спасен – Kurir.mk

По неколкудневна меѓународна спасувачка операција во Турција спасен американскиот спелеолог

Тале Кристо — Tue, 12 Sep 2023 06:24:19 +0000

Американскиот спелеолог Марк Дики, кој беше заробен во пештера во Турција, на длабочина од повеќе од 1.000 метри, е изваден на површината по неколкудневна меѓународна спасувачка операција, соопшти утринава Турската спелеолошка асоцијација (ТУМАФ). ТУМАФ на платформата Х објави дека операцијата за спасување е успешно завршена. Италијанските спасувачи рекоа дека Дики бил однесен во медицинскиот шатор на кампот на проверки. Координаторот за спасување истакна дека здравствената состојба на Дики е добра, но дека не може да се храни преку уста и оти хранливи материи прима по интравенски пат. Дики (40) бил на меѓународна истражувачка мисија во пештерата Морка, во планините Бик во јужна Турција, кога доживеал гастроинтестинално крварење. Тој во тоа време бил на длабочина од 1.040 метри, бил премногу слаб за сам да се искачи до излезот, па спасувачите морале да го изнесат на носилки. Повеќе од 150 спасувачи од Турција, Хрватска, Италија и други земји учествуваа во спасувачката операција која траеше девет дена.

ВИДЕО: Иван по излез од болница: Бев повеќе од 20 часа во вода

Ристе Здравков — Tue, 12 Jul 2022 14:21:32 +0000

30-годишниот Иван кој држејќи се за топка беше спасен од Егејското Море на Халкидики е отпуштен од болницата Папаниколау во Солун, каде што беше хоспитализиран од неделата напладне, јавува грчки Protothema. Лекарите велат дека тој е во одлична состојба и може да патува, односно да си оди дома со членовите на семејство. Според информациите на protothema.gr, неколку часа пред лекарите да го пуштат, бил лекуван поради тешка дехидрација. „Сакам да им се заблагодарам на луѓето кои учествуваа во моето спасување. Посебна благодарност до хеликоптерските екипажи и луѓето на чамците кои ме презедоа“, им рече 30-годишниот Иван на новинарите додека ја напушташе болницата Папаниколау. Тој нагласи дека не бил во вода 18 часа туку повеќе од 20 часа, додека на новинарите им порача дека во следните денови ќе ги повика на разговор.

Сведоштво на првиот спсен Македонец на Халкидики: Се сè случи во рок од две минути

Тале Кристо — Sun, 10 Jul 2022 16:14:37 +0000

Васил Брезовски е македонскиот туристот кој беше прв беше спасен откако го однесе струјата на плажата Мити во Посеиди. Во неделата напладне, спасен е и вториот член на групата, по 18 часа пливање, додека третиот се уште се води како исчезнат и се бара во спасувачка акција на властите. „Отидовме да пливаме со моите пријатели, на место кое тогаш немаше проблем, ниту високи бранови, ниту многу ветер. Но, за две минути, без да сфатиме, сцената се смени“, опишува тој за iefimerida.gr. „Го загубивме вниманието на неколку минути, додека бевме и во плиткото. Но, ова беше доволно за времето да се промени и водата да не вовлече длабоко во морето“, се присетува тој. „Се обидував да останам смирен и да останам на површината на водата. До мене беше мојот друг пријател, третиот воопшто не го видов. Одеднаш и него го изгубив за неколку секунди“, вели тој. За негова среќа, сурфер му пришол на местото каде што бил. Не можел да му помогне, но му рекол да почека и дека помош наскоро ќе дојде. Сурферот ја известил крајбрежната стража и им ја кажал точната локација на Васил, поради што бил спасен. Васил моментално останува во болницата Полигирос, додека само што дознал дека е пронајден неговиот втор пријател и е безбеден. „Се надевам и посакувам да се најде другиот“, кажал тој. Пред да го заврши разговорот со грчкиот медиум, Васил сакал да пренесе порака за нивните спасувачи. „Сакам јавно да им се заблагодарам на моите спасувачи од крајбрежната стража. Тие беа многу професионални. Им го должам мојот живот и наскоро ќе се обидам да ги видам лично, да им се заблагодарам“.

Морнар спасен по три месеци поминати на јахта

Дарко Андоновски — Tue, 05 May 2020 14:02:58 +0000

Маж од Сингапур е спасен откако три месеци поминал на јахта на море, лутајќи од пристаниште до пристаниште, бидејќи државите одбивале да му дозволат да се вкотви, бидејќи пристаништата ширум светот се затворени поради пандемијата со новиот коронавирус. Мажот е доведен на Фиџи. Тој на 2 февруари тргнал од Сингапур на крстарење што требало да трае три години. – Пловев од Индонезија кон Папуа Нова Гвинеја бидејќи времето беше добро, но кога пристигнав до границата, таа беше затворена и продолжив кон Соломонските Острови. Тука исто така беше затворено и продолжив до Тувалу, каде не ми дозволија да се вкотвам, но ми дадоа храна, изјави Сингапурецот. Тој на Фиџи пристигнал на 28 април, но бидејќи неговата јахта била оштетена поради силните ветрови, го спасија маринците од Фиџи, а бродот е доведен до пристаништето.