спм – Kurir.mk

СПМ: Поддршка за протестите базирани на социјална основа и на правата на загрозените граѓани

Катерина Бојаџиева — Tue, 19 Sep 2023 15:09:56 +0000

Социјалистичката партија на Македонија ги осудува власта и министрите кои ги одбиваат барањата на граѓаните за решавање на прашањата и проблемите. Пензионерите, работниците, земјоделците, студентите, жртвите од онкологија и многу други граѓани силно протестираат пред владата која не ги слуша и не ги почитува. Секојдневните протести од незадоволството секојдневно ескалираат секојдневно како израз на револт и разочараност од власта. Владата на неспособниот Ковачевски ги потценува граѓаните и го гуши системот и демократијата. Наместо да се ангажираат и да ги решаваат проблемите премиерот, претседателот на државата и министрите шетаат околу светот без никакви резултати. Однародената власт која ужива во коруптивните зделки и се богати од провизиите од тендерите несака и нема да ги слуша граѓаните, одлагајќи ги решенијата за плати, за пензии, за права кои им следуваат на граѓаните. Преку иницијативи од маргинални политички субјекти се пренасочува вниманието на граѓаните од суштинските проблеми. Затоа е потребно овој народен револт да се обликува во директна форма на притисок и преку избори да се смени оваа неспособна и корумпирана власт. Социјалистичката партија на Македонија ги поддржува протестите базирани на социјална основа и на правата на загрозените граѓани кои упорно реагираат на неправдите кон нив, за платите и пензиите и сите одземени права.

СПМ повикува по истекот на рокот од 10 работни дена од пленарната седница да се пристапи кон гласање за уставните измени

Ивана Ефремовски — Sat, 26 Aug 2023 14:10:49 +0000

Социјалистичката партија на Македонија на македонските граѓани им укажува на неодржливоста на актуелната внатрешна состојба во државата оптеретена со длабока политичка и уставна криза како последица на неодговорното однесување на власта. Во продолжение следува интегрален текст од сосопштеието на СПМ Во изминатиот неколку годишен период власта целата енергија ја посвети во надворешната политика и на евроинтегративниот процес на Република Македонија кој и покрај сите укажувања и предупредувања од опозицијата се испостави како целосно промашен и неуспешен. Тоа се покажа со изгласување на Дневниот ред на собраниската 123 Седница на која се потврди дека мнозинството ниту оддалеку го нема потребното двотретинско мнозинство. На овој начин до крајност искомпромитираната и коруптивна власт го загуби елементарниот легитимитет кај граѓаните, а со оддолговлекувањето на процесот дополнително ја усложнува ионака сериозната состојба и свесно ја турка државата сè подалеку од вистинското започнување на преговарачкиот процес за полноправно членство на Република Македонија во ЕУ. Социјалистичката партија на Македонија укажува дека и покрај тоа што листата на пријавени говорници е исцрпена и дебатата за потребата од уставните измени е завршена, собранискиот Деловник повторно е грубо прекршен со прекинување на седницата. Наместо гласање на пратениците за потребата од отварање на Уставот, за што имаше повеќе од доволен број на присутни пратеници, мнозинството спротивно на Деловникот одлучи за прекинување и пролонгирање на чинот на гласање покажувајќи ја сопствената немоќ и страв од целосен дебакл, собраниски и политички. Затоа што собраниската Седница е сеуште отворена и тече рокот со предвидените десет деловнички дена за дебата повикуваме, по истекот на овој период, за нејзино итно продолжување и преоѓање кон формално гласување на поднесениот предлог за потребата од менување на Уставот на Република Македонија како уште една потврда на немањето на двотретинско мнозинство. Ја повикуване власта на разум и ја поттикнуваме на државничко однесување за донесување на единствено можната одлука за гласање, распуштање на Собранието на Република Македонија и распишување на вонредни парламентарни избори. Социјалистичката партија на Македонија напоменува на цврсто изградената поврзаност со огромното мнозинство граѓани, како и на принципелниот став и одлучност на пратениците од пратеничката група на Коалицијата „Обнова на Македонија“ во заштита на македонските национални и државни интереси со одбивање на предложените уставни измени.

