сп катар – Kurir.mk

Алфонсо Дејвис – од бегалски камп до СП во Катар

Катерина Бојаџиева — Thu, 24 Nov 2022 18:04:07 +0000

Клучен играч на канадската фудбалска репрезентација е 22-годишниот крилен напаѓач Алфонсо Дејвис зад кого е неверојатна животна приказна – од раѓање во бегалски камп во Гана до настап на Светското првенство во Катар. Алфонсо Дејвис е роден во бегалски камп во Будурама во Гана, како четврто дете во семејство кое пребегнало од главниот град на Либерија, Монровија, за време на Втората либериска граѓанска војна која расели повеќе од 450.000 Либеријци. -Тоа беше тешко време. Додека растев слушајќи ги тие приказни, само сакав да создадам подобар живот за моето семејство, се присетува Дејвис. Заедно со семејството во 2005 година емигрирал во Канада, населувајќи се во Едмонтон. Дејвис во 2017 година добива канадско државјанство, а истиот ден е приклучен на репрезентацијата во пријателскиот натпревар против Куракао. Со 16 години стана најмлад играч кој настапил во американската МЛС лига, а две години подоцна се пресели во германскиот гигант Баерн Минхен, со кој досега освои 12 трофеи. -Не дозволувајте му на никого никогаш да ви рече дека вашите соништа се нереални. Продолжете да сонувате, порача Дејвис пред настапот на Мундијалот во Катар на кој Канада вчера незаслужено загуби од Белгија (0-1) во воведниот натпревар, а во рамки на групата Ф и престојат дуели со Хрватска и Мароко.

Утрешниот ден државен празник во Саудиска Арабија

Катерина Бојаџиева — Tue, 22 Nov 2022 19:51:07 +0000

Саудискиот владетел, кралот Салман, го прогласи утрешниот ден за државен празник во земјата по повод денешната сензационална победа на фудбалската репрезентација на Саудиска Арабија над Аргентина (2-1) на Светското првенство во Катар. Среда ќе биде неработен за сите вработени во јавниот сектор, а затворени ќе останат и училиштата и факултетите. Саудиските власти, исто така, соопштија дека влезот во три забавни паркови во земјата утре ќе биде бесплатен за сите. – Илјадници честитки, јунаци, се огласи на Твитер, саудискиот министер за спорт Абдалазис бин Турки Ал-Фајсал, по триумфот на националниот тим над Аргентина. Секој саудиски репрезентативец за победата која силно одекна во фудбалскиот свет ќе биде награден со по 1.5 милиони долари.

Меси ќе даде сè од себе да го освои СП во Катар

Ивона Петрова — Wed, 02 Nov 2022 11:06:10 +0000

Еден од клучните луѓе за трансферот на Лионел Меси во Барселона на почетокот на овој век Фабијан Солдини изјави оти аргентинскиот капитен ќе даде сè уште од себе да го подигне пехарот на претстојното Светско првенство во Катар. Солдини беше првиот менаџер во кариерата на Меси и еден од најодговорните за неговото доаѓање во Барселона во 2000 година. – Кога бев во неговиот дом во 2015 година, а претходно речиси десет години се немавме видено, тој ми рече: „Фаби, една година се будев среде ноќ размислувајќи за финалето на СП против Германија. Не можам да спијам, обелодени Солдини во интервју за аргентинскиот сајт „Infobae.com“. Германија во финалето на СП2014 ја победи Аргентина на пенали и ја освои титулата светски првак. – Аргентина е неговата љубов, Ниту Нувелс, ниту Барселона, ниту ПСЖ. Тој ја сака својата репрезентација … Меси живее за Аргентина и ќе даде сè од себе да ѝ донесе трофеј во Катар, посочи Солдини.

ВИДЕО: Лазаров се враќа на СП во Египет, ова е неговиот прв гол со коментар на легендата Калински

Ивона Петрова — Thu, 14 Jan 2021 06:26:51 +0000

Кирил Лазаров пред 22 години го постигна првиот гол за репрезентацијата на Македонија, тоа беше почеток на кариерата на сега веќе легендарниот капитен на македонската репрезентација, пишува Дриблинг.мк. Се започна токму во Египет, пред 22 години на Светското првенство, како тинејџер на 19 години Лазаров најави дека пред него е блескава кариера, го почувствува тоа и коментаторот во Златко Калински, го најави како играч пред кого е голема и успешна кариера…