Сејдини: ФФМ ќе се спротивставува и нема да потклекне на никаков притисок!

Тале Кристо — Fri, 22 Jan 2021 13:27:20 +0000

Скопје, 22 јануари 2021 (МИА) – Претседателот на Фудбалска федерација на Македонија, Мухамед Сејдини денес соопшти дека е уважената тужба на федерацијата која се однесуваше на решението на Државната комисија за одлучување. Тој порача дека ФФМ нема да потклекне на никаков притисок. Во продолжение во целост го пренесуваме обраќањето на Сејдини по добиеното известување од Агенцијата за млади и спорт: – Најмалку што сакавме во едно вакво време, во денови кога се слави македонскиот фудбал и нашите резултати е да зборуваме за работи кои не се поврзани со играта, лигата или репрезентациите, но некогаш едноставно – немате избор. Со факти и одлука на хартија да им покажеме и потврдиме колку не знаат и колку не се срамат што не знаат. За тоа, драг Наумче Мојсовски, директор на Агенцијата за млади и спорт – се одговара. Во текот на вчерашниот ден, и до мене стигнаа шпекулации дека одредени претставници на клубовите од македонската лига се повикувани во државни институции, присилувани да потпишуваат некаква поддршка за бојкот на Генералното Изборно Собрание на Фудбалската федерација на Македонија, уценувани со поделбата на ваучерите. Шпекулациите одеа дотаму што на големо се споменуваше и името на Премиерот на нашата држава. Одбивав да верувам во таквите „игри без граници“ сѐ додека не го прочитав соопштението од Агенцијата за млади и спорт објавено на нивната официјална страна. Во известувањето од Агенцијата за млади и спорт се вели дека при извршен инспекциски надзор во Фудбалската федерација на Македонија се утврдени низа неправилности спротивно на Законот за спорт. Наведуваат дека решението било обжалено и после сите институционални и законски процедури и рокови, жалбата беше отфрлена како неоснована од страна на Државната комисија за одлучување во втор степен во областа на инспекцискиот надзор и прекршочна постапка, со што Решението стана правосилно и извршно и против него не е дозволена жалба. И сега доаѓаме до моментот од кој треба да се срамиме сите ние од начинот на кој постапуваат одредени наши инситуции, во овој случај највисокото државно тело за спорт. Вистина е дека решението на второстепената комисија е конечно и против истото нема право на жалба. Но, има право на тужба против, на овој начин, донесениот управен акт. Фудбалската федерација на Македонија согласно законите поднесе тужба со која поведе Управен спор против државната комисија за одлучување во втор степен во врска со нејзиното Решение. И бидејќи овој „сакам кажам – не знам речам“ начин на комуникација е нивен избор, а ние „на сила“ сме принудени да се браниме од нешто што не е вистина, еве, тука пред вас и пред цела јавност ја објавувам пресудата од поднесената тужба против поништеното решение кое Агенцијата за млади и спорт најави дека ќе го спроведува. Пресудата вели дека тужбата на тужителот Фудбалска федерација на Македонија СЕ УВАЖУВА. Решението се ПОНИШТУВА. За ова, драг Наумче Мојсовски, директор на Агенција за млади и спорт се одговара. За ваквиот начин на постапување се известени УЕФА и ФИФА, кои го следат овој случај од моментот кога се вршеше инспекцискиот надзор. Известени се за сите одлуки и начинот на кои се носени тие одлуки. Недај Боже, никој од нас не посакува, но чувствувам обврска да истакнам дека ваквото постапување може да донесе „квантен скок“ ама наназад за македонскиот фудбал и нашите репрезентации. Причина за тоа нема да биде Фудбалската федерација на Македонија, ниту јас како претседател, туку срамното и слепо однесување на поединци и институции со цел да се стави рака врз Фудбалската федерација на Македонија. На крајот, Ве уверувам дека Фудбалската федерација на Македонија ќе продолжи да се спротивставува на било каков притисок кој не доаѓа од фудбалското семејство. За сѐ друго сме отворени за соработка се цел продолжување на сонот кој го живееме, вели претседателот на ФФМ, Сејдини. Во текот на вчерашниот ден АМС соопшти дека при извршен инспекциски надзор во Фудбалската федерација на Македонија (решение ИП1 бр.14-182/2 од 21.01.2019 година) утврдени се низа неправилности спротивно на Законот за спорт.

ЕДИНСТВЕНИОТ човек кој му се спротистави на Аркан: „Твојата совест ќе изгори поради ова“

Магдалена Андонова — Wed, 09 Sep 2020 19:20:28 +0000

Вчера се навршија три години откако почина еден од најпознатите и најлегендарни актери од балканските простори, Љубиша Самарџиќ. Го паметиме по многу улоги, но помалку е познато дека тој беше децениски навивач на ОФК Белград и претседател на Собранието на клубот од Карабурма. Тој важеше за храбар и искрен човек, а и денес се споменува дека во 1998 година, по натпреварот ОФК Белград - Обилиќ (0: 1), влегол во жестока расправија со претседателот и сопственик на противничката екипа, Жељко Ражнатовиќ - Аркан. Самарџиќ таа случка ја раскажа во емисијата „ТВ лица како целиот нормален свет“. - Бев изненаден што таа утакмица автоматски ќе се намести. Тоа беше во 1998 година кога Обилиќ беше државен првак. Се сеќавам како денес, судијата, нема да го споменам неговото име, тој свири непостоечки фаул пред нивниот гол. Секогаш свиреше за Обилиќ, рече Самарџиќ и додаде: - И во 15-та минута тие дадоа гол. Играта заврши со еден нула и јас влегов во својата соба. И одеднаш сите почнаа да брзаат, прво Аркан, а потоа и неговите позади. Како што вели, тој веднаш отишол кај Аркан: - Слушај Аркан, ти зборуваш за витештво?! Каде е твоето витештво? Дали мислиш дека така се добива утакмица - со непостоечки пенал. Така не се работи. Твојата совест ќе изгори поради ова. Ме погледна право во лицето и во еден момент рече: - Еве ти рака, во право си. Вака не се добива натпревар! И таму направи претстава ... Го зеде телефонот, го повика тренерот на Обилиќ, Драган Окука. - Сменет си и казнет со 3.000 марки, и кажи им на играчите дека се казнети со иста сума. Следниот ден, во печатот беше напишано дека тој го сторил тоа, но Обилиќ сепак стана шампион таа година, рече Љубиша Самарџиќ.

спротиставување – Kurir.mk

Сејдини: ФФМ ќе се спротивставува и нема да потклекне на никаков притисок!

ЕДИНСТВЕНИОТ човек кој му се спротистави на Аркан: „Твојата совест ќе изгори поради ова“