СПМ бара безусловно одржување на вонредни парламентарни избори

Катерина Бојаџиева — Fri, 18 Aug 2023 13:03:57 +0000

Социјалистичката партија на Македонија деншниот исход од гласањето за усвојување на дневниот ред на 123-та пленарна седница на Собранието на Република Македонија го оценува како потврда на неуспешниот уставен инженеринг на власта. -Покрај лицемерната понуда за градење консензус и обединување, очигледен е внатрешниот отпор и во редовите на пратениците во СДС за уставните измени. Ова претставува дебакл за премиерот Ковачевски, неговиот тим кој учествуваше во преговорите за преговарачката рамка и целосен пораз на Владата на СДС и ДУИ во надворешната политика. Главниот кочничар на евроитегративниот процес е токму Владата со неуспешните политики во сите области и со енормната корупција вкоренета во самиот државен врв. Социјалистичката партија на Македонија укажува на драматично неодрживата политичка криза во која се наоѓа државата, а од денес и на уставната криза. Владата повеќе нема легитимитет за натамошно работење, таа денес на најдемократски начин е детронизирана затоа што, покрај кај опозицијата и огромниот број граѓани, ја нема поддршката ниту кај своите пратеници. Во ситуација на сложени внатрешно политички услови и очигледен застој на евроинтегративниот процес Социјалистичката партија на Македонија упатува на потребата од безусливно одржување на вонредни парламентарни избори. Изборите се едиствениот демократски начин на кој граѓаните непосредно ќе одлучат за иднината на Република Македонија, велат од Социјалистичката партија на Македонија.

СПМ: Поддршка за барањата пензионерите и итно зголемување на пензиите

Катерина Бојаџиева — Tue, 15 Aug 2023 08:07:18 +0000

Социјалистичката партија на Македонија ја повторува поддршката на барањата и протестите на пензионерите за итни решенија за зголемување на пензиите. Власта на однародените СДС и ДУИ барањата не сака ниту сериозно да ги разгледа и нема намера да ги прифати, а надлежната министерка и интригант, со надменост на обичен трудов инспектор безобзирно ги одбива. За несреќа таа како ресорен министер е должна и обврзана да наоѓа решенија. Но, доколку во нејзините празни ламентации зголемувањето на пензиите е неуставно, а исплатата незаконска тоа не значи дека нејзиното работење е успешно. Ако не е во состојба да ја извршува должноста може да си поднесе оставка како и целата влада, чин прифатен од сите граѓани. Долгорочната криза што ја создаде СДС и ДУИ не дава можности за динамичен раст и развој, а со тоа и за подобрување на стандардот на граѓаните. Дефокусирајќи се од егзистенцијалните проблеми на граѓаните, а особено на пензионерите, власта подметнува расправи за наводни стратешки и општи проблеми од типот на глобални состојби, уставни измени, национализми и секакви други геостратешки нешта но не расправа и за елементарните потреби на луѓето. Всушност власта и ресорната министерка не сакаат да ги разберат очајните барања на пензионерите кои се на работ на опстанокот, безобразно лажејќи ги и убедувајќи ги дека всушност им е многу убаво, дека пензиите пораснале, а тие во суштуна реално се намалени и обезвреднети. Социјалистичката партија на Македонија е секогаш со народот и заедно со граѓаните и пензионерите бара да се прифатат нивните барања и потоа да се оди на итни избори за да се смени оваа неспособна и ненародна власт.

