СОЗР – Kurir.mk

ДЗР го објави ревизорскиот извештај на тема „Попис на средствата, побарувањата и обврските на СОЗР“

Ивона Петрова — Wed, 05 Jan 2022 11:10:14 +0000

Државниот завод за ревизија (ДЗР) денеска го објави ревизорскиот извештај од извршената ревизија на усогласеност на тема „Попис на средствата, побарувањата и обврските на Службата за заеднички работи на Владата на Република Северна Македонија“. Како клучни утврдени состојби од ДЗР ги посочуваат: не се воспоставени внатрешна евиденција на недвижни ствари кои ги користи СОЗР и единица за внатрешна евиденција на недвижен имот, евидентирано недвижни ствари за кои недостасуваат вредности и истите не можат да бидат внесени во деловните книги, утврдени се разлики во количините и набавениот износ, побарувањата и обврските. Издадено е мислење дека пописот на средствата, побарувањата и обврските во СОЗР е нецелосен и во одредени сегменти не е постапено согласно законската регулатива. Клучните препораки од ДЗР се да преземе активности за воспоставување на внатрешна евиденција на недвижни ствари и да се достават предлози до Владата за да се добијат насоки за регулирање на нивниот правен статус, да преземе активности за утврдување на имотот и опремата, која се наоѓа на локации во други држави, да дадат појаснување за причините за настанатите кусоци, како и вишоци и разлики во побарувања и обврски према добавувачи.

Вработени во СОЗР: Требаше да почине наш колега, па во владините служби да се воведе двосменско работење

Ивона Петрова — Mon, 26 Apr 2021 07:25:01 +0000

Oд 20 април вработените во Службата за општи и заеднички работи во македонската Влада почнаа да работат во две смени. Причината за тоа е пандемијата. Предоцна, велат вработените во СОЗР. Пред една недела нивен колега починал како последица од ковид-19. Вработени во СОЗР ја информирале редакцијата на МКД.мк дека веќе подолго време укажувале на лошото менаџирање во Службата за општи и заеднички служби на Владата, дека веќе подолго време бараат да се преземат мерки, да се воведе ротирачко работно време, да се намали присуството на бројот на вработените по канцелариите, каде најчесто биле по петмина… „Апелиравме, се обидувавме да укажеме на опасностите, на можните кластери, шесмина од вработените беа заразени, но одговорот на раководните лица секогаш беше дека мора да се работи, дека имаат премногу работа, дека нема кој да работи… Не се дозволуваше да се оди во изолација, условите стануваа сѐ понехумани и, за жал се случи најстрашното. Почина наш колега, еден од најдобрите и најисполнителни државни службеници кој целата своја кариера ја посвети на развојот и напредокот на службата“, изјавиле за МКД.мк вработени во СОЗР. На 20 април, само 4 дена по погребот на вработениот, во канцелариите на СОЗР беше објавено решението за почеток на двосменско работење. Предоцна, велат вработените. Целиот текст на МКД.мк

Предизборни „подмачкувања“: Владата вработува во СЕП и во СОЗР, плата и до 39 илјади денари!

Љупчо Цветаноски — Thu, 09 Jan 2020 10:49:28 +0000

Владата планира да вработи 11 државни службеници во Секретаријатот за европски прашања. Во оглас кој е објавен преку Агенцијата за администрација на трети јануари годинава, се бараат 11 вработувања од Секретаријатот. Највисока плата од речиси 39 илјади денари, или точно 38.689 денари ќе зема државниот советник за координација на европски фондови и друга странска помош. Понатаму, се бараат и помлад соработник за внатрешни работи, виш соработник за слободно движење на услуги, помлад соработник за внатрешен пазар, советник за земјоделство и рурален развој, виш соработник за политика за земјоделство и рурален развој, помлад соработник за програмирање на образование, за животна средина, за евалуација за програмите за ЕУ, соработник за координација на билатерални програми, како и соработник за јазична ревизија, а најниската плата е 22 илјади денари. Претходно и Службата за општи и заеднички работи во Владата, на 27 декември лани, побарала да вработи шест лица, главно за советници, а платите таму ќе бидат и до над 26 илјади денари.

