сп 2019 – Kurir.mk

Аргентина го објави списокот за СП 2019 година

Ивона Петрова — Fri, 09 Aug 2019 10:23:21 +0000

Аргентинската кошаркарска федерација објави дванаесет имиња на кои Серхио Ернандез ќе смета на претстојниот Мундијал во Кина. Јужноамериканците се наоѓаат во групата Б, со екипите на Русија, Јужна Кореја и Нигерија. Во екипата се наоѓаат имињата на Факундо Кампацо (Реал Мадрид), Луис Скола (Шангај), Габриел Дек (Реал Мадрид), Лука Вилдоса (Басконија), Патрисио Гарино (Басконија), Нико Лапровитола (Реал Мадрид) и Нико Брусино (Реал Мадрид). Другите избраници за СП 2019 се Агустин Кафаро (Сан Лоренцо), Маркос Делија (Мурсија), Максимо Фелеруп (Сан Лоренцо), Тајавек Галичи (Регатас Кориентес) и Лусио Редиво (Бреоган). Доколку завршат како една од првите две американски екипи во крајниот пласман, Аргентинците ќе добијат виза за олимпискиот турнир во кошарка во Токио следната година. Ако тоа не се случи, тие ќе се обидат да заземат место во Јапонија по дополнителните олимписки квалификации.

Го изнесе на балконот штотуку родениот син за да ја прослави титулата на СП, а потоа следуваше делириум од целата нација (ВИДЕО)

Дарко Андоновски — Wed, 30 Jan 2019 14:30:41 +0000

Откако Данска го освои тронот на Светското првенство во ракомет оваа година, целата нација падна во делириум и славеше низ целата земја. Главна ѕвезда според очекувањата требаше да биде најдобриот играч и стрелец на Данска Микел Хансен, но не одеше се по планот. Откако целата репрезентација се појави на балконот во центарот на градот, стотината илјадници луѓе гледаа само во едно нешто.

View this post on Instagram

Eddie Max ? 05.01.19

A post shared by mikkelhansen24 (@mikkelhansen24) on Jan 6, 2019 at 7:57am PST

Синчето на Хансен кое е старо еден месец, а поради него ракометарот беше привилегиран да спие во својот дом, наместо да остане во базата на репрезентацијата за време на СП. Миленикот на нацијата ја израдува целата држава, а фотографии и видеа од настанот се уште се главна тема во Данска.

View this post on Instagram

❤️

A post shared by mikkelhansen24 (@mikkelhansen24) on Jan 29, 2019 at 9:23am PST

Данска нов светски ракометен шампион, Македонија шампионатот го заврши на 15. место

Катерина Бојаџиева — Sun, 27 Jan 2019 18:28:26 +0000

Репрезентацијата на Данска за првпат во историјата го освои шампионскиот трофеј на ракометните Мундијали. Ко-домаќинот на планетарниот собир на најдобрите селекции, вечерва во Хернинг во финалето го совладаа националниот тим на Норвешка со 31:22. Така, Данска конечно по три финалиња успеа да се искачи на ракометниот трон. Од друга страна Норвешка остана без златото во второто нејзино финале на Светските првенства. Победникот во финалето веќе се наѕираше по првото полувреме кое Данците го добија со седум голови (18:11). Хансен со седум голови беше најефикасен во победничкиот тим, додека ниту 10 погодоци на Јонедал не беа доволни Норвежаните да го избегнат поразот. Во предигра на финалето, Франција го победи вториот ко-домаќин на првенството Германија со 26:25 и го освои бронзениот медал. Македонија шампионатот го заврши на 15. место.

