спортинг – Kurir.mk

Сити, ПСЖ, Спортинг, Реал и Интер изборија осминафинале во Лигата на шампионите

Тале Кристо — Thu, 25 Nov 2021 08:00:21 +0000

По одигрувањето на натпреварите синоќа во 5. коло од групната фаза на Лигата на шампионите, познати се неколку учесници во плејофот. Манчестер Сити го победи ПСЖ (2:1), стигна до 12 бода и се зацврсти на првото место во групата А. Парижаните и покрај поразот ја поминуваат групата како второпласирани. За Лајпциг и Клуб Бриж кои имаат по четири бода овие екипи останаа недостижни. Лисабонскиот Спортинг ја победи Борусија Дортмунд (3:1) и си го обезбеди второто место во групата Ц. Спортинг има девет бода, Борусија – шест, но во меѓусебните средби португалскиот клуб е во предност – 3:1 дома, 0:1 на гости. Осминафиналисти станаа и Реал и Интер. Реал го победи Шериф (3:0) и освои 12 бода, Интер има 10 поени благодарение на победата над Шахтјор (2:0) и е на второто место. Шериф (шест бода) и Шахтјор (еден бод) повеќе нема да можат да стигнат до второто место.

Реал сака да го купи 18-годишниот Мендеш од Спортинг

Магдалена Андонова — Tue, 04 Aug 2020 07:18:25 +0000

Фудбалерот на Спортинг, Нуно Мендеш може да ја продолжи кариерата во Реал Мадрид. Шпанскиот првак е импресиониран од настапите на 18-годишниот Португалец во клубот од Лисабон. Левиот бек влезе во сферата на интерес на Реал Мадрид како човекот кој може да биде наследник на Марсело. Нунo Мендеш неодамна го продолжи договорот со Спортинг до 2025 година, а за негов откуп ќе требаат 45 милиони евра. Реал Мадрид веќе се консултираше со Спортинг за можен трансфер на играчи. Во сезоната 2019/20, Нуну Мендеш одигра 17 натпревари за Спортинг У23, еден натпревар за екипата на У19, а исто така влезе на теренот на девет натпревари за сениорскиот тим, од нив на седум беше стартер. (МИА)

Металург поразен на гостувањето кај Спортинг

Ристе Здравков — Sun, 16 Sep 2018 07:28:17 +0000

Екипата на Металург доживеа пораз со 34-26 (13-13) од Спортинг во Лисабон во првото коло од Лигата на шампионите во групата „Ц“ . Екипата од Автокоманда во првиот дел од натпреварот беше достоен противник, но португалскиот тим во второто полувреме успеа да го скрши отпорот на металурзите. Клучната разлика беше направена на десет минути пред крајот, кога домаќините поведоа со пет гола разлика и ја одржаа предноста до крајот. Танковски беше најефикасен кај нашиот тим со шест гола, додека Серафимов го следеше со пет. Руезга и Роча постигнаа по шест погодоци за Спортинг. Металург на 23 септември го пречекува турски Бешикташ во вториот натпревар од ЛШ во групата „Ц“.

Желсон Мартинс потпиша со Атлетико Мадрид, а Спортинг подготвува тужба

Даниел Василев — Wed, 25 Jul 2018 13:17:21 +0000

Репрезентативецот на Португалија и поранешниот фудбалер на Спортинг Лисабон, Желсон Мартинс е најновиот играч на Атлетико Мадрид, соопшти шпанскиот клуб. Крилниот играч со Атлетико потпиша петгодишен договор во кој пристигна како слободен агент, откако го раскина договорот со Спортинг од Лисабон поради нападот на хулиганите на крајот од минатата сезона. Мартинс минатата сезона за Спортинг во 52 натпревара постигна 13 голови, додека за репрезентацијата на Португалија има 19 настапи. Спортинг има намера да поднесе тужба до Меѓународната фудбалска федерација за овој трансфер, верувајќи дека му следува надомест од дури 60 милиони евра, колку што е неговата откупна клаузула, запишана во договорот. МИА

Спортинг одбива да плати пенали за Михајловиќ

Даниел Василев — Wed, 04 Jul 2018 10:06:30 +0000

Португалскиот фудбалски великан Спортинг Лисабон одбива да плати 10 милиони евра пенали што ги бара српскиот тренер Синиша Михајловиќ за предвремен раскин на договорот. Михајловиќ беше ангажиран од старото раководство на „зелено-белите“ и при промена на управата доби раскин на договорот по само девет дена поминати во Лисабон. - Немам ништо против него, но тој никогаш не освоил ништо и не е голем тренер, за разлика од тоа што беше добар фудбалер. Кај нас беше на пробна работа од 15 дена и нема да му платам 10 милиони надоместок. Уште на почетокот почна да прави грешки, бараше да ја смени локацијата на подготовките и да платиме 300.000 евра повеќе, изјави новиот претседател на клубот Соуса Синтра. Михајловиќ пред околу еден месец потпиша тригодишен договор со Спортинг вреден 6 милиони евра. Во тренерската кариера работеше и во Болоња, Катанија, Фиорентина, Сампдорија, Милан и Торино. МИА

Само девет дена траеше епизодата на Михајловиќ во Спортинг

Дарко Андоновски — Thu, 28 Jun 2018 07:00:31 +0000

Како што беше најавено, португалскиот клуб Спортинг ја искористи клаузулата во договорот и го отпушти српскиот тренер само девет дена по промоцијата во Лисабон. Отказот на Михајловиќ е резултат на промените кои се случија во раководството на Спортинг. Новиот претседател на клубот, Соуза Синтра, го откажа договорот со поранешниот српски селектор. Михајловиќ потпиша тригодишен договор вреден шест милиони евра, додека Синтра на прес-конференција изјави дека ќе му се исплати надомест од 300.000 евра. Останува да се види дали Михајловиќ ќе биде задоволен со овој исход или ќе побара два милиона евра како што се шпекулираше дека ќе му припаднат во случај на еднострано раскинување на договорот.

Михајловиќ нов тренер на Спортинг

Ивона Петрова — Tue, 19 Jun 2018 06:34:09 +0000

Српскиот тренер Синиша Михајловиќ и официјално во следни три години ќе го предводи португалскиот клуб Спортинг од Лисабон. Приоритет на Михајловиќ ќе биде да го стабилизира тимот кој се соочи со потреси во финишот на сезоната што измина кога фудбалерите беа нападнати од навивачите поради незадоволство од слаби резултати. За „лавовите“ од Лисабон настапува и македонскиот репрезентативец Стефан Ристовски. Михајловиќ претходно работеше во Торино, а беше тренер и на Милан, Сампдорија, Фиорентина, Катанија, Болоња. Има и едногодишно селекторско искуство во Србија.

Хаос во клубот на Македонецот Ристовски: Газдата на Спортинг им наредил на хулиганите да ги претепаат фудбалерите (ВИДЕО)

Матеја Петровски — Fri, 18 May 2018 18:48:52 +0000

Во Спортинг сега следи егзодус, тренерот Жесус сака да си замине, како и поголемиот дел од играчите. Португалските медиуми пишуваат дека упадот на навивачите во тренинг кампот на Спортинг е претходно договорен и дека во тоа им помогнало раководството на клубот. Поточно, не било кој од раководството, туку газдата на клубот. Во последните неколку дена во Спортинг Лисабон се случуваат низ ужасни работи. Се тргна од тоа што некои играчи, кои се многу незадоволни во клубот и сакаат што побрзо да заминат откако влегоа во конфликт со претседателот на клубот, контроверзниот Бруно Де Карваљо. Се кулминираше во вторникот со упадот на хулиганите во тренинг кампот, каде играчите на Спортинг беа претепани. Меѓу играчите на Спортинг е и Македонецот Стефан Ристовски, кој потекнува од школата на Вардар. Португалскиот весник „Публико“ пишува дека тоа е кривица на претседателот Бруно Де Карваљо. Тоа за весникот го открил извор близок до тренерот на клубот, Жорге Жесус. Навивачите ги земаа работите во свои раце и физички го нападнаа голманот на нивниот клуб, Руи Патрисио во гаража, откако Спортинг изгуби 2:1 од Маритимо во неделата, пораз што значи дека следната сезона нема да играат во Лигата на шампионите. Како што се пишува, Де Карваљо наложил хулиганите да ги натераат играчите на максимален ангажман пред важните натпревари последните месеци и на тој начин да ги преплашат. Наводно тоа го направил на 6-ти април после поразот од 2:0 од Атлетико Мадрид во четвртфиналето од Лигата на Европа. После тој натпревар Де Карваљо на Фејсбук напиша дека сите играчи кои учествувале во тој пораз се суспендирани. Навивачите потоа почнуваат да им се закануваат на играчите кои ја сфаќаат ситуацијата. Бараат состанок со претседателот знаејќи дека тој го креира целиот циркус, а тој почнува да прави шоу. Пред играчите ги им се јавил на водачите на навивачката група и ги прашал да кажат дали тој ги порачал заканувачките пораки. Играчите секако не поверувале во тоа. Следната недела испаднаа од Атлетико во Лигата на Европа и покрај победата од 1:0, а крајот почна истрага за купување натпревари од страна на Спортинг во текот на минатата сезона. Се тоа дополнително ги запали навивачите кои влетаа во клупскиот камп и почнале да ги тепаат играчите. Најлошо помина Бас Дост, стрелец на 34 гола за Спортинг оваа година.

When ‘fans’ attack their own players like happened at Sporting. This is Bas Dost’ head injury. #idiots pic.twitter.com/y5uAqhGjeg
— Kristof Terreur ? (@HLNinEngeland) May 15, 2018

Сега следуваат голем број заминувања од клубот, тренерот Жесус сака да замине, како и поголемиот дел од играчите. Медиумите пишуваат дека упадот во кампот е помогнат од управата на клубот. Хозе Диого Салема кој осум години бил шеф на обезбедувањето на тренинг кампот истакна дека цело време вратата на кампот била затворена кога тимот би имал тренинг, како и дека камери имало насекаде, што овој пат не било случај. Полицијата се жали дека снимката надзорните камери ја добиле 12 часа откако ги побарала и дека на нив се гледа само заминувањето на навивачите од тренинг кампот. Додека траел циркусот камерите не работеле. Шефот на обезбедувањето открива дека после нападот добил повик од директор во клубот и му кажал во кампот да пушти автомобил. Со тој автомобил подоцна биле извадени шест водачи на навивачите, кои учествувале во нападот, но не се уапсени.