спанаќ – Kurir.mk

Крем чорба од спанаќ, вкусна и здрава

Ивона Петрова — Wed, 10 May 2023 17:24:29 +0000

Состојки: 1/2 кг спанаќ 2 компири 2 кромид 3 чешниња лук 1 јајца 3 лажици павлака малку масло сол по вкус 1 шолја млеко 1 лажица брашно Подготовка: Спанаќот исчистете го, сварете го во солена вода и исцедете го. Заедно згответе ги компирите, кромидот и лукот. Спанаќот, компирот и кромидот испасирајте ги во блендер. На масло пропржете го брашното, па истурете ја водата во која се свариле компирите и кромидот. Додадете го пасираниот зеленчук, посолете и варете околу 15 минути. Јајцето се мати со млекото, се додаваат една или две лажици чорба, се матат, па се зачинува чорбата со него. Гответе уште пет минути, па кога ќе биде готова супата, додадете и павлака и послужете.

Кој не смее да јаде СПАНАЌ? Ако ги пиете ОВИЕ ЛЕКОВИ, може да ви направи хаос во ОРГАНИЗМОТ

Ристе Здравков — Fri, 28 Apr 2023 07:37:56 +0000

Познато е дека зелениот зеленчук е благодет за нашето тело, а спанаќот е ултимативниот крал на тој зеленчук. Водата е главната состојка на спанаќот. Количината на липиди и јаглехидрати во спанаќот е мала, но затоа тој е еден од зеленчуците со најголема содржина на протеини. Во спанаќот може да се најдат многу минерали: калциум, железо, калиум, магнезиум, манган и фосфор. Од витамините, спанаќот содржи витамини А, Ц, Е, К, витамини од Б комплексот (Б6, Б2, Б1) и фолна киселина (витамин Б9). Спанаќот содржи и омега 3 масни киселини. Витаминот А го зајакнува имунитетот, па телото полесно се бори со инфекции и воспаленија. Спанаќот е корисен и поради неговиот минерален состав: калиумот, магнезиумот, бакарот, цинкот и манганот му помагаат на телото да се ослободи од вишокот течности. Ова го коригира високиот крвен притисок и го зачувува здравјето на срцето. Изобилството на железо го прави сојузник на сите заболени од анемија – 100 гр спанаќ задоволува четвртина од дневните потреби. Овој зелен зеленчук е на листата на „суперхрана“ поради неговите значајни антиоксиданси како лутеин, зеаксантин и бета каротен. Благодарение на него, организмот полесно се брани од токсини, бактерии и вируси. Сепак, не е за сите добро секојдневно да јадат спанаќ. Бидејќи има многу оксална киселина, способноста на телото да ги апсорбира минералите може да биде нарушена. Оттука, спанаќот може, парадоксално, дури и да доведе до дефицит на овие супстанции. Според Агенцијата за храна и лекови на САД, особено е ризично за пациентите кои земаат средства за разредување на крвта поради високите нивоа на витамин К кој може да се спротивстави на ефектите од овие апчиња. Исто така, може да доведе до дигестивни проблеми – дијареа, гасови и надуеност. Поради фактот што состојките на спанаќот може да реагираат со некои лекови, задолжително консултирајте се со вашиот лекар во врска со употребата на овој зеленчук во вашата исхрана.

САРМИЧКИ СО СПАНАЌ! Идеален оброк за сите оние кои постат (ВИДЕО)

Ристе Здравков — Thu, 16 Mar 2023 13:37:48 +0000

Ако постите, тогаш можете да направите сармички со спанаќ, кои ќе бидат повкусни од оние со зелје. Состојки: 1 страк праз 1 голем рендан морков 100 гр малку обарен ориз 4 чешниња сечкан лук сув зачин мелен бибер мелен црвен пипер масло Подготовка: На масло пропржете го сечканиот праз, додадете го ренданиот морков и потоа кафеавиот ориз, сув зачин, мелен. бибер. Изедначете сè. Изберете големи листови спанаќ, исчистете ги малку подебелите стебленца, измијте ги и попарете со топла вода. Оставете две минути и процедете. Во листовите ставете една лажица фил, па завиткајте во сармичка. Наредете ги во намрсен плех. Во тенџере сипете 200 мл сварени домати, потоа додадете една лажица брашно, па изматете со жица за да нема грутчиња. Истурете 150 до 200 мл вода, три лажици масло и прелијте. Малку протресете ја тепсијата и ставете ја во рерна која се загрева на 220 степени. Печете околу 35 минути додека да испари течноста и да ви бидат готови сармичките.

