справување – Kurir.mk

ЧЕТИРИ начини како да се справите со НАПАД НА ПАНИКА: Дишењето може да биде од клучно значење

Ристе Здравков — Wed, 19 Apr 2023 07:27:32 +0000

Отежнато дишење, болки во градите, потење и забрзано чукање на срцето се само некои од симптомите на напад на паника. Овој напад може да се случи ненадејно и често спречува каква било реакција, бидејќи личноста се чувствува како да е парализирана. Многу луѓе кои имаат напади на паника велат дека се чувствуваат како да умираат или да добиваат срцев удар, додека други го опишуваат нападот на паника како чувство како да ја изгубиле контролата врз своето тело, пишува Newsbeast, пренесувајќи начини кои можат да бидат корисни во кризни ситуации. 1. Техника 4:6 За оние кои барем еднаш во животот имале напад на паника, пораката „земи длабок здив“ можеби звучи несериозно. Според д-р Јан Стенли, психолог од Универзитетот во Колорадо, оваа техника всушност функционира, но на специфичен начин. Тој препорачува да го истуркате воздухот од белите дробови неколку секунди подолго отколку што е потребно за вдишување. Обидете се да го задржите вдишувањето четири секунди, а издишувањето шест секунди. 2. „Виножито“ Д-р Каролин Рубенштајн, психолог од Флорида, им препорачува на луѓето кои имаат напади на паника да ги фокусираат своите сетила на нешто околу нив што може да го окупира и нивниот вид и нивните мисли. – Помислете на виножитото. Или побарајте три црвени работи во собата во која се наоѓате, а потоа три жолти, сини и зелени работи. Ова се многу ефикасни методи, бидејќи ќе ви го одвлечат вниманието – нагласува психологот Рубенштајн. Други „корисни одвлекувања“ може да бидат слушање музика или излегување на свеж воздух. 3. Грижете се за вашето држење Д-р Карен Лин Касидеј, директор на Центарот за третман на анксиозност во Чикаго, изјави за DailyMail дека луѓето кои се склони кон напади на паника треба да се грижат за своето држење и да стојат исправено. Променетото дишење и лошото држење може да ги влошат симптомите на анксиозност. – Стоењето или седењето во поза што ја отсликува вашата самодоверба има психолошки поттик, бидејќи го подобрува расположението и нивото на енергија, а во исто време го намалува стресот и анксиозноста – објасни д-р Касидеј. 4. Идентификувајте го нападот За многу луѓе, едноставно идентификувањето на напад на паника може да биде смирувачко. Исто така, неопходно е да се промени аголот на гледање на напад на паника и да се набљудува без реакција. – Тоа е ментален трик што го користиме, а кој некако носи логика и контрола над емоциите – откри д-р Рубенштајн.

Хоти: Косово е меѓу земјите што најдобро се справуваат со пандемијата

Тале Кристо — Mon, 21 Dec 2020 11:10:12 +0000

Косовскиот премиер Авдулах Хоти вели дека неговата Влада и здравствените власти успешно се справуваат со Ковид-19, така што Косово е меѓу трите или четирите земји со најдобри резултати во борбата со пандемијата, јави дописникот на МИА од Приштина. На денешната владина седница, Хоти изјави дека информциите од Националниот институт зајавно здравство на Косово (ИКШПК) се позитивни и дека мерките кои се на сила од 11 ноември дадоа резултати. Тој наави дека и за време на претстојните празници ќе се преземат потребните мерки за заштита од Ковид-19, истовремено создавајќи поволни услови за бинисите, како и за слободно движење на граѓаните. – Претходно преземените мерки влијаеја бројката на заразени да опадне на 200 дневно, од околу 700 колку што имавме претходно. Според нашите информации, како и според Универзитетот „Џон Хопкинс“, ние сме меѓу три-четирите земји кои најдобро се справиле со епидемијата. Сега треба да се осигураме, кога имаме голема раздвиженост на граѓаните и со доаѓањето на нашите сонародници од светот, да им создадеме услови за да уживаат со нивните семејства и да обезбедиме почитување на мерките, изјави Хоти. Бројката на жртви на пандемијата на Ковид-19 во Косово се искачи на вкупно 1.256 од појавата на болеста, откако, според вчерашниот дневен извештај на ИКШПК, претходното деноноќие починаа осум од лицата заразени од коронавирусот.