Владата ќе потроши астрономски 6,3 милиони евра за чистење и одржување

Предраг Кукиќ — Sun, 09 Sep 2018 09:35:04 +0000

Владата ќе плати астрономска сума на пари за тековно одржување и чистење на своите објекти. Имено, на системот за Јавни набавки има објавено 2 договори во кои како договорен орган стои Служба за општи и заеднички работи на Владата на Република Македонија и во овие огласи како предмет на договорите на јавна набавка стои тековно одржување и одржување на хигиена. Вкупната вредност на договорите изнесува 385 000 000 денари или околу 6,3 милиони евра. Претходно Службата за општи и заеднички работи на Владата на Република Македонија распиша тендер за хортикултурно одржување и уредување на објектите на државната управа. Проценетата вредност на истиот изнесува 41 милион денари односно околу 670 илјади евра. Исто така, неодамна СОЗР распиша и тендер за набавка на кафе во вредност од 45 илјади евра.

Тепачка во подрумот на Владата

Ивона Петрова — Tue, 20 Mar 2018 12:55:51 +0000

Две лица вчера физички пресметале во подрумските простории на Владата на Република Македонија. -Околу 11.00 часот во Секторот за внатрешни работи Скопје било пријавено дека во подрумските простории на Влада на Република Македонија, во пералните, М.Д. (34) и А.Н.(40), вработени во пералната односно во СОЗР, по меѓусебна вербална расправија физички се пресметале, информираат од МВР. Од полицијата додаваат дека се работи на расчистување на случајот.

Адвокатот на Доневски за Курир: Поднесовме жалба за мерката притвор

Ивона Петрова — Sun, 18 Mar 2018 09:56:10 +0000

По добивањето на решението за притвор, го искористивме законскиот рок од 24 часа и поднесовме жалба за изречената мерка од страна на судот, вели во телефонска изјава за КУРИР, адвокатот на Васе Доневски поранешниот директор на СОРЗ, Јанаќиевиќ. Триесет дневниот притвор е одреден бидејќи судијата на претходна постапка сметал дека Доневски може да влијае по двата клучни основи за одредување на истиот, односно да се даде во бегство и да влијае на сведоци. Адвокатот Јанаќиевиќ за КУРИР вели дека пред судот била презентирана и документација која потврдува дека Доневски не би се дал во бегство. -Доневски е познат, семеен човек, татко на две деца. Неговата сопруга е оперирана и тешко болна со намалена работна способност и намалено работно време, за што приложивме документација. Неговата ќерка е во 9-тиот месец од бременоста, а и тој има здравствени проблеми и за сето наведено пред судот ја приложивме соодветната документација. Дополнително, Доневски истакна дека нема роднини во странство, објаснува адвокатот на поранешниот директор на СОЗР кој се сомничи за злоупотреба на службената положба и овластувања. Тој нагласи и дека Доневски пред три месеци бил контактиран од Финансиската полиција, па доколку сакал можел уште тогаш да се даде во бегство, но тој соработувал со надлежните органи. -Доневски е професионалец. Пред околу три месеци кога телефонски го контактирале од Финансиската полиција, тој отишол и соработувал со нив. Во ниту еден момент не ја попречувал истрагата и соработувал со органите и на денот на претресот кој траеше неколку часа, вели Јанаќиевиќ. По однос на вториот основ, влијаење на сведоци, Јанаќиевиќ за КУРИР вели дека органите на прогонот ја имаат целосната документација за случајот за кој се сомничи Доневски, односно неправилности при тендерска постапка, па оттука е нејасно како и на кои сведоци може тој да влијае кога материјалните докази на кои се основа случајот се обезбедени. Адвокатот нагласи и дека на судијата на претходна постапка му бил понуден пасошот на Доневски како гаранција дека нема намера да се даде во бегство, но судијата не прифатил и ја одредил мерката 30-дневен притвор.

Приведувањето на Васе Доневски, брза одмазда на ДУИ кон ВМРО-ДПМНЕ за противењето за Законот за јазици

