спортски директор – Kurir.mk

Деко меѓу кандидатите за спортски директор на Барселона

Тале Кристо — Thu, 04 May 2023 16:33:06 +0000

Поранешниот португалски репрезентативец Деко (45) е еден од кандидатите за нов спортски директор на шпанскиот фудбалски гигант Барселона, пренесуваат денеска медиумите. Барселона неодамна објави дека досегашниот спортски директор Матеу Алеману на 30 јуни заминува од „Кам Ноу“, една година пред истек на договорот, со цел да се пресели во премиерлигашот Астон Вила. Шпанските медиуми наведуваат дека неговото место во Барселона треба да го наследи Деко, кој од 2004 до 2008 година го носеше дресот на каталонскиот клуб. Деко, кој е роден во Бразил, по завршување на кариерата во 2014 година ја основаше агенцијата „D20 Sports Management“ и, според медиумите, неговата работа како агент би можело да претставува проблем да се пресели во Барселона поради конфликт на инетерси.

Пронајдено телото на спортскиот директор на Хатајспор

Ивона Петрова — Wed, 22 Feb 2023 07:54:13 +0000

Безживотното тело на спортскиот директор на турскиот фудбалски прволигаш Хатајспор, Танер Савут, (48), е пронајдено во урнатините, повеќе од две недели по катастрофалните земјотреси што ги погодија Турција и Сирија. Телото на Танер Савут во вторникот го идентификувал неговиот брат според прстен на раката, а неговиот идентитет бил дополнително утврден со ДНК тест. „Длабоко сме ожалостени од загубата на нашиот спортски директор Танер Савут. Почивај во мир наш учителу, сочувство до неговото семејство и до навивачите. Нема да ве заборавиме господине Танер. Секогаш ќе бидеш во нашите срца“, соопшти Хатајспор. Неговото тело е пронајдено во близина на местото каде пред три денови беше пронајдено и телото на репрезентативецот на Гана, Кристијан Атсу, кој настапуваше за Хатајспор. Савут беше поранешен турски фудбалер кој во текот на својата кариера настапуваше за Фенербахче, Гезтепе, Сакаријаспор и Аланијаспор.

Рос Браун потпиша останува спортски директор на Формула 1

Тале Кристо — Wed, 27 Jan 2021 12:52:33 +0000

Спортскиот директор на Формула 1, Рос Браун ќе остане на функцијата. Браун потпиша нов договор со „Либерти Медиа“ и ќе продолжи да работи како еден од предводниците на тркачката серија. Браун беше еден од тројцата директори назначени од „Либерти“ да го замени Берни Еклстоун по купувањето во Формула 1 – и во моментов е единствениот што продолжува да работи. – Многу ме интересираат задачите со кои се соочуваме во моментот. И, би бил вознемирен ако не добијам можност да видам нови автомобили на дело. И со доаѓањето на Стефано Доменикали, можеме да ја продолжиме нашата соработка. Размислувам и за тешкотиите со кои се соочи Формула 1 поради пандемијата – сето ова ми дава мотив и желба да продолжам, истакна Браун. Шон Братчес, назначен комерцијален директор на Ф1, се повлече од функцијата пред една година, а шефот на Ф1, Чејс Кери му го отстапи своето место на Стефано Доменикали на 1 јануари 2021 година.

Спортскиот директор на Рома, Морган де Сантис опериран по сообраќајна несреќа

Тале Кристо — Wed, 06 Jan 2021 14:11:53 +0000

Поранешниот италијански репрезенттаивен голман и актуелен спортски директор на калчолигашот Рома, Морган де Сантис, е пренесен синоќа во болница во Рим, со повреди во тешка сообраќајна несреќа, јавија италијанските медиуми. „Фудбал Италија“ (Football Italia), повикувајќи се на болнички извори, објави денеска дека Сантис е опериран и оти лекарите дијагностицирале фрактура на ребрата и повреди во пределот на главата. Сантис во кариерата шестпати го бранеше голот на италијанската репрезентација, а на клупски план беше член на Рома, Наполи, Удинезе, Јувентус и Монако.

Дарко Спејко стана директор на кошаркарски клуб

Ивона Петрова — Tue, 23 Jun 2020 11:09:20 +0000

Македонецот познат во своето учество во реални шоуа во Србија и победник во „Големиот брат“, стана спортски директор на кошаркарскиот клуб Куманово 2009. Дарко Спејко со новата функција се пофали на социјалните мрежи, по што следуваа голем број честитки.

Рос Браун: Ако ја започнеме сезоната во јули, ќе имаме време да поминеме 18-19 трки

Дарко Андоновски — Thu, 09 Apr 2020 10:57:38 +0000

Спортскиот директор во Формула 1, Рос Браун верува дека целосна сезона во 2020 година е можна, и покрај многуте откажувања и одложувања на трки пандемијата на коронавирус. – Според наше мислење, опцијата со почетокот на сезоната во Европа е најприфатлива,. Најверојатно, почетокот на сезоната ќе се одржи без гледачи. Можеме да создадеме затворено опкружување. Екипите ќе летаат со чартер летови, ќе бидат придружувани на трасата, ќе прават тестови. Треба да бидеме сигурни дека никој не е изложен на ризик. Да, фазите ќе се одржат без гледачи, но ова е подобро отколку да се седи без трки. Мора да се запомни дека милиони гледачи нè гледаат од дома. Сега тие се изолирани, а трката ќе биде огромен бонус за нив, изјави Браун. Првиот оперативец на Ф1 верува дека можеме да се организираат 18-19 трки ако се започне во јули. – Нема да биде лесно, но можно е. Ќе имаме три фази по ред, потоа една недела одмор и повторно три фази по ред. За регуларен шампионат се потребни најмалку осум трки. Ќе можеме да одржиме таков број на Гран-при, дури и ако започнеме во октомври, потенцира Браун.

Ерик Булие заминува од Мекларен

Дарко Андоновски — Wed, 04 Jul 2018 14:07:27 +0000

Спортскиот директор на Мекларен, Ерик Булие си поднесе оставка по слабите резултати на тимот оваа сезона во Формула 1. Првиот човек на Мекларен, Зек Браун, ја прифати оставката на Булие и на негово место го назначи Жил де Феран. - Нашиот болид досега покажа перформанси, кои се далеку под очекувањата поставени во почетокот на сезоната. Причините за потфрлањето се системски и структурни и поради тоа се потребни големи измени. Денешните измени се само прв чекор кон исправање на грешките. Би сакал во име на тимот да му заблагодарам на Булие за придонесот во Мекларен и да му посакам успех во иднина, истакна Браун. Пред почетокот на сезоната Мекларен ја прекина соработката со Хонда и почна да користи мотори на Рено. Слабите резултати на Мекларен оваа сезона, кој се наоѓа на шестото место на табелата со конструктори во Формула 1, неизбежно доведоа до оставката на Булие.