Д-р Ѓорчев: Без тим, без визија и критериуми – нема успешно справување со коронавирусот

Тале Кристо — Sat, 21 Nov 2020 10:51:50 +0000

Министерот за здравство, Венко Филипче, нема стручен тим, нема визија и нема унифицирани, дијагностички и тераписки критериуми за справување со коронавирусот, оцени во петокот познатиот пулмоалерголог професор д-р Анѓелко Ѓорчев во емисијата „Што не е јасно” на Алфа телевизија. „Знаат ли македонските граѓани дека сме први во Европа, односно дека првиот центар за астма во Европа е основан на Клиниката за пулмологија во Македонија. Понатаму, трет национален консензус во светот после американскиот и англискиот имаше Македонија. И сега од први во Европа или трети во светот во справување со респираторни болести, сега имаме ли во оваа ситуација унифицирани дијагностички и тераписки критериуми за справување со оваа болест“, посочи д-р Ѓорчев. Истакна дека актелната Комисија која е најповикана за справување со епидемијата, досега презентира само планови, за кои Ѓорчев оцени дека се неуспешни. „Тие 78 пациенти кои починаа во домашни услови се токму резултат на тоа што немаме протоколи, немаме гајденси, немаме единствена стратегија. Зошто 200 невработени доктори седат дома?! Зошто две илјади медицински сестри седат дома. Со сите мерки се доцни?! А тој што е на чело, министерот за здравство, треба да има тим треба да има визија, треба да ја изменаџира кризната ситуација“, истакна д-р Ѓорчев.

Економска рецесија не покажува дека добро сме се справувале со кризата, Македонија во првите 5 земји во Европа со пад на економијата (ФОТО)

Магдалена Андонова — Mon, 07 Sep 2020 17:40:17 +0000

По денешната статистика за драматичниот пад на БДП во вториот квартал од 2020 година од цели -12.7 %, иако од владата велат дека било очекувано, не говори ни најмалку дека добро сме се справувале со кризата. Ако се погледнат статистиките во Европските земји во споредба со Македонија, Србија има пад од -6,3%, двојно подобро се справувала со економската криза отколку земјава. Земји кои немаат толку драстичен пад во БДП од Европските држави се Литванија со само 4%, Бугарија со -8.5%, Полска со -7.9%, Данска со -8.2%, Романија со -10.5%, Чешка со -11% и Естонија со -6.5%. Македонија е во првите пет земји од ЕУ кои бележат драстичен пад на БДП над 10%. На овие податоци ако се земе во предвид фактот дека денешната статистика од Државниот завод за статистика во јули месец индустриското производство бележи пад од 9,5 %, намалениот промет на мало, намалување на трговијата на големо за јуни месец, извозот на стоки и услуги кој сега е намален за 32%, увозот за 30.2%, дополнително финалната потрошувачка на домаќинствата паднала за 9.9%, не е чудно што се случува економски дебакл. Исто така по денешниот објавен „Макроекономски монитор“ од „Finance think“ кој оценува дека има рецесија во македонската економија, со падови во индустријата од -25.3%, трговијата, транспортот и угостителството од -23.4%, извозот од -25.6% и инвестициите за -29.6% покажува дека економијата е затворена и има најдлабока индуцирана рецесија на македонската економија.