Ивона Петрова — Sat, 17 Mar 2018 09:59:33 +0000

Еден ден откако ВМРО-ДПМНЕ се спротистави на насилното донесување на законот за јазици во Собранието, финансиската полиција, со која раководи кадар на ДУИ, Арафат Муареми, поведе постапка против поранешниот директор на СОЗР, Васе Доневски. Еден ден по приведувањето за Доневски е побаран и притвор во траење од 30 дена. Кадрите на ДУИ во институциите очигледно видно револтирани од противењето на пратениците на ВМРО-ДПМНЕ да дозволат насилно донесување на законот за јазици и изјавата на претседателот Иванов, дека нема да го потпиште указот на законот, за истиот да стапи на сила, ја активирал желбата за одмазда кај ДУИ, прв на удар е Васе Доневски. Инаку во средата, на 14 март, владејачкото мнозинство СДСМ-ДУИ насилно без да го испочитува правото на амандманска расправана прратениците го прогласи законот за двојазичност за изгласан во Собранието на Република Македонија. прогласувањето следеше по едно прекинување на седницата по интервенција на пратениците на ВМРО-ДПМНЕ, кои недозволија да се гласа, по што Џафери ја прекина седницата и веднаш потоа набрзина го собра парламентарното мнозинство за да каже дека законот е изгласан. Веднаш реагираше претседателот Иванов, кој кажа дека нема да го потпише указот на законот и тој нема даможе да стапи во сила. Ваквото насилничко однесување беше осудено и од страна на западните дипломати во Република Македонија. Францускиот амбадасадор, Кристијан Тимоние, ја оквалификува состојбата во македонското Собрание како разочарувачка и кажа дека по настаните од 14 март, виси препорката од ЕУ. Гневот за докрај неуспешната реализација ДУИ го истура врз претставници на поранешната власт, мислејќи дека така ќе му се одмазди на ВМРО-ДПМНЕ за противењето против двојазичноста.

Приведувањето на Доневски, обид за дефокусирање на власта и Заев од насилното донесување на Законот за јазици

Ивона Петрова — Thu, 15 Mar 2018 18:40:21 +0000

Министерството за внатрешни работи го привелa Васе Доневски, поранешниот директор на Службата за општи и заеднички работи на Владата на Република Македонија, пишува Република. Во јуни, минатата година Владата на Република Македонија уште на почетокот го разреши Доневски и за нов директор на СОЗР го назначи Пеце Мирчески од СДСМ. Аналитичарите сметаат дека приведување на поранешниот директор на СОЗР, Доневски е обид за дефокусирање на јавноста од донесувањето на Законот за јазици со кој според многумина се разградува државата и е само почеток во федерализацијата на земјата. Причините за приведувањето не се познати, но се очекува и во наредните неколку дена да има слични „спектакли“ се со цел одвлекување на вниманието на јавноста.

Објавен огласот за продажба на блиндираниот „Мерцедес“

Ивона Петрова — Wed, 28 Feb 2018 11:55:25 +0000

Од денеска, па во наредните десет дена, сите заинтересирани домашни и странски правни и физички лица можат да поднесат пријава до Службата за општи и заеднички работи на Владата (СОЗР) за учество на јавното наддавање за блиндираниот „Мерцедес-Бенз С 600“. Почетната цена на наддавањето изнесува 14.372.208 денари и е одредена врз основа на направената проценка од стрна на Министерството за правда и Бирото за судски вештачења, а огласот е објавен во денешните изданија на весниците „Нова Македонија“, „Слободен печат„ и „Коха“. - Сериозноста на понудата заинтересираните ја гарантираат со доставување на банкарска гаранција во износ од два процента од проценетата вредност на возилото, односно 287.444 денари, прецизира директорот на СОЗР, Пеце Мирчевски, на денешната прес конференција во Владата. Тој посочи дека дополнителен услов за физичките лица е да бидат деловно способни, да не им е изречена правосилна пресуда за учество во злосторничка организација, корупција, измама или перење пари и да ги имаат платено сите даноци и придонеси кон државата. Правните лица, пак, треба да достават и тековна состојба, како и потврда дека не им е изречена казна за привремена или трајна забрана за вршење на дејност. - Заинтересираните лица ќе можат да го разгледаат возилото на 7 март во периодот од 10 до 15 часот на адресата Бул. „Гоце Делчев“ бб во гаражата на објектот на МРТВ. По истекот на рокот за доставување на понуди на 12 март Комисијата ќе има рок од три дена за евалуација на понудите, а јавното наддавање ќе се изврши на 16 март во 10 часот по пат на електронска аукција на интернет страницата на Министерството за финасии. Понудувачот кој ќе достави најповолна понуда во рок од 15 дена од добивањето на известувањето за избор ќе треба да ја уплати сумата преку сметка во банка во Македонија по што ќе се склучи договор за купопродажба во рок од пет работни денови по извршената уплата. Доколку купувачот не ја плати целосната сума договорот нема да се случи, а банкарската гаранција ќе биде активирана, рече Мирчески. Нагласи дека сите давачки кои ќе произлезат околу преносот на возилото и јавните давачки утврдени со закон ќе паднат на товар на купувачот. Дополнителни информмации заинтересираните може да се побараат на електрнската адреса [email protected]. Прашан со што ќе се превезуваат високите делегации кои ќе доаѓаат во земјава по продажбата на „мерцедесот“, Мирчески рече дека за безбедноста на странските делегации е задолжено МВР и додаде дека земјава располага со уште две блиндирани возила кои се во употреба и може да се користат за таа намена. МИА