специјалци – Kurir.mk

Специјалци го евакуирале Јокиќ од парадата (ВИДЕО)

Ристе Здравков — Fri, 16 Jun 2023 07:41:40 +0000

Денвер нагетс ја освои првата титула во историјата на НБА-лигата, а на победничката парада беа забележани неверојатни сцени и Никола Јокиќ мораше да биде евакуиран во придружба на специјалци. Јокиќ го предводеше Денвер до историскиот успех, а публиката беше толку воодушевена што мораше да го штитат американските специјални единици. Улиците на Денвер беа полни, а автобусот со кошаркарите не можеше да помине, па клубот организираше специјално возило за да ги изнесе Јокиќ и Џамал Мареј.

Nikola Jokic and Jamal Murray getting escorted by a SWAT team is an all-time championship parade moment 🙌pic.twitter.com/PqrvPwv5lv
— ClutchPoints (@ClutchPointsApp) June 15, 2023

Моќна криминална група од Западен Балкан разбиена во меѓународна акција, уапсени 37 лица (ВИДЕО)

Ристе Здравков — Fri, 26 May 2023 08:00:00 +0000

Моќната криминална ќелија, како што соопшти Европол, главно била вклучена во трговија со дрога и огнено оружје ширум Европа. Меѓу уапсените е и водачот на криминалната група, државјанин на Босна и Херцеговина, кој во моментот отслужува затворска казна во Италија, од каде што, според агенцијата, ги организирал и координирал активностите на бандата Во меѓународна полициска акција уапсени се 37 лица поврзани со, како што се наведува, многу насилна криминална банда од Западен Балкан, соопшти Европол. Акцијата, која опфаќа повеќе симултани рации во повеќе европски земји, била координирана од команден центар во Загреб, Хрватска, со поддршка на службеници на Европол распоредени на терен. Моќната криминална ќелија, како што соопшти агенцијата, главно била вклучена во трговија со дрога и огнено оружје ширум Европа. „Во текот на истрагата беа уапсени вкупно 37 осомничени, вклучително и водачот на бандата, државјанин на Босна и Херцеговина, кој Европол го смета за цел од висок степен и кој во моментот отслужува четиригодишна затворска казна во Италија“се наведува во соопштението на Европол. Водачот на криминалната група е осомничен дека организирал шверц на дрога и огнено оружје давајќи им наредби на своите подредени од зад решетки. Вчера, истовремено, биле извршени серија рации низ Хрватска, Словенија, Босна и Херцеговина, Холандија, Италија, Белгија и Германија. Заедно со апсењата полицијата запленила околу 148 000 евра во готовина, 18 парчиња огнено оружје, меѓу кои два митралези и 500 грама ТНТ со далечински детонатори. Исто така, во акцијата биле запленети и 15 килограми кокаин, 11 килограми хероин, како и одредени количини амфетамин, марихуана и хашиш. Покрај полициски службеници и припадници на други надлежни служби од земјите во кои биле извршени претресите, во операцијата учествувале и агенти на американската Агенција за борба против дрога – ДЕА, се наведува во соопштението. Меѓународната истрага уследи по она што Европол го опиша како „сложена истрага“ спроведена од хрватската полиција како дел од оперативната група „Балкански картел“.

Украинските специјалци објавија како ги измамиле Русите

Тале Кристо — Sun, 11 Sep 2022 11:43:34 +0000

Украинскиот контранапад на југот, за кој многу се зборуваше, беше кампања за дезинформации за да се одвлече вниманието на Русија од вистинска контраофанзива што се подготвуваше во регионот Харков, објавија украинските специјални сили. Украинските сили продолжуваат со неочекуваниот, брз напредок во североисточниот дел на земјата, заземајќи повеќе од една третина од окупираниот регион Харков за три дена. Голем дел од територијалните придобивки на Украина вчера потврди и руското Министерство за одбрана. – Тоа беше голема специјална операција за дезинформирање, рече Тарас Березовец, поранешен советник за национална безбедност, кој стана портпарол на бригадата Бохун на украинските специјални сили. – Русите мислеа дека ќе нападнеме на југ и ја преместија својата опрема и војници. Потоа, наместо на југ, имаше офанзива онаму каде што најмалку очекуваа и тоа предизвика паника и бегство, рече тој.

