список – Kurir.mk

Тетово: 11 годишни основци оставиле список со ученици и закани до нив, случајот пријавен

Ивона Петрова — Wed, 10 May 2023 14:04:56 +0000

СВР Тетово информира дека нивни службеници и претставници на соодветни служби извршиле разговор со 11 годишни ученици, откако добиле пријава дека децата оставиле лист хартија во тоалет со напишани имиња на други ученици и напишани закани кон нив. Станува збор за ученици во основно училиште во градот. -Денеска (10 мај), во присуство на нивните родители, психолог и педагог, извршен е службен разговор со 11-годишна малолетничка и 11-годишен малолетник, постапувајќи по претходна пријава во СВР Тетово дека во тоалет во основното училиште каде учат оставиле лист хартија со имиња на ученици и закани кон нив, информира Марјан Јосифоски, портпарол на СВР Тетово. Според информацијата од тетовската полиција известен е Центарот за социјални работи и јавен обвинител и се преземаат мерки за расчистување на случајот.

Се огласија од Општина Центар откако ученичка правела список со закани кон соученици

Ивона Петрова — Tue, 09 May 2023 17:30:09 +0000

Во однос на денешната информација во медимите поврзана со список, напишан од ученичка, со закани кон своите соученици, преземени се сите мерки од страна на училиштето, а и МВР постапува во однос на случајот. Што се однесува до самиот настан, градоначаникот на Општина Центар Горан Герасимовски информира дека вчера разговарал со директорката на училиштето, но и со сите директори на основните училишта во Општината. -Тие веќе од денес преку наставниците интензивно комуницираат со родителите и децата, предупредувајќи ги од последиците од ваквите постапки, кои некои децата ги разбрале како игра или шега. Очекувам сите наставници, но пред се родителите да разговараат со своите деца и да им укажат колку е опасно да го користат овој немил настан, дури ни на шега, да не прават слични списоци или на кој било начин да си поигруваат со ужасната трагедија. Како што веќе известив, во најкус рок ќе започнеме нови програми за спречување на насилство во училиштата и нови проекти кои ќе значат побезбедни ученици и поздрава околина за раст и развој. Уште еднаш апелирам да не се крева паника од овој случај, туку максимално одговорно секој поединец, секој родител или старател да поразговара со своите деца. Мора да укажеме и да ја подигнеме свеста дека со ,,таа тема" нема играње, вели Герасимовски.

Список за ликвидација на ученици се појави во училиште во Скопје

Катерина Бојаџиева — Tue, 09 May 2023 12:02:09 +0000

Денеска (09.05) во СВР Скопје од основно училиште на подрачје на Центар добиена е пријава дека ученик, додека бил на час на кој се разговарало за случајот во соседна Србија, почнал да пишува имиња на ученици. Од страна на службите во училиштето повикан е родителот и извршен е разговор со истиот, а СВР Скопје презема мерки за расчистување на случајот.

Милевски го објави списокот за натпреварите со Малта и со Фарски Острови

Ивона Петрова — Wed, 15 Mar 2023 10:39:53 +0000

Селекторот на македонската фудбалска репрезентација Благоја Милевски, денес го објави списокот со повикани играчи за престојните натпревари против Малта во квалификациите за ЕП и против Фарски Острови контролен. На списокот на Милевски се најдоа: Голмани: Столе Димитриевски, Дамјан Шишковски, Кристијан Наумовски и Игор Алексовски Одбрана: Висар Муслиу, Ѓоко Зајков, Дарко Велковски, Стефан Ристовски, Езѓан Алиоски, Егзон Бејтулаи, Кире Ристевски, Владица Брдаровски и Бојан Димовски. Среден ред: Енис Барди, Елиф Елмас, Аријан Адеми, Јани Атанасов, Агон Елези, Давид Бабунски, Давор Здравковски и Стефан Ашковски. Напад: Бојан Миоски, Александар Трајковски, Милан Ристовски, Дориан Бабунски, Ваљон Етеми, Илија Несторовски и Дарко Чурлинов. Средбата со Малта е закажана за 23 март, со Фарски Острови е четири дена подоцна (27 март).

