Советот за безбедност – Kurir.mk

Состанок на Советот за безбедност на ОН за Судан

Катерина Бојаџиева — Tue, 26 Oct 2021 07:13:35 +0000

Советот за безбедност на Обединетите нации (ОН) за денеска закажа итен состанок за државниот удар во Судан. Дипломатски извори доцна синоќа објавија дека консултации побарале САД, Велика Британија, Франција, Ирска, Норвешка и Естонија. Средбата е закажана за 16 часот по локално време. Суданската армија вчера ја презеде власта во земјата, го уапси премиерот и неколку министри и ја распушти преодната влада. Илјадници луѓе излегоа на улиците за да протестираат против државниот удар. Армијата отвори оган врз демонстрантите при што загинаа две лица, а 80 беа повредени.

Пендаровски: Советот за безбедност во четврток ќе одлучува за продолжување на вонредната состојба

Тале Кристо — Tue, 14 Apr 2020 08:48:09 +0000

Претседателот Стево Пендаровски смета дека ќе се прогласат нови 30 денови вонредна состојба, со оглед на состојбите до денес. Сепак одлуката ќе се донесе во четврток на состанок на Советот за безбедност кога изминуваат првите 30 денови од прогласувањето на вонредната состојба. -Шансите се извесни и големи да се прогласат нови 30 дена вонредна состојба бидејќи внатрешните состојби кои не ескалираат но не се значително редуцирани се уште побаруваат ваков тип ангажман од сите надлежни иснтитуции и ваков тип на состојба. Првпат вонредна состојба прогласивме во 30 години независна држава меѓутоа првпат и во светот се случуваат некои работи поврзани со пандемија на вирусот. Така, ако денес ги имам тие информации што се од надлежните институции, ако денес ме прашувате за одлука таа ќе биде во насока да се прогласат нови 30 денови, истакна претседателот Стево Пендаровски од Тетово. Тој ги посети армиските единици во касарната „Кузман Јосифовски Питу“ во Тетово, како и локалниот кризен штаб во општина Тетово. -Главна работа е како да направиме подобра синхронизација меѓу локалната самоуправа и Армијата чии припадници се вклучени во посебни задачи во услови на кризна состојба како во Дебар и Центар Жупа каде деескализира сосотојбата. Припадниците на Армијата кои беа на влезовите се повлечени на други локации. Освен тоа учествуваат во поддршка на МВР во дистрибуција на храна и лекови до загрозени, специјални единици во дезинфекција со оглед на ресурсите кои ги имаат дадени на општинските власти, истакна Пендаровски.

Вучиќ закажа седница на Советот за национална безбедност

Ивона Петрова — Thu, 21 Nov 2019 07:32:01 +0000

Шпионската афера ќе биде тема на седницата на Советот за национална безбедност која за денес во 18 часот ја закажа српскиот претседател Александар Вучиќ Пред седницата, Вучиќ ќе се сретне со рускиот амбасадор со кој ќе разговара за претстојната средба со Владимир Путин во Сочи, но несомнено и за аферата со рускиот разузнавач. БИА ја потврди автентичноста на снимката на која Георгиј Клебан наводно му дава пари на српски агент.

Членовите на Советот за безбедност на ОН се спротивставија на ставот на САД за еврејските населби

Тале Кристо — Wed, 20 Nov 2019 21:08:18 +0000

Членовите на Советот за безбедност на ОН остро го критикуваа ставот на САД дека еврејските населби повеќе не ги сметаат за кршење на меѓународното право. Тие истакнаа дека еврејските населби се нелегални и го поткопуваат потенцијалното решавање за израелско-палестинскиот конфликт, по модел на две држави. На месечниот состанок на Советот за безбедност на ОН за Блискиот исток, што се одржа само два дена откако американскиот државен секретар Мајк Помпео го објави ставот на САД, доминираа негативни реакции за новата американска политика. Кувајтскиот амбасадор Мансур ал Отаиби рече дека 14 членки денеска се согласиле за соопштение за медиумите во кое се вели дека еврејските населби се нелегални, оти поддржуваат решение за две држави, создавање независна Палестина покрај Израел и резолуцијата на Советот за безбедност на ОН од 2016 година. Не се согласи само една земја-членка – САД. Администрацијата на американскиот претседател Доналд Трамп во понеделникот објави дека израелските населби во Западниот брег повеќе не ги смета за кршење на меѓународното право, менувајќи го ставот на Вашингтон за ова прашање по четири децении. Американскиот државен секретар Мајк Помпео објави дека САД го отфрлаат правното мислење на Стејт департментот од 1978 година дека изградбата на населби на окупираните територии не е во согласност со меѓународното право. Помпео пред новинари во Стејт департментот изјави дека администрацијата на Трамп верува оти сите правни прашања во врска со населбите треба да ги решаваат израелските судови.