советник – Kurir.mk

Љубовниот специјалист препорачува: Треба да излегувате на состаноци со ТРИ ЛИЦА ИСТОВРЕМЕНО

Ристе Здравков — Fri, 03 Jun 2022 06:14:51 +0000

Доколку го барате вистинскиот, магичниот број на додворувачи е – тројца. И тоа во исто време. Така полесно ќе дознаете што навистина барате кај идниот партнер. Дали ја знаете легендата за тоа како Златокоса ја пробала кашата од три чинии и едната била премногу ладна, другата премногу топла, а третата била таман? Сличен принцип може да се примени и за бројот на додворувачи, без разлика дали сте ги запознале во реалниот свет или преку апликација за запознавање: може да имате премногу малку, премногу и таман додворувачи во исто време како што препорачуваат експертите. Која е магичната бројка кога станува збор за бројот на луѓе со кои може да се воспостави значајна врска? Според еден експерт за запознавање, тоа се три лица. „Прво, да бидеме јасни, не се работи за искористување на луѓето“, вели Лорел Хаус, експерт за љубов. „Ако излезете со неколку, тоа не значи дека сте површни, неверни или искористувате луѓе, туку сакате да процените кој е вистинскиот пат. Кога сте во рана фаза со нова личност, кога само се забавувате, имате право да се поврзете со онолку луѓе колку што сакате, сè додека сите вклучени се свесни дека ова сè уште не е ексклузивна врска“. Но, зошто да излегувате со тројца луѓе – особено ако ве интересира само моногамна врска? Според Хаус, вообичаено е да се гледаат новите врски преку розови очила, давајќи му се од себе на потенцијалниот партнер, верувајќи дека тој е вистинскиот. Сепак, овој начин на размислување може да доведе и до фокусирање само на таа личност – дури и ако нема реални индикации дека нуди долгорочна компатибилност. „Излегувањето со само една личност може да создаде самонаметнат притисок дека работата мора да функционира бидејќи сите ваши јајца се во една корпа“, вели Хаус. „Кога излегувате со повеќе луѓе, обично ви станува појасно што навистина сакате од партнерот и помала е веројатноста да барате изговори за некои работи што не ги сакате или да игнорирате знаци дека нешто не е во ред. Но, таа не предлага врски со сите што ќе ги најдете на социјалните мрежи. „Комуникацијата со премногу мажи одеднаш може да ги затапе чувствата“, вели Хаус. Тешко е да се разбере како навистина се чувствувате ако ви е тешко да се сетите кој каков впечаток оставил, што може да се случи ако се гледате со премногу луѓе во исто време. „Тешко е да се поврзете со повеќе од тројца луѓе одеднаш бидејќи“, вели Хаус, „мора да бидете со отворено срце, присутни и свесни во секоја индивидуална врска“. За врската да има смисла, сите вклучени страни треба да имаат одредено ниво на искреност и ранливост една кон друга. Барем треба да можете да зборувате за тоа што го сакате, а што не сакате од потенцијалниот долгогодишен партнер, а веројатно не можете да споделите такви интимни детали со повеќе непознати и да се чувствувате добро поради тоа. На крајот на краиштата, целосно зависи од вас со колку луѓе всушност ќе се поврзете, под услов сè да биде договорено и безбедно. Но, ако сакате да остварите значајни врски, размислете за овој совет и изберете ги трите најдобри опции.

Советникот на СДСМ со возен парк од МИЛИОН ДОЛАРИ, ДКСК го разгледува случајот, во СДСМ не го виделе видеото

