Охридскиот суд пресуди ослободителна: Нефи Усеини и брат му не се виновни за тепањето на Спиро Топалоски

Магдалена Андонова — Mon, 27 Jun 2022 17:02:04 +0000

Судијката од охридскиот суд, Билјана Белевска–Пројковска, денеска ги ослободи од обвинение советникот од ДУИ во Советот на Општина Охрид, Нефи Усеини и неговиот брат Ибро, кои беа обвинети за напад врз нивниот сограѓанин Спиро Топалоски пред две години, објави „А1он“. Топалоски прво ги обвини браќата дека го нападнале, а потоа се премисли и даде спротивен исказ. Иако постојат видеоснимки на кои јасно се гледа како и од кого е тепан Топалоски, тој останал на исказот дека повредите не му ги нанел Усеини, туку непознато лице кое го удрило од зад грб, спротивно на она што првично го кажа во Обвинителството. Нефи Усеини е контроверзен охридски бизнисмен и прв човек на локалниот огранок на ДУИ, чие име беше поврзано со низа скандали и инциденти.

Судењето против браќата Усеини одложено за 26 октомври

Ивона Петрова — Tue, 22 Sep 2020 09:04:57 +0000

Првото рочиште од судскиот процес што пред Основниот суд Охрид се води против браќата Усеини е одложено за 26 октомври. Причина за одложувањето е влошената здравствена состојба на Ибраим Усеини, брат на советникот во Општина Охрид од редовите на ДУИ – Нефи Усеини. Според кажаното на денешното појавување пред Судот, Ибраим Усеини имал проблеми со покачен крвен притисок, таа што денеска бил префрлен во Центарот за кардиолошки и васкуларни заболувања во Охрид. Пред Судскиот совет од предметот што го води судијата Милчо Клишески не се појави ниту Спиро Топалоски оштетениот и главен сведок во судењето, со образложение дека неговата сопруга вработена во детска градинка не можела да отсуствува од работно место така што немало кој да се грижи за децата. Судијата Клишески најави дека доколку Топалоски не се појави во судница на следната покана, стражарно ќе биде приведен и донесен пред Судот. Димитрија Цобоски, адвокат на одбраната на Усеини, за медиумите изјави дека тежината на кривичното дело треба да се рангира според последиците настанати во самиот настан. – Во конкретниот случај се работи за кривично дело со лесни телесни последици, така и треба да се квалификува. Квалификацијата произлегува од тоа што што делото е сторено од група, во случајот Нефи и Ибраим Усеини. Што точно се случило ќе се утврдува во доказната постапка, рече Цобоски. Судскиот процес против браќата Усеини се води поради сомневање дека се сторители на кривично дело „насилство“ извршено врз Топалоски. Против нив беше покрената пријава и за „неовластено држење на оружје или распрскувачки матeријали“, но подоцна оштетениот Топалоски го смена исказот даден во предистрага, посочувајќи дека се работи за недоразбирање односно погрешно протолкувана изјава. Адвокатот на одбраната нагласи дека во обвинието нема пиштол, нема огнено оружје, односно нема кривично дело „неовластено поседување оружје“. – Се работи за една кривична постапка. Нефи Усеини е неосудувано лице, поседува решение за бришење казни од претходни постапки, рече Цобоски. Настанот се случи на 18 август годинава кога пред хотел во Охрид Топалоски физички бил нападнат од браќата Усеини, при што според првичната изјава на оштетениот бил изваден и пиштол, а кон него и неговиот малолетен син биле упатувани закани. Подоцна тој го смени исказот во изјавата дадена пред Јавен обвинител, што според одбраната е единствен валиден доказ во постапката.

Спиро Топалоски – Kurir.mk

Охридскиот суд пресуди ослободителна: Нефи Усеини и брат му не се виновни за тепањето на Спиро Топалоски

Судењето против браќата Усеини одложено за 26 октомври