Спутник лајт – Kurir.mk

Нова студија: Руската вакција „Спутник лајт“ обезбедува тримесечна заштита од омикрон

Магдалена Андонова — Sun, 30 Jan 2022 19:10:07 +0000

Студијата за руската вакцина „Спутник лајт“ покажа дека луѓето кои го примиле овој препарат како трета доза ќе бидат 100 отсто заштитени од сојот омикрон во наредните три месеци, изјави директорката на центарот „Гамалеја“ Александра Гинцбург за телевизијата „Русија 1“. 75 отсто од вакцинираните (Спутник V) имаат антитела кои го неутрализираат сојот омикрон. Ако ја погледнете крвната плазма на луѓето кои примиле бустер Спутник Лајт, можете да видите дека тие имале 100 отсто антитела кои го неутрализираат вирусот во три месеци по примањето, рече тој. Што се однесува до крајот на пандемијата, Гинцбург не е премногу оптимист. Не се осмелувам да тврдам дека ова е последната фаза. Додека разговарам со вас, се појавуваат бесконечен број нови соеви на Ковид-19. Засега само се бориме со последиците, почнуваме да го гасиме пожарот, иако тој веќе гори“, додаде тој.

Спутник лајт ефикасна и во комбинација со други вакцини

Ивона Петрова — Thu, 05 Aug 2021 06:52:36 +0000

Вакцината Спутник лајт покажува висока ефикасност во комбинација со вакцините АстраЗенека, Синофарм и Модерна во Аргентина, соопшти прес-службата на Рускиот фонд за директни инвестиции. -Податоците кои ги доби Министерството за здравство покажуваат дека комбинираната примена на Спутник лајт со друга вакцина и вакцинација само со две дози на Спутник лајт е безбедна, не постојат сериозни нуспојави. Сите комбинации кои се користени за време на истражувањето се безбедни, се наведува во соопштението. Во Буенос Аирес се анализирани податоците добиени по вакцинација на 121 доброволец.

„Комерсант“: Русија ја пушта во оптек вакцината „Спутник лајт“

Ивона Петрова — Fri, 25 Jun 2021 12:46:27 +0000

Русија денеска соопшти дека во оптек ја пушта својата четврта вакцина против Ковид-19, „Спутник лајт“, што ќе се дава во единечна доза, објави весникот „Комерсант“. „Спутник лајт“ ја користи само првата доза од водечката руска вакцина „Спутник В“, која во период од 21 ден по првата доза, имунолошкиот систем го засилува со втора доза. Одлуката за одобрување и воведување на вакцината „Спутник лајт“ се водеше од фактот дека првата компонента на стандардната вакцина е произведена во значително поголеми количества од втората доза, соопшти „Комерсант“, цитирајќи извори од владата. Британските медиуми претходно јавија дека втората доза на „Спутник В“ испарува полесно и потешко е да се произведе. Русија се наоѓа на врвот на новата официјална програма за ревакцинација поради наглото зголемување на случаите и ширењето на делта варијантата на вирусот. „Спутник лајт“ со единечна доза ќе се користи како засилувач за Русите кои беа вакцинирани со првите две дози пред шест или повеќе месеци, соопштија официјални лица.

Русија ја регистрираше четвртата вакцина, еве колку е ефикасна „Спутник лајт“

Ивона Петрова — Fri, 07 May 2021 06:37:44 +0000

Рускиот Фонд за директни инвестиции објави дека ја регистрираше четрвртата вакцина развиена во земјата против коронавирус. Станува збор за еднокомпонентна вакцина под името „Спутник лајт“. Вакцината која ја развил Истражувачкиот институт Гамалеја има ефикасност од 79,4 проценти, а се тврди дека вакцината го зголемува степенот на заштита кај оние кои имаат антитела за 40 пати. „Спутник лајт“ може да се чува шест месеци во замрзната форма и еден месец во течна состојба, соопшти државниот регистар за фармацевтски производи на руското Министерствто за здравство. Се напоменува дека смрзнатата вакцина треба да се чува подалеку од светлика на температура која не е повисока од -18 степени, додека течната варијатна треба да се чува на температура од 2- степени. Првата руска вакцина против Ковид-19 „Спутник В“ развиена од истиот институт е регистрирана во август 2020 година, „ЕпиВакКорона“ е развиена од Векторскиот истражувачки центар во октомври 2020 година и вакцината „КовиВак“ на 20 февруари. Русија сега има четири вакцини против Ковид-19 и произвела 31,9 милиони дози.

Русија ја регистрираше вакцината „Спутник Лајт“ – еве колкава е нејзината ефикасност

Магдалена Андонова — Thu, 06 May 2021 14:03:04 +0000

Еднокомпонентната вакцина против коронавирус „Спутник Лајт“ е регистрирана во Русија, а нејзината ефикасност е 79,4 проценти, што е поголема отколку кај многу вакцини со две дози, соопшти Рускиот фонд за директни инвестиции (РФПИ). За регистрацијата на оваа вакцина соопштија и Министерството за здравство на Русија и Националниот истражувачки центар за епидемиологија и микробиологија „Гамалеја“. „Ефикасноста на вакцината е 79,4 проценти од 28-от ден по имунизацијата. Стапката на ефикасност од околу 80 проценти ги надминува стапките на ефикасност кај многу вакцини со две дози“, се вели во соопштението. Според лабораторискитео истражувања на центарот „Гамалеја“, вакцината „Спутник Лајт“ е ефикасна против сите нови видови на коронавирус. „Не се регистрирани сериозни несакани ефекти по имунизацијата со вакцината „Спутник лајт“, се додава во соопштението. Како што истакнуваат, „Спутник лајт“ не бара посебни услови за складирање и логистика, а цената е прифатлива – помалку од 10 долари. Примената на единечна доза, пак, овозможува голем број луѓе да се вакцинираат за кратко време. Шефот на РФПИ, Кирил Дмитриев изјави дека „Спутник В“ останува главно средство за вакцинација против коронавирусот во Русија, додека еднокомпонентната вакцина „Спутник лајт“ ќе се извезува во странство. Рускиот фонд соопшти дека повеќе од 20 милиони луѓе ширум светот до 5 мај ја примиле првата доза на вакцината „Спутник В“. „Случаи на церебрална синовенска тромбоза (ЦВСТ) не се пријавени“, се вели во соопштението. Нагласено е дека производството на вакцината ги исполнува најстрогите стандарди со темелна процедура со четири фази на прочистување на вакцