спорт – Kurir.mk

Општина Ѓорче Петров објави оглас за распределба на средства во спортот

Ивана Ефремовски — Fri, 06 Oct 2023 07:30:09 +0000

Општина Ѓорче Петров објави оглас за распределба и доделување финансиски средства за поддршка на спортски манифестации, спортски клубови и спортисти. Јавниот повик ќе овозможи јавно и транспарентно распределување на средствата, согласно условите кои се потребни за конкурирање и добивање одредена финансиска помош. Апликацијата се состои од потполнување на пријава и проектна пријава, а рокот за аплицирање трае до 20.10.2023 година. Сите подетални информации и преземањето потребни документи може да се разгледаат и преземат на следните линкови: -Jавен оглас: http://opstinagpetrov.gov.mk/.../%D0%88%D0%B0%D0%B2%D0%B5... -Пријава: http://opstinagpetrov.gov.mk/.../%D0%9F%D1%80%D0%B8%D1%98... -Проектна пријава: http://opstinagpetrov.gov.mk/.../%D0%9F%D1%80%D0%BE%D0%B5... Општината првпат објавува јавен оглас за финансиска поддршка на спортот, спортски здруженија и спортисти на територијата на Ѓорче Петров. Оваа локална самоуправа продолжува активно да работи во насока на развој на спортот и успех на спортистите од општината.

Грковска: Инклузијата во спортот ја помага и инклузијата во општеството

Ивана Ефремовски — Wed, 12 Apr 2023 13:08:15 +0000

„Овозможувањето спорт за сите, преку отстранување на архитектонските и други видливи и невидливи бариери и инвестирање во опрема и посебни програми, не е само начин да се подобри животот и благосостојбата на луѓето со попреченост, туку и начин како општеството да станува подобро и поправедно“, истакна заменичката на претседателот на Владата на Република Македонија задолжена за политики за добро владеење, Славица Грковска, на отворањето на првиот инклузивен спортски саем „Спорт за сите“. Овој настан се организира на иницијатива на вицепремиерката Грковска, а е поттикнат од минатогодишната евалуацијата на EPAS (Enlarged Partial Agreement on Sport), тело на Советот на Европа, кое претставува платформа за меѓувладина соработка на земјите-членки на полето на спортот. Потребата да се унапреди инклузијата во спортот беше една од главните забелешки на EPAS, чија евалуација опфати 40 институции и спортски организации. „Почитувањето на начелата „Никој да не биде изоставен” и „Ништо за нас без нас“, треба да се водилки и во сите останати области. Бидејќи само со целосно почитување на човековите права и со широка вклученост на засегнатите страни кога се носат и спроведуваат мерки и политики, можеме да изградиме одржлив систем на добро управување, кој ќе функционира во интерес на сите граѓани”, изјави вицепремиерката Грковска, и ги охрабри присутните спортисти и спортски работници да се вклучат со свои коментари во подготовката на новата Национална стратегија за правата на лицата со попреченост 2023 - 2030, која во моментов е поставена на ЕНЕР. Саемот се одржа во соработка со Програмата за развој на Обединетите нации и во партнерство со Националните сојузи и организации на лица со попреченост. „Лицата со попреченост многу често се соочуваат со бариери во секојдневниот живот, и за жал оваа целна група е генерално исклучена од скоро сите социо - економски текови. Во таа смисла, спортот претставува идеална средина каде што тие можат на еднаква основа со сите да се занимаваат со спортски активности без разлика дали се соочуваат со одредена попреченост или не. За да го засили позитивното влијание на спортот, а во насока на промовирање и на Целите за одржлив развој, УНДП во своите проектни активности е партнер со националните институции, спортските асоцијации и клубови за да обезбеди можности сите лица да се вклучат во одредена физичка активност на еднаква основа со сите“, потенцираше Армен Григорјан, постојан претставник на Програмата за развој на Обединетите нации. Целта на настанот е да се поддржат отворените дискусии меѓу Владата и организациите на лицата со попреченост за пристапот до спортот на професионално и рекреативно ниво на еднакви основи како и другите. Во таа насока, со свои излагања се вклучија и министрите за образование и локална самоуправа, Јетон Шаќири и Ристо Пенов, директорот на Агенцијата за млади и спорт, Наумче Мојсовски и Бранимир Јовановски, претседател на Параолимпискиот комитет на Република Северна Македонија. На саемот беа презентирани можностите за активно спортување на лицата со попреченост во неколку спортски федерации и спортски клубови. Учесниците ги споделија предизвиците со кои се соочуваат во своето работење, како и своите идеи за создавање услови за учество во спортот за сите граѓани.

Нуркање на коњ бил вистински спорт (ВИДЕО)

Ристе Здравков — Mon, 26 Dec 2022 11:10:30 +0000

Иако денеска делува неверојатно, некогаш јавачите и коњите скокале од скокалници и нуркале, а често доаѓало и до повреди. Нуркањето на коњ прв пат се појавило во 1880-тите години како идеја на Вилијам „Доктор“ Карвер, човек повеќе познат како стрелец отколку како олимписки нуркач. Карвер наводно дошол до идејата кога минувал мост преку реката Плат во Небраска. Додека Карвер сè уште бил на мостот, коњот скокнал од мостот во водата, инспирирајќи го на идејата за коњи за нуркање. Повреди се случувале често, а почесто бил загрозен јавачот отколку коњот. До 1970-тите, нуркачките коњи почнале да ја губат својата популарност меѓу активистите за права на животни, кои барале да се прекине оваа пракса. Постоел мал напор нуркачките коњи да се вратат во Атлантик Сити во 2012-та година, но активистите за правата на животите веднаш го задушиле. Како изгледало сето тоа, можете да видите на приложеното видео.

View this post on Instagram

A post shared by History In Pictures (@historyphotographed)

Грковска: Во спортот се концентрирани многу моќ, пари и бизнис интереси, неопходни соодветни антикорупциски политики и во оваа област

Ивана Ефремовски — Wed, 26 Oct 2022 14:28:01 +0000

Се радувам што светот го препознава значењето на спортот во животот на сите, но мора да признаеме дека спортот стана и еден од главните бизниси во светот. Стана област во која се концентрира многу моќ, пари, бизнис интереси. А каде што има моќ, пари, бизнис интереси има корупција, има уривање на принципите на интегритет. И од таа причина е важно секоја држава да има системски пристап во регулацијата на спортот, чија првенствена задача е да ја истакне компетитивноста, спортскиот дух, здравиот живот, дружењето, порача вицепремиерката задолжена за политики за добро владеење, Славица Грковска во своето обраќање на 17-та Конференција на Совет на Европа на министрите одговорни за спорт, што се одржува во Анталија, Турција. Таа нагласи дека се почестите случаи на корупција, допинг, вознемирувања и судири на интереси се дијаметрално спротивни на начелата за интегритет во спортот. -Корупцијата во спортот е слична како и во секоја друга област. Може да биде пасивна и активна, во облик на поткупување, изнудување, уцена и перење пари, може да се манифестира во мал обем па се до мултинационаленен организиран криминал. Меѓутоа постои и корупција која се однесува само на спортот. А тоа е манипулација со натпревари. Како земја ја препознавме заканата, преземавме конкретни чекори и во рамките на оваа Конференција ја потпишавме Конвенцијата на Совет на Европа за манипулација со спортските натпревари, нагласи вицепремиерката Грковска. Таа информираше дека преку конкретни иницијативи, Владата е фокусирана на детектирање на сите слабости и недостатоци во спортот и нагласи дека начелата по кои се водиме во креирање на нашите политики се всушност трите главни стратешки приоритети на кои се темели Стратегијата на Советот на Европа за стратешки приоритети во спортот 2022-2025. -Морам да нагласам дека особено сум горда на воспоставената соработка со Совет на Европа, поточно со Проширен договор за спорт (ЕПАС). Со особена почит и внимание ги очекувам заклучоците и предлозите на тимот експерти од ЕПАС од спроведената евалуација и скен на спортот во Република Северна Македонија. Тој извештај ќе биде основа за концептот на следните активности на мојот Кабинет“, додаде вицепремиерката Грковска. (МИА)