Список на главните номинации за Оскар пред 95-та церемонија

Тале Кристо — Sat, 11 Mar 2023 10:25:15 +0000

Академијата за филмски уметности и науки ќе ги додели Оскарите в недела навечер на 95-та церемонија во театарот Долби во Лос Анџелес. Листа на главни номинации за наградата која академијата ја објави на 24 јануари. Најголем број номинации: - „Everything Everywhere All At Once “ - 11 номинации - „All Quiet on the Western Front “ и „The Banshees of Inisherin “, по девет номинации - „Elvis “ - осум номинации Номинации за најдобар филм: - "Everything Everywhere All at Once" - "The Banshees of Inisherin" - "The Fabelmans" - "Tar" - "Top Gun: Maverick" - "Avatar: The Way of Water" - "Elvis" - "All Quiet on the Western Front" - "Women Talking" - "Triangle of Sadness" Номинации за најдобар режисер: - Мартин Мекдонаг, „The Banshees of Inisherin “ - Даниел Кван и Даниел Шајнерт, „Everything Everywhere All at Once “ - Стивен Спилберг, "The Fabelmans" - Тод Филд, „Tar“ - Рубен Остлунд, „Triangle of Sadness “ Номинации за најдобар актер: - Остин Батлер - Колин Фарел - Брендан Фрејзер - Пол Мескал - Бил Наји Номинации за најдобра актерка: - Кејт Бланшет - Ана де Армас - Андреа Рајзборо - Мишел Вилијамс - Мишел Јео Номинации за најдобра споредна машка улога: - Брајан Тајри Хенри - Џад Хиршер - Брендан Глисон - Бери Кеоган - Ке Хуи Кван Номинации за најдобра споредна женска улога: - Анџела Басет - Хонг Чау - Кери Кондон - Стефани Хсу - Џејми Ли Кертис Номинации за најдобар странски филм: - "All Quiet on the Western Front", Гермнаија - "Argentina, 1985", Аргентина - "Close", Белгија - "EO", Полска - "The Quiet Girl", Ирска

Лазаров го објави списокот ракометари за Светското првенство

Ивона Петрова — Wed, 14 Dec 2022 12:18:37 +0000

Тројца интернационалци и 20 ракометари од домашното првенство се најдоа на списокот што селекторот Кирил Лазаров го објави денеска за настап на претстојното Светско првенство во Полска и Шведска. Светското првенство ќе се одржи од 11 до 29 јануари, а првиот собир на македонската репрезентација е закажан за 20 овој месец во Скопје. Македонските ракометари ќе играат во групата Ф против Норвешка, Холандија и Аргентина. Премиерниот натпревар на Светското првенство избраниците на Лазаров ќе го одиграат на 13 јануари против Норвешка, по што следуваат преостанатите два дуели од групната фаза против Холандија (15 јануари) и Аргентина (17 јануари). Повикани ракометари:Марио Кизиќ (Еурофарм Пелистер), Мартин Томовски (Вардар 1961), Никола Митревски (Порто), Гоце Георгиевски (Вардар 1961), Александар Петковски (Алкалоид), Ненад Костески (Еурофарм Пелистер), Дејан Манасков (Вардар 1961), Петар Атанасијевиќ (Еурофарм Пелистер), Цветан Кузмановски (Еурофарм Пелистер), Жарко Пешевски (Еурофарм Пелистер), Костадин Петров (Акуреури), Никола Маркоски (Алкалоид), Марко Стојковиќ (Алкалоид),Филип Талески (Вардар 1961), Филип Кузмановски (Хановер), Павле Атанасијвиќ (Еурофарм Пелистер), Иван Џонов (Пролет), Игор Ѓоргиев (Алкалоид), Томислав Јагуриноски (Пролет), Мартин Серафимов (Алкалоид), Давид Савревски (Вардар 1961), Едвин Омерагиќ (Алкалоид), Михајло Младеновиќ (Алкалоид).

