Грција испраќа спасувачки тим во Турција

Катерина Бојаџиева — Mon, 06 Feb 2023 12:39:24 +0000

Спасувачки тим, лекари, кучиња спасувачи и специјално возило испраќа Грција во Турција за да помогне во справувањето со последиците од силниот земјотрес со јачина од 7,8 степени, објавија грчките медиуми. Помошта од Грција е по наредба на грчкиот премиер, а се очекува со воен авион, во следните часови од Атина да замине тим од 21 пожарникар од специјалната спасувачка единица со две кучиња спасувачи и специјално спасувачко возило, придружувани од инженер од Противпожарната служба, пет лекари и спасувачи од брзата помош, како и претседателот на Организација за планирање и заштита од земјотрес.

Грција испраќа спасувачки тим во Бејрут

Ивона Петрова — Wed, 05 Aug 2020 10:32:50 +0000

Спасувачки тим од 12 пожарникари, со куче спасувач и две возила со специјална опрема, денеска од воениот аеродром во Атина, со C-130 заминуваат за Бејрут за да им помогнат на либанските власти во спасувачките акции, јави дописничката на МИА од Атина. Грчкиот премиер Кирјакос Мицотакис изјави дека спасувачкиот тим заминува откако од Либан била побарана помош за акцијата за пронаоѓање и спасување на преживеани, а Грција е подготвена да помогне и со испраќање медицинска опрема. А токму медицинска опрема и лекови ќе испрати Кипар до Либан, според либанската амбасадорка во Никозија, која за кипарската новинска агенција ЦНА изјави дека помошта ќе биде испратена утре. Министерството за надворешни работи на Кипар соопшти дека за утре е планиран специјален лет за Бејрут за репатриација на кипарските државјани.

спасувачки тим – Kurir.mk

Грција испраќа спасувачки тим во Турција

Грција испраќа спасувачки тим во Бејрут