Град Скопје со поддршка на 116 проекти во износ од околу 13,5 милиони денари за развој и унапредување на спортот и образованието

Магдалена Андонова — Thu, 19 May 2022 07:39:48 +0000

Градот Скопје донесе одлука за поддршка на програми, проекти, активности и манифестации во областа на спортот од интерес за Град Скопје за 2022 година, како и за кофинансирање на програмски активности на здруженија, фондации и други правни лица преку грантови за проекти кои ќе се реализираат во средните училишта под надлежност на Град Скопје. На јавниот повик за поддршка во областа на спортот од интерес за Град Скопје за 2022 година пристигнаа 164 апликации, а Град Скопје донесе одлука за поддршка на 96 проекти согласно годишната програма за спорт, со вкупен износ од 11 милиони денари обезбедени од Буџетот на Град Скопје за 2022 година. Стратешката определба на Град Скопје за поддршка на спортот е да преку програми, проекти, манифестации, активности и јавни повици го поттикнува развојот на спортот, како и афирмирање на Градот како развоен спортски центар со европски карактеристики што соодвествуваат на неговиот статус како главен град, со цел остварување на јавниот интерес од локално значење во областа на спортот. Листа на поддржани проекти, програми, активности и манифестации: https://skopje.gov.mk/media/8604/finansirani-proekti-i-manifestacii-sport-za-2022.pdf На јавниот повик за кофинансирање на програмски активности на здруженија, фондации и други правни лица, кои предвидените проектни активности ќе ги спроведат во средните училишта на Град Скопје и учество ќе земат учениците и наставниците, согласно Програмата за активностите на Градот Скопје од областа на средното образование во 2022 година, пристигнаа 23 апликации. Градот Скопје донесе одлука за кофинансирање на 20 проекти, со вкупен износ од 2,5 милиони денари обезбедени од Буџетот на Град Скопје за 2022 година. Програмските активности кои се поддржани преку кофинансирање и се реализираат во средните училишта под надлежност на Град Скопје се насочени кон следниве приоритети: Справување со актуелните предизвици на здравствената криза односно унапредување на дигиталната писменост на сите членови на училишните заедници; Психосоцијална помош на членовите на училишната заедница за справување со разните форми на насилството, а во прв ред со сајбер-насилството кое станува актуелно за време на учењето од далечина; Едукација и промоција за градење на здрави животни стилови кај младите преку јакнење на свеста кај средношколците и пошироката јавност за личната одговорност во заштитата на сопственото физичко, психичко и социјално здравје; Унапредување на животната средина преку подигање на свеста на средношколците за личната одговорност во одржувањето на чистата и здрава животна околина; Истражувања и промоција на родовата равноправност, ученичките права, слободи и развој на креативност; и Организирање манифестации на кои ќе се презентираат училишните постигнувања, ќе се промовираат најдобрите ученици и ќе се претстават резултатите на воспитно-образовната дејност пред пошироката јавност. Листа на поддржани програмски активности во средните училишта: https://skopje.gov.mk/media/8636/lista-proekti-obrazovanie-2022.pdf

Џордан е на врвот: Дознајте кои спортисти се најплатени во историјата и колку пари земале

