спиро мавровски – Kurir.mk

Мавровски предупредува: По Нова година ќе има драстично покачување на цената на електричната енергија

Ивана Ефремовски — Wed, 10 Nov 2021 10:18:53 +0000

„Резервите со кои се започна грејната сезона се катастрофални. Сезоната е почната, а вториот блок во РЕК Битола е во ремонт, третиот блок допрва треба да се санира“ – изјави поранешниот директор на РЕК Битола, Спиро Мавровски во Студио 10. „Кога имате еден блок на мрежа, е проблематично, а граѓаните тоа ќе го платат. По Нова година ќе има драстично покачување на електричната енергија. Можните енергетски ресурси кај нас се мизерни“, кажа Мавровски во разговорот за Студио 10.

Мавровски: Државата е во енергетска криза заради неработење и незнаење

Тале Кристо — Tue, 09 Nov 2021 18:11:18 +0000

Нема да биде добро како што вели власта, туку ќе биде уште полошо. На непочната грејна сезона се прогласи криза, државата навистина е во криза бидејќи енергетската ситуација е катастрофа, и тоа е од неработење и не знаење, изјави за „Што не е јасно“ на Алфа, поранешниот директор на РЕК Битола производство Спиро Мавровски. Тој додава дека тоа што велат сега дека не можеле да ископаат јаглен требаше да го кажат во мај за да може да се побара помош, да се направи анализа за граѓаните да се чувствуваат безбедно оваа зима. - Сега е веќе ноември, утре може да фати минус 40 степени и што правиме тогаш. Кој ќе копа, кој ќе носи и како со еден блок во РЕК кој не е сервисиран ќе се прави ремонт? - прашува Мавровски За кризната состојба и можни рестрикции, како и погрешениот член во законот тој вели дека проблемот е во една работа да се поделат парите 100 милиони евра за ЕЛЕМ и МЕПСО, да се покријат досегашните проблеми и да се види што понатаму. - Сега велат за граѓаните да се безбедни ќе овозможиме што треба, ама тоа ќе биде за еден месец. После еден месец пак криза и пак кризни мерки, а колку пари ќе има во буџетот за тоа, додаде Мавровски.

Мавровски: За тоа што се случува во РЕК Битола треба да се одговара, досега не се случило да се доведеме во ситуација да останеме речиси без електрична енергија

Катерина Бојаџиева — Tue, 09 Nov 2021 17:52:11 +0000

Пострашно не може да биде од тоа трите блока на РЕК Битола да не работат како што е сега. Ова претходно беше незамисливо, особено на почеток на грејна сезона кога работеа трите блока. Сега имаме ситуација само едниот да се вклучува во игра и не се знае до кога, вели за „Што не е јасно“ на Алфа, поранешниот директор на РЕК Битола производство Спиро Мавровски. Според него претходните 30-35 години не се случила ваква ситуација електрична енергија речиси да нема и потенцира дека во овие моменти некој треба да понесе одговорност. - За ова што се случува во РЕК Битола, треба да се понесе одговорност, генералниот директор е повикуван 10 пати од мене со дописи и досега не добив одговор. Ништо не може да се скрие, се што се кажуваше исплива на виделина, јас укажував уште од декември минатата година. Во сите укажувања РЕК Битола работеше со еден блок и тоа во зимски период. Се што имам кажано еве го пред нас. Дека цената на електричната енергија ќе оди нагоре, дека ќе нема јаглен, а без јаглен се друго е илузија, нагласи Мавровски. Тој вели дека сега во моментов во основа немаме ништо, и прашува како може да се лаже народот дека ќе се вклучат сите останати капацитети освен РЕК Битола бидејќи сите останати се само 15%. -Во Осломеј уште се спрема и ќе работи, јаглен нема ама велат ќе почне, вештачките езера немаат капка вода, ветерниците зависат дали ќе има ветер, рече Мавровски.

