спроведување – Kurir.mk

Мицкоски: Се уште сме на почеток со спроведување на мерките за коронавирусот

Тале Кристо — Fri, 27 Mar 2020 18:47:33 +0000

Во услови кога има официјална политика која се движи со огронмни осцилации мора да одговорите и соодветно на тоа. Оттукка ВМРО-ДПМНЕ предлагаше прво кризна состојба за што добивме одговор дека нема ресурси во државата, и потоа рековме ако нема за тоа тогаш да се прогласи вонредна за да се справиме подобро со пандемијата, да ја превенираме ситуацијата, рече претседателот на ВМРО-ДПМНЕ, Христијан Мицкоски во своето гостување во емисијата Трилинг на Телевизија 24. -ВМРО-ДПМНЕ прво предлагаше кризна состојба што на ниво на безбедност и ограничување на движењето на граѓаните е на многу повиоско ниво. Ќе ве потсетам дека на Совет за безбедност претседателот на државата рече не е потребна ни вонредна, а ни кризна состојба. Другиот ден имавме состанок кај Пендаровски и ние предложивме воведување кризна состојба за да ги затвориме граничните премини, за да има контрола во градовите каде ќе има повеќе носители на корона вирусот со цел да го ограничиме нејзино ширење, тогаш добив одговор дека кризна состојба не може да спроведе зошто нема ресурси, објасни Мицкоски. Тој укажа дека потоа рекол „ако нема услови за кризна тогаш да се прогласи вонредна“. -Реков ако нема ресурси за кризна состојба да спроведеме вонредна зошто работата ќе ескалира. Сето ова што денес се случува за превенција на корона вирусот и за економските мерки јас го говорев одамна. Ако некој во оваа држава беше свесен за тоа што го зборував, денес немаше да ја има оваа состојба во која сме, а ќе кажам и дека за жал сеуште сме на почеток кога станува збор за спроведување на мерки, рече Мицкоски.

МВР формирше кординативно тело за спроведување на мерките против коронавирусот

Тале Кристо — Sat, 14 Mar 2020 15:13:19 +0000

Ја информирам јавноста дека денес формиравме #кординативно тело за спроведување на мерките поврзани со состојбата со #Ковид19. -МВР ги презема сите мерки и активности со цел заштита на граѓаните, а за сите преземени мерки ќе ја информира јавноста преку Одделот за односи со јавност, во координација со другите институции. -Полициските службеници вршат и ќе вршат засилени контроли во врска со спроведувањето на мерките што ги презема Владата со цел справување со проблемот со Ковид -Апелираме до сите граѓани да се придржуваат до препорачаните мерки и насоки усвоени од Владата во врска со спречување на ширењето на корона вирусот. Сите оние кои ги прекршуваат дадените препораки, ќе бидат санкционирани согласно член 205 и 206 од Кривичниот законик. -Министерството за внатрешни работи презема соодветни мерки и активности и за заштита на своите вработени преку набавка на средства за дезинфекција, заштитни ракавици и др. средства за сите полициски службеници. -Вработените во МВР да ги редуцираат контактите со странките во делот на постапки и услуги кои не се итни и кои не се ограничени со рокови. Секогаш кога е тоа возможно да се користи електронска комуникација, а при директна комуникација со странки да се користи соодветна заштита односно да се почитуваат препораките на Министерството за здравство. -Во постапка е отворање на телефонска линија на која граѓаните ќе добиваат информации за услугите на МВР, со цел да се одбегне доаѓањето во институцијата доколку тоа не е неопходно и за тоа соодветно ќе ја информираме јавноста, информираше министерот за внатрешни работи Наќе Чулев.

Полицијата со засилени контроли за спроведувањето на мерките против коронавирусот

Тале Кристо — Sat, 14 Mar 2020 14:23:05 +0000

Министерството за внатрешни работи (МВР) денеска соопшти дека формира Кординативно тело за спроведување на мерките поврзани со состојбата со Ковид 19. МВР ги презема сите мерки и активности со цел заштита на граѓаните, а за сите преземени мерки ќе ја информира јавноста преку Одделот за односи со јавност, во координација со другите институции. Како што се наведува во соопштението, полициските службеници вршат и ќе вршат засилени контроли во врска со спроведувањето на мерките што ги презема Владата со цел справување со проблемот со Ковид 19. -Апелираме до сите граѓани да се придржуваат до препорачаните мерки и насоки усвоени од Владата во врска со спречување на ширењето на корона вирусот. Сите оние кои ги прекршуваат дадените препораки, ќе бидат санкционирани согласно член 205 и 206 од Кривичниот законик, се наведува во соопштението. МВР, како што се потенцира, презема соодветни мерки и активности и за заштита на своите вработени преку набавка на средства за дезинфекција, заштитни ракавици и други средства за сите полициски службеници. -Вработените во МВР да ги редуцираат контактите со странките во делот на постапки и услуги кои не се итни и кои не се ограничени со рокови. Секогаш кога е тоа возможно да се користи електронска комуникација, а при директна комуникација со странки да се користи соодветна заштита односно да се почитуваат препораките на Министерството за здравство, се посочува во соопштението. Во постапка е отварање на телефонска линија на која граѓаните ќе добиваат информации за услугите на МВР, со цел да се одбегне доаѓањето во институцијата доколку тоа не е неопходно и за тоа соодветно ќе ја информираме јавноста.