Ивана Ефремовски — Thu, 04 Nov 2021 20:36:44 +0000

Специјализираниот американски сајт за спорт и бизнис „Спортико“ ги рангираше 25-те најплатени спортисти на сите времиња. Лидер на листата е легендарниот кошаркар на Чикаго булс, Мајкл Џордан. Рангирањето на заработката на „Sportico“ се заснова на инсајдерски разговори, сопствено истражување и податоци од други медиуми, вклучувајќи го и Форбс. Заработката на секој спортист се формира од плата, парични награди, рекламни договори, хонорари, хонорари итн. Спортико ја вклучи заработката во годините во игра и по пензионирањето до 1 јуни 2021 година. Што се однесува до голферот Алберт Палмер и кошаркарот Коби Брајант, нивната заработка се пресметува до моментот на смртта. Во топ 25 се вклучени спортисти од осум спортови, со заеднички приход од 25,5 милијарди долари. Вкупното рангирано подолу е приспособено на инфлацијата. Топ 25 најплатени спортисти: 1. Мајкл Џордан (кошарка) – 2,62 милијарди долари 2. Тајгер Вудс (голф) – 2,1 3. Арнолд Палмер (голф) – 1,5 4. Џек Никлаус (голф) – 1,38 5. Кристијано Роналдо (фудбал) – 1,24 6. Флојд Мејведер Јуниор (бокс) – 1,2 7. Леброн Џејмс (кошарка) – 1,17 8. Лионел Меси (фудбал) – 1,14 9. Мајкл Шумахер (автотрки) – 1,13 10. Роџер Федерер (тенис) 1,12 11. Фил Микелсон (голф) 1,08 12. Дејвид Бекам (фудбал) 1,05 13. Коби Брајант (кошарка) – 930 милиони долари 14. Шекил О’Нил (кошарка) – 870 15. Грег Норман (голф) – 815 16.Мајк Тајсон (бокс) – 775 17. Алекс Родригез (бејзбол) 650 18. Мани Пакјао (бокс) – 630 19. Кевин Дурент (кошарка) – 625 20. Луис Хамилтон (автотрки) – 620 21. Нејмар (фудбал) – 615 22. Џеф Гордон (автотрки) 595 23. Оскар Де Ла Хоја (бокс) 580 24. Пејтон Менинг (американски фудбал) 570 25. Дерек Џитер (бејзбол) 555 милиони. (МИА)

Присуство на спортски настани во Македонија само со доказ за имунизација

Бошко Тасиќ — Sun, 08 Aug 2021 07:09:48 +0000

Владата вчера навечер донесе нови рестриктивни мерки околу пандемијата со ковид-19. Од 16 август, присуство на спортски настани низ земјава ќе биде дозволено само со доказ за имунизација. Задолжително ќе биде да се приложи сертификат за примена најмалку една доза вакцина против корона-вирусот, за љубителите на спортот да можат од трибини да ги следат спортските настани. Ова се однесува за лица постари од 18 години. Овие мерки се воведоа откако изминативе денови бројот на новозаразени значително порасна.

Николов: Подигнување на свеста за спортот и неговото значење во зачувување на здравјето

Ивона Петрова — Sat, 26 Dec 2020 12:44:34 +0000

Причината за денешното собирање и денешниот настан главна цел е да се подигне свеста за спортот и значењето на спортот во зачувувањето на здравјето особено во овие услови кога се соочуваме со една корона епидемија и особено во овие услови кога се соочуваме со загадување на воздухот кое што завзема енормни размери, истакна Игор Николов од ВМРО-ДПМНЕ при денешното искачување на Водно. Тој посочи дека идејата е заедно со луѓето од спортот и од здравството да ја подигнат здравствената култура, и значењето на спортувањето и значењето дека граѓаните можат сами да се заштитат. -Сами да се спасат и сами да влијаат на зачувувањето на сопственото здравје, особено во овие услови кога се уште пандемијата завзема големи размери, епидемијата и понатаму е активна, да пратиме апел да се чува сопственото здравје да се почитуваат мерките особено на дистанца и бидејќи се соочуваме со состојба кога епидемиските индикатори се сеуште на високо ниво и сеуште завземаат една состојба на плато, качувањето по планини со цел да се зачува здравјето се многу важни, особено другите спортови кои што се индивидуални спортови кои што можеме да ги практикуваме. Се надевам дека ова што го правиме ќе стане една традиција и дека заедно за некој извесен период ќе успееме да добиеме индикатори односно да добиеме резултати кои што ќе влијаат на подобрувањето на здравјето на граѓаните и подигнувањето на здравствената култура и подигнувањето на здравствената информираност и едукација. Се надевам дека ќе биде традиција, дека ќе не следите и понатаму минимум со луѓето од спортот еднаш до двапати месечно можеме да организираме настани кои што ќе влијаат на подигнувањето на свеста, нагласи Николов.

