сп 2030 – Kurir.mk

Мароко е дел од европската кандидатура за организација на СП 2030

Бошко Тасиќ — Wed, 15 Mar 2023 05:45:50 +0000

Кралот на Мароко, Мохамед Шести, денеска објави дека неговата земја заедно со Португалија и Шпанија, ја поднесоа кандитатурата за организација на Светското првенство што треба да се одржи во 2030 година. „Пред вашето собрание објавувам дека Кралството Мароко одлучи да поднесе заедничка кандидатура со Шпанија и Португалија за организација на Светското првенство во 2030 година“, се зборовите на мароканскиот крал. Со поднесувањето на кандидатурата, Украина дефинитивно отпадна од можноста да биде еден од коорганизаторите на Мундијалот во 2030 година. Во октомври минатата година, претставници на Фудбалските федерации на Украина, Шпанија и Португалија, објавија дека планираат да поднесат заедничка кандидатура. Но, бидејќи војната во Украина сè уште трае, а ќе бидат потребни долги години за обнова на земјата по завршување на војната, Украина отпадна од заедничката кандидатура и на нејзино место влета Мароко. Мароко досега неколку пати се кандидираше за организација на СП, а најблиску до добивање на можноста да биде домаќин на најдобрите светски репрезентации беше во 2010 година кога во финалниор круг од гласањето загуби од Јужна Африка. Досега официјална кандидатура за организација на СП 2030 година, поднесоа четири земји од Јужна Америка, Аргентина, Чиле, Парагвај и Уругвај. Тие се надеваат дека ја добијат организацијата на СП бидејќи во 2030 година, ќе бидат точно 100 години од првото Светско првенство кое се одржа во Уругвај. Следното Светско првенство ќе се игра во 2026 година, а организатори се САД, Мексико и Канада.

Грција, Саудиска Арабија и Египет ќе се кандидираат за домаќини на Мундијалот во 2030

Тале Кристо — Fri, 09 Sep 2022 15:12:32 +0000

Саудиска Арабија, Грција и Египет ќе поднесат заедничка кандидатура за организација на Светското фудбалско првенство во 2030 година, објави денеска лондонски Тајмс Доколку ФИФА ја прифати нивната кандидатура, СП 2030 би бил прв Мундијал во историјата одржан на три различни континенти. Саудиска Арабија би била главен финансиски покровител на Мундијалот 2030, кој како и претстојното СП во Катар би се одржал во зимски термин. Заедничка кандидатура за организација на СП 2030 досега најавија Португалија и Шпанија, како и четири држави од Јужна Америка – Уругвај, Чиле, Парагвај и Аргентина. Желбата на јужноамериканските кандидати е да ја добијат организацијата на стогодишнината од првиот СП, чиј домаќин во 1930 година беше Уругвај.

Петнаесет шпански стадиони сакаат да бидат домаќини на СП во 2030 година

Бошко Тасиќ — Sun, 17 Jul 2022 10:40:11 +0000

Шпанскиот фудбалски сојуз ја потврди информацијата дека вкупно петнаесет шпански стадиони поднеле понуда за домаќини на Светското првенство, додека во Португалија би се организирале натпревари на три стадиони.

„Ова е најважниот проект што Шпанија ќе го преземе во следните неколку години“, изјави претседателот на Шпанскиот фудбалски сојуз, Луис Рубиалес, по состанокот на кој се разговараше за понудата и презентирање на списокот со кандидати.

Покрај стадионите на Барселона, Реал Мадрид и Атлетико, кандидати се и стадионите во Виго, Ла Коруња, Хихон, Билбао, Сан Себастијан, Сарагоса, Валенсија, Мурсија, Севиља, Малага, Лас Палмас и стадионот на Еспањол во Барселона.

