сплав – Kurir.mk

ФОТО: Ова биле цените за Нова Година во „Фристајлер“, сепаре и до 2.400 евра

Ивона Петрова — Tue, 03 Jan 2023 14:40:04 +0000

Според огласот за дочекот на Новата 2023 година во сплавот „Фристајлер“ кој потона, цената на билетот за една вечер била од 27 до 40 евра, па до неверојатни 2400 евра, колку што се доплаќало за таканаречениот „Мега ВИП сепаре“. Сега на социјалните мрежи се појави комплетен ценовник. Само влезот на забавата чинел 20 евра, резервацијата на бар-маса за пет лица, која вклучува едно шише домашен пијалок чинело 230 евра. Мало сепаре за осум лица и премиум шише 600 евра, ВИП штанд за 12 луѓе, 1 шише премиум пијалок и 2 шишиња шампањ чинеле 1.100 евра. Ултра ВИП сепаре е 1.600 евра за 15 лица, а мега ВИП сепаре е 2.400 евра во цената се вклучени 2 шишиња премиум пијалоци и две шишиња шампањ.

Синоћ pic.twitter.com/1tQu3I3USh
— Гилти Сигурдсон (@SiggySwans) January 1, 2023

„Фристајлер“ тоне се повеќе: Исчезнати клучни докази, прво огласување од сопствениците

Ивона Петрова — Tue, 03 Jan 2023 13:18:27 +0000

Сплавот „Фристајлер“ кој делумно потона за Новогодишната ноќ, сега се повеќе тоне, јавуваат српските медиумите. Засега нема информации кога ќе почне извлекувањето на локалот од водата. Блиц.рс објавува дека за дочекот на Новата година на популарниот сплав имало над 700 луѓе, иако истиот е регистриран за 220 лица. Порталот пишува и дека комплетната документација е потопена, а неупотреблив и е видео надзорот бидејќи се завршило под вода. Во меѓувреме на официјалните профили на социјалните мрежи на „Фристајлер“ нова објава. -„Фристајлер“ и „Фристајлер зимска сцена“ нема да работат поради годишен одмор и новонастанатата ситуација. Отворањето ќе го објавиме на социјалните мрежи, стои во објавата. Поради инцидентот три лица, меѓу кои и грчки државјанин, се уапсени.Тие се сомничат дека на 31 декември 2022 година дозволиле да се качат на платформата поголем број луѓе од капацитетот на објектот, поради што тој делумно потона и со тоа беше загрозена безбедноста на голем број луѓе. На осомничените им е одреден притвор до 48 часа.

Тројца уапсени поради инцидентот на сплавот „Фристајлер“ во Белград

Ивона Петрова — Tue, 03 Jan 2023 12:11:35 +0000

Три лица, меѓу кои и грчки државјанин, се уапсени поради инцидентот на сплавот „Фристајлер“ во Белград што се случи на новогодишната ноќ кога тој објект почна да тоне, објави српската национална телевизија РТС. Сослушувањето на приведените е закажано за утре. Тројцата се уапсени поради сомнение дека сториле кривично дело „тешко дело против општата безбедност со намера да предизвикаат општа опасност“. Тие се сомничат дека на 31 декември 2022 година дозволиле да се качат на платформата поголем број луѓе од капацитетот на објектот, поради што тој делумно потона и со тоа беше загрозена безбедноста на голем број луѓе. На осомничените им е одреден притвор до 48 часа. Ноќниот клуб „Фристајлер“ почна да тоне на новогодишната ноќ, поради преоптовареност. Полицијата по инцидентот соопшти дека сите гости се евакуирани. Градоначалникот на Белград, Александар Шапиќ изјави дека причината за потонувањето на сплавот е тоа што на него се качиле два до три пати повеќе луѓе од дозволеното. Тој најави дека ќе има построги контроли и казни и дека виновниците ќе бидат кривично гонети.

Од тука луѓето бегаа панично во новогодишната ноќ: Еве како изгледа белградскиот сплав кој почна да тоне (ФОТО)

Ивана Ефремовски — Mon, 02 Jan 2023 08:53:53 +0000

Познатиот белградски сплав „Фристајлер“ до половина потона за време на новогодишната ноќ, а глетката што ја затекнавме утрово е „морничава“, пишува ПИНК. Имено, познатиот сплав за малку ќе потонел целосно. Да потсетиме, во неделата само десет минути по полноќ настана вистинско стампедо од луѓе кои почнаа да бегаат од сплавот во кој почна да навлегува водата. За среќа, во инцидентот нема повредени, а наредниот ден предметите биле изнесени пред „Фристајлер“ за луѓето да ги подигнат. Илија Шкориќ, началник на полициската управа за безбедност на реките во Белград, кој во страшната ноќ беше на теренот, утринава за ТВ Пинк изјави дека со брзата и ефикасна акција на полицијата спречени се повредени луѓе и поголема материјална штета. -Припадници на Единицата за безбедност на реките интервенирале со два пловни објекти. За среќа, немаше потреба да се извлекуваат луѓе од реката, изјави Шкориќ. Шкориќ рече дека е рано да се зборува за причините за несреќата, а сите причини се истражуваат. -Во медиумите се појавија информации дека причината е преголемиот број гости, што се истражува, како и други причини кои можат да предизвикаат ваква несреќа, објасни Шкориќ и рече дека јавноста ќе биде информирана за причината кога ќе биде спроведена истрагата. ФОТО: ПИНК.РС

Потона познатиот сплав, драма на новогодишната ноќ во Белград – луѓето панично бегале (ВИДЕО)

Ивана Ефремовски — Sun, 01 Jan 2023 08:33:10 +0000

На новогодишната прослава на сплавот „Фристајлер“ во Белград се случил инцидент, како што се гледа на фотографиите од порталот Нова.рс сплавот потонал. На местото биле испратени две екипи на Брзата помош неколку минути по полноќ. Половина од сплавот потонал, а како што пренесуваат дел од српските медиуми за време на инцидентот луѓето кои биле внатре панично бегале.

View this post on Instagram

A post shared by 192.RS (@192_rs)

Сплавот почнал да тоне, гостите евакуирани: Хаос на настапот на Наташа Беквалац, еве што се случило

Ивана Ефремовски — Thu, 03 Jun 2021 07:48:58 +0000

Синоќа поп-пејачката Наташа Беквалац настапи на еден белградски сплав, првпат по година ипол пауза поради пандемијата. Поради огромната посетеност, сплавот започна да тоне во еден момент, па настапот итно беше прекинат. Како што пренесе ПИНК од извори кои биле на самото место, организаторите започнале да ги евакуираат луѓето и дека сплавот бил празен. Полицијата веднаш се појавила на овој сплав во метрополата Белград.

ДРАМА ВО БЕЛГРАД: Изгореа два сплава на реката Сава (ВИДЕО)

Дарко Андоновски — Mon, 20 Jan 2020 19:12:35 +0000

Голем пожар проголта два големи објекти сплавови лоцирани на реката Сава во Белград. Пожарот избувнал на сплавот ,,Цунами“ кој служел за организирање прослави, а целосно е изгорен уште еден сплав до него, a два други се оштетени, пишуваат српските медиуми. Според Блиц на сплавовите немало никој, а пожарот најверојатно е подметнат.