својата партија да местат подобни обвинители за остварување на интересите на СДСМ и ставање под целосна контрола на правосудството. Нивниот избор треба да биде лесен зошто изборот го прави Собранието на Република Македонија, каде до сега без јавна дебата, ова партиско решение ќе помине многу лесно. Она што е симптоматично е што на ваквиот избор нема никаква реакција или пак некаков прес од невладините организации што се занимаваат со набљудување на ресорот правосудство.

совет на обвинители – Kurir.mk

Избрани членови на Советот на јавните обвинители

Партизација во обвинителството: Партиските адвокати на СДСМ ќе бидат нови членови на Советот на обвинители