советничка група на вмро дпмне и коалицијата – Kurir.mk

Советничка група на ВМРО-ДПМНЕ во Град Скопје: Шилегов е единствениот градоначалник кој нема започнато капитален проект во својот мандат, а долгот го зголеми 8.5 пати

Дарко Андоновски — Mon, 14 Jun 2021 13:01:45 +0000

Шилегов е најнеспособниот градоначалник во историјата на Скопје. Тој е единствениот градоначалник кој нема започнато капитален проект во својот мандат, ова денеска преку соопштение до јавноста го истакнуваат од Советничката група на ВМРО-ДПМНЕ во градот Скопје.

-И Ристо Пенов и Трифун Костовски ќе ги паметиме по нешто, Коце Трајановски по многу, а само Шилегов по ништо. Всушност на Петре Шилегов сите ќе се сеќаваат како на градоначалникот кој не работеше ништо. Град Скопје има 8.5 пати поголем долг сега, отколку пред 4 години. Петре Шилегов го задолжи Скопје 8.5 пати повеќе, отколку што беше во времето на Коце Трајановски. Каде отидоа парите за кои Шилегов го задолжи градот?, прашуваат од советничката група.

Од таму додаваат дека градот е во долгови, а нема никаков капитален проект. Завршија ли сите буџетски пари во тендери и набавки на двојно или тројно претплатени стоки и услуги? 4 години Шилегов, 4 години украден живот. Доста е!

Советничката група на ВМРО-ДПМНЕ во Чаир бара родителите да се ослободат од надоместок на трошоците за престој во градинките

Дарко Андоновски — Wed, 17 Jun 2020 13:15:52 +0000

Советничката група на ВМРО-ДПМНЕ во општината Чаир преку статус на Фејсбук пишуваат дека преку предлог одлука бараат да се ослободат од надоместок на трошоците за престој во градинките на родителите од оваа општина. -На денешната одржана 39-та седница на Советот на Општина Чаир, советничката група на ВМРО-ДПМНЕ предложи дополнителна точка на дневен ред која се однесуваше на носење на Одлука за ослободување од надоместокот на трошоците за престој во установите што паѓа на товар на родителите, во ЈУДГ “Фидани“ - Општина Чаир – Скопје и ЈУДГ “Снежана“ – Општина Чаир – Скопје. Со оваа наша предлог одлука имаме за цел на сите родители без оглед на националната и етничката припадност да им олесниме во нивниот семеен буџет во овие тешки моменти со кои се соочуваме сите ние како жители на Општина Чаир поради пандемијата од Ковид -19. Одлука за ослободување од надоместокот на трошоците за престој во установите што паѓа на товар на родителите, во ЈУДГ “Фидани“ - Општина Чаир – Скопје и ЈУДГ “Снежана“ – Општина Чаир – Скопје беше одложена за една недела по инсистирање на дел од советниците и барање на Претседателот на Советот на Општина Чаир, поради финансиските инпликации кои оваа одлука ги носи со нејзиното усвојување. Владата предводена од СДСМ и Министерството за труд и социјална политика досега не презеде никакви мерки и активности за укажување и давање на предлог до сите локални самоуправи за носење на една ваква одлука, и со тоа најдиректно да им помогнат на овие родители и смејества, а не да плаќаат за услуга за која и релано не ја користат во овие изминати наколку месеци поради кризата со Ковид – 19 и носењето на уредба за затворање на градинките во цела Македнија, вклучувајчи ги и детските градинки во Општина Чаир. Почитувани Чаирчани, ние сме одговорна и државничка партија, партија која работи во интерес на граѓаните на Република Македонија, ние сме советничка група која своите мандати ги има добиено благодарение на вашите гласови и нашата основна обврска е да ги штитиме и да се залагаме за вашите интереси и потреби. Меѓутоа не наидовме на разбирање на послената седница на Советот и оваа предлог одлука не успеавме да ја донесеме која ќе беше од директна помош на родителите чии деца се запишани во овие градинки. Ние како советничка група на ВМРО-ДПМНЕ ќе продолжиме да работиме исклучиво за доброто и во полза на нашите сограѓани. Со почит, Советничката група на ВМРО-ДПМНЕ во Општина Чаир, стои во нивниот пост на Фејсбук. https://www.facebook.com/SovetniciVoOpsinaCairVMRODPMNE/posts/2670780969834025

Советничка група на ВМРО ДПМНЕ: Шилегов наместо да ги чисти, неконтролирано ги зголемува дивите депонии

