сп 2021 – Kurir.mk

Македонија денеска против Словенија за втора победа на СП

Ивона Петрова — Wed, 20 Jan 2021 10:10:56 +0000

Македонската машка ракометна репрезентација денеска ќе игра против репрезентацијата на Словенија од 15:30 во првото коло од главната рунда на Светското првенство. По победата над Чиле и без пренесен бод во главната рунда, нашата репрезентација ќе се обиде да најде систем и сила за нов подвиг. -Она што го очекувам е да се наметнеме со одреден квалитет, дисциплина и борбеност, ќе се обидеме да покажеме нешто што не го покажавме претходно, мора да бидеме и потрпеливи. Македонскиот ракомет се наоѓа во специфична ситуација, изјави Брестовац.

Брестовац бара борбеност: Египет има физички силна репрезентација

Ивона Петрова — Sat, 16 Jan 2021 13:38:17 +0000

Македонската ракометна репрезентација денеска од 18 часот игра против домаќинот на Светското првенство. Египет предводен од Парондо, кој добро ги познава македонските ракометари е фаворит. Македонија загуби од Швеска во воведното коло додека Египет беше подобар од Чиле. Селекторот на Македонија, Данило Брестовац бара од неговите ракометари посериозно да влезет во денешниот дуел и да покажат дека може да се носат со предизвикот како тим. -Египет има силна репрезентација со успешни резултати на големите натпреварувања. Станува збор за физички силна селекција против која може да имаме проблеми како се однесуваме како на натпреварот против Шведска. Против Швеѓание избегнуваваме контакти, физички дуели а во нападот не бевме на потребното ниво. Кога доаѓавме во позиција 1:1 нашите играчи не си помагаа, едноставно немаше тимски дух, кој се гради во младинските конкуренции, изјави Брестовац.

ВИДЕО: Тој е хит на Мундијалот, ракометарот на Конго со 110 кг. ја тресе противничката мрежа

Ивона Петрова — Sat, 16 Jan 2021 12:44:43 +0000

Покрај добрите натпревари кои ги нуди Светското ракометно првенство кое се одржува во Египет, светските медиуми не запираат со вестите поврзани за пивотменот на Конго. Гутје Мвумби Тјери стана вистински хит на социјалните мрежи. Тој има 26 години и 110 килограми (според податоците на ИХФ), а на натпреварот постигнал четири гола од четири обиди. Тој игра на позицијата пивотмен, висок е 1,92 метри, а медиумите веќе го нарекоа Гуливер меѓу Лилипутанците.

„Балкан Хендбол“: Многу води ќе поминат низ Вардар додека се роди новиот Лазаров, затоа уживајте и играјте за Кире

Ивона Петрова — Sat, 16 Jan 2021 09:03:04 +0000

Во својата колумна насловена „Играјте за Кире“ на порталот Балкан Хендбол, авторот Жика Богдановиќ одвојува дел и за Кире Лазаров и македонската ракометна репрезентација. Во продолжение ви пренесуваме дел од неговата колумна која во целост може да ја прочитате ТУКА. -И сега префрлете се во 2041 година и стариот „Kaaasaratov“ го постигнува својот 321321321 гол на големите натпреварувања, откако 22 години играше во Лигата на шампиони и беше „гол машина“, ја носеше својата просечна репрезентација на рамениците, 10 години по ред испаѓаше во квалификациите, добиваше шлаканици со својата генерација додека се уште на дланките се кршеа за’рѓаните шајки од оградата на скопката убавица „Кале“, свесен дека медалите се далеку, далеку, предалеку, се враќаше како „половина-човек“ во своите клубови. Дали можете да замислите? Него или било кој друг? Па, тешко. Тогаш сфаќате каква кариера имаше Кирил Лазаров. Тогаш сфаќате што овој човек направи. Тогаш сфаќате дека му нема пандан. Судбината на Македонија на ова натпреварување е горе-долу позната. Сериозен квалитет нема, играта не се наѕира, а говорот на телото не ветува. Товарот на плеќите е двомилионски и тоа се гледа. Ни трага задоволство, како да се веќе осудени на 40 години робија, па со секој гол се надеваат дека јавноста ќе им ја ублажи казната. А зошто, зошто сето тоа? Така нема да дојде ни до своите 100%. Секоја победа освен онаа против Чиле може да се смета за исчекор. Таква е моменталната ситуација. Она што останува за вечност е учинокот на човекот од четири декади. Многу води ќе поминат низ Вардар, многу златни зори ќе зазорат над Галичица, многу аплаузи ќе подели битолската публика кон генерации и генерации нови ракометари додека да се роди новиот Кирил Лазаров. Затоа уживајте и играјте за Кире, пишува Богдановиќ во својата колумна.