СПМ: Пензионерите живеат во мизерија

Ристе Здравков — Thu, 10 Aug 2023 10:14:48 +0000

Социјалистичката партија на Македонија го оправдува и го поддржува револтот на пензионерите и нивното барање за итни решенија за зголемување на пензиите. Во социјална држава за каква сеуште ја сметаме Македонија пензионерите не смеат да бидат потценети и оставени на маргините на општеството. Оттаму навидум зачудува зошто токму контроверзната претседателка на Сојузот на здруженијата на пензионери е повеќе заинтересирана за балансирањето на Фондот за пензиско и инвалидско осигурување со средствата отколку за барањата на пензионерите кои живеат во мизерија и јавно протестираат. Очигледна е нејзината одчовеченост и партизираност, но и политизацијата на Сојузот и неговото подредување за потребата од оправдување на политиката на Владата. Истото се однесува и на Партијата на пензионерите која неоправдувајќи ги пензионерските протести заедно со Сојузот на здруженијата на пензионери застануваат против интересите на граѓаните со ниски пензии кои едвај преживуваат. Тие немаат одговор како и за колку да се зголемат пензиите особено за најзагрозените категории. За да биде блокадата на пензионерите комплетна и Министерствто за труд и социјална политика пензионерските протести ги оквалификува како политички мотивирани и затоа не ги прифаќа. Власта со нејзините трабанти бездушно и сурово е против најсиромашните пензионери кои молат да преживеат. Луѓе кои за врема на работниот век се вградиле во оваа држава и имаат право на елементарен однос и грижа, затоа што државата е нивна, а не на една мала група себични и криминални луѓе кои одлучуваат за човечки судбини. Социјалистичката партија на Македонија на пензионерите им укажува дека Владата на Ковачевски е слепа и глува за барањата на граѓаните и на пензионерите и крајно лицемерно ги убедува во покачувањето на стандарот што е безобрана лага. На коруптивната и однародена власт најважни и се тендерите и профитните зделки, додека за пензионерите нема ниту основен интерес. Социјалистичката партија на Македонија истакнува дека пензионерите и граѓаните треба добро да го запомнат однесувањето на СДС и ДУИ за што на предвремените избори кои се неопходни жестоко и безмилосно ги казнат за негативните политики и состојби во кои се доведени заради високата инфлација и несоодветниот модел на раст на економјата и раст на пензиите. Социјалистичка партија на Македонија

СПМ: Судиите и обвинителите се под политичко влијание, тоа мора да се промени

Катерина Бојаџиева — Fri, 07 Jul 2023 07:30:30 +0000

Социјалистичката партија на Македонија укажува дека со прифаќањето на мониторинг мисија од Европската унија врз работата на Судскиот совет владата на Ковачевски ја признава катастрофалната состојба во овој орган и во судскиот систем. Најнеспособниот премиер логично го има со себе и најнеспособниот Судски совет кој е срам и понижување за македонската држава и за целокупното судство кое е спуштено на дното во општеството. Наместо да се зафати со реформи во судството Ковачевски само продолжи да го метастазира овој приватизиран орган кој е заштитник на криминалот и корупцијата преку судиите со кои се манипулира и врз кои се влијае за политички и лукративни цели. Судиите и обвинителите се под политичко влијание и целосна контрола на СДС и ДУИ што е апсолутно недозволиво, носат неверојатни нелогични одлуки кои не се во склад со правото и правната логика. Судскиот совет и советот на јавни обвинители со право се изложени на жестока кампања од граѓаните, од медиумите, од партиите и од меѓународните претставници кои гледаат каков криминал и корупција има во овие структури, а за што во одредена мера и тие сносат вина. Тоа мора да се промени и да си понесат одговорност власта и овие органи за штетните политики и одлуки спротивни од правните норми и прописи. Судството, судиите и Судскиот совет мора да се сменат со целосна реформа, но не во стилот на „пупката на Заев“ и катастрофата што е создадена. Вистинските професионалци се поклопени од страна на прврзаниците или потклекнатите под стегите на СДС и ДУИ и на тоа мора да му се стави крај. Социјалистичката партија на Македонија смета дека оценките од мониторингот од ЕУ ќе бидат бесцелни доколку судството итно не се трансформира според европски стандарди и критериуми. Затоа СПМ истакнува дека и од овие причини се потребни итни избори и целосни и вистински реформи во судската и обвинителската структура кои се без интегритет, без отчетност и контрола на нивната работа.