Ристе Здравков — Thu, 02 Jun 2022 11:45:25 +0000

Габриел Бајрам, син на починатиот Амди Бајрам, кој долги години беше пратеник во македонското собрание, глуми џет-сет на социјалните мрежи. Имено во текот на вчерашниот ден на социјалната мрежа Фејсбук излезе видео од роденденска прослава на синот на Габриел Бајрам, Валентин, а подарокот кој го доби за својот родененден од својот татко многумина ги остави со безброј прашалници во глава. [embed]https://kurir.mk/makedonija/vesti/dodeka-narodot-se-tepa-za-poevtin-benzin-gabriel-bajram-mu-kupi-mercedes-dzip-na-sinot-se-slaveshe-so-moeti-muzika-i-se-frlaa-evra-video/[/embed] Автомобил марка „Мерцедес Г-класа“, кој вреди помеѓу 150.000 и 180.000 евра, во зависност од опремата која ја поседува. Габриел Бајрам е советник од редовите на СДСМ во Град Скопје. Видеото на кое покрај овој Мерцедес, се гледаат уште неколку ултра-луксузни автомобили, меѓу кои и два ни помалку ни повеќе „Ролс Ројса“, кои пак се проценуваат дека чинат помеѓу 250.000 и 300.000 евра. Во неговата гаража можеа да се видат уште два Мерцедеси и неколку мотори. При давањето на подарокот, Габриел Бајрам и неговите пријатели наздравуваа со „Моет“, а едно шише од ова скапо шампањско беше искористено за полевање на џипот. Дрско, навидум безобразно, ако се земе во предвид актуелната ситуација во државата е еден функционер на ваков начин да се однесува во јавност. Но, тука се поставува прашањето, од каде толку пари на фамилијата Бајрам, дали се од некаков бизнис или пак тоа се пари од крипто валути, фарма за копање која пред само неколку месеци беше откриена во ГТЦ, а истата експресно беше дислоцирана, а за која до ден денес ниту една институција ништо не преземала. Став побаравме од првата антикорупционерка Биљана Ивановска, која за Курир вели дека ДКСК ќе постапи по овој случај, а доколку се утврди вина истата ќе биде соопштена. -Ние можеме да ја разгледаме по допрен глас информацијата и да ја провериме имотната состојба, односно што пријавил господинот, односно дали го пријавил тој возен парк или не. Тој може да се вади на тоа дека не се негови колите и затоа ние апелираме постојано дека е потребен закон за потекло на имот за да се знае како е стекнат секој вид на имот, со какви пари е стекнат. Ќе го разгледаме овој случај и ќе постапиме во рамките на нашата надлежност, рече во изјава за Курир, претседателката на ДКСК, Биљана Ивановска. Без закон за потекло на имот од ДКСК велат дека не можат да направат ништо. Став побаравме и од СДСМ, чии советник е Бајрам. Портпаролот на партијата Богданка Кузеска за Курир вели дека се уште го нема видено видеото иако истото беше објавено вчера. Но, ова не се единствените скандали на фамилијата Бајрам. Во минатото тие беа вмешани и во сообраќајната несреќа со автомобил марка „Масерати“, физички пресметки и други скандали. Случајот со автопералната во ГТЦ, како и со фармата со криптовалути во истиот трговски центар. Текстот може да го прочитате ТУКА Кој ја штити фамилијата Бајрам? За чии интереси таа работи? Ристе Здравков

Почина Аида Хоџиќ, советник во Општина Аеродром

Ивона Петрова — Thu, 08 Jul 2021 05:20:18 +0000

Советничката во Советот на Општин Аеродром, Аида Хоџиќ почина. Веста на Фејсбук ја објави градоначалник, а од неа преку социјалните мрежи се простуваат голем број роднини и пријатели. -Другарка која Општина Аеродром сакаше да е уште поубаво место за живеење. Другарка, секогаш насмеана која сакаше на сите да им помогне. Ќе ни недостигаш Аида. Почивај во мир, напиша на Фејсбук градоначалникот на Општината, Златко Марин. Нека почива во мир, сочувство.

Вучиќ: Советникот на Заев, Зоран Башановиќ е газда на пола Македонија

Тале Кристо — Wed, 10 Feb 2021 08:29:28 +0000

Еден од најблиските луѓе на претседателот на Србија, Александар Вучиќ, неговиот кум Никола Петровиќ, ја купил авиокомпанијата „Ер Пош“ од контроверзниот бизнисмен Станко Суботиќ, откриваат КРИК и ОЦЦРП. Според КРИК, оваа зделка е направена далеку од очите на јавноста – Петровиќ ја скрил зад оф-шор компанија регистрирана во Луксембург. Кумот на претседателот ја купил компанијата која е сопственик на авионот вреден повеќе од половина милион евра, судејќи според договорот, доста евтино, за само 100.000 евра, според КРИК. Запрашан за коментар, Вучиќ рече дека нема идеја што купува и што прави неговиот кум … -Тој е во приватниот сектор, тој отсекогаш бил богат човек. Имам и друг кум, Зоран Бажановиќ, кој купува телевизии со Џилас и заедно со Џилас денес ме уништува, имам многу кумови, но не знам што има тоа со мене. Човекот цел живот бил во приватниот сектор, немам ништо со тоа… Никогаш не сум имал приватен бизнис, никогаш не сум возел со неговите автобуси, авиони или што било друго… Ова е човек кој бил богат многу пред политиката, и единствената врска што ја имаше со државата е кога режимот на ДС му даваше дозволи за некои хидроцентрали: Во наше време, тој не доби ништо од тоа. „Она што го работи приватно е негова лична работа, рече тој. А го споменав другиот мој кум. И мојот кум (Зоран) Башановиќ – Гледам дека сите сили се обидува да ме сруши, а ја поседува половина од Грција и Македонија, да се каже метафорички. Верувајте ми – тој не доби ништо од мене, ниту може. Горд сум на фактот дека сега ќе се формира оваа комисија за испитување на имот, и ќе побарам да бидам барем во првите десет чиј имт ќе биде проверен, бидејќи сакам да им покажам на граѓаните колку многу ги почитувам – имотот не ми е зголемен во последните девет години, ниту имотот на моите блиски роднини … Немам сметки во ниту една странска банка, не ме интересира богатството, имам едно хоби, сакам да се напијам добро вино, но сега сум повеќе ориентиран кон „домашна“,рече тој. Вучиќ, исто така, истакна дека тој сè уште вози Шкода, -Кога ќе се обидам да избегам од безбедносните луѓе, најмногу сакам да возам со Синиша Мали“ и дека е регистриран кај неговиот брат, дека станува збор за автомобил од 2006 година.

