советничка група – Kurir.mk

ВМРО-ДПМНЕ: Арсовска создаде хаос, заборави на ветувањата

Ивона Петрова — Wed, 30 Nov 2022 07:36:11 +0000

Градоначалничката на Град Скопје, Данела Арсовска наместо да ги решава проблемие на граѓаните, таа создава нови проблеми. Наместо да биде сконцентрирана на реализација на својата програма, таа е сконцентрирана на создавање на конфликти. За кратко време создаде хаос во градот, велат од советничката група на ВМРО-ДПМНЕ и коалицијата во Град Скопје. Посочуваат дека Скопје е нечисто како никогаш до сега. Велат Арсовска се скарала со синдикатот на ЈП Водовод и Канализација, со синдикатот на ЈСП. -Доцни исплатата на платите во паркови и зеленило. Доцни исплатата на платите во Лајка. Се скара со приватните превозници. Во училиштата под Град Скопје владее хаос. Пожарникарите ги принудува да бидат чувари. Единствено со кого не се скара е со СДС. Оддеднаш заборави на матните зделки и криминалите на претходното раководство на град Скопје, предводено од кадрите на СДС. Ова коинцидира со контактите и средбите на Арсовска со Ковачевски и Јакимовски во Владата. Арсовска треба помалку да се занимава со политика а повеќе со решавање на проблемите на народот. Аросовска наместо со сплеткарења треба да засука ракави и да ги исполнува ветувањата кои ги даваше на граѓаните, се вели во нивното соопштение.

Советничка група на ВМРО-ДПМНЕ во Град Скопје: Бараме вонредна седница на Советот, нема да дозволиме Скопје да остане без јавен превоз

Ивона Петрова — Tue, 18 Oct 2022 10:57:47 +0000

Советничка група на ВМРО-ДПМНЕ и коалицијата во Град Скопје бара вонредна седница на Советот по случувањата со јавниот превоз во главниот град. -Очигледно дека власта на СДС и ДУИ потонаа во медарството на Данела Арсовска. Од многу заедничко медарање скопјани може да останат без јавен превоз. Ете така изгледа кога коалицијата Арсовска, СДС, ДУИ кохабитираат за Скопје. Советничката група на ВМРО-ДПМНЕ нема да дозволи неспособното и неодговорно однесување на владата, град Скопје, градоначалничката и раководството на ЈСП да ги остави граѓаните, студентите, учениците, пензионерите без јавен превоз и како советничка група бараме итна вонредна седница за спас на јавниот превоз, каде ќе доставиме одлука за префрлање средства на ЈСП и приватните превозници, се вели во нивното соопштение.

Советничка група на ВМРО-ДПМНЕ во Град Скопје: Антидатирањето на бројчиња во архива е кривично дело, директорите и даваат оставки поради нејзината неспособност

Тале Кристо — Tue, 13 Sep 2022 12:13:27 +0000

Вчера Арсовска на прес конференција ги пофали директорите на јавните претпријатија дека се на ниво на задачата и дека одлично ја извршуваат, а денес лаже кога вели дека ги разрешува поради несоодветно работење. Ниту понуда од Арсовска до директорите за доброволно заминување, ниту барање за оставка имало. Ја потсетуваме Арсовска дека антидатирањето бројчиња во архива е кривично дело, а лажењето на јавноста е лицемерие кое скопјани не го заслужуваат. Одлуките на директорите се последица на паниката на Арсовска дека никој не сака да соработува со градоначалничка која очигледно не е способна да донесе резултати кои ги вети. Ваквиот чекор е доказ дека власт по секоја цена и преку газење на принципи не е прифатливо за ВМРО-ДПМНЕ. Функцијата значи одговорност спрема граѓаните, реагираат преку социјалната мрежа на Фејсбук од Советничка група на ВМРО-ДПМНЕ во Град Скопје.

Советници на ВМРО-ДПМНЕ во Центар: Недомаќинско и енормно трошење на парите на центарци

Ивона Петрова — Sat, 04 Dec 2021 13:46:47 +0000

Советниците на ВМРО-ДПМНЕ и коалицијата, на последното гласање за Програмите за развој 2022-2024 на Општина Центар за 2022-2024 година, гласаа воздржано. Велат, причината за воздржаност се должи на тоа што овие програми за нив се нелогични, паушални и не ги отсликуваат вистинските потребите на граѓаните. -Дополнително она што нас не загрижува е недомаќинското и енормното трошење на парите на центарци. Она што би сакале да го издвоиме а е дел од Програмите за развој е следното: - Предвидени се фантастични 3 милиони евра за изградба на градинка во населбата Пролет, со што ја прави да биде најскапата градинка во историјата на Македонија - Предвидени се 850 илјади евра за монтажен паркинг во Капиштец без притоа да биде прецизирано план за истиот и за колкав капацитет е предвиден - Се предвидува исплата на паметен интегриран систем со 32 камери за 80 паркинг места што ќе чини општината односно граѓаните 150 илјади евра - За реконструкција на улица Мирослав Крлежа во должина не поголема од 600 метри предвидено е истата да чини 1,4 милиони евра пари на граѓаните, велат советниците. Посочуваат дека ВМРО-ДПМНЕ и коалицијата ќе бидат конструктивни и кооперативни кога се работи за интересот и доброто на граѓаните. -Но она што нема да го дозволиме и секогаш ќе реагираме е кога некој ќе се обиде на ваков начин да протне проекти, се со цел задоволување на нечии желби и потреби, се вели во соопштението.

