спортски настани – Kurir.mk

Чешка Република планира да користи пократко име „Чехија“ на спортски настани

Тале Кристо — Wed, 02 Nov 2022 18:44:29 +0000

Чешката Република ќе побара од Меѓународниот олимписки комитет (ИОК) да го смени нивното име во пократка форма „Чехија“ на меѓународни спортски настани, изјави денес портпаролката на Олимпискиот комитет на земјата „COV“. Чисто мнозинство чешки олимписки спортисти ја поддржуваат одлуката, соопшти „COV“. Се очекува двегодишен преоден рок, но дресовите на некои селекции, како на пример во кошарката, веќе ја носат Чешка на себе. Во последниве години, чешкиот претседател Милош Земан беше особено активен во промовирањето на меѓународно ниво на употребата на кратенката одобрена во 2016 година. Сепак, Чешката Република сè уште е широко користена.

Бројни спортски настани откажани во Велика Британија по смртта на кралицата Елизабета

Дарко Андоновски — Fri, 09 Sep 2022 08:41:45 +0000

Бројни спортски настани во Велика Британија се откажани по смртта на кралицата Елизабета Втора, која почина вчера на 96-годишна возраст. Во знак на жалост по повод смртта на британската кралица, денешниот дуел во англискиот Чемпионшип меѓу Барнли, во чии редови настапува македонскиот репрезентативец Дарко Чурлинов, и Норич е откажан, а нема да се одигра и натпреварот во Лига 2 меѓу Транмере и Стокпорт. За овој викенд се откажани и коњските трки, натпреварите во рагби и крикет, како и голф турнирот во Вентфорт. Откажана е велосипедската трка низ Англија која требаше да финишира в недела. Засега нема официјално известување дали овој викенд ќе се играат натпреварите во Премиерлигата. Англиските медиуми наведуваат дека многу прволигашки клубови очекуваат одложување на натпреварите закажани за в сабота и недела.

Шпанија: Намалена посетеноста на спортски настани поради зголемената инциденца на коронавирус

Тале Кристо — Thu, 30 Dec 2021 09:40:09 +0000

Шпанскиот здравствен совет одлучи да го намали бројот на гледачи на спортските настани поради зголемената инциденца на коронавирус, пренесува „АС“. Според шпанскиот весник, максималната посетеност на фудбалски натпревари и други натпревари на отворено е намалена од 100 % на 75 %, додека на кошаркарски дуели, како и на други натпревари во сала, од 80 % на 50 %. Од гледачите ќе се бара да носат маски при присуство на настани. Ќе им биде забрането и пушење и јадење. Да потсетиме, шпанското фудбалско првенство ќе продолжи на 31 декември со натпреварот од 19. коло Валенсија – Еспањол. Останатите средби ќе се одржат на 2 и 3 јануари.

Нема веќе нелегални преноси на спортски настани во живо?

Катерина Бојаџиева — Wed, 14 Apr 2021 14:13:41 +0000

Комисијата за легални прашања на Европскиот Парламент усвои извештај во кој се бара забрана за нелегалниот пренос во живо на спортски настани, извештајот ќе се гласа во мај на пленарна седница, јави дописничката на МИА од Брисел. Европратениците сметаат дека нелегалниот пренос на интернет директно ги загрозува приходите кои произлегуваат од интелектуалната сопственост, а 80 отсто од овие приходи доаѓаат токму од преносот на настаните. Преносот во живот на спортските натпревари игра важна улога во економијата и посебно за организаторите на настаните. Притоа, смета Европскиот Парламент, нелегалниот пренос кој се врши од страна на професионални веб сајтови ги изложува корисниците на безбедносни ризици од кражба на лични податоци, банкарски податоци и информатички вируси. Поради актуелната законска рамка која не им овозможува на спортските настани да бидат заштитени како интелектуална сопственост во ЕУ некои земји воведоа свои правила, но нема сеопфатна политика на ЕУ по ова прашања. Затоа европратениците бараат од Европската Комисија да поднесе конкретни и специфични мерки во оваа област за да може веднаш да оневозможи пристапот до сајтовите што пренесуваат без да се блокира содржината. Отстранување на нелегалната содржина треба да настапи не подоцна од триесет минути од почетокот на настанот, стои во извештајот. Според европратениците во прашање се “илјадници и илјадници“ нелегални преносители. Извештајот ќе се гласа во мај на пленарна седница.