Зоран Атанасов најави оставка од функцијата директор на АХВ, ќе биде советник на премиерот

Дарко Андоновски — Fri, 11 Dec 2020 10:48:15 +0000

Директорот на Агенцијата за храна и ветринарство (АХВ), Зоран Атанасов најави дека идната недела ќе поднесе оставка од функцијата. Како што соопшти денеска на прес-конференција, од премиерот добил понуда да биде советник за земјоделство, безбедност на храна, ветеринарна и фитосанитарна политика. -Имам понуда од претедателот на Владата да бидам советник од областа земјоделство, безбедност на храна, ветеринарна и фитосанитарна политика, што за мене претставува посебен предизвик, рече Атанасов. Зоран Атанасов беше директор на АХВ од јуни 2017 година.

И советникот во Белата куќа, Стивен Милер, позитивен на коронавирус

Тале Кристо — Wed, 07 Oct 2020 06:57:26 +0000

Советникот во Белата куќа, Стивен Милер, вчера соопшти дека е позитивен на коронавирус, што е најновиот случај на инфекција со вирусот во најблискиот круг на американскиот претседател Доналд Трамп. -Во последните пет дена работев од далечина и бев во самоизолација. Тестовите беа негативни секој ден се до вчера, рече Милер. Тој, исто така, изјави дека денеска тестот бил позитивен за коронавирус и тој заминал во карантин. Трамп во понеделеникот се врати во Белата куќа откако три ноќи мина во воената болница „Валтер Рид“ поради инфекција со коронавирус, повикувајќи ги Американците да не се плашат од него и да не дозволуваат да им го преземе животот. Пандемијата на коронавирусот досега во САД уби повеќе од 210 000 лица, повеќе отколку во која било друга земја. Заменик-секретарот на Белата куќа, Брајан Моргенштерн, за Си-Ен-Ен доцна синоќа изјави дека во Белата куќа нема нови случаи на инфекција со коронавирус, освен во случајот на Милер. Сопругата на Милер, Кети Милер, портпаролка на потпретседателот Мајк Пенс, беше позитивна на коронавирус во мај.

Советникот за брак ги сподели начините на кои решава проблеми и кавги со партнерот

Ристе Здравков — Fri, 21 Aug 2020 09:07:45 +0000

Дискусиите и повремените недоразбирања се составен и нормален дел од секоја врска. Да, дури и луѓето што ги сметате за пример кога станува збор за љубовните односи имаат кавги. Ако не можете да најдете заедничка основа со вашиот партнер и ако постојано се расправате и немате решенија, можеби проблемот е едноставно што не знаете како да се расправате. Ова, се разбира, не значи дека треба да се обидете да пронајдете заеднички јазик со личност за која сте сигурни дека повеќе не може едноставно да биде дел од вашиот живот затоа што вашите планови за иднината и погледите на светот се апсолутно различни. Но, има и парови кои едноставно стигнуваат до моментот кога им е потребна помош и разбирање повеќе од кога било. Во тој случај, не се откажувајте и следете четири едноставни совети од терапевтот за партнери Теми Нелсон. Не провлекувајте се среде расправија! Дискусиите и расправиите се многу тешки и исцрпувачки за двата учесника, но тоа не значи дека треба да се откажат. Дури и кога чувствувате ужасна тежина и напор, не одбивајте да зборувате за проблемот затоа што на тој начин никогаш нема да го решите. Дозволете си пауза и опуштете се, но не откажувајте се! Ако има премногу притисок, најдобро е да се оддалечите, да одморите и да размислите за сè. Премногу притисок може да предизвика да кажете нешто едни на други што не го мислите и меѓусебно да се повредите. Дозволете си пауза по што ќе се вратите на дискусијата. Немојте да се потсетувате на претходните расправии Дали знаете што може да ја направи тековната расправија уште полоша отколку што е? Сеќавајќи се на минати расправии и коментирање на лоши работи што се случиле во минатото, кои веќе сте ги решиле. Важно е да се фокусирате на она што ве мачи во моментов, враќање во минатото и да коментирате работи што немаат никаква врска со тековната тема, само ќе ги влошат работите. Не правете го тоа. Фокусирајте се на доброто Кавгите често се појавуваат во еден момент, а причината може да биде ситници како неизмиени садови или несогласување околу изборот на филм. Кога ваквите моменти се претворат во бесконечна дискусија, обидете се да ги запомните убавите работи. Д-р Нелсон вели дека во кавги за време на карантинот, самата се потсетила дека треба да биде благодарна што може да биде во близина на партнерот, дека тие се здрави и дека имаат луксуз воопшто да се расправаат затоа што многумина го немаат тоа. На тој начин ќе се смирите и ќе сфатите дека малите работи навистина треба да бидат и да останат само мали работи.