Лазаров го објави поширокиот список на ракометари за Мундијалот во Полска

Тале Кристо — Fri, 11 Nov 2022 17:43:43 +0000

Селекторот на македонската ракометна репрезентација, Кирил Лазаров денес го објави поширокиот список на ракометари за Светското првенство 2023. „Црвено-жолтите“ на претстојниот Мундијал кој ќе се игра во Полска и Шведска, е дел од групата Ф заедно со репрзентациите на Холандија, Норвешка и Аргентина. На списокот на Лазаров се наоѓаат: 1. Марко Кизиќ 2. Мартин Томовски 3. Благојче Трајкоски 4. Никола Митревски 5. Васил Гогов 6. Мартин Серафимов 7. Томислав Јагуриноски 8. Давид Савревски 9. Мартин Велковски 10. Ненад Костески 11. Гоце Георгиевски 12. Мартин Поповски 13. Александар Петковски 14. Жарко Пешевски 15. Костадин Петров 16. Кристијан Симоноски 17. Михаил Аларов 18.Никола Маркоски 19. Марко Стојковиќ 20. Гоце Ојлески 21. Дејан Манасков 22. Петар Атанасијевиќ 23. Цветан Кузманоски 24. Иван Џонов 25. Павле Атанасијевиќ 26. Филип Талески 27. Едвин Омерагиќ 28. Михајло Младеновиќ 29. Емилијан Ѓоргоски 30. Марко Мишевски 31. Филип Кузмановски 32. Марио Танкоски 33. Марко Митев 34. Игор Ѓоргиев 35. Мартин Карапалевски Македонската репрезентација на 13 јануари 2023 ќе игра со Норвешка, два дена подоцна со Холандија, а на 17 јануари со Аргентина.

Ван Гал го објави списокот на Холандија и посебно израдува еден фудбалер

Ристе Здравков — Fri, 11 Nov 2022 12:59:33 +0000

Луј ван Гал го соопшти списокот со 26 фудбалери кои ќе патуваат на Светското првенство, шанса доби и младиот Чави Симонс, кој веднаш се огласи на социјалните мрежи и се заблагодари за остварување на детскиот сон. Без многу изненадувања во составот на Холандија, и покрај тоа што голманите можеби звучат анонимни, тоа се играчите кои Луј ван Гал ги користеше изминатиов период. На списокот штрчи само името на 19 годишнит Чави Симонс, кој нема ниту еден настап за Холандија, но се наметна со одличните партии во ПСВ оваа сезона. Поранешниот фудбалер на Барселона и ПСЖ веднаш се огласи на социјалните мрежи за да се заблагодари за остварување на детскиот сон.

🦁 Our 26 Lions for the @FIFAWorldCup!#NothingLikeOranje | #FIFAWorldCup pic.twitter.com/EpkvaksBLW
— OnsOranje (@OnsOranje) November 11, 2022

Германците го објавија списокот за СП во Катар

Тале Кристо — Thu, 10 Nov 2022 15:56:58 +0000

Селекторот на фудбалската репрезентација на Германија, Ханси Флик, денеска го објави списокот со 26 фудбалери на кои ќе смета за натпреварите на претстојното Светско првенство кое од 20 ноември до 18 декември ќе се одржи во Катар. Во составот на Германија за прв пат од 2017 година се враќа Марио Геце, кој го постигна победничкиот гол во финалето на Мундијалот 2014 во Бразил. За Германија во Катар ќе настапат уште тројца освојувачи на светската титула од Бразил – Томас Милер, Мануел Ноер и Матијас Гинтер. Во репрезентацијата за прв пат се повикани играчот на Вердер, Никлас Филкруг и 17-годишниот фудбалер на Борусија Дортмунд, Јусуфа Мукоко. Составот на Германија за Мундијалот во Катар: Голмани – Мануел Ноер, Марк – Андре тер Штеген, Кевин Трап. Одбрана – Армел – Бела – Кочап, Матијас Гинтер, Кристијан Гинтер, Тило Керер, Лукас Клостерман, Давид Раум, Антонио Рудигер, Нико Шилотербек, Никлас Зиле. Среден ред и напад – Карим Адејеми, Јулијан Брант, Никлас Гилкруг, Серж Гнабри, Леон Горецка, Марио Геце, Илкај Гундоган, Каи Хаверц, Јонас Хофман, Џошуа Кимик, Јусуфа Мукоко, Томас Милер, Џамал Мусијала, Лирој Сане.

И Белгија одбра за Катар, на списокот и Лукаку

Ристе Здравков — Thu, 10 Nov 2022 11:40:21 +0000

Ромело Лукаку се најде на списокот на патници за белгиската репрезентација во Катар, откако беше под голем знак прашалник дали ќе патува со оглед на повредата која ја лекува. Сепак, селекторот Роберто Мартинез се одлучи да го вклучи искусниот напаѓач. Белгија има искусен тим, и еден од фаворитите за стигнување во завршницата на Мундијалот во Катар. Покрај Лукаку, тука се и искусните Мертенс, браќата Азар, Витцел, Де Брујне, Мение, Рилеманс, Вертонген, Алдервирелд, Караско, Куртоа… Белгиската федерација исто така соопшти дека Хејнен, Салемакерс, Лукебакио и Денајер се на листа на чекање, доколку некој се повреди од сегашните играчи да влезе како замена.