Вкусно и крцкаво: Шарено виткано пециво со спанаќ и сирење

Ристе Здравков — Mon, 13 Mar 2023 08:50:21 +0000

Ако сте љубител на печива, веројатно нема да можете да одолеете на ова. Состојки: 15 гр квасец 1 лажичка шеќер 250 мл млако млеко 1 јајце 400-450 гр брашно 3 лажици масло За полнење: 300 гр сирење 4 кругови замрзнат спанаќ 1/2 лажичка мл. пиперки по желба 1 лажичка ајвар 50 гр путер 1 жолчка за премачкување Подготовка: Растворете го квасецот, додадете шеќер и оставете да се пени. Во сад за матење сипете млеко, квасец, масло, јајце и издробете ги со жица. Се додава брашното и се меша со миксер и се мати да се добие средно мазно тесто. Оставете да одмори. Изгмечете го сирењето и поделете го на 3 дела. На едната додадете ајвар и слатката пиперка, на втората одмрзнете спанаќ, а третата само со вилушка издробете ја. Распоредете го тестото на масата, па расукајте го со сукало до дебелина од 2 см. Расукајте го тестото во правоаголник. Обележете го тестото на три дела со прстите. Во првиот дел ставете спанаќ, до него сирење со пиперка и до него чисто сирење. Преклопете го тестото на три дела и пресечете го по 2 прста по ширина. Со раце развлечете го малку, па завртете го околу вратилото и наредете го во намрсен плех. Оставете малку да одмори, па премачкајте со жолчка и посипете со сусам. Се пече на 200 степени 30 минути.

МАФИНИ со СПАНАЌ и ФЕТА СИРЕЊЕ! Најмеки и највкусни!

Ристе Здравков — Tue, 28 Feb 2023 14:13:04 +0000

Ова се, без претерување, најсовршените мафини со спанаќ и фета што некогаш ќе ги вкусите… Уживајте! Состојки: две лажици маслиново масло една лажичка сол половина кесичка прашок за пециво 60 гр остро брашно 50 гр пармезан три јајца 300 гр фета сирење 150 гр спанаќ лажичка сув зачин Подготовка: Исечкајте го спанаќот, посолете го и оставете го да отстои пет минути. Измешајте ги жолчките со маслиновото масло, додадете го пармезанот, сувиот зачин, исцедениот спанаќ и сечканото фета сирење. Сè убаво измешајте, па додадете ги брашното, прашокот за пециво и белките претходно изматени во тврд снег. Соединете, па со лажица ставете ја смесата во подмачкани калапи за мафини. Печете во рерна на 180 степени околу 25 минути. Пријатно!

Повкусна и од онаа во пекара: Пита со спанаќ и месо – нема да можете да ѝ одолеете (РЕЦЕПТ+ВИДЕО)

Ристе Здравков — Wed, 22 Feb 2023 13:30:20 +0000

Сите ќе ви побараат парче повеќе СОСОТОЈКИ: 500 гр тенки кори 300 гр спанаќ 250 гр мелено месо 1 китка млад кромид масло, сол, бибер 1 јајце Подготовка:

ПИЛЕШКИ РОЛНИЧКИ СО СИРЕЊЕ И СПАНАЌ! Вкусен оброк на кој му нема рамен

Ристе Здравков — Tue, 24 Jan 2023 14:13:45 +0000

Ако сте гладни и не знаете што да зготвите, можете да направите овие пилешки ролнички со сирење. Состојки: четири шницли од пилешко бело месо 100 гр моцарела 100 гр спанаќ главица кромид две чешниња лук пет лажици рендан пармезан 100 гр презла 60 гр путер маслиново масло сол, бибер Подготовка: На масло продинстајте го ситно сечканиот кромид, а кога ќе омекне додадете лук и спанаќ. На крајот од динстањето зачинете со сол и бибер и оставете да се излади. Измешајте ги моцарелата и пармезанот и со оваа смеса наполнете ги пилешките шницли. Секоја од нив завиткајте ја, зацврстете со чепкалки за да не истече филот, па завиткајте во презла и наредете во огноотпорен сад. На секоја ролничка ставете парче путер. Печете околу половина час во рерна загреана на 180 степени.