Македонија против домаќинот Египет оди на прва победа на СП

Ивона Петрова — Sat, 16 Jan 2021 08:23:09 +0000

Македонската машка ракометна репрезентација денеска против домаќинот Египет атакува на првата победа на Светското првенство. По поразот од Шведска во воведното коло, избраниците на Данило Брестовац имаат можност денеска од 18 часот да покажат дека пресметката со „Скандинавците“ беше само лош ден. -Не знам што да очекуваме од мечот со Египет. Кога имате млад тим многу е тешко да се претпостави како ќе одигра на следниот меч бидејќи секогаш има осцилации, изјави Брестовац. Македонија на минатото соочување со Египет на Медитеранските игри во јуни 2018 година загуби сo 34:29 а пред 22 години на Мундијалот Египет славеше со 30:24. Од нашата група денеска уште играат и Чиле е Шведска во вечерниот термин од 20:30.

Македонските ракометари вечер против Шведска ќе го имаат својот прв настап на СП 2021

Тале Кристо — Thu, 14 Jan 2021 08:55:47 +0000

Македонската ракометна репрезентација вечер од 20:30 часот ќе се сретне со Шведска во 1. коло од Г-групата на Светското првенство во Египет. Избраниците на селекторот Данило Брестовац право за настап на Мундијалот добија по откажувањето на чешката репрезентација и во Каиро пристигнаа на само еден ден пред натпреварот. Сепак, од таборот на нашата репрезентација се најавува максимална борба против фаворизираниот противник. За „црвено-жолтите“ ова ќе биде седмо Светско првенство на кое ќе се претстават во подмладен состав, но тука ќе биде капитенот и најдобар македонски ракометар на сите времиња Кирил Лазаров. За да се помине групата во која ќе бидат уште домаќинот Египет и Чиле, најверојатно доволна ќе биде само една победа. На првиот меч одигран вчеравечер Египет го победи Чиле со 35:29.

Ракометниот Мундијал во Египет без публика

Дарко Андоновски — Sun, 10 Jan 2021 21:06:36 +0000

На денешниот состанок на организациониот комитет на СП 2021 година, на кој присуствуваше и претседателот на Меѓународната ракометна федерација (ИХФ) Хасан Мустафа, беше одлучено турнирот да се одржи со празни трибини поради закана од ширење на коронавирус, објавено е на официјалната веб-страница на турнирот. За потсетувње, првично претставниците на организацискиот комитет одобрија прием на навивачи во број триесет проценти од капацитетот на трибините, па потоа бројката беше спуштена на дваесет проценти. Ова предизвика разни реакции кај играчите и тренерите. Некои од нив се заканија дека поради страв од инфекција нема да отпатуваат во Египет.

Македонските ракометарки во првиот дел за извлекувањето на претквалификациските групи за СП 2021

Тале Кристо — Wed, 08 Jul 2020 11:05:43 +0000

Македонската репрезентација е дел од првиот шешир за претстојното извлекување на претквалификациските групи за женското ракометно Светско првенство во Шпанија што ќе се одржи во период од 1 до 19 декември 2021 година. Во првиот шешир се уште и: Австрија, Белорусија, Словачка и Турција. Втор шешир: Украина, Италија, Исланд, Швајцарија и Португалија. Трет шешир: Литванија, Фарски Острови, Косово, Израел и Финска. Четврти шешир: Грција и Луксембург. Извлекувањето на квалификациските групи за СП 2021 е закажано за денес од 15 часот во Виена. Термините на одигрување на натпреварите се од 27 до 29 ноември или од 4 до 6 декември. Ќе се формираат пет групи (две со по четири, три со по три селекции), а прво и второпласираните обезбедуваат место во баражот. (МИА)