спа – Kurir.mk

ГОЛЕМА ТРАГЕДИЈА: 18-годишен возач загина на патеката „Спа“ во Белгија (ВИДЕО)

Бошко Тасиќ — Sat, 01 Jul 2023 17:12:54 +0000

Голема трагедија се случи денеска на патеката „Спа“ во Белгија, младиот возач Дилано вант Хоф го загуби животот во несреќа во која учествуваа повеќе авотомобили. Трката се возеше во тешки услови, врнеше дожд, имаше вода на патеката. Вант Хофт загуби контрола врз возилото и остана на средина на патеката, на него наиде друг болид кој буквално го распарчи. Во несреќата учествуваа вкупно пет болиди. https://twitter.com/i/status/1675107073938321408

Убиен полицаец во белгискиот град Спа

Ристе Здравков — Sun, 26 Aug 2018 10:18:11 +0000

Полицаец е убиен доцна синоќа во белгискиот град Спа, во близина на патеката каде се одржува траката во Формула 1 за Големата награда на Белгија, јави ДПА. Смртта на полицаецот е потврдена на Твитер од белгискиот министер за безбедност и внатрешни работи, Јан Јамбон. Трагичниот настан се случил во раните утрински часови под засега се уште не разјаснети околности. Според неофицијални информации, полицаецот интервенирал во сообраќаен инцидент и починал пред да пристигне помош. Полицијата е во потрага по убиецот.

Фетел на чело по првиот тренинг пред трката во „СПА“

Ристе Здравков — Fri, 24 Aug 2018 12:30:06 +0000

Себастијан Фетел се врати како најбрз во првиот тренинг по летниот одмор во Формула 1. Пилотот на Ферари запиша 1:44.358 со гуми „софт“ и заврши една десетина пред вториот Макс Верстапен со Ред Бул. Луис Хамилтон, Кими Раиконен и Валтери Ботас заостанаа за три десетини од Германецот. Даниел Рикардо ги затвори топ шест, завршувајќи над секунда побавно од лидерите, но тој успеа да направи само два најбрзи круга, бидејќи имаше проблем со моторот на Рено. И двајцата пилоти на новиот стар тим Рејсинг Поинт Форс Индија - Естебан Окон и Серхио Перез завршија во топ 10, додека Ландо Норис со Мекларен остана само 18-ти во дебито на официјалните тренинзи во Ф1. Кратко по почетокот на тренингот, излегоа информации дека Мерцедес користел нова спецификација на моторот во своите два автомобила. Хамилтон има нов мотор, турбо и МГУ-Х. Неговиот тимски колега, Валтери Ботас, доби сосема нов мотор, па така ќе биде казнет за трката во недела.