сплит – Kurir.mk

ВИДЕО: Тотално лудило во Сплит, Торцида ја „запалија“ Рива пред дербито со Динамо

Ристе Здравков — Sun, 01 Oct 2023 10:51:30 +0000

На сплитската Рива, навивачката група која го поддржува Хајдук, „Торцида“, направи сцени за паметење. Ден пред големото дерби меѓу Хајдук и Динамо Загреб на Пољуд (недела, 18:00), „Торцида“ ја славеше бројката од 100.000 членови на Хајдук. Стотици факели изгореа и создадоа сцени за паметење. Пред пиротехничкото шоу над три илјади навивачи ги исполнија трибините на помошниот терен, каде играчите на Хајдук го одработија последниот тренинг пред дербито.

30.09.2023T🇭🇷Torcida lit 1,000 torches on the Riva on the occasion of 100,000 Hajduk members https://t.co/Fjy3xrlEmQ pic.twitter.com/m8WujTB20D
— Hooligans.cz Official (@hooliganscz1999) September 30, 2023

„Пољуд“ со денови е распродаден за овој натпревар и од вторник практично нема влезници во продажба.

ДРАМА ВО СПЛИТ: Македонец фатен при кражба, па ја нападнал полицијата со чекан – ризикувал да заврши во затвор за „смешна“ сума на пари

Дарко Андоновски — Tue, 19 Sep 2023 07:21:37 +0000

Граѓанин на Македонија (47) нападнал полицајци со чекан при грабеж на деловен простор во Сплит, откако полицијата дошла по пријава на граѓанин, информираат хрватските медиуми. Како што пишува „Слободна Далмација“, настанот се случил во саботата еден часот после полноќ. Според наведеното, полицаецот кој прв се доближил на местото на настанот забележал дека вратата од просторот е отворена и претпазливо се приближил сомневајќи се дека крадецот се уште е внатре. Во тој момент вратата ненадејно се отворала и непознат маж, држејќи чекан, се нафрлил кон полицаецот, удирајќи го во градите. Полицаецот паднал на подот и мажот почнал да бега, но службеникот набргу станал и истрчал по него заедно со уште двајца колеги. Тие му наредиле да застане, но крадецот ги игнорирал и продолжил да бега. Полициските службеници, решени да го фатат сторителот на делото, продолжиле да трчаат по него и успеале да го стигнат неколку улици подалеку. На лице место е извршена истрага, забележани се оштетувања на отворениот сеф од кој се украдени 205 евра кои се пронајдени и кај македонскиот државјанин, а на друг неотворен сеф е констатирана само штета. Крадецот се наоѓа моментално во притвор.

Моќниот американски носач на авиони „Џералд Форд“ вплови во Сплит (ВИДЕО)

Ристе Здравков — Mon, 26 Jun 2023 10:27:13 +0000

Најмодерниот носач на авиони на нуклеарен погон „USS Gerald R. Ford“ утрово вплови во Сплит. Огромниот брод го привлече вниманието на бројни жители на Сплит и туристи, пренесуваат хрватските медиуми. Посетата на Сплит е потврда за унапредување на односите меѓу САД и Хрватска, бидејќи двете земји работат заедно за стабилен, безбеден и просперитетен регион, соопштија од амбасадата на САД во Хрватска. Бродот е долг дури 337 метри, може да носи до 75 авиони и над 4.000 членови на екипажот, се напојува од два нуклеарни реактори, што му овозможува да плови со брзина до 56 километри на час, може да плови околу 20 години без полнење гориво, опремен е со двопојасен најнапреден радар, а вреди 13 милијарди долари. Разурнувачот се упати кон Европа во октомври минатата година, неговата прва мисија, за да се приклучи на вежбите на северноамериканските и европските сојузници. Минатиот месец тој заплови во Норвешка, во Осло, поради што соседна Русија се налути и го критикуваше чинот како нелогична и штетна демонстрација на сила.

НЕМА ДА ВИ ТЕКНЕ ДА ГО ПРАВИТЕ ОВА ВО СПЛИТ – туристите ќе плаќаат казна од 300 евра доколку направат ваква грешка!

Дарко Андоновски — Fri, 19 May 2023 12:50:20 +0000

- Градскиот совет на Сплит донесе одлука за јавен ред и мир на подрачјето на Сплит, според која за време на туристичката сезона несоодветното однесување на јавни места ќе се казнува. Согласно таа одлука, со 300 евра ќе се казни конзумирање алкохол на јавна површина, вршење нужда на јавна површина, спиење во паркови, тревници, плоштади и други јавни површини; консумација на храна или пијалоци на површината за јавна употреба и престој во угостителски објекти по завршување на работното време, пренесува порталот Индекс. Прифатен е и амандман за парична казна од 300 евра за качување и седење на споменици и спомен-плочи, влегување, качување и/или капење во фонтани и нудење и склучување договор за такси услуга што не била однапред договорена. Повраќање на јавни површини, како и градежно-монтажни работи од 14 до 17 часот и од 22 до 19 часот, ќе се казнуваат со парична казна од 150 евра, за да се спречи бучава.