Мавровски за состојбата со РЕК Битола: Господ нека ни е на помош, хаварии се случуваат кога СДСМ е на власт

Ивана Ефремовски — Sat, 06 Nov 2021 10:57:56 +0000

Поранешниот директор на РЕК Битола производство Спиро Мавровски во колумна за expres.mk со црни прогнози за ситуацијата со струја која треба да се произведува во термоелектраната која вчера ја зафати пожар. Прочитајте ја целата колумна на Мавровски за термоелектраната што во нормални околности ја произведува најголемата количина на струја потребна за македонските семејства и бизнис: Еве додека го следиме падот на оваа влада и формирање на новата од новите коалициони партнери, се случува голема хаварија во РЕК Битола. Случајно или…? Во ова мое обраќање до јавноста сакав да пишувам за невозможноста да се донесат 900.000 тони (Т) јаглен и тоа како што беше последно кажано со камионски превоз на оддалеченост од 300 и повеќе километри, или во двата правци 600 и повеќе километри. Јагленот кој го користи РЕК Битола е, (беше), со просечна калорична вредност од од 1750 kcal/kg, а во моментот се копа далеку понеквалитетен јаглен. Се ова, овој тендер го прави безнадежен со цена која не знам кој ќе може да ја плати. Другата алтернатива со железнички превоз нема да биде ништо поефтина. Зошто? Во оваа варијанта имате утовар и растовар на јагленот на посебни вагони од кои треба да се утовара и растовара јагленот. Ова потоа значи да имате формирање на уште една помошна депонија на железничка станица и од тука претовар на камиони возење околу 12-13 км и растовар директно на депонијата за јаглен која во моментот е празна и може да прими дури 700-800.000 Т јаглен. Катастрофална еколошка состојба, енормно загадување во целиот крај. Значи секој паметен и секој кој барем малку разбира за РЕК Битола ќе каже дека ова е невозможна мисија. Во моментот раководството на РЕК Битола и генералниот директор Васко Ковачевски излегуваат со помпезна информација дека на депонијата за јаглен во моментот има 40.000 Т јаглен (и со букви четириесет илјади тони јаглен), за обичните граѓани и неупатените во проблематиките во РЕК Битола ова изгледа огромна бројка но ова е катастрофично за Република Македонија. На времето без 500-600.000 Т депонирани на депонијата на јаглен не ни почнуваше грејната сезона, дневната потрошувачка на јаглен за трите блока се движеше од 18-20.000 т јаглен, а сега со овој (никаков) квалитет на јаглен господата планираат да работат со два блока и да трошат „само“ 10.000 Т јаглен за двата блока. Весела математика на некој што не разбира ништо. Сепак и оваа бројка од 40.000 Т доволно кажува дека ситуацијате е безнадежна. Зошто? Никој никаде не се фали со резерва за 3-4 дена работа на двата блока и тоа на почеток на грејната сезона, но прво што треба да кажат е колкава е откривката на јаглен во рудниците Подински серии и Брод-Гнеотино и која е можноста за негова експлоатација и носење на централната депонија во РЕК Битола. ОВА Е НАЈВАЖНОТО, но никој не кажува ништо за ова. Но додека го пишував ова во текот на вчерашниот ден во вечерните часови се случува хаварија, отворен оган од блочниот трансформатор на блок 3. Катастрофа од невидени размери, не знам точно, сеуште нема официјална информација што точно се случи синоќа но доколку се работи за поголемо оштетување на блочниот трансформатор тоа значи и да имате јаглен и од повеќе, овој блок наредните 5-6 месеци ќе биде надвор од употреба. Бог да ни е напомош на сите граѓани на Македонија со ваквата работа и размислување на ова неспособно раководство. На крај би сакал само да потсетам за некои големи хаварии кои за жал или не случајно се случуваат кога СДСМ е на власт во државата. Голема хаварија и палење на дистрибутивната трафостаница во рудник Суводол, истата изгоре до темел и ја прекина работата во рудникот и најголемата хаварија, РУШЕЊЕ НА КОСИОТ МОСТ на блок 1, 1993 година кога повторно беа политички игри кои завршија со отпуштање на вработените од работа сите оние што во тие моменти протестираа. Следеше бркање и суспендирање на вработените за на крајот се заврши со влегување на „народната милиција“ во кругот на рудникот и гушење на штрајкот на вработените. Случајностите случајно не се случуваат, ВНИМАНИЕ за се што ќе се случува понатаму, ситуацијата е тешка, можеби претешка, треба да се бара излезот од оваа безнадежна состојба. Битола, 06.11.2021 год. м-р Спиро Мавровски дипл.ел.инж.

