Лаги или политички спин за нова „статива“ на Заев: Снимките за „Монструм“ ги предал во СЈО, биле НЕЦЕЛОСНИ?

Љупчо Цветаноски — Mon, 03 Feb 2020 12:13:03 +0000

Присуствуваме ли на нов политички спин на поранешнит премиер Зоран Заев? Денеска во судот, сведочејќи на барање на родителите на убиените момчиња кај Смилковско езеро во април 2012 година, Заев кажа дека сите материјали кои ги поседувале во СДСМ и во кои имал увид како претсетел на партијата, биле предадени во СЈО? Заев, кој на родителите на убиените деца додека беше во опозиција им даде сосема други наводи и надеж, сега ја смирува топката и дали не можејќи и не сакајќи да каже дека буквално ги лажел, сега се обидува да се извади од сопствената измислица? Се вади на некаква си нецеловитост на материјалите, која во време на опозиционерувањето на СДСМ, кога требаше а се направи лажна фама за тогашната власт ан ВМРО-ДПМНЕ, воопшто не беше битна. Кажа дека од самиот увид на материјалите се гледало дека немало целосно континуитет, односно луѓето кои биле вработени во МВР не можеле секогаш да земаат копии од тие материјали и да ги достават до тогашната опозициска СДСМ. Заев потврди дека неколкупати се сретнал со роднини на убиените момчиња, кои сакале да добијат повеќе информации од „бомбите“. На една од средбите, дел од родителите изразиле сомневање дека правосудниот систем крие од нив информации и докази. Тој им презентирал аудио материјали кои ги побарале, без да им даде копија. За тоа што јавно не ги објавил материјалите, Заев рече дека единствена причина била што сметал дека не постои целовитост за создавање целосна слика, и затоа на крајот решил, се што поседува, да не биде објавено, туку дека да биде доставено до СЈО, за тие да ги употребат за докажување на вистината за „Монструм“ пред судот. Претходно, во судницата беше пуштена снимка од собраниска седница, на која Заев зборува за случајот „Монструм“ како одговор на прашање од пратеникот Зоран Илиоски. Заради промена на судечкиот совет, судењето за петкратното убиство кај Смилковско Езеро на 12 април 2012 година, минатиот месец беше вратено од почеток, но само формално со пренесување на сите досегашни изјави и изведени докази во новиот записник, со што расправата продолжи од каде што претходно застана. Случајот „Монструм“ го води судијата Огнен Ставрев, а застапници на обвинението се Фатиме Фетаи и Гаврил Бубевски. За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење. Јавноста е во основана дилема: Каде се наводните снимки на СЈО кои Заев ги спомнува и дали тие воопшто постојат? Дали е ова уште една лага од фабриката на СДСМ? За потсетување, партијата на Заев направи „кариера“ во опозиција, користејќи го НВО и медиумските филијали со ширење на дузина лажни вести за оцрнување на тогашната влада. До сега, сите пропаднаа и се срушија како кула од карти. -За Никола Младенов - самата сопруга потврди дека прикаската се извитоперува, обвинителството исто така. се работи за несреќа, никој од ВМРО-ДПМНЕ не извршил атентат врз новинарот како што ССМ претставуваше. -Мартин Нешковски - вистината за него излезе на виделина со целосното објавување на „бомбата“ за него, која Заев ја претстави скратена и извадена од контекст. Уште една голема лага на екс Бихаќка. -Малата Тамара - пред една недела испадна дека мајката сакала да ја искористи сопствената ќерка за да добие азил во Канада или САД со помош на болното дете и дека го одбила лекувањето на својата ќерка. Еден од најгрдите и најнечовечки спинови на јуришниците од екс Бихаќка. -Смиљковското езеро е најновата епизода која паѓа во вода, заедно со лажната фама која лично Заев ја создаваше за и околу случајот, која се подиректно води кон веќе осудените убијци, чиј случај беше можеби и не така случајно рестартиран во битката на СДСМ за албански гласови. Партијата на власт има долга историја на лажни вести и Фабрики, почнувајќи уште од новинарите вработени во Фабрика 1 на Бранко Црвенковски, по која следуваа и други. Последната откриена беше онаа на Чаушот, со случајот за лажните лични карти, за која сторија провладини новинари земаа и награди од провладините „новинарски“ институции.

спин – Kurir.mk

Лаги или политички спин за нова „статива“ на Заев: Снимките за „Монструм“ ги предал во СЈО, биле НЕЦЕЛОСНИ?