совет за човекови права – Kurir.mk

Седница на Советот за човекови права на ОН на 11 мај посветена на Судан

Ивона Петрова — Fri, 05 May 2023 20:08:16 +0000

Советот за човекови права на ОН ќе одржи посебна седница на 11 мај за да ги испита кршењата на човековите права за време на конфликтот во Судан што избувна кон средината на април. Вонредниот состанок на главното тело на ОН за борба против кршењето на човековите права го свикаа вечерва претставниците на Велика Британија, Норвешка, САД и Германија, се наведува во соопштението и се додава дека ова барање било поддржано од 52 земји. , членки на Советот на ОН. Судирите во Судан избија на 15 април меѓу суданската армија и паравоените единици предводени од двајца ривалски генерали. Земјата е втурната во хаос по избувнувањето на крвавата борба за власт меѓу началникот на армијата Абдел Фатах ал Бурхан и неговиот ривал Мохамед Хамдан Дагал, кој ги предводи паравоените сили за брза поддршка. Според невладината организација ACLED, која се занимава со проценка на жртвите во конфликти, во тој конфликт загинале 700 луѓе, повеќе од 5.000 биле повредени, 335.000 се раселени, а 115.000 избегале од Судан. Високиот комесаријат на ОН за бегалци (УНХЦР) проценува дека 860.000 луѓе ќе побегнат од Судан.

Советот за човекови права при ОН ќе расправа за прекршувањата на правата во Иран

Ивана Ефремовски — Tue, 22 Nov 2022 09:34:55 +0000

Највисокото тело за заштита на човекови права при Обединетите нации неделава ќе одржи итен состанок за да го разгледа покренувањето меѓународна истрага за смртоносното задушување на масовните протести што го потресуваат Иран. Советот за човекови права на ОН в четврток треба да одржи специјална седница за „влошената ситуација со човековите права“, по барање на Германија и Исланд. Средбата ќе следи по двомесечните протести во Иран предизвикани од смртта на 22-годишната Махса Амини, откако таа беше уапсена за наводно кршење на строгите правила за облекување за жените врз основа на исламскиот шеријатски закон. Најмалку 378 луѓе, вклучително и 47 деца, се убиени во задушувањето на протестите, според податоците на норвешката група за човекови права Iran Human Rights (ИХР) Демонстрациите се проширија низ целата земја и прераснаа во широко движење против теократијата што владее со Иран од падот на шахот во 1979 година. Илјадници мирни демонстранти се исто така уапсени, според експертите за права при ОН, меѓу кои и многу жени, деца и новинари, а досега шест лица се осудени на смрт поради протестите. За време на седницата в четврток, дипломатите ќе ја разгледаат нацрт-резолуцијата претставена од Германија и Исланд со која се повикува Советот да започне меѓународна истрага за да ги разгледа сите наводни прекршувања поврзани со протестите во Иран. Независната меѓународна мисија за утврдување факти треба да ги вклучи „родовите димензии на таквите прекршувања“ во својата истрага, се вели во текстот. Нацрт-резолуцијата, која сепак може да биде изменета, ги повикува истражителите да „соберат, консолидираат и анализираат докази за таквите прекршувања и да ги зачуваат доказите“, со цел идно кривично гонење. Германската министерка за надворешни работи Аналена Бербок, која ќе биде присутна на седницата, неодамна на Твитер нагласи дека таквата истрага е клучна бидејќи „знаеме колку е важно за жртвите одговорните да одговараат“. Во нацрт-текстот, Техеран се повикува на „целосна соработка“ со истражителите, кои треба да поднесат извештај во март 2024 година. Групите за заштита на човекови права го поздравија одржувањето специјална седница. (МИА)

Блинкен побара на Русија да и се одземе членството во Советот за човекови права на ОН

Магдалена Андонова — Tue, 01 Mar 2022 15:37:33 +0000

Американскиот државен секретар Ентони Блинкен во видео обраќање до Советот за човекови права на ОН во Женева во вторник го постави прашањето дали Русија заслужува да остане членка на овој совет по нејзината инвазија на Украина. - Разумно може да се запраша дали една земја-членка на ОН која се обидува да заземе друга земја-членка на ОН, додека врши ужасни прекршувања на човековите права и предизвикува огромни хуманитарни страдања, треба да и биде дозволено да остане во овој совет, праша Блинкен во видео обраќање до највисокото тело на ОН за човекови права.