сп русија – Kurir.mk

Купил четири телевизори поради Мундијалот: Сопругата ќе го тужи мажот, а кога ќе дознаете како и се заканил ќе ве полазат морници

Дарко Андоновски — Mon, 11 Jun 2018 16:11:26 +0000

Една Израелка најавува тужба против својот маж поради тоа што купил четири телевизори за да го гледа Светското првенство во фудбал. Како што пишува весникот „Марив“, четириестгодишната жена е лута бидејќи не сака нејзината куќа да се претвори во “машки клуб“. Таа му предложила на сопругот телевизорите да ги подари на оние на кои им се потребни, но тој го одбил тоа. Тогаш му предложила привремено да се пресели кај родителите, што исто така го одбил. После тоа му се заканила дека ќе го тужи доколку остане дома. Израелката се пожалила дека сопругот и се заканувал дека ќе и ја разбие главата од телевизорот доколку му забрани да го следи Мундијалот.

Роналдо: Знам дека не сме фаворити на Светското првенство

Ивона Петрова — Thu, 07 Jun 2018 19:22:44 +0000

Капитенот на португалската репрезентација, Кристијано Роналдо, изјави дека треба да се има реален пристап и според негово мислење тие не се наоѓаат меѓу фаворитите за освојување на трофејот на Светското првенство во фудбал. - Знам дека не сме фаворити. Треба да бидеме реални, но во фудбалот ништо не е невозможно. Сметам дека треба да одиме чекор по чекор. Првите натпревари во групната фаза ќе бидат многу тешки, но имаме играчи со кои можеме да тежнееме кон повисоки цели. Мора да се бориме до крај и да дадеме се од себе. За нас е привилегија што можеме да ја претставуваме Португалија, истакна Роналдо на приемот кај португалскиот претседател Марсело Робело де Соуза пред замнувањето во Русија. Португалија, која е европски шампион, на Мундијалот се наоѓа во група со Шпанија, Мароко и Иран.

Зошто дресот на Нигерија се распородаде за 15 минути?

Катерина Бојаџиева — Sat, 02 Jun 2018 16:57:15 +0000

Дресот што ќе го носи фудбалската репрезентација на Нигерија на Светското првенство во Русија беше распродаден за 15 минути. Раководството на една од најголемите светски спортски компании „Најк“ беше изненадено, бидејќи од моментот на пуштање во продажба на националниот дрес на Нигерија, истиот за 15-тина минути не можеше да се најде во слободна продажба, ниту на официјалниот сајт на компанијата. За нигериските дресови постоеше голем интерес меѓу љубителите на фудбалот и колекционерите на ретки дресови уште пред тие да бидат пуштени во официјална продажба. Нигерија на Мундијалот во Русија се натпреварува во група со Аргентина, Исланд и Хрватска. Навивачите на Нигерија, но и бројните симпатизери низ светот кои го прифаќаат нигерискиот тим како свој, сега може само да се надеваат дека Нигеријците ќе се изборат за пласман во осминафиналето. Односно доколку Нигерија стигне до нокаут фазата, нивните интересни дресови повторно ќе се најдат во продавниците на „Најк“.

Мурињо оди на Светското првенство

Ивона Петрова — Mon, 05 Mar 2018 12:31:47 +0000

Менаџерот на Манчестер Јунајтед, Жозе Мурињо ќе биде присутен на Светското првенство што годинава ќе се игра во Русија, но не како тренер туку како соработник на телевизијата „Раша тудеј“. Португалскиот фудбалски стручњак потпиша едно месечен договор со телевизијата според кој ќе дава стручни анализи и коментари во специјални емисии поврзани со Мундијалот. - Многу сум среќен што можам ќе работам за РТ. Со нетрпение чекам да одам во Русија ова лето и да го споделам моето мислење за фудбалските натпревари, изјави Мурињо, кој исто така ќе има колега во своите анализи. Тоа ќе биде поранешниот голман на Манчестер Јунајтед, Питер Шмајхел, кој од порано е во тимот на „Раша тудеј“.