Франција подобра од Германија во дуелот за третото место на ракометниот Мундијал

Предраг Кукиќ — Sun, 27 Jan 2019 15:55:42 +0000

Репрезентацијата на Франција го освои третото место на ракометното Светско првенство. Французите попладнево во Хернинг во малото финале ја победија Германија со 26:25. Победничкиот гол беше дело на Никола Карабатиќ во последната секунда. Германците кои првпат на Мундијалот 2019 играа надвор од својата земја, не успеаја да дојдат до бронзениот медал и покрај водството на полувреме со четири голови разлика (13:9), а во последната минута имаа и напад за победа. Најефикасен во триумфот на „триколорите“ беше Мае со седум голови, додека во поразениот тим се истакна Геншајмер со шест погодоци. Од 17 часот и 30 ќе почне големото финале во кое се среќаваат ко-домаќинот на шампионатот Данска и Норвешка.

СП ракомет: Познати полуфиналните двојки

Предраг Кукиќ — Thu, 24 Jan 2019 07:25:07 +0000

По одигрувањето на натпреварите од последното коло во главната групна фаза, формирани се полуфиналните двојки на Светското првенство во ракомет што се одржува во Германија и во Данска. Во полуфиналните пресметки ќе се сретнат: Данска – Франција и Германија – Норвешка. Двата натпревара ќе се играат утре во Хамбург, првиот од 17:30 часот, вториот со почеток во 20:30 часот. Во дуелот за 5.место во Хернинг в сабота Хрватска се среќава со Шведска со почеток во 20:30 часот. Три часа порано исто така во дански Хернинг за 7.место ќе играат Шпанија и Египет.

СП ракомет: Данските судии признаа дека ја оштетиле Хрватска

Предраг Кукиќ — Wed, 23 Jan 2019 07:41:16 +0000

Данската судиска двојка Мартин Гјединг и Мадс Хансен јавно признаа дека ја оштетиле хрватската репрезентација на натпреварот со Германија. Хрватите го загубија мечот и со тоа шансите за полуфинале. Судиите во клучните моментите кога се одлучуваше победникот досудија пробивање од Карачиќ, наместо пенал за Хрватска. – Одлука која имаше големо влијание. Кога досудувате прекршок во напад, еден од критериумите е дефанзивецот да стои мирно. Тука не беше таков случај. Не ми требаше да ја погледнам снимката многу пати за да видам дека погрешив. Ние не спиевме мирно, затоа што таа одлука имаше големо влијание врз една репрезентација, изјави Гјединг. Неговиот колега, судија Хансен, дипломатски истакна: “Се разбира, тоа влијае на нашата гордост и професионализам во кој вложуваме секој ден. Сепак мислам дека силно се носевме со притисокот. Ако тоа не знаеме да го направиме, тогаш не ни е место на теренот.

Шпанија подобра од Бразил, Норвешка го доби скандинавското дерби

Ивона Петрова — Mon, 21 Jan 2019 19:26:18 +0000

Шпанската ракометна репрезентација оствари победа над Бразил со 36-24 (19-13) во натпревар од втората фаза од Светското првенство во Германија и Данска. Шпанија одигра одличен дуел во Келн и од почетокот до крајот ја имаше контролата на натпреварот. Бразил не ја покажа играта од мечот со Хрватска и докажа дека нема сили за евентуален пласман во полуфиналето. Најдобри во шпанската репрезентација беа Арино и Соле со по 6 постигнати голови, а кај Бразил најефикасен беше Лангаро со четири гола. Норвешка пак успеа да извојува победа во скандинавското дерби, откако триумфираше над Шведска со 30-27 (17-14), за која ова беше првиот пораз на Мундијалот. Швеѓаните се држеа добро во првото полувреме и се до финишот му парираа добро на противникот, кога нивните соседи успеаја да постигнат три гола по ред и да заминат со +3 разлика на паузата. Во второто полувреме Норвежаните ја направија клучната разлика, кога поведоа со 22-15, што беше и најголема предност на натпреварот. Шведска се врати во игра и по неколку грешки на противникот, намали на -2 негатива (28-26), но тоа е се што успеаја да направат и на крајот доживеаја пораз со 30-27. Најдобар кај Норвешка беше Јондал со 11 постигнати погодоци, додека кај Шведска, Нилсон и Ване постигнаа по 5 гола. МИА

