спалети – Kurir.mk

Спалети одби да ја предводи Фиорентина

Тале Кристо — Fri, 06 Nov 2020 07:55:11 +0000

Познатиот италијански фудбалски тренер, Лучијано Спалети ја одбил понудата да застане на чело на Фиорентина, пренесува „Ла Газета дело Спорт“. Според изворот, 61-годишниот стручњак не се согласил со понудата на „виолетовите“ бидејќи тој сè уште добива отштета од Интер кој пред истекот на договорот ја прекина соработката со него. Интер мора да му исплаќа плата на тренерот до крајот на јуни 2021 година. Спалети беше на чело на Интер од 2017 до 2019 година, по што го напушти тимот.

Спалети опција за нов тренер на Милан

Тале Кристо — Sat, 04 Apr 2020 12:11:55 +0000

Поранешниот тренер на Рома и Интер, Лучано Спалети може да го преземе Милан, пренесува „Кориере дело Спорт“. Раководството на клубот смета дека неговата номинација е приоритет откако пропаднаа разговорите со Ралф Рангник. Според весникот, токму Спалети е тој што може да го замени Стефано Пиоли, кој ќе биде ослободен по крајот на сезоната. За последен пат Спалети беше на чело на Интер, кој замина минатата година по две сезони во клубот.

Спалети си оди од Интер

Ристе Здравков — Thu, 13 Dec 2018 11:44:51 +0000

Тренерот на Интер, Лучијано Спалети, може да го напушти тимот на лето, објави „Газета дело Спорт“. Управата на клубот може да го разреши 59-годишниот италијански фудбалски стручњак по завршување на сезоната, најмногу поради раната елиминација во Лигата на шампионите. Интер не успеа да ја помине групната фаза од елитното натпреварување. Последен пат во плеј-офот играл во сезоната 2011/2012. Во Серија А тимот е трет со 29 бода по 15 круга и 14 бодови зад лидерот Јувентус. Еден од можните кандидати за функцијата тренер на Интер е Антонио Конте, но се спомуваат и имињата на Диего Симеоне и Жозе Мурињо.

Спалети: Јувентус беше паметниот, а ние наивениот тим

Ивана Ефремовски — Sat, 08 Dec 2018 09:10:30 +0000

Тренерот на Интер, Лучано Спалети, изјави дека неговиот тим не бил доволно добар против Јувентус и затоа бил поразен од 0:1. Марио Мандјукиќ беше прецизен за „бјанконеите“ во 66-тата минута за да донесе успех синоќа во Торино во „Дерби д’Италија“. – Натпреварот беше токму она што го очекувавме. Имаше моменти кога бевме под притисок и моравме да се бориме со десет луѓе зад топката. Имаше ситуации во кои можевме подобро да реагираме. Се разбира, кога некој ќе поведе во резултатот, тој има предност. Сепак, направивме прилично евтини и банални грешки. Тие ја направија разликата. Дефинитивно Јувентус беше попаметниот тим, и ние бевме наивниот, рече Лучиано Спалети. Тој потоа се осврна на играта на капитенот на тимот и најдобар стрелец, Мауро Икарди поради фактот дека немаше упатено рецизен шут гон голот на домаќините. – Икарди направи тоа што требаше да направи. Тој трчаше многу и се бореше. Знам дека немаше удар кон голот на Јуве, но тој содаде многу простор за другите што не го искористија. Нивниот гол дојде откако линијата на одбрана не беше добро организирана. Ова ги олесни работите за нив, рече тренерот на „нероазурите“.(МИА)

Спалети го спореди Перишиќ со Роналдо

Ристе Здравков — Sat, 14 Jul 2018 10:00:05 +0000

Тренерот на Интер, Лучијано Спалети, смета дека само играчот од неговиот тим Иван Перишиќ може да се спореди со засилувањето на Јувентус, Кристијано Роналдо. Според него, Хрватот дури може да го надмине и Португалецот. - Само физички гледано Перишиќ може да се спореди со Роналдо. Тој е единствениот таков играч. Брз е, силен и може да дава голови, дури и со глава. Перишиќ утре со својата репрезентација го очекува финалето на Светското првенство, против Франција со почеток во 17 часот.