Дарко Андоновски — Fri, 12 Jun 2020 08:33:57 +0000

Шилегов наместо да ги чисти, неконтролирано ги зголемува дивите депонии. Дента кога објави дека се чисти дивата депонија во Ново Село и Волково, на истата површина се создаде нова и сето тоа неказнето и со одобрување на градските власти, ова денеска преку соопштение до јавноста го истакнуваат од Советничката група на ВМРО-ДПМНЕ. -Фотографиите покажуваат дека депонијата постои, и дека дивите депонии се нерешлива енигма за скопскиот градоначалник Петре Шилегов. Толерирањето на депониите значи толерирање на нарушување на здравјето на граѓаните. Ќе потсетиме дека Шилегов вети пред да стане градоначалник чистење на големите депонии и зелено Скопје, но кај Шилегов зелени се само парите кои доаѓаат од матни тендери и сомнителни зделки. Бараме итен активизам и темелно чистење на депонијата во Општината Ѓорче Петров како и другите депонии. Прашање на време е кога ќе дојде до нова еколошка катастрофа. Депониите се закана за здравјето на скопјани, стои во нивното соопштение до јавноста.

Советничка група на ВМРО-ДПМНЕ: За Шилегов се е анонимно, дури и садењето на трева среде плоштад

Дарко Андоновски — Wed, 13 May 2020 12:16:32 +0000

Анонимноста на Петре Шилегов станува негов заштитен знак. Анонимно се плаќа Дино Мерлин во износ на 100 илјади евра за една вечер, кажува дека анонимни граѓани садат трева среде центарот на плоштадот, анонимно се полнат кантите со отпадоци, само не се анонимни недостатокот на резултати и неспособноста да се менаџира со градот, ова денеска преку соопштение до јавноста го истануваат од Советничката група на ВМРО-ДПМНЕ. -Петре Шилегов потфрли и не ги реализира клучните ветувања за Скопје еколошки град. Топ 5-те работи во екологијата кои ги вети ниту една не реализира. Шилегов вети Скопје град без смог, а реалноста е дека Скопје е еден од најзагадените градови во светот. Шилегов вети Скопје за Европска зелена престолнина во 2021 година, а Скопје во реалноста е измачена престолнина со најголемо загадување. И во 2019та беше одложена реализацијата на зелените коридори на Серава и Лепенец кои Шилегов во континуитет ги ветува уште од 2017 година Шилегов вети град со јавен превоз со електрични автобуси, со постојните дизел-автобуси конвертирани во еколошки автобуси на гас. Најавените еко-автобуси уште во 2018 не допатуваа ниту во 2019 година, иако беше кажано така. Пропадна и идејата за субвенции за приватни автобуски превозници за адаптирање на постојните автобуси со мотори на еколошки горива за што Град Скопје веќе втора година имаше издвоено дури 20 милиони денари. Едноставно, и годинава, како и лани, не се пријавил ниту еден заинтересиран превозник, потенцираат од Советничката група. Од таму додаваат дека Шилегов вети дека Водно ќе го врати на Скопјани, но Водно го даде на дрво сечачите и багерите. Шилегов вети справување со дивите депонии, но тој наместо отстранување создаде нови. Ова се резултатите од неговото владеење, се друго е гол популизам.

Советничка група на ВМРО-ДПМНЕ: Шилегов го уништува и узурпира Градот, за две недели одлуки за нови 423 партиски вработувања

Дарко Андоновски — Wed, 09 Oct 2019 07:44:03 +0000

За еден месец Шилегов донесе одлуки за нови вработувања на 423 партиски војници, и притоа бесрамно говори за стручна и ефикасна администрација, ова денеска преку соопштение до јавноста го истакнаа од Советничката група на ВМРО-ДПМНЕ. -Додека лее крокодилски солзи за Градската куќа и прави криминална зделка за нејзина продажба, не му е тешко да продолжи со узурпацијата и партиски да вработува. Имаме превработување и силување на институциите кои се туркаат кон пропаст. Како тргнал трендот на груба партизација и две згради колку онаа на ЕСМ нема да бидат доволни да ја згрижат гломазната администрација на Шилегов. Додека краде не заборава и да узурпира, потенцираат од Советничката група. Од партијата додаваат дека за само две седници на Советот на град Скопје Петре Шилегов предложи и од владејачкото мнозинство доби одобрение за нови 423 вработувања, од кои 186 директни вработувања во градот Скопје на определено и неопределено време, 73 во Водовод, и околу 170 во ЈСП. Ниту е зголемен обемот на работа на градот и јавните претпријатија, ниту пак Скопјани чувствуваат зголемен квалитет во добивањето на услуги од градот Скопје. Овие партиски вработувања се само згрижување на партиски војници кои ќе бидат на товарот на град Скопје и Скопјани. Информациите говорат дека над 1000 луѓе се вработени за две години владеење на Петре Шилегов. Наместо кон успеси Шилегов е свртен кон узурпирање и криминал. -2 години Крадоначалник Шилегов, 2 години лаги, криминал и неработа, додаваат од Советничката група.

