СпејсИкс“ – Kurir.mk

Прва вселенска мисија на „СпејсИкс“

Ивона Петрова — Sat, 14 Nov 2020 09:03:48 +0000

Компанијата „СпејсИкс“ на милијардерот Илон Маск ќе се обиде утре да испрати четворица астронаути на Меѓународната вселенска станица (МВС), во рамки на првата мисија на НАСА во која ќе се користи приватно произведено летало за превоз на луѓе. Лансирањето на капсулата, наречена „Отпорност“, беше закажано за денеска од центарот на НАСА на Флорида, но е одложено поради силниот ветер. Летот ќе трае осум часови и ќе биде првата оперативна мисија на „СпејсИкс“ на Илон Маск. Во неа ќе учествуваат тројца астронаути од САД и еден од Јапонија. Пробниот лет со двајца членови на екипаж во август беше прв лет во вселената на астронаути на НАСА од американско тло по девет години. Претставници на НАСА претходно оваа недела го одобрија конечниот дизајн на капсулата, со што е завршена развојната фаза на „СпејсИкс“ во рамки на јавно-приватната програма на агенцијата, која трае речиси 10 години. НАСА во 2014 година потпиша договори со „СпејсИкс“ и „Боинг“ за развој на конкурентски вселенски капсули со цел да ја замени својата програма, која заврши во 2011 година.

Илон Маск нема да се вакцинира против коронавирусот

Ивона Петрова — Wed, 30 Sep 2020 06:09:11 +0000

Директорот на компаниите СпејсИкс и Тесла, Илон Маск изјави дека тој и неговото семејство нема да се вакцинираат против коронавирусот. Маск за Њујорк Тајмс изјави дека ниту тој, ниту неговите деца не се во ризичната група кога станува збор за Ковид-19. Коментирајќи ги мерките за карантин што ги применуваат многу земји во светот со цел да се спречи ширењето на вирусот, тој рече дека е против ваквите мерки затоа што тие не придонесуваат за општото добро. – Во суштина, вистинската работа ќе беше да не ја затворавме целата земја, но мислам дека сите што се во опасност треба да бидат во карантин додека не помине бурата, рече Маск.

„СпејсИкс“ одложи лансирање на товарна ракета поради ветер

Ивона Петрова — Thu, 05 Dec 2019 07:19:53 +0000

„СпејсИкс“ синоќа одложи лансирање на товарната ракета Фалкон 9 поради силен ветер во високите делови на атмосферата и на море, соопшти компанијата на Елон Маск. Ракетата требаше да испорача Драгон карго капсула со товар тежок 2.585 килограми на Меѓународната вселенска станица. Товарот е на НАСА и служи за истражување и научни експерименти во текот на следните две експедиции. Фалкон 9 е најнова ракета на „СпејсИкс“ чиј искористен прв степен се приземјува на дрон брод за повторна употреба. Лансирањето е презакажано за денеска