Оставка на советникот за национална безбедност на Мицотакис

Тале Кристо — Thu, 20 Aug 2020 06:55:04 +0000

Советникот за национална безбедност на грчкиот премиер Кирјакос Мицотакис, Александрос Диакопулос, си поднесе оставка, поради, како што вели „изјавата што предизвика забуна и создаде проблем за премиерот и Владата“, што во никој случај не било негова намера, јави дописничката на МИА од Атина. Диакопулос во понеделникот, за време на гостувањето во емисија на телевизијата „Open“ рече дека турскиот број „Оруч рејс“, извршил истражувања во Источниот Медитеран, но додавајќи дека „прашањето е сложено“. Оваа изјава беше спротивна од ставот на официјална Атина дека „Оруч рејс“ не започнал истражувања во рамиите на издадената навигациска информација (Navtex), која Грција смета дека е нелегална и опфаќа дел од нејзиниот континентален гребен. Кусо подоцна, советникот за национална безбедност на Мицотакис излезе со писмена изјава во која објасни дека во утринското интервју сакал да каже дека Турција се обидела да изврши, а не дека извршила. Грчкиот премиер Кирјакос Мицотакис ја прифати оставката на неговиот советник за национална безбедност.

Советник од кабинетот на Чулев позитивен на Ковид-19

Ивона Петрова — Wed, 10 Jun 2020 08:17:15 +0000

Министерот за внатрешни работи Наќе Чулев денеска на својот Фејсбук профил информираше дека советник од неговиот кабинет е позитивен на Covid 19. -Советникот не се инфицирал додека извршувал работни задачи, односно додека бил на работното место. Последен пат бил на работа на 2 месецов, а тестот го направил на 6 месецов, кога е потврдено дека е позитивен, пишува на ФБ Чулев. Последната негова средба со ова лице била на 24 минатиот месец. Досега ниту едно лице од Кабинетот на министерот не е во изолација.

Советникот на Димковски: Нема да има плата за вработените во Македонски шуми

Дарко Андоновски — Sat, 04 Apr 2020 16:36:00 +0000

Советникот на министерот за земјоделство шумартство и водостопанство Трајан Димковски од СДСМ, Томе Мојсовски им се заканува на над 3000 вработени во Јавното претпријатие Македонски шуми дека нема да земат плата. Имено, откако дополнителниот министер од ВМРО-ДПМНЕ Цветан Трипуновски пред само два дена објави дека над 3000 вработени во оваа институција немаат земено плата веќе два месеца укажувајќи дека се удира директно врз животната егзистенција над вработените и нивните семејства во овој кризен период, Мојсовски не почека да заврши вонредната состојба и од позиција на власт на неговиот официјален фејсбук профил упати низа навреди кон вработените окарактеризувајќи ги сите вработени како неработници и јавно им се закани дека нема да земаат плата бидејќи како што напиша мора прво да научат што е шума и да си ја одработат. Ова не е прв вакво случај каде што Мојсовски се заканува, имено пред само неколку месеци беше објавен телефонски разговор со едно лице од Охрид, каде што Мојсовски му порача дека доколку не се откаже од концесијата ќе сноси последици тој лично а и неговото семејство. До сега нема информација дека министерот за земјоделство, шумарство и водостопанство Трајан Димковски побарал одговорност за ваквото однесување од страна на неговиот советник Томе Мојсовски.