спотифај – Kurir.mk

„Спотифај“ со повисоки „Премиум“ претплати за над 200 милиони корисници

Ивона Петрова — Tue, 25 Jul 2023 08:51:14 +0000

Светски познатата платформа за слушање музика, „Спотифај“ одлучи да ги зголеми цените на претплатите за повеќе од 200 милиони корисници во категоријата „Премиум“, и тоа првпат по 10 години. „Ги менуваме цените на услугите во категоријата ’Премиум’ на повеќе пазари ширум светот за да може да продолжиме да воведуваме новости“, се наведува во денешното соопштение. Така, „Премиум“ претплатниците во САД ќе плаќаат 10,99 долари месечно наместо сегашните 9,99 долари, а претплатата на овој пакет е зголемена и во Велика Британија, Канада, Австралија и 49 други земји.

Меган Маркл остана без емисија, прекинат е договорот!

Ивана Ефремовски — Fri, 16 Jun 2023 09:56:37 +0000

Договорот на војводата и војвотката од Сасекс со „Спотифај“ доживеа крај откако интернет-емисијата на Меган Маркл не е продолжен за втората сезона. Заедничката изјава на брендот на Меган, „Арчевел“ и „Спотифај“ гласи: „'Спотифај' и 'Арчевел аудио' спогодбено се разделија и ние сме горди на серијата што ја создадовме заедно“. Меган, инаку, беше домаќин на „Архетипи“ (назив инспириран од името на нејзиниот син Арчи), а емисијата траеше 12 епизоди, од август 2022 година. Меѓу гостите беа тенисерката Серена Вилијамс, пејачката Мараја Кери, Парис Хилтон и глумиците Минди Калинг и Констанс Ву. Кон крајот на 2020 година, Хари и Меган потпишаа договор со стрим-платформата за интернет-емисии во облик на аудио-интервјуа, за којшто неофицијално се говореше дека вреди околу 25 милиони долари. Во декември, „Архетипи“ го освои признанието „Најдобар подкаст“ на американските награди „Пипл'с чојс авордс“ во Лос Анџелес. (МИА)

Спотифај отпушта околу 600 работници, заминува и извршниот директор

Ристе Здравков — Mon, 23 Jan 2023 14:45:13 +0000

Спотифај, сервисот за стриминг музика, објави дека ќе отпушти шест отсто од својата работна сила, околу 600 вработени, како дел од реструктуирањето на компанијата. Потегот доаѓа откако Спотифај се обидува да го анулира бранот вработувања предизвикан од пандемијата и е во согласност со слични мерки преземени од други технолошки фирми како Гугл и Мајкрософт. Дон Остроф, извршниот директор ангажиран во 2018 година за да ја поттикне експанзијата на компанијата во подкастинг, ќе ја напушти компанијата како дел од реструктуирањето. Под нејзино раководство, Спотифај тргна во аквизиција, трошејќи милијарди долари за купување компании за подкаст и потпишувајќи договори со ѕвезди како Џо Роган и Ким Кардашијан, пишува Фајненшл Тајмс. Волстрит првично го поздрави коцкањето со подкаст на Спотифај, пишува ФT, но подоцна го изгуби трпението бидејќи компанијата продолжи да инвестира многу на сметка на профитот. Компанијата објави нето загуба од 160 милиони евра при приход од 8,6 милијарди евра за деветте месеци заклучно со 30 септември.

„Спотифај” цели кон над 200 милиони претплатници

Ристе Здравков — Wed, 26 Oct 2022 14:01:36 +0000

Шведската музичка стрим-платформа „Спотифај” вчера соопшти дека бележи 23 милиони нови месечни активни корисници, што е, како што се наведува, најголемиот раст на компанијата во третото тримесечје досега, а тоа – и покрај економската неизвесност. Бројот претплатници се зголемил од 188 милиони во вториот квартал на 195 милиони, т.е. над очекувањата на компанијата. До крајот на годината, платформата планира 479 милиони месечни активни корисници, вклучувајќи и 202 милиони претплатници. Вкупните приходи на „Спотифај” се зголемени за 21 отсто на годишно ниво, на 3,04 милијарди евра во третото тримесечје. Од друга страна, растот на приходите од рекламите значително забави, „со оглед на предизвикувачкото макро-опкружување”, соопшти компанијата, зголемувајќи се за 19 отсто, на 385 милиони евра.