Советничка група на ВМРО-ДПМНЕ во Град Скопје: Мрзливиот Шилегов ветуваше стоп за бетонизацијата, а сега за зградите кај Холидеј Ин молчи, кој е неговиот став?

Дарко Андоновски — Sun, 18 Apr 2021 07:02:22 +0000

Мрзеливиот Петре Шилегов да не се крие и да излезе да го каже својот став во врска со висококатниците спроти хотелот Холидеј Ин, ова денеска преку соопштение до јавноста го истакнаа од Советничката група на град Скопје на ВМРО-ДПМНЕ. -Целата јавност се крена по прашањето на бетонските градби кои треба да никнат во центарот на Скопје, а градоначалникот на градот нема став, и се надева дека никој нема да го праша. Ветуваа стоп за бетонизација, ронеше крокодилски солзи во опозиција, а сега молчи за високактниците кај Холидеј Ин. Нели СДСМ и мрзеливиот Шилегов ќе ја спречуваа бетонизацијата на Скопје и неконтролираното градење без запазување и заштитување на животната средина? Дали мрзеливиот Петре Шилегов, градоначалник на Скопје, е за изградбата на бетонските висококатници спроти Холидеј Ин или е против?, прашуваат тие. Од советничката група прашуваат и кој е ставот на Шилегов? Дали молчењето на Шилегов скопјани треба да го сфатат како одобрување за бетонските висококатници спроти Холидеј Ин? -Доколку мрзеливиот Шилегов е за изградба на висококатниците чесно е да го каже својот став. Скопјани заслужуваат да знаат, стои во нивното партиско соопштение до јавноста.

Советничка група на ВМРО-ДПМНЕ во Град Скопје: Шилегов кога веќе не може да се фали со изградени булевари и паркови ќе се фали со талибанско менување на имиња на улици

Дарко Андоновски — Wed, 24 Feb 2021 08:10:28 +0000

Шилегов кога веќе не може да се фали со изградени булевари и паркови ќе се фали со талибанско менување на имиња на улици, ова денеска го истакнаа од Советничката група на ВМРО-ДПМНЕ на град Скопје. -Менувањето на имињата на улици се прави на насилен пат, без квалитетна јавна дебата и со многу политика. Од ветениот зиплајн, луна парк, нови булевари, подземни сообраќајници, тунел под кале, Шилегов спадна да главен проект му е имиња на улици како Социјалистичка зора наместо Христо Батанџиев, 4 јули наместо Борис Сарафов, Бихакќа наместо Павел Шатев, Иво Лола Рибар наместо Теодосиј Гологанов. ВМРО-ДПМНЕ бараше повлекување на предлозите за имиња на улици и нивна разработка со сите надлежни фактори и вклучување на општествени авторитети, градски јавни личности, и институтот за историја при универзитетот Св. Кирил и Методиј. Шилегов овој предлог го одби. Предлозите за менување на имињата на улици сега чекаат одобрение од владата чиј идеен творец е. Апелираме истите да не се прифатат и да се прифати општествена јавна расправа, велат од советничката група.

Советничка група на ВМРО-ДПМНЕ: Шилегов докажа дека е ноторен лажго, самиот вети и излажа – Зиплјан, спуштена сообраќајница Мавровка, и езеро Треска

Тале Кристо — Sat, 23 Jan 2021 10:32:57 +0000

Вчера видовме бледо издание на градоначалникот Петре Шилегов, со други зборови на дело се виде како изгледа човек кој е класичен ноторен лажго., велат во своето соопштение од советничката група на ВМРО-ДПМНЕ во Град Скопје Пред изборите самиот Петре Шилегов ветуваше возообновување на езерото Треска и враќање на стариот сјај. Тоа беа негови зборови, а ВМРО-ДПМНЕ не го тепаше по уста самиот да се фали и ветува нешто за што денес гледаме дека излажа и се пере од одговорност велејќи дека не бил надлежен. Ако не бил надлежен тогаш зошто лажно ветуваше? Втората работа за која во вчерашното интервју Шилегов се обелодени дека излажа е подземната сообраќајница кај Мавровка. Иако пред изборите јавно ја ветуваше сега кажа дека немал да ја гради поради смешен изговор дека сметал плоштадот Скендербег. Овој плоштад е изграден уште пред Шилегов да стане градоначалник. Или Шилегов кога ветуваше подземна сообраќајница кај Мавровка ветувал од ракав, без стручна анализа и консултации или сега наоѓа изговори за да не го реализира овој капитален проект. Третата работа за која излажа е зиплајнот. Тој кажа дека нема да се гради од Калето до Градскиот парк затоа што бил опасен по здравјето на граѓаните. Ова требаше Шилегов да го знае кога го ветуваше овој проект. Сосема на крај кога ќе ги тргнеме капиталните проекти чија реализација е нула, Шилегов нема капитален проект, освен фотошоп клупите на кој се појави Сандерс. Што се однесува до договорот за лед осветлување со Телеком тоа е златната кокошка на Шилегов од која допрва јавноста ќе чуе за какви криминалци станува збор, стои во соопштението на советничката група на ВМРО-ДПМНЕ.