Харадинај: Косово е на пат да ја совлада пандемијата, треба да се укинат ограничувањата

Тале Кристо — Sun, 16 Aug 2020 13:08:57 +0000

Лидерот на Алијансата за иднината на Косово (ААК), Рамуш Харадинај смета дека Косово е на добар пат да ја совлада пандемијата на Ковид-19 и дека треба да се укинат ограничувањата на слободата на движење и оние кои се однесуваат на бизнисите, јави дописникот на МИА од Приштина. Харадинај, чија партија е дел од владејачката коалиција, на својата страница на Фејсбук напиша дека „подигнувањето на свеста кај граѓаните во последните недели дава извонредни резултати“. – Косово е на добар пат да ја совлада пандемијата. Последните недели, подигнувањето на свеста кај граѓаните дава извонредни резултати. И натаму сметам дека ограничувањата на слободата на движење и оние за бизнисите се непотребни. Болеста ќе се совлада со нашата култура на живеење со неа, со водење сметка и грижа за сопственото и за здравјето на другите, напиша Харадинај. Лидерот на ААК и поранешен премиер бара од Собранието на Косово да усвои пакет за економско закрепнување, со намалување на даноците за бизнисите и други потребни мерки. – Јас верувам дека нашата земја ќе закрепне, со исправни политики, со мобилизација – наша, на бизнисите и на дијаспората и со поддршка од сојузниците, порача Харадинај.

Амбасадорката Брнс: Формирањето на влада е во рацете на пратениците, нова влада за справување со корупцијата и неказнивоста на криминалот

Магдалена Андонова — Sat, 01 Aug 2020 14:11:10 +0000

-Новата влада да се формира во предвидените рокови, со цел да се продолжи борбата против здравствената криза со Ковид-19. Во парлементарна систем, премиерското место е работа на парламентарното мнозиство, инаку САД ќе соработува со сите политички парти во земјата за да се продолжи еуро-атланскиот пат на Македонија, изјавил ексклузивно за весникот КОХА, американската амбасадорка во Скопје, Кејт Мари Брнс. Амбасадорката на Соединетите Американски Држави (САД) во Скопје, Кејт Мари Бернс, во ексклузивно интервју за весникот “КОХА”, зборуваше за актуелната политичка состојба во земјата, формирањето на новата Влада, како и за идејата на ДУИ за албанскиот премиер. Таа смета дека со оглед на ситуацијата со здравствената криза со Ковид-19, лидерите на политичките партии треба да ги почитуваат роковите и да ги формираат институциите на земјата што е можно поскоро. -Ние очекуваме партите да се соберат и да ги исполнат роковите. Со оглед на кризата со Ковид-19 и други важни проблеми со кои се соочува земјата, постигнувањето договор за нова Влада што ќе може да ги реши овие проблеми, е приоритет, вели за весникот „КОХА“, амбасадороката Брнс. На прашањето за идејата на ДУИ за прв албански премиер, американската амбасадорка во Скопје Кејт Мари Брнс рече дека плуралистичкиот систем на Македонија овозможува избор на премиер со гласови на мнозинство пратеници, без оглед на етничката припадност. -Зависи од мнозинството во парламентот која ќе го изгласа следната влада. Одредени квалификации на премиерот и неговата или нејзината способност да ја добие поддршката на мнозинството пратеници се, по природа на вашиот парламентарен систем, одлучувачки фактори тука, без оглед на етничката или политичката припадност, рече американската амбасадорка во Скопје. Зборувајќи за приоритетите што треба да ги има следната влада, амбасадорката Кејт Мари Барнс вели дека треба да го искористи моментот. -Новата влада ќе мора да постави свои приоритети. Од наша гледна точка, се надеваме дека таа ќе има за цел да профитираат во моментот кога е овозможено членството во НАТО и напредокот кон ЕУ. Спроведувањето на потребните реформи и решавањето на прашањата на владеењето на правото и корупцијата, вклучително и спроведувањето на правдата со неказнивост, ќе биде клучно за овој процес. Најважно е да не се изгуби моментот, рече Кејт Мари Барнс за весникот „КОХА”. Од американскиот амбасадор во Скопје, весникот „Коха“ побара да го коментира негирањето на резултатите од изборите од страна на Коалицијата Алијанца-Алерантаива. -Опозициската коалиција на албанската заедница Алијанса/Алтернатива се спротивстави на изборните резултати. Каква е вашата проценка за посветеноста на Села за евроатлантскиот аспираци на земјата? – ја прашавме амбасадороката Бернс, која одговори: -Ние ќе работиме со која било странка или партија што има за цел да ја види Македонија да продолжи на својот евро-атлански-пат. Американската амбасада во Скопје соопшти дека досега и помогнала на Македонија со 2,7 милиони американски долари за да се справи со последиците од кризата предизвикана од пандемијата Ковид-19. -САД придонесоа со над 2,7 милиони американски долари за зголемување на националниот одговор за Ковид-19 во Македонија. Американската помош ги поддржа владините напори, вклучително и оние предводени од Министерството за Здравство и Образование и Наука; Државна изборна Комисија; и за спроведување на законот, судските и инспекциските органи. Ние, исто така, поддржувавме иницијативи на приватниот сектор, како што се оние предводени од микрофинансиски институции, како и оние предводени од граѓански организации, вклучително и националните и локалните поглавја на Црвениот крст, истакна Брнс во интервју за Коха.