СПМ: Неопходни се нови вонредни парламентарни избори

Ивана Ефремовски — Wed, 05 Jul 2023 13:42:38 +0000

Социјалистичката партија на Македонија оценува дека во македонската јавност надвладува процесот на изразување на незадоволство за неправдите и корупцијата што како канцер се раширени насекаде. Во продолжение следува интегрален текст од партиското соопштение: Барањата за одговорност за криминалите на СДС и ДУИ и злоупоребите на власта се толку силни што нереагирањето на судството и обвинителството ги згрозува и граѓаните и претставниците на меѓународната задница кои ги следат овие процеси. Покрај сето тоа најкорумпираните, по дваесет години власт, бараат ветинг во политиката, судството и обвинителството со кое тие раководат. Смешно е и трагикомично самите себе да се проверуваат и секако никој нема да е виновен. Се ќе си оди во стилот: како и до сега, затоа народот не верува во лагите од ДУИ и СДС. За да ги затскријат изразените криминали ДУИ и СДС го обвинуваат ВМРО ДПМНЕ и другите опозициски партнери со излитената фраза дека сите се виновни и криминалци, а ДУИ во секој поглед е невина. Како врв на цинизам и лицемерие самите тие откривањето на криминални активности на СДС и ДУИ го сведуваат на лажни вести и пропаганда затоа што вистината е болна и поразителна. Затоа, Социјалистичката партија на Македонија повторува дека се неопходни нови вонредни парламентарни избори и заминувањето од власта на омразени корумпирани и криминални ликови мора да се случи. Народот е тој што е во право и знае да одбере посветени, чесни и национално определени поединци кои можат да ја вратат државата на вистинскиот пат.

СПМ: Битиќи не ветува зголемување на платите на вработените кои штрајкуваат

Катерина Бојаџиева — Thu, 22 Jun 2023 07:42:20 +0000

Социјалистичката партија на Македонија укажува дека стратегот на Владата за економски прашања вицепремиерот Фатмир Битиќи не ветува зголемување платите на вработените кои штрајкуваат. -Тој цени дека нема да има генерален штрајк иако е свесен за незадоволството кое тлее и се разгорува подолго време кај вработените. Социјалдемократот Битиќи, со големо потценување и неискреност, се обидува работниците да ги превезе жедни преку вода со најава дека со нов колективен договор ќе се уреди системот за плати. Работниците предводени од синдикатите се свесни дека нема успех во одлагањето на преговорите и затоа покренуваат генерален штрајк за кој Битиќи не се согласува. Социјалистичката партија на Македонија напоменува дека уставното право на штрајк не може да го сопре ни Битиќи ниту неговиот нелегитимен шеф Ковачевски, ниту пак наводно штедливиот финансиер Бесими. Тие сите нештата ги гледаат со розеви наочари зголемени за 78% и не се грижат многу за работничките права и плати. Нивниот фокус се богатите бзинисмени и инвеститорите кои им нудат ниски плати на работниците заради што тие се принудени да штрајкуваат. Платите и пензиите се главна причина за незадовоство и иселување на работниците во странство, а власта предводена од некадарните криминални министри не е загрижена. Социјалдемократите Битиќи и Ковачевски им се закануваат на работниците, посебно на цариниците и даночниците, а решение гледаат во увоз на работна сила која ќе може да ја експлотираат дури повеќе од постојните работници во државата. Национално и идеолошки загубената социјалдемократска власт создава егзодус на домашните работници и граѓани кои живеат во беда и сиромаштија. Социјалистичката партија на Македонија нагласува дека ниското ниво на плати и пензии создава и ќе создава и натаму незадоволство и штрајкови се додека антидемократската и нереформска власт не се соочи со реалноста дека е корумпирана и не може да владее оти е неспособна и никој не ја респектира. Власта создава нестабилност и општествени потреси. Социјалистичката партија на Македонија истакнува дека новите избори природно се наметнуваат и не треба да се одлагаат. Состојбите ескалираат и ги закочуваат финансиските и редовните текови Во нормални преговарачки услови со легитимна власт се наоѓаат брзо решенија на страните кои меѓусебно се почитуваат, а не власта да ги потценува и изигрува работниците кои имаат легитимни барања, велат од СПМ.