Мавровски: Власта ќе го пушти Васко Ковачевски низ вода

Ивана Ефремовски — Thu, 15 Jul 2021 09:03:12 +0000

Поранешниот пратеник од Битола, Спиро Мавровски вели дека власта за брзо време ќе го пушти директорот на РЕК Битола, Васко Ковачевски, низ вода. Во интервјуто за „Република“ кое ќе го емитуваат во петок и сабота, Мавровски говори за најавите за затворање на РЕК, што тоа ќе значи за Битола и околината, за локалните избори, но и за спортот како негова голема страст. Погледнете дел од интервјуто:

Мавровски: Вработените во РЕК Битола работат со недоволна механизација, а раководоството спие

Дарко Андоновски — Wed, 03 Feb 2021 12:36:06 +0000

Спиро Мавровски, поранешен пратеник при своето гостување во емисијата „Заспиј ако може“ на Алфа телевизија посочи дека РЕК Битола работи со недоволно механизација, а раководството не се залага да обезбеди повеќе механизација, вработените мака мачат таму. Градоначалничката на Битола дели клими, а електрична енергија нема доволно. „Во моментов, треба официјално да побарате од раководството, од господинот Васко Ковачевски колку машини во моментов работат со договор на дело. Не за овие три што се говори, последен договор е од пред Нова година, колку што успеав јас да видам, некаде декември месец. Значи колку за минатата година, или за оваа година, колку имаме машини кои што во моментов работат во РЕК Битола“, запраша Мавровски. Мавровски појасни дека со четири машини се работи. Значи се работи за огромен комбинат, ете последната слика кога беше таму целото раководство, а рудникот беше полн со вода, тоа не може да се отстрани без да имате пумпи, без да имате ровокопачи, без да имате булдожери, таму е потребна комплетна механизација која нон стоп ќе го прати работењето. „Следното со ова темпо е поголема хаварија, и уште поголеми средства“, нагласи Мавровски. Мавровски додаде дека за изборите власта направи многу притисоци и тоа доста јавно и транспарентно. За време на изборите цел РЕК беше повикан од раководството и на секој му се кажа за кого да гласа.

Мавровски: Власта со својата неодговорност и суета го уништи РЕК Битола

Дарко Андоновски — Wed, 03 Feb 2021 12:22:43 +0000

Вчеравечер поранешниот пратеник Спиро Мавровски при своето гостување во емисијата „Заспиј ако може“ на Алфа телевизија, нагласи дека се случува хаварија, огромна катастрофа во Македонија, вработените од РЕК Битола го гледаат крајот на овој гигант, а директорот тоа го најави ноншалантно. „Во последните еве четири години поминаа откако дојде новата власт, тендерот за РЕК Битола беше веќе завршен, беа дефинирани кој, што, како, но се поништи. И еве после четири години нема ниту една градежна машина дојдена во РЕК Битола. А, тоа само укажува за една неодговорност, за една суета“, истакна Мавровски. Мавровски додаде дека Македонија се соочува со недостаток на ресурси, РЕК Битола е се за државата. „Проблемите во РЕК Битола, дел од раководството ги гледа ноншалантно. Едноставно мислам дека и немаат решенија, а ниту пак побарале решенија“, рече Мавровски. Мавровски посочи дека со ова темпо и доцнење на носење на решенија за РЕК Битола може да допринесе да го снема за 10-тини години. Поради лошото управување со РЕК Битола носи до тоа се помалку да произведува електрична енергија, ама поскапо да чини. Ова носи до крах на електростопанство. Васко Ковачевски нема да направи ништо добро за РЕК Битола, и не знае да направи. „Значи се е она со „ЌЕ“. Значи, јас бев во политиката и кога ќе сакаш да кажеш кај некој дека не сакаш да го лажеш, ќе кажеш „ЌЕ“ го направиме ова, „ЌЕ“ го направиме она, се ќе биде, ама не знаеме кога. Значи „ЌЕ“ е идно незавршено време. Е, тука тој го има тој проблем.Човекот оди од кај политиката, и од политика станува политички инжинер прво, па после станува и политички директор, се враќа од пратеник за да биде директор во РЕК Битола и после тоа заминува во ЕЛЕМ. Значи не знам таква кариера, значи имало директори во ЕСМ кои биле политички но секако нивниот избор на луѓето околу нив барем во тој дел би требало да бидат технички оспособени луѓе кои што го знаат и РЕК Битола како главен стожер на електростопанство на Македонија. Но, човекот не знам, дали едноставно провоцира, дали едноставно не ги разбира работите, на мене и едното и другото ми се гледа во ситуацијава“, појасни Мавровски.