Советничка група на ВМРО-ДПМНЕ на Град Скопје – Kurir.mk

Советничката група на ВМРО-ДПМНЕ со хуманитарна акција за социјално ранливите категории

Дарко Андоновски — Thu, 26 Jan 2023 14:52:38 +0000

Советничката група на ВМРО-ДПМНЕ со хуманитарна акција за социјално ранливите категории. -Советничката група на ВМРО-ДПМНЕ и Коалицијата за Обнова на Македонија во град Скопје организираше хуманитарна акција за социјално ранливи категории на семејства и семејства на кои е потребна поддршка во овие тешки времиња. Ова е мал придонес и поттик за општествена одговорност спрема луѓето на кои им е потребно поголемо внимание и грижа, стои во нивниот пост на Фејсбук.

Советничка група на ВМРО-ДПМНЕ и Коалицијата: Најостро ги осудуваме заканите за физичка пресметка на директорот на Арсовска кон колегата Јаневски

Ивана Ефремовски — Thu, 29 Sep 2022 21:00:36 +0000

Советничката група на ВМРО ДПМНЕ и Коалицијата за Обнова на Македонија најостро ги осудува заканите за физичка пресметка упатени од Директорот на ЈСП поставен од Данела Арсовска, Александар Стојковски врз колегата советник Филип Јаневски. „Кога има недостиг на аргументи тогаш има закани, и уцени како израз на слабост и паника. Тоа говори дека Директорот на ЈСП поставен од Данела Арсовска, а кој доаѓа од партијата СДС, нема храброст да се соочи со аргументите. Тендер коалицијата на Арсовска со СДС, ГРОМ и крими поединци треба да каже дали ова е модерното Скопје кое скопјани го очекуваа? Арсовска да излезе од крими матрицата и да почне да работи за скопјани. Никој не ви се плаши“ - се наведува во реакцијата на советничката група.

Герила акција на Советничката група на ВМРО-ДПМНЕ во градот Скопје: „НЕ за БУГАРИЗАЦИЈА“

Дарко Андоновски — Mon, 11 Jul 2022 10:44:49 +0000

Советничката група на ВМРО-ДПМНЕ во град Скопје денеска со герила акција покажаа уште еднаш дека како и сите македонски граѓани, така и тие се против прифаќање на францускиот предлог. „НЕ за БУГАРИЗАЦИЈА!“ е нивниот слоган со кој денеска советниците излегоа пред говорницата на седницата во градот Скопје. Инаку и за денеска попладне е најавен граѓански протест за отфрлање на францускиот предлог.

Советничката група на ВМРО-ДПМНЕ во Град Скопје продолжува со спроведување на нови политики, отворен пристап, транспарентност, достапност на институциите и комуникација со скопјани

Дарко Андоновски — Wed, 02 Mar 2022 17:37:08 +0000

Советничката група на ВМРО-ДПМНЕ во Град Скопје почнувајќи од денеска започна со отворени средби со граѓаните се со цел приближување на граѓаните до работата на градот, реализација на проекти, како и директно запознавање на проблемите со кои се соочуваат. Ваквата иницијатива за отворени средби од страна на Советничката група на ВМРО-ДПМНЕ во Град Скопје која ќе се одвива секоја прва среда во месецот наиде на поздравување од страна на скопјани, кои на средбите заклучија е добра основа за отворен разговор, слушање на предлози идеи и проекти, но и проблеми со кои што се соочуваа изминатите четири години. На средбата голем број на граѓани посочија дека изминатите четири години биле запоставени од страна на локалните власти, а градот узурпиран од поединци, чија примарна цел било сопствениот интерес, а не решавање на сериозните проблеми и потребите на скопјани. Голем број на нерешени проблеми, нетранспарентност, нефункционалност на институциите под надлежност на градот, не реализација на проекти и немање на слух од страна на локалните власт се само дел од проблемите кои што денес советниците во Советот на Град Скопје од ВМРО-ДПМНЕ ги констатирале од разговорите со скопјани. ВМРО-ДПМНЕ и Советничката група во Град Скопје и понатаму продолжуваат со спроведување на нови политики и отворен пристап, се со цел поголема транспарентност, достапност на институциите и комуникација со граѓаните. Воедно, скопјани ќе можат своите предлози, проблеми и сугестии да ги достава и по електронски пат на: [email protected].