„Спотифај“ цели кон над 200 милиони претплатници

Ивона Петрова — Wed, 26 Oct 2022 06:57:16 +0000

Шведската музичка стрим-платформа „Спотифај“ вчера соопшти дека бележи 23 милиони нови месечни активни корисници, што е, како што се наведува, најголемиот раст на компанијата во третото тримесечје досега, а тоа – и покрај економската неизвесност. Бројот претплатници се зголемил од 188 милиони во вториот квартал на 195 милиони, т.е. над очекувањата на компанијата. До крајот на годината, платформата планира 479 милиони месечни активни корисници, вклучувајќи и 202 милиони претплатници. Вкупните приходи на „Спотифај“ се зголемени за 21 отсто на годишно ниво, на 3,04 милијарди евра во третото тримесечје. Од друга страна, растот на приходите од рекламите значително забави, „со оглед на предизвикувачкото макро-опкружување“, соопшти компанијата, зголемувајќи се за 19 отсто, на 385 милиони евра.

БРУТАЛНО: Пике ќе го носи името на Шакира на дресот?

Ивона Петрова — Fri, 21 Oct 2022 07:03:00 +0000

Фудбалерите на Барселона во новата сезона имаат нов спонзор на дресовите, а нема сомнеж дека нема да им се допадне на сите договорот меѓу Каталонците и музичкиот стрим гигант. Искусниот стопер на Барселона имаше бурен развод со пејачката Шакира, која ги однесе нивните деца во Мајами, а претходните месеци нивната медиумска војна продолжува. Дополнителна брутална шлаканица може да му приреди Шакира на Пике со новиот договор кој го подготвува. Медиумите пишуваат дека Пике би можел да го носи името на поранешната сопруга на својот дрес.

За појаснување, Каталонците во новата сезона потпишаа спонзорски договор со популарна компанија за стриминг на музика Спотифај, а во договорот стои дека компанијата може да го промени логото за да ги одбележи нејзините годишнини, односно да ги носи имињата или заштитните знаци на познатите пејачи на дресот. Така, пред мечот со Реал Мадрид, на дресот на Барселона се појави заштитниот знак на познатиот пејач Дрејк. На овој начин стриминг компанијата одбележа 50 милиони стримови на популарниот музичар, а беше најавено дека практиката ќе продолжи и во наредниот период.

🦉 @Drake 💙❤ First artist to hit 50 billion @Spotify streams. First artist to share the @FCBarcelona shirt. pic.twitter.com/cBiHjge5FG
— FC Barcelona (@FCBarcelona) October 14, 2022

Барселона следните 12 години од „Спотифај“ ќе добие неверојатни 435 милиони евра

Магдалена Андонова — Sun, 03 Apr 2022 15:20:31 +0000

Шпанскиот фудбалски великан Барселона денес го ратификуваше договорот со сервисот стриминг „Spotify“. На вонредното собрание на делегати договорот го одобрија 89 отсто од гласачите. Логото на „Spotify“, новиот главен спонзор на клубот, ќе се појави на предниот дел на дресовите на машкиот и женскиот тим на Барселона од сезоната 2022/23 и таму ќе остане четири години. Сличен договор за три сезони ќе важи и за тренинзите. Долгорочниот договор за името на стадионот „Камп Ноу“ ќе стапи на сила од јули 2022 година и ќе трае 12 сезони. Барселона ќе добие најмалку 435 милиони евра за дванаесет сезони соработка со „Spotify“, објави „Diario Sport“. (МИА)

„Спотифај“ се повлекува од Русија

Ивана Ефремовски — Fri, 25 Mar 2022 19:49:43 +0000

Популарниот стриминг сервис „Спотифај“ се повлекува од Русија поради новите руски закони кои предвидуваат затворски казни за емитување информации за војната во Украина, кои отстапуваат од официјалните најави на руското Министерство за одбрана. „Новите правила дополнително го ограничуваат пристапот до информации, ја елиминираат слободата на изразување и криминализираат одредени видови вести, што е ризик не само за вработените во Спотифај во Русија, туку и за нашите слушатели“, се вели во соопштението на Спотифај. „По внимателно разгледување на сите опции во сегашните околности, моравме да донесеме тешка одлука целосно да ги прекинеме нашите услуги во Русија“, се вели во соопштението. „Спотифај“ со тоа им се придружи на голем број големи меѓународни компании кои се повлекоа од Русија. Меѓу другите, го направија Мекдоналдс, Старбакс, Епл, Самсунг… (МИА)

„Спотифај“ од денес и во Македонија

Тале Кристо — Wed, 15 Jul 2020 07:16:15 +0000

Стрим-платформата за слушање музика – „Спотифај“ од вчера е достапна во Македонија и на пазарот во уште 12 други земји. Во соопштението се истакнува дека „Спотифај“ сега нуди бесплатни услуги и претплата и во Хрватска, Србија, Русија, Албанија, Белорусија, Босна и Херцеговина, Казахстан, Косово, Молдавија, Црна Гора, Словенија и Украина. Со ова, сега платформата опфаќа вкупно 92 земји. „Спотифај“ инаку, е платформа од Шведска, која патем кон крајот на минатата година го престигна и Епл како предводник на пазарот на легално симнување музика. Има над 130 милиони претплатници и 260 милиони корисници. (МИА)