Советничка група на ВМРО-ДПМНЕ на Град Скопје: Скопје се гуши,загаденоста 5 пати над дозволеното, а Шилегов битно го украсува градот

Тале Кристо — Tue, 01 Dec 2020 21:43:22 +0000

Скопје се гуши! Загаденоста на воздухот е енормна, а концентрацијата на канцерогените ПМ10 честички во воздухот е и до 5 пати над дозволеното, велат преку соопштение од советничката група на ВМРО-ДПМНЕ на Град Скопје. Скопјани не дишат воздух, туку смог и смрт. Воздухот е презагаден, поминува уште една година, а Шилегов не одвои ниту денар за намалување на загадувањето, но затоа има половина милион евра за украсување и диносауруси во скопската зоолошка. Шилегов вети дека ќе го реши проблемот со загадувањето, а еве го преспа цел мандат и проблемот се уште не е решен. Од година во година загадувањето е се поголемо, нема нови зелени површини, нема инвестиции во енергетски ефикасни фасади, нема нов јавен транспорт или трамвај како што ветуваше Шилегов. Да го потсетиме Шилегов дека ова е последна зима како е градоначалник на Скопје, и дека треба да се потруди барем малку да влијае на намалување на загадувањето, за скопјани да дишат нормално, стои во сооштението на советничката група на ВМРО-ДПМНЕ.

Советничка група на ВМРО-ДПМНЕ на Град Скопје: Покрај ЈСП и шалтерите на ЈП Водовод стануваат нов корона кластер

Тале Кристо — Sat, 31 Oct 2020 13:57:37 +0000

За жал Градот Скопје е најпогоден од корона вирусот. Покрај тоа што автобускиот превоз на ЈСП преставува главен корона кластер, тоа од скоро ќе бидат и шалтерите на наплата на ЈП Водовод, велат преку соопштение од советничката група на ВМРО-ДПМНЕ на Град Скопје. Имено со одлука на управниот одбор на ЈП Водовод и поддршка на директорот Душко Весовски токму во моментите на најголема зараза со корона спроведуваат акција за наплата на заостанатите долгови за вода. Притоа заостанатите долгови мораат да се подмирен во исклучително тесен период од 2.11 до 15.12 односно за помалку од месец и половина. Тоа значи гужва на шалтерите на Водовод каде поради мерките за заштита и превенција од корона моментално има по еден сменски работник. Свесно или не, во трка по профит Водовод на Петре Шилегов ќе стане нов корона кластер во градот Скопје. Во исто време додека Весовски и Шилегов собираат арач од граѓаните и ги втурнуваат во опасност од корона, се слеваат стотици илјади евра за интелектуални и адвокатски услуги за адвокати и бироа на власта, а ЈП Водовод станува дувло на партиски вработувања, стои во соопштението на советничка група на ВМРО-ДПМНЕ на Град Скопје.

„Кога Шилегов троши над еден милион евра за прскање против комарци, а ќе се случи наезда и касапана, тоа се вика расипништво за кое мора да се одговара“

Ристе Здравков — Wed, 26 Aug 2020 07:12:42 +0000

Капитулацијата на градоначалникот на Скопје пред комарците ја покажува сета неспособност на градоначалникот и администрацијата во водењето на градот. Градот Скопје само оваа година ќе потроши 67.291.140 денари за прскање против комарци, односно еден милион и сто илјади евра а ефектот е никаков и преставува целосна капитулација. Кога Шилегов троши над еден милион евра за прскање против комарци, а ќе се случи наезда, тоа се вика криминал и расипништво за кое мора да се одговара, се вели во соопштението на опозициската ВМРО-ДПМНЕ. -Шилегов потроши над еден милион евра за ефект кој е еднаков на нула. Членот 353 од Кривичниот законик е јасен ако сторителот на делото со неизвршување на своето овластување и должност предизвика поголема имотна штета или потешка повреда правата на друг, истото ќе биде казнето. Оттука Шилегов и во најмала рака да имал најчесна намера еден милион евра ќе бидат потрошени, а ефектот е еднаков на нула за што мора да понесе одговорност. Смешни и неиздржани се оправдувањата како само прскањето против комарци во Скопје престанува да има ефект, а во сите други главни градови има резултати. Исто така неболузни се и несериозни тврдењата на Шилегов за некакви вонредни армии на комарци кои го изненадиле градот поради врнежливото време. Прво чекаа да настане проблемот па реактивно да се делува, истакнуваат ор опозицијата. Тоа е израз на неспособност на Шилегов и градот во справување против комарците, додаваат од таму.