Голем пожар во Сплит

Ивона Петрова — Thu, 12 Jan 2023 08:16:59 +0000

Триесет пожарникари од Сплит гаснат голем пожар кој избувна во магацин за автомобилски гуми во месноста Дујмовача, информираат пожарникарите и полицијата. На терен се 30 пожарникари со десет возила од ЈВП Сплит, ДВД Сплит, Солин и Врањиќ, јавија сплитски медиуми. Засега не е познато што го предизвикало пожарот.

Роко Лени Укиќ се врати во матичниот Сплит и ќе игра – бесплатно!

Бошко Тасиќ — Mon, 05 Dec 2022 06:08:15 +0000

Некогашниот хрватски НБА-кошаркар, Роко Лени Укиќ, уште не заминува во пензија, откако на 37-годишна возраст реши да се врати во матичниот Сплит каде што ќе игра само од љубов кон клубот односно – бесплатно. Тој во кариерата настапуваше за Торонто, Милвоки, Барселона, Лотоматика и многу други европски тимови. Минатата сезона го носеше дресот на Цедевита Олимпија и во АБА-лигата просечно реализираше 10,4 поени и 3,4 асистенции, а дебито за сплиќани се очекува да го има против Морнар, точно на својот 38. роденден.

ФОТО: Први ноември, плажите во Сплит полни со капачи

Ивона Петрова — Tue, 01 Nov 2022 13:59:47 +0000

Ниту првиот ден од ноември не ги исплаши жителите на Сплит да ја окупираат плажата Бачвице. „24сата.хр“ објави видео на кое се гледа дека плажата е полна со луѓе, а голем дел се влезени и во морето да и уживаат. Хрватскиот метеоролошки завод соопштил дека денеска највисоката температура на воздухот ќе биде меѓу 21 и 26 Целзиусови степени, додека повисока ќе биде во внатрешноста на Далмација. Летната атмосфера владее и на плажите на Макарска, а топлото време ќе трае до крајот на неделата.

Туристички брод потона во Сплит, полицијата го уапси пијаниот капетан

Магдалена Андонова — Sun, 24 Jul 2022 09:33:06 +0000

Хрватската полиција објави нова информација за ноќната несреќа во која туристички брод со патници удри во сплитското западно крајбрежје, а се наведува дека капетанот на бродот е приведен. На бродот имало околу 50-ина патници и сите успеале да се симнат од бродот до брегот, па нема повредени, пренесува Index.hr. На местото на настанот излегле пожарникари, вработени во Капетанијата на пристаништата и полициски службеници. Истрагата што ја спроведе Капетанијата на пристаништата е во тек, додека капетанот на бродот е приведен во службените простории на полицијата заради спроведување на кривична истрага поради тоа што е констатирано дека е во алкохолизирана состојба и поради тоа е осомничен за кривичното дело прекршок Загрозување на посебни видови сообраќај, соопшти полицијата.

ДРАМА ВО МОРЕТО КАЈ СПЛИТ: Чад го покри небото, се запали брод, четворица навреме избегале од пожарот (ФОТО)

Магдалена Андонова — Sat, 16 Jul 2022 17:42:48 +0000

Околу 18 часот брод пламнал во морето кај Сплит, јавува Далмација Данас. - Прво се појави чад, а по пет минути избувна пламен. За жал, бродот гори „како кибрит“ – изјавиле очевидци за медиумите. Добрата вест е што сите од бродот се спасени и нема жртви. Инаку, се работи за брод и компанија од Хрватска. – Капетанијата на пристаништата била информирана и пристигнала на местото на настанот околу 18 часот и 20 минути – изјавил за медиумите жител на Сплит, кој го набљудувал настанот.

Хорор на плажа во Сплит! Змија каснала жена: „Имаше многу крв, ме касна во вена“

Магдалена Андонова — Wed, 29 Jun 2022 17:29:58 +0000

Романска државјанка со адреса на живеење во Сплит на плажата Жњан бил каснат од змија, за која се покажало дека не е отровна, пишува денеска локалниот портал Далмација Данас. Рекла дека и заѕвонил мобилниот телефон на плажата и дека откако решила да одговори се повлекла во сенката на блиското дрво. - Зборував, а потоа одеднаш почувствував силна болка. Кога погледнав во ногата, видов змија како бега во блиската грмушка, рекла Моника. Рекла и дека имало многу крв, бидејќи се испоставило дека змијата ја каснала во вена.