спасени лица – Kurir.mk

Спасени три лица кои поради невремето изгубиле контрола над чамец во Дојранското езеро

Ивана Ефремовски — Wed, 30 Aug 2023 09:49:00 +0000

Денеска (30.08.2023) во 08:30 часот во СВР-Струмица од страна на граѓанин е пријавено дека во водите на Дојранското езеро три лица изгубиле контрола над чамец поради невремето и не можеле да се вратат кон брегот. Веднаш се преземени мерки од страна на патролниот тим од ПС за ГН и ГП -Стар Дојран, чамецот е пронајден и потоа со помош на патролниот тим чамецот и трите лица безбедно се извлечени на брегот на Дојранското езеро.

ФОТО: Ова е целата листа, најмалку 63 лица спасени помеѓу 141 и 209 часа во Караманмараш

Ивона Петрова — Tue, 14 Feb 2023 19:46:38 +0000

И покрај се помалите шанси за преживеани, спасувачките акции во Турција не запираат. Осум дена по катастрофалниот земјотрес во Турција од под рушевините се уште се слушаат гласови за помош. Екипите не се откажуваат, а турскиот претседател Реџеп Таип Ердоган рече дека спасувачката работа ќе продолжи се додека не се спаси и последниот човек од под урнатите згради. Агенцијата Анадолија објави фотографија на која се прикажани лицата кои се спасени во местото Караманмараш во чија близина беше епицентарот на земјотресот. Според податоците на агенцијата, најмалку 63 лица биле извлечени од урнатините помеѓу 141 и 209 часа поминати под рушевините во Кахраманмараш. Од нив најмалку 23 се деца до дваесет годишна возраст, додека највозрасниот спасен во овој период има 64 години. Според најновите информации кои ги соопшти денеска Ердоган во земјотресот во Турција животот го загубија најмалку 35.418 лица, додека вкупно 13.208 повредени сè уште се лекуваат во болница.

СЕ УШТЕ ИМА НАДЕЖ: Спасувачите извлекуваат живи луѓе и после седум дена од катастрофалниот земјотрес во Турција

Ивона Петрова — Sun, 12 Feb 2023 10:14:05 +0000

На седмиот ден од спасувачките акција, тимовите кои напорно се трудат да извлечат што повеќе живи луѓе, сведочат за неверојатни спасувања. Мустафа Саригул, 35-годишен маж, беше спасен од урнатините на шесткатна зграда во областа Антакија во Хатај, област сериозно погодена од земјотресите што ја погодија Турција во понеделникот. Турските и романските спасувачки тимови беа прикажани во живо на телевизија како работат пет часа за да го извлечат Саригул од урнатините каде што беше заробен 149 часа. Младата девојка, Ејлул Килиќ, во областа Низип во Газиантеп, исто така, беше спасена откако преживеа 146 часа во урнатините. Таа престојувала во домот на нејзината тетка кога се случил земјотресот. Земјотресите со јачина од 7,8 и 7,6 степени, со центар во провинцијата Кахраманмарас, погодија повеќе од 13 милиони луѓе во 10 провинции, вклучувајќи ги Хатај, Газиантеп, Адана, Адијаман, Дијарбакир, Килис, Малатија, Османије и Шанлиурфа.

Спасени пет лица од под урнатините на ракетираната зграда во Часив Јар

Тале Кристо — Sun, 10 Jul 2022 16:08:48 +0000

Спасувачките екипи извлекоа пет лица од под урнатините на ракетираната зграда во украинскиот град Часив Јар, а се трага по уште 24 луѓе. Во синоќешниот рускиот напад врз Часив Јар погодена е петкатна станбена зграда, при што загинаа најмалку 15 лица. Часив Јар се наоѓа на околу 20 километри југоисточно од Краматорск, град кој се очекува да стане значајна цел на руските сили во нивната офанзива на запад.

ВИДЕО: Најмалку 23 лица спасени под урнатините, близначки родени 20 минути по земјотресот

Ивона Петрова — Tue, 26 Nov 2019 09:53:45 +0000

Најмалку 23 лица се извлечени од под урнатините на една зграда во Драч, а помеѓу нив е и едно дете. Сите тие се хоспитализирани во најблиската болница. Во меѓувреме гинекологот Аника Докле изјави дека 20 минути по силниот земјотрес што ја погоди Албанија, родени се близначки. – Јас и моите пријатели овој пат повторно сме во породилиште. Близначките се родени 20 минути по земјотресот. Ова е најдобар симбол на континуитетот на животот. Немам зборови!, напиша Докле на Фејсбук, без да прецизира каде се родени близначките. Во силниот земјотрес со интензитет од 6,4 степени според Рихтеровата скала кој рано утрово ја погоди Албанија, загинаа најмалку девет лица, а повредени се повеќе од 300 луѓе. Албанија потоа ја погодија и повеќе последователни потреси.