ФОТО: Голем број на специјалци зад Собрание, а толпа народ пред Собрание

Тале Кристо — Tue, 05 Jul 2022 18:54:04 +0000

Водени топови, оклопни возила, куп специјалци чекаат зад Собрание, додека пред Собранието има собрано илјадници граѓани, за да протестираат против омаложувачкиот француски предлог. Граѓаните од пред Владата, се упатија кон МНР, а крајанта дестинација е токму Соранието на Република Македонија.

НЕСЕКОЈДНЕВНА ПОЛИЦИСКА АКЦИЈА ВО БИХ: Специјалците заглавиле во лифт, а дилерите го искористиле тоа и избегале!

Тале Кристо — Tue, 22 Feb 2022 17:33:15 +0000

Несекојдневна ситуација се случила во Тузла минатиот петок кога полициска акција пропаднала, бидејќи полициските специјалци кои требало да уапсат двајца дилери, се заглавиле во лифт на станбена зграда. Според информациите на Кликс.ба потврдени од повеќе извори, група припадници на Специјалната единица на Полициската управа на Министерството за внатрешни работи на кантонот Тузла минатиот петок тргнале на задача во која требало да уапсат две лица осомничени за пуштање во промет на наркотични дроги.. Осомничените биле во стан на 13от кат од станбена зграда во Тузла. Меѓутоа, како што неофицијално пренесува Кликс, акцијата тргнала наопаку, бидејќи четворицата полицајци се заглавиле во лифт кој според неговата конструкција бил наменет само за две лица. Извори на порталот Кликс наведуваат дека заглавените полицајци потоа побарале помош, а дилерите ја искористиле таквата информација како можност да избегаат. Набргу потоа, заглавените полицајци беа извлечени од лифтот неповредени и вратени во просториите на единицата, додека дилерите се уште биле на слобода. Засега не се знае дали и на какви санкции ќе подлежат полицајците, а од полициската управа на МВР на Тузланскиот кантон официјално не се огласиле за овој случај.

Специјалци влетале во погрешен стан- се извинија со 50 евра

Катерина Бојаџиева — Fri, 11 Feb 2022 10:44:28 +0000

Припадници на специјална единица на германската полиција СЕК, на крајот на јануари во Есен упаднале во погрешен стан, па му се извинија на станарот со ваучер од 50 евра за купување од Амазон. Во раните утрински часови на 25 јануари, луѓето на СЕК упаднале во станот, затоа што отишле на погрешен кат. Ја скршиле вратата од станот и наводно, фрлиле шок-бомба. Но, кога почнале да апсат луѓе во станот, сфатиле дека настанала грешка. Студентот бил буден и сепак, претрпел последици. Околу две седмици по настанот, нему му е врачено извинување во облик на ваучер за купување на Амазон, коешто тој го смета за несоодветно. Студентот, застапуван од адвокатот Јерг Хуфер, тврди дека полицијата пуштила солзавец и му држела пиштол на главата, што сепак, има несакани последици. Полицијата, пак, порекна дека му држеле пиштол вперен во главата и дека употребиле солзавец, наведувајќи дека брзата помош повикана кај станарите не констатирала повреди кај него. Адвокатот тврди дека неговиот клиент се соочува со последици и не може да спие или да работи и затоа побарал психолошка помош. Полицијата ги презеде трошоците за санирање на штетата во станот и лекување на младиот маж. Адвокатот смета дека неговиот клиент „има право на петцифрена отштета“ од полицијата. Инаку, осомничениот за криминал по кого полицијата трагала, бил приведен само накусо.

ФОТО: Погледнете како изгледа новото стрелиште на АРМ и МВР

Ивона Петрова — Sun, 27 Dec 2020 16:11:13 +0000

Во касарната „Илинден“ денеска е отворено новото заедничко стрелиште на Армијата и на МВР за гаѓање со пиштол и автомат за деветмилиметарски калибар на муниција. Полициските и воените специјалци на ова место ќе остваруваат поквалитетна обука и подготовка.

Синдикат на полицијата: Зошто специјалци се праќаат да обезбедуваат куќарки?

