Спорт Клуб – Kurir.mk

Коментаторот на вчерашниот меч со еден збор ги освој срцата на сите МАКЕДОНЦИ – еве како ја нарече нашата земја! (ВИДЕО)

Дарко Андоновски — Wed, 30 Mar 2022 07:40:16 +0000

Сите мечеви на фудбалската репрезентација на Македонија во квалификациите за Светското првенство во Катар беа пренесувани на регионалната Спорт Клуб телевизија. Македонските фудбалери со своите блескави игри дефинитивно ги освоија и срцата на поголем дел од новинарите и коментаторите во регионот, а посебно интересен беше синоќешниот коментар на новинарот на СК ТВ. „Македонија, само Македонија. Една и единствена, голема и убава“, рече новинарот кога сакаше да даде коментар за македонската репрезентација. Ова е уште еден доказ дека спортот секогаш бил посилен од сите политики и дека успехот во спортот е најмоќното оружје за промоција на секоја земја.

Македонија, НЕ СЕВЕРНА, само Македонија! pic.twitter.com/qWZzAdvKN4
— Курир (@KurirMK) March 30, 2022

Арена Спорт и Спорт Клуб да се емитуваат на македонски и албански јазик во Македонија

Бошко Тасиќ — Tue, 02 Nov 2021 21:34:58 +0000

Владата на денешната 117 седница донесе препорака според која, ќе се локализираат спортските канали на официјалните јазици во државата а кои се реемитуваат преку кабелските оператори кои ќе треба да воведат коментатори на македонски и албански јазик, официјалните во државата. Ова значи дека по 31 декември оваа година, Спортклуб и Аренаспорт ќе мора да се приспособат на одредбите од Конвенцијата на ЕУ за прекугранична телевизија и да ги емитуваат спортските медиумски сервиси на македонски и на албански јазик. „На оваа своја седница, врз основа на Извештајот на Работната група за изнаоѓање начин за регулирање на јазично покривање на македонски и албански јазик на спортските канали кои се реемитуваат на територијата на Република Северна Македонија, Владата им препорача на сите радиодифузери што реемитуваат спортски содржини на територијата на Република Северна Македонија, најдоцна до 31 декември да започнат да ги имплементираат одредбите од Конвенцијата на ЕУ за прекугранична телевизија и да ги емитуваат спортските медиумски сервиси на македонски и на албански јазик“ – објави Владата по завршувањето на 117 седница. .

МТВ ги купи правата за Европското првенство

Ивана Ефремовски — Thu, 12 Nov 2020 21:50:23 +0000

Македонската телевизија ги купи ТВ правата за Европското првенство следната година. МТВ ги откупи правата од Спорт Клуб за пренос на натпреварите на македонската фудбалска селекција од првото свое историско учество на Европско првенство.