СПМ со иницијатива за помирување на синдикатите и заедничка борба за повисоки плати во МВР

Катерина Бојаџиева — Tue, 20 Jun 2023 08:20:29 +0000

Во период кога во нашата држава Република Македонија се потешко и потешко се живее, во период кога вработениот на МВР секојдневно преживува дочекувајќи го секој 1-ви во месецот, во период кога Полицаецот зема основна плата единствено најмала во државата... мизерни 15.200 денари..., велат од Синдикат на Полиција во Македонија СПМ. Како Синдикат сметаме дека е време да ставиме крај на се, крај на сите неправди кои некои од Вас претходно ги правеа кон нас како Синдикат и да помимеме низ сето тоа затоа што на крајот сметаме дека вработените во МВР се најважни пред се и над се. Затоа решивме да ја подадеме нашата рака и заедно сите сплотени да се избориме во борбата за подобри права и услови во Полицијата а посебно во делот на барањето за повисоки плати во МВР. Тука не ни е целта да привлечеме внимание или на крајот да излеземе како победници. НЕ! Максимално ќе дадеме подршка и ќе го дадеме приматот на МПС како најголем Синдикат во МВР во моментов да биде лидер и иницијатор во оваа борба за повисоки плати во МВР. Во време кога секојдневно слушаме како се повеќе и повеќе институции и синдикати го креваат нивниот глас за повисоки плати и успеваат во таа борба, сметаме дека е време да се крене гласот на работникот во Полицијата. За таа цел Претседателе Кицев ја имате нашата подршка а веруваме и подршката на НСП и оваа наша подадена рака ќе ја земете добронамерно и ќе се отпочне веднаш со Барањето за повисоки плати во Полицијата. Во моментов нашето барање е 1 ЕВРО - 1 БОД, но доколку имате барање кое е подобро од наведеното за повисоки плати, секако ќе биде подржано од наша страна. За таа цел сметаме дека е време заедно да седнеме на маса и конечно да се обединиме во барањето за повисоки плати. ВРЕМЕ Е. Се надеваме на позитивен одговор. Враќање на ПРОФЕСИОНАЛИЗМОТ на вработените во МВР!, Синдикат на Полиција во Македонија СПМ.

Социјалистичка партија на Македонија: Не треба да има измени на Уставот, особено не пред зачленувањето во ЕУ

Катерина Бојаџиева — Fri, 16 Jun 2023 09:27:30 +0000

Социјалистичката партија на Македонија укажува на натреварот меѓу партиите во власта кој повеќе ќе биде поубедлив во извртувањето на фактите. -Премиерот и министрите од СДС и ДУИ не запираат во сеењето лаги за опозицијата дека прифатила измени на Уставот и само што не почнале преговорите со ЕУ. Тие не се изјаснуваат по предлозите на опозицијата и само го развлекуваат времето за што подолго да владеат. СДС и ДУИ не внимаваат ниту граѓаните, кои се против уставни измени, ниту ги почитуваат пратениците за кои им спремаат силен притисок и уцени. Тие не запираат насила да ги усвојат неприфатливите предлози за бугаризација на Македонија. Насилно и без визија Маричиќ продолжува со конфузни најави за разговори со опозицијата до крајот на месецот, а и тој и Ковачевски ги игнорираат предлозите што секојдневно им ги повторува опозицијата. Османи извештен во лажење по налог на Ахмети денес тврди дека нема да има нови барања од Бугарија, промптно демантиран со најавен бугарски список на барања кои ќе следат по измените на уставот за историјата, учебниците, настани, личности. И се друго што од СДС и ДУИ прифатиле во протоколите. Предавството на власта се разоткрива и се е јасно. Затоа Социјалистичката партија на Македонија истакнува дека не треба да има измени на Уставот, особено не пред зачленувањето на Македонија во ЕУ. Неодговорното однесување на СДС и ДУИ е на штета на државните интереси на Македонија. Затоа граѓаните треба да што поскоро да изберат свои легитимни народни претставници, додаваат од Социјалистичката партија на Македонија.