Хрватска прими 8 гола со празен гол и загуби од Бразил, но најголемиот удар допрва следува: Лоши вести за Циндриќ

Ивана Ефремовски — Mon, 21 Jan 2019 12:31:47 +0000

Иако имаше одлична позиција пред стартот на втората фаза на СП во ракомет, сепак Хрватска направи кикс кога беше најмалку потребно и загуби од Бразил со 29-26 со што сега ќе мора да ги победи Германија и Франција за да игра полуфинале. Особено лошо „каубоите“ одиграа во нападот седум на шест па Бразилците постигнаа дури 8 погодоци на празен гол. Нивната предност во еден момент изнасуваше и 6 погодоци. Хрватска во финишот се доближи на еден гол но немаше сили да го избегне поразот и противникот се радуваше на триумфот од 29-26. Покрај вчерашниот неочекуван пораз од Бразил, хрватската репрезентација се соочува и со дополнителен проблем по информациите дека до крајот на шампионатот се поизвесно ќе се мора без еден од најдобрите ракометари Лука Циндриќ. Циндриќ се пожалил на повреда на полувремето од мечот со Бразил, па во продолжението не играше. Претходно ги пропушти и дуелите со Јапонија и со Македонија. -Циндриќ на полувремето ме извести дека не може. Тоа е голем хендикеп. Не можам се уште да кажам дефинитивно дали првенството за него е завршено, но ќе се знае во текот на денот, вели хрватскиот селектор, Лино Червар. А, прогнозите од лекарскиот тим не се добри. Иако неофицијално веќе внатре во хрватската репрезентација знаат дека СП за Циндриќ е завршено.

Борко уште еднаш “распали“ по Лино Червар

Ивана Ефремовски — Mon, 21 Jan 2019 08:30:51 +0000

Репрезентацијата на Бразил вчера приреди вистинска сензација на Светското првенство совладувајќи ја фаворизираната Хрватска. Бразилците така го направија најголемото изненадување досега на шампионатот. Познато е дека македонскиот голман Борко Ристовски не е во најдобри односот со селекторот на Хрватска, Лино Червар, па голманот овој пораз на Хрватска го искористи за „фаќање“ сеир на Червар.

Македонија го заврши настапот на СП, се огласи капитенот Лазаров

Ивана Ефремовски — Sun, 20 Jan 2019 13:59:56 +0000

Капитенот на македонската ракометна репрезентација, Кире Лазаров, по победата над Чиле (32-20) изјави дека многу е подобро да завршиш со победа отколку со пораз. -Овие натпревари се најтешки за играње, не решаваат ништо, но многу е подобро да завршиш со победа отколку со пораз и тоа против ривал како Чиле. Оваа победа ќе ни значи, без разлика на се. Добија шанси многу млади играчи, почуствуваа како е да се игра, како е кога мора да се победи, треба да им се честита, изјави Лазаров по мечот. Капитенот додаде дека во следните неколку дена ќе се анализира настапот на репрезентацијата, но сепак треба да се поправат грешките од овој Мундијал. Тој сепак изјави дека не е разочаран од играта и дека македонскиот тим има потенцијал. -Во текот на шампионатот со европските екипи во поголемиот дел од натпреварите бевме изедначени со шанси за победа, но денеска одигравме седми меч во 10-11 дена и треба да им се честита на сите, посебно на поискусните кои поминаа многу минути на теренот. Неможам да кажам дека сум задоволен, но не сум ни разочаран. Имаме ракометна традиција, ако се зафатиме со работа, имаме голем потенцијал во оваа репрезентација. За одреден период може да се направи селекција која ќе биде рамо до рамо со најдобрите во Европа, заврши Лазаров. Македонија по победата над Чиле го заврши шампионатот во Германија и Данска на 15 место. (МИА)