Загрижувачки факти кои покажуваат колку Владата катастрофално се справува со коронавирусот (ФОТО)

Тале Кристо — Sun, 19 Jul 2020 11:19:17 +0000

Македонија и натаму е лидер во региoнот по црните бројки на новозаразени од ковид-19 и мртви, во споредба со сите земји во регионот. На црната статистика која мери индекс на заразени и смртност на милион жители од коронавирус, Македонија е на лидерската позиција, односно Македонија од сите држави во регионот има најголема стапка на смртност. Овој поразителен факт за нашата држава е алармантен. Имено, според последните податоци Македонија е рекордер по бројот на заразени и починати од новиот корона вирус. Од она што може да се забележи од ова црна статистика, Македонија е лидер со 4.094 новозаразени и 198 починати лица од коронавирус на еден милион жители, а во земјите од регионот речиси бројката е на пола. Инаку, нови 241 случај позитивни на коронавирусот вчера беа регистрирани од направени 1700 тестирања, со што вкупната бројка од почетокот на епидемијата се искачи на 9026. Во претходното деноноќие починаа осум лица, а вкупниот број на починати заклучно со вчерашниот ден се искачи на 414 лица. Овие факти се уште еден доказ дека Владата катастрофално се справува со корона вирусот во Македонија.

Вокс: Словенија меѓу државите кои најуспешно се справија со новиот коронавирус

Тале Кристо — Wed, 06 May 2020 13:14:34 +0000

Њујоршкиот сајт Вокс објави текст во кој Словенија се вбројува во неколкуте држави кои најуспешно се справиле со епидемијата на новиот коронавирус, пренесе словенечката новинска агенција СТА. Како што јави дописникот на МИА од Љубљана, во групата со Словенија се и Грција, Исланд, Виетнам и Јордан. – Владите на Словенија и на навремено дејствуваа и ги затворија државните граници, донесоа одлука граѓаните да седат дома, направија големо тестирање за коронавирусот и извршија брза изолација на заразените. Дополнително граѓаните одржуваа социјална дистанца, а носењето заштитни маски е задолжително. Ваквите мерки се причина овие земји, секако на задоволство на граѓаните повторно да се враќаат во нормала, пишува во текстот на Вокс. За авторот на анализата Алекс Вард, исто така е импресивна малата бројка на заразени во Словенија, бидејќи земјата е многу блиску до Северна Италија која е тешко погодена од заразата со Ковид-19.

ФОТО: Еве како Индија се справува со оние кои што не ја почитуваат забраната за движење поради коронавирусот!

Тале Кристо — Wed, 25 Mar 2020 17:27:17 +0000

Индија во следните три недели воведе забрана за движење на граѓаните, а со цел заштита на населението од коронавирусот кој што го зафати речиси целиот свет. -За да ја спасиме Индија и секој нејзин граѓанин, се забранува излегување од дома, истакна во своето видео обраќање во живо индискиот премиер Моди. Тој додал дека следните три недели ќе бидат силен удар врз економијата, но според него само една ваква одлука може да ја врати Индија во нормализација. Оние што ја прекршиле забраната за движење поминале многу лошо, како што е тепањето со камшик.