Советничка група на ВМРО-ДПМНЕ во Град Скопје: 2 милиони евра Шилегов сомнително потроши за скала, а не може сега да изгасне опожарена трева, ете толку е неспособен

Дарко Андоновски — Tue, 03 Aug 2021 20:11:39 +0000

Вечерва Скопје гори, додека Шилегов покажува еклатантна неспособност, oва вечерва преку соопштение до јавноста го истакнуваат од Советничката група на ВМРО-ДПМНЕ. -Речиси 2 милиони евра вложи во набавка на противпожарна скала, а не може да изгасне опожарена трева. Толку е непособен што водењето на градот го претвори во гол популизам, а кога има проблеми никаде го нема. Неспособноста ја надополнува криминогеноста. Власта на СДСМ станува елементарна непогода. Апелираме на трезвеност на граѓаните и на зголемена претпазливост. Власта не е во состојба да помогне на граѓаните, велат од советничката група.

Советничка група на ВМРО-ДПМНЕ во Град Скопје: Шилегов е најнеспособниот градоначалник што Скопје го имало, ништо што вети не реализира

Магдалена Андонова — Wed, 14 Jul 2021 10:55:46 +0000

Шилегов е најнеспособниот градоначалник што Скопје го имало, ништо што вети не реализира. Шилегов вети тунел под Кале, продолжување на булевар Илинден со мост преку Вардар кон Ѓорче Петров, реконструкција на Универзална, и многу капитални проекти, ништо од тоа не направи. Шилегов вети повеќе зеленило, а на терен гледаме се повеќе исечени дрвја, стои во соопштението на Советничката група на ВМРО-ДПМНЕ. Тие велат дека наместо да гради, Шилегов краде. - Со градски пари Шилегов купува противпожарно возило со скала кое е двојно поскапо од исто такво возило купено во град Загреб. Шилегов ја продаде градската куќа за 12 милиони евра, а никој не знае каде се парите, дали се потрошени и на што? Наместо капитални проекти, Шилегов се расфрла со пари за клупи од тропско дрво. Нема субвенции за инвертер клими таму каде што се потребни, но има на места каде не се користат загадувачки начини на греење по партиски клуч. Заедно со Богдановиќ, Шилегов ја овозможува бетонизацијата на строгиот центар на Скопје, и како најповикан не излезе со став и не се спротивстави, посочуваат од советничката група на ВМРО-ДПМНЕ. - Шилегов е толку неспособен, што единствен капитален проект му е хациендата во Маврово која си ја направи за себе. Со Шилегов Скопје застана и не се развива. Време е Шилегов да си замине. Време е за Македонија за сите луѓе, додаваат тие.

Советничка група на ВМРО-ДПМНЕ на Град Скопје: Петре Шилегов крои неразвоен и популистички ребаланс на буџетот на Град Скопје

Тале Кристо — Wed, 07 Jul 2021 06:30:13 +0000

Петре Шилегов крои неразвоен и популистички ребаланс на буџетот на Град Скопје, велат од советничката група на ВМРО-ДПМНЕ на Град Скопје. Шилегов ќе го задолжи градот за над 5 милиони евра, а пред само неколку месеца доби 12 милиони евра од продажба на градската куќа. Не се знае каде се 12 милиони евра од продадената градска куќа, на што со потрошени и кој одлучил така да се трошат? Во ребалансот Шилегов предвидува поголема ставка за плати за администрацијата, што значи или дека се планирани нови вработувања пред избори или поделба на К-15 пред избори, нешто што не е направено 4 години. И едното и другото укажуваат на злоупотреби на градските пари. И додека се расфрла со пари, Шилегов дава 2 милиони евра како субвенција за градските претпријатија, што укажува дека ако не е градот тие нема да можат да функционираат, што е показател за лошо и неодговорно менаџирање. Со Шилегов во Скопје смрди на криминал. Време е Шилегов да си замине. Време е за Македонија за сите луѓе!, се вели во соопштението на советничката група на ВМРО-ДПМНЕ на Град Скопје.