Ристе Здравков — Tue, 25 Aug 2020 07:30:33 +0000

Незаконски беа решенијата на министерот за внатрешни работи со кои полициски службеници без никаков правен основ добија решенија за распоредување надвор од нивните места на живеење. Но, апсурдот да е уште поголем, деновиве истото се случува во Одделот за специјални полициски операции, реагира Синдикатот на полицијата на Македонија. „Повторно „по предлог“ на раководител, а во согласност со директорот на Бирото за јавна безбедност во МВР доделени се повеќе од 20 решенија за припадници на Единицата за специјални задачи – ЕСЗ и на ЕБР со кои долгогодишни специјалци и инструктори со поминати највисоки видови на обука по светски стандарди, без никаков повод и причина се распоредени и ставени во куќарки да чуваат објекти. Уште не добивме одговор ни за првата тура решенија зошто работници од секторите за внатрешни работи добија незаконски решенија надвор од своите места на живеење, а сега специјалци и инструктори со повеќе од 20 години работно искуство се прераспоредуваат без никакво образложение. Државата потрошила огромни суми пари за да поминат безброј обуки и сето тоа се фрла во вода. Од кои причини ги распоредувате? Го прашуваме директорот на БЈБ со која цел се распоредени специјалците. Дали знаете дека со ова сериозно се влијае на безбедноста на државата заради недостаток на стручен кадар како специјалци како во ЕСЗ, така и во ЕБР? Свесно ја ослабувате ЕСЗ. Од Единицата за брзо распоредување - ЕБР долгогодишни специјалци се ставени да обезбедуваат куќарки. Има ли крај ова лудило почитуван директоре и почитуван министре? Ги прашуваме и членовите на т.н. „единствен репрезентативен синдикат во МВР“ кои се дел од овие комисии: што правевте при донесувањето на одлуките за распоредување на наведената категорија на работници како во овој, така и во изминатиот период? Дали барем еднаш се спротиставивте на некое незаконско решение?“, се вели во реакцијата на Синдикатот на полицијата во Македонија.

Специјалци го опколија скопски Бутел

Ристе Здравков — Sat, 23 May 2020 16:22:03 +0000

Во скопската населба Бутел забележано е голем број на полициски службеници и пприпадници на специјалната полиција. Имено на новоотворениот булевар „Христијан Тодоровски Карпош“, бутелчани видно вознемирени реагираа во нашата редакција. До сега нема информација од МВР за ситуацијата во Бутел.

Алсат-М: Косово нова дестинација за младите спецјализанти од Македонија

Дарко Андоновски — Thu, 20 Jun 2019 14:55:08 +0000

Разочарани поради неисполнувањето на ветувањата, младите лекари спецјализанти ја разгледуваат можноста за продолжување на нивните кариери во Косово, пренесува Алсат-М. Ова е поради подобрите услови за лекарите кои ги нуди соседната држава, велат спецјализантите. „Косово, кое е релативно млада држава, одеднаш ги зголеми платите за 100% и сега платите на лекарите специјализанти , медицинскиот персонал и медицинските сестри се драстично повисоки отколку во Македонија. Ова може да нѐ излаже и нас да одиме во Косово за да работиме како лекари. Ако Косово може да направи такво нешто, значи дека сè додека постои волја, проблемот може да се реши и во Македонија. Никогаш не гарантирам дека ќе останам тука, особено поради условите кои нудат другите земји“ вели Марио Јовановски, спецјализант во Клиниката за кардиологија. Специјализантите се разочарани и од ветувањата на министерот за многу прашања. Дежураат од 18 до 24 часа, бесплатно, а немаат ниту здравствено или пензиско осигурување. Единственото решение го гледаат во новиот закон за заштита на лекарите. Министерот за здравство Филипче уште еднаш вети зголемување на платите за специјализантите, медицинските сестри и другиот медицински персонал со средно образование. „Во моментот се прават пресметки за тоа колку пари треба да се одобрат од буџетот за да се зголемат платите на докторите специјалисти, со цел да ги достигнеме нашите ветувања за платата да достигне до 100.000 денари и да не ги заборавиме и медицинските сестри и кадрите со средно образование“, изјави министерот за здравство ,Венко Филипче. Филипче рече дека на крајот на оваа година ќе се зголеми и коефициентот на плаќање на матичните лекари по главата на пациент. „Коефициент на матичните лекари ќе се зголеми до крајот на овој месец, поточно на 1 ноември 2019 година со што ќе им се помогне за надминување на финансиските проблеми кои во секојдневието им наметнуваат проблеми во пристапот кој го обезбедуваат за пациентите за пациентите и квалитетот здравствената заштита, со оглед на тоа што многу многу години овој коефициент не е променет“, вели министерот за здравство Венко Филипче. Според ветувањата на Владата, платите на лекарите до 2020 година треба да достигнат 100.000 денари.