Советничката група на ВМРО-ДПМНЕ во знак на протест ја напуштија седницата на која Шилегов планира отуѓување на градската куќа

Дарко Андоновски — Thu, 26 Sep 2019 11:42:25 +0000

Советничката група на ВМРО-ДПМНЕ и Коалицијата за подобра Македонија во град Скопје денеска ја напушти денешната седница во знак на протест поради одлуката на градоначалникот Петре Шилегов да ја стави на дневен ред точката со која планира отуѓување на градската куќа, дознава КУРИР. Ова значи дека Шилегов планира зголемување на буџетот на град Скопје се со една единствена цел вработување на нови партиски членови. Инаку неодамна велеше дека ВМРО-ДПМНЕ измислува дека започнал процес на отуѓување на новата градска куќа, а тој денеска итно ја стави на дневен ред точката дека ќе ја отуѓува градската куќа.

Советничка група на ВМРО-ДПМНЕ до Шилегов: Нема поголема злоба од тоа кога градот ќе го оставите без проекти, а на Бихаќка ќе кроите списоци за партиски вработувања во Градот

Дарко Андоновски — Thu, 26 Sep 2019 07:40:26 +0000

Кога Шилегов се жали за постоење на лажни вести сигурно мисли на неговите изјави дека ќе донесе чист воздух во Скопје, дека ќе ја продолжи Илинденска, а кејот кај ГТЦ наместо автопат ќе биде пешачка зона, дека билет за едно возење во ЈСП ќе добијат скопјани во септември, па кога ќе помине месецот, нема да биде важно што ја лажеше јавноста и ќе даде ново ветување за октомври, ова денеска преку соопштение до јавноста го истакнуваат од Советничката група на ВМРО-ДПМНЕ. -Таквата бесрамност за сопствениот срам и површност постои само кај Петре Шилегов. И кога не сме кај вистината, реалноста е дека Шилегов носи одлука за нови 350 партиски вработувања. Само денес на точка на дневен ред Советот ќе расправа за нови 186 вработувања во градската администрација, и тоа 110 на определено време, и 76 на неопределено време. И бидејќи Шилегов обвинува дека опозицијата била злобна, вистината е дека нема поголема злоба кога градот ќе го оставите без проекти, а на Бихаќка ќе се кројат списоци за нови вработувања во Градот Скопје на терет на граѓаните, потенцираат од партијата. Од Советничката група истакнуваат дека нема поголемо лицемерие кога од вработен како хаус мајстор во Општина Центар преку ноќ ќе направите раководител на сектор во Градот Скопје кој во слободно време гради згради во градот каде главен крадоначалник е Петре Шилегов. -И на крај нема поголемо промашување кога две години ќе управувате со градот, и две години ќе потрошите на лаги, криминал и неработа, додаваат тие.

Советничка група на ВМРО-ДПМНЕ: Власта и Шилегов да одговорат чии бизнис интереси штитат за еколошката катастрофа на Вардар

Дарко Андоновски — Mon, 23 Sep 2019 07:50:32 +0000

Советничката група на ВМРО ДПМНЕ во Градот Скопје бара сеопфатна истрага за еколошката катастрофа која се случи на реката Вардар и уништувањето на живиот свет во главната артерија на Скопје. -Ова не е изолиран инцидент, туку последица на континуирана негрижа на Градот Скопје и надлежните институции. Наместо парадерство на Шилегов, потребно е да се засукаат ракавите и да понудат конкретни решенија. Популизмот на Шилегов платен со парите на граѓаните не може да ја сокрие неговата неспособност и лукративност. Оттука во неделата кога Шилегов се фалеше со достигнувањата во заштитата на животната средина среде Скопје отровна хемиска супстанца предизвика помор на риби во реката Вардар. И ова не е прв пат да се предизвика вакво уништување на животната средина. Жителите во близина на еколошката катастрофа се жалат постојано на миризби и испуштање на токсични материи во водата, додека градските инспекциски служби не реагираат со што се ставаат во заштита на нечиви бизнис интереси наместо да го штитат здравјето на граѓаните, потенцира Советничката група на ВМРО-ДПМНЕ. Од таму додаваат дека Шилегов треба да одговори кој тоа во континуитет дозволува еколошка катастрофа и поради чии бизнис интереси тоа се толерира. Зошто за Градот Скопје бизнис интересите се поважни од здравјето на граѓаните? Кој бизнисмен власта го штити како бела мечка и дозволува еколошка катастрофа среде Скопје? -Петре Шилегов и надлежните државни институции се најнадлежни да го решат постојниот случај со еколошката катастрофа во Скопје. 2 години Крадоначалник Шилегов, 2 години лаги, криминал и неработа, стои во соопштението од Советничката група на ВМРО-ДПМНЕ.