Го батали спортот за да се занимава со п*рнографија- За еден месец заработи половина милион долари (ФОТО)

Магдалена Андонова — Thu, 22 Oct 2020 13:55:07 +0000

Ѕвездата од филмовои за возрасни Рене Грејси се најде во центарот на вниманието на јавноста кога одеднаш одлучи да стави крај на својата спортска кариера и да започне да заработува пари преку порно содржини. Таа е позната во светот на трките веќе подолго време, но откако започна на порнографска страница да продава фотографии и видеа, заработката од тоа и стануваше се поголема и поголема. -Последниот месец на мојата сметка се „легнаа“ 400 000 американски долари од филмови за возрасни. Размислувам да се повлечам, изјави убавата Австралијка. Обично се снима само со своето момче, а за нејзините финансии се грижи нејзиниот татко „кој целосно ја поддржува“.

Власта го замре спортот!

Дарко Андоновски — Thu, 10 Sep 2020 10:46:38 +0000

Неспорно е дека од пандемијата со коронавирусот речиси и да нема нема индустрија која не добила сериозен удар, но прашање е колку владата е способна да помогне во такви ситуации. И не само во индустријата, удар имаше и во други области, меѓу кои и спортот. Пандемијата во Македонија го погоди спортот, а посебно оној индивидуалниот. Долгогодишниот спортски новинар Игор Крстевски за порталот Денар.мк вели дека најтешко сега им е на оние спортисти кои заработуваат од 300 до 500 евра месечно. „Има разни модели со кои тимовите се справуваат, но мора да се знае дека не е исто да се најде решение за спортисти кои заработуваат 300 или 500 евра, и оние што месечно инкасираа 3.000 или 5.000 евра. Податоците од Агенцијата за млади и спорт велат дека за април и мај државата поделила 17 милиони денари на повеќе од 586 спортки клубови кои работат со младински категории. Клубовите за тие два месеци добија по 500 евра. Дополнително за истите месеци од Агенцијата за млади и спорт исплатиле и минимлна плата од 14 500 денари на спортистите и спортските работници од земјава“, вели Крстевски. Со пандемијата се намали профитот на компаниите, а со тоа и данокот кој треба да се плати кон државата. Со ова се оди и то празнење на делот за спонзорства на спортските колективи. Додека пак, што се однесува до директните спонзорства, тие во последниот период бележеле сериозен пад, а со пандемијата, како што велат ќе исчезне како ендемски вид, а тоа значи дека дупките во клубските буџети дополнително ќе се продлабочат. Оттука се поставува прашањето дали владата има план или стратегија како да помогне во спортот, бидејќи досега освен помош од Агенција за млади и спорт во месеците април и мај, друго нема досега, а кризата трае веќе со месеци. Спортистите, посебно оние од индивидуалните спортови со право се жалат дека се запоставени од властите иако тие гордо ја претставуваат државата низ светот. Сега кога најмногу имаат потреба од државата тие сметаат дека се заборавени. Новинарот Крстевски вели дека од пандемијата се погодени речиси сите спортови, но ударот ќе биде поголем кај помалку атрактивните, кои и досега мака мачеа да обезбедат основни средства за функционирање. „Сигурно, според скалата на атрактивност на спортот за рекламирање, ударот ќе биде поголем кај помалку атрактивните, кои и досега мака мачеа да обезбедат основни средства за функционирање. Слушаме за откажани или пролонгирани спонзорски договори и проблеми со наплата“, раскажува Крстевски за Денар.мк.