Внимавајте: Спанаќот е многу здрав, но ОВИЕ РАБОТИ мора да ги знаете

Ивана Ефремовски — Tue, 23 Aug 2022 20:57:03 +0000

Спанаќот е без сомнение една од најздравите намирници. Но, треба да се земе предвид дека кога се консумира, најдобро е да подготвуваме онолку колку што ќе јадеме, бидејќи спанаќот, воопшто не се препорачува за подгревање. Спанаќот е зеленчук кој содржи релативно високо ниво на нитрати, кои се апсорбираат од почвата преку корените. -Кога спанаќот се остава да отстои, особено ако бил термички обработен, количината на нитрати се зголемува, и тие се претвораат во нитрити во сварениот спанаќ за време на процесот на вриење. Тие се опасни затоа што се комбинираат со амини во организмот и формираат високо канцерогени соединенија кои ги нарекуваме нитрозоамини, објаснил нутриционистот Дагмар фон Крам. Остатоците од сварениот спанаќ не смеат да се чуваат на собна температура. Тие треба веднаш да се стават во фрижидер. Спанаќот може да се јаде суров, како салата. Богат е со витамини А, Ц и бета-каротен и фолна киселина. Овој зеленчук долго време се сметаше за најдобар извор на железо, што е неточно бидејќи не се наоѓа во спанаќот во големи количини. Затоа, не можеме да очекуваме поголеми придобивки од консумирањето спанаќ во третманот на анемија.

БИДЕТЕ ВНИМАТЕЛНИ: ОВАА здрава храна може да предизвика здравствени проблеми

Ивана Ефремовски — Wed, 22 Jun 2022 18:36:15 +0000

Постојат многу производи кои можат да го подобрат здравјето, но постојат и здрави намирници кои можат да предизвикаат одредени здравствени проблеми. 1. Компир – Иако секогаш не се вбројувал во здрава храна, компирот е всушност многу здрав. Тој содржи над 20 отсто дневна вредност на витамините Ц, Б6 и калиум. Меѓутоа, некои луѓе се чувствителни на зеленчук во кој се вбројува и компирот и кој содржи алкалоиди кои можат да влијаат на мускулите и нервните функции. 2. Брокула – Таа е многу здрава и може да штити од рак. За повеќето луѓе, брокулата е одличен извор на витамините Ц и К, но лицата со тероидни проблеми треба да бидат внимателни кога го јадат овој зеленчук, бидејќи може да предизвика зголемување на штитната жлезда. 3. Банани – Тие се голем извор на калиум и витамин Б6, но некои луѓе се алергични на нив. Симптоми на алергиската реакција се губење здив, пецкање во устата и оток на грлото. 4. Спанаќ – Тој е богат со витамините К, А, железо и протеини. За жал спанаќот содржи и оксалати, кои се штетни за луѓето кои имаат болни бубрези.

Полно со витамини, а се спрема за 30 минути: Вкусно јадење од спанаќ кое воодушевува со вкусот

Ристе Здравков — Mon, 04 Apr 2022 05:45:06 +0000

Моќниот витамин Ц е да му обезбеди на вашето тело правилно функционирање на имунолошкиот систем, ќе ги намали можните настинки и бактериски инфекции и ќе и помогне на вашата кожа да биде освежена, затегната и сјајна. Овој витамин се наоѓа во главната состојка на ова јадење, а тоа е спанаќот. Состојки: 400 гр спанаќ 2 чешниња лук 1 лажица брашно путер маслиново масло 1 шолја млеко Подготовка: Прво треба малку да го измиете спанаќот, а потоа да го подготвите за готвење. Потребно е спанаќот малку да омекне, а потоа да се процеди. Потоа загрејте ја тавата и додадете го путерот да се растопи, а потоа додадете малку маслиново масло да се загрее. Потоа истурете го брашното во загреаните состојки. Промешајте, па додадете ситно сечкан лук. Сега е време да го додадете спанаќот што претходно сте го зготвиле и исцедиле. Сите состојки се мешаат додека не се соединат, па се додава млекото и се динста уште 10-15 минути, па се трга од оган и се остава малку да се излади. Пријатно!