Шпанија и Португалија излегоа со заедничка кандидатура за СП 2030 година

Бошко Тасиќ — Sun, 06 Jun 2021 06:52:04 +0000

Шпанија и Португалија заеднички вчера влегоа во трката за организација на Светското првенство во 2030 година, со кое ќе се одбележи еден век од Мундијалите, откако најпрестижниот фудбалски турнир почна да се игра од Монтевидео во 1930 година. Церемонијата на заедничката кандидатура беше одржана каде шпанскиот крал Фелипе шести и претседателот на Португалија, Марсело Ребело де Соуса го потпишаа меморандумот и договорот за заедничка кандидатура. „Одиме 2030“ е мотото на кандидатурата, а моментот е избран со пријателскиот меч како одбележување на еден век од првиот пријателски меч на двете соседни пиринејски држави. „Двете земји сакаат да изразат желба и посветеност за организација на Светското првенство во 2030 година“, објавија ко-кандидатите.

СП во Катар ќе се игра догодина, а САД, Мексико и Канада ќе го организират првиот Мундијал со 48 селекции во 2026 година. Засега официјално нема други кандидатури, а во најава е заедничката на Велика Британија и Р. Ирска, како и јужноамериканската на Аргентина, Уругвај, Парагвај и Чиле, со тоа што Монтевидео би бил домаќин на завршницата со цел да се одбележи стогодишницата од првото СП во уругвајската престолнина.

Четири јужноамерикански земји ја посакаа организацијата на СП 2030

Ивона Петрова — Fri, 15 Feb 2019 10:56:32 +0000

Претседателот на Чиле, Себастијан Пињера, објави дека неговата земја подготвува заедничка кандидатура за Светското првенство во 2030 година со Аргентина, Уругвај и Парагвај. – Пред неколку месеци, предложив на претседателите на овие три земји да се приклучат на апликацијата на Чиле и да поднесеме заедничка кандидатура за Светското првенство. Предлогот беше одобрен, пишува Пињера на Твитер. За заедничката кандидатура било разговарано со јужноамериканската фудбалска федерација КОНМЕБОЛ и беше одобрена. Со организацијата во 2030 година, земјите сакаат да одбележат век од спроведувањето на првото Светско првенство во Уругвај во 1930 година. Апликација за заедничка организација исто така поднесоа до Бугарија, Грција, Романија и Србија. Од 2026 година, бројот на земји што учествуваат на светските шампионати ќе се зголеми на 48. МИА

Шпанија заедно со Мароко и Португалија сака да биде домаќин на СП 2030 година

Ивона Петрова — Mon, 19 Nov 2018 17:32:36 +0000

Премиерот на Шпанија, Педро Санчез предложи на Мароко, заедно со Португалија да се кандидираат за домаќини на Светското првенство во фудбал во 2030 година, објави весникот „Ел Паис“. Шпанскиот премиер во моментов е во посета на Рабат и одржа неколку состаноци со претставници на мароканските власти. Санчез, исто така, се очекува да биде примен од страна на кралот на Мароко, Мохамед Шести. Според „Ел Паис“, Рабат ја поддржува иницијативата на шпанската страна за кандидатурата на трите земји. Подготвеност да го организираат Светското првенство во 2030 година веќе изразија Египет, како и Аргентина, Уругвај и Парагвај. Бугарија, Грција, Србија и Романија исто така можат да аплицираат заедно за Светското првенство во 2030 година. МИА

Јужна Кореја ќе ги покани Северна Кореја, Кина и Јапонија заеднички да го организираат СП 2030

Дарко Андоновски — Thu, 13 Sep 2018 07:10:35 +0000

Јужна Кореја ќе ги повика Северна Кореја, Кина и Јапонија да поднесат заедничка апликација за организација на Светското првенство во фудбалот во 2030 година.

Претходно, намерата заеднички да бидат домаќини на Мундијалот во 2030 година од европскиот континент најавија Велика Британија со Ирска, како и Шпанија со Португалија.

Од Африка таква иницијатива имаат Мароко, Алжир и Тунис кои планираат да достават заедничка апликација.

И од јужноамериканскиот континент има најава за здружена апликација за добивање на Мундијалот 203. Станува збор за Аргентина, Уругвај и Парагвај.

Од Јужна Кореја сакаат заеднички со Северна Кореја бидат домаќини и на Олимпијадата во 2032 година.