Советничката група на ВМРО-ДПМНЕ апелира Шилегов да не прави гол популизам од проектот за изградба на вијадукт на Вардар и подземен тунел под Скопското Кале

Дарко Андоновски — Thu, 12 Sep 2019 08:00:22 +0000

Проектот кој е далеку од почетна градежна реализација треба да биде со одобрение на граѓаните и точна анализа дали истиот ќе ја наруши животната средина и ќе задира во историскиот заштитен локалитет Скопско Кале, апелира Советничката група на ВМРО-ДПМНЕ од град Скопје. -Советничката група на ВМРО-ДПМНЕ во Град Скопје не е против изградба на овој капитален проект кој како идеја постои повеќе децении, но единствено истиот да се реализира преку консултација на стручната и експертска јавност и јавна расправа на која ќе учествуваат жителите чии живеалишта се наоѓаат во непосредна близина на овој проект. Советничката група на ВМРО-ДПМНЕ ги поддржува барањата на граѓанските здруженија за одржување на јавна расправа на која ќе се чуе експертско мислење и ќе се изработат анализи за повеќе аспекти: Дали ваквиот проект ќе создаде загрозување на животната средина? Дали со тоа ќе се зголеми фрекфенцијата на возила и ќе го наруши квалитетот на живот на граѓаните чии живеалишта во самата близина? Како овој проект од бетон ќе влијае на загадувањето? Дали ова ќе биде бетонска џунгла или квалитетно сообраќајно решение? Дали поборникот Шилегов за зелено Скопје се претвора во создател на бетонска џунгла, и колку зелени површини со вијадуктот ќе бидат уништени? Дали ќе има загрозување на историскиот локалитет Скопското Кале? Дали зад ваквиот проект се крие можеби нечиј бизнис интерес? Во отсуство на проекти Шилегов има потреба од гол популизам но тој не смее да се одвива на грбот на скопјани. Потребно е низ еден транспарентен процес да се носат крупните одлуки за граѓаните на Скопје. Шилегов наместо политизирање и популизам треба да се посвети на работа. 2 години Шилегов, 2 години неработа, криминал и лаги, стои во нивното соопштение до јавноста.

Советничка група на Град Скопје: Шилегов да се откаже од набавка на нови коли, а владата од милионскиот бизнис со цвеќиња, за да се пошумат опожарените места

Дарко Андоновски — Mon, 09 Sep 2019 08:15:40 +0000

Иако календарски сеуште сме лето, Петре Шилегов буквално две години не е излезен од зимскиот сон и нема решено ниту еден крупен проблем, ова преку соопштение го потенцираат од Советничката група на ВМРО-ДПМНЕ. -Градот Скопје 2 години се соочува со елементарна непогода која се вика Петре Шилегов. 2 години Шилегов, 2 години неработа, криминали, и назадување. Советничката група на ВМРО-ДПМНЕ ја повикува власта да го прифати предлогот наместо пари за нови службени возила во градот Скопје, и наместо владата да троши над 700 илјади евра на цвеќиња и екибани, средствата да се пренаменат на пошумување на опожарените предели на Скопска Црна Гора. За жал вчера неработникот Шилегов не се откажа од комодитетот на нови службени возила, а Заев од милионските цвеќиња и екибани. Пожарникарите и понатаму остануваат без адекватна опрема, жителите од потенцијалните жаришта под ризик, а Скопјани ќе продолжат да дишат нечист воздух, потенцираат тие. Советничката група додава дека неработникот Петре Шилегов со приземниот речник и невкусните настапи наместо дворски шут, треба конечно да почне да биде градоначалник на сите Скопјани. Да се вразуми и да делува наместо за личниот интерес, за интересот на сите Скопјани. -Апелираме Шилегов да се откаже од комодитетите платени со државни пари а владата од милионскиот бизнис со цвеќиња и под итно да се донесе одлука за пошумување на опожарените места во околината на Скопје. Наместо неработникот Шилегов и владата да се молат да заврне дожд за да се справат со пожарите, нека ги засукаат ракавите и нека ги решат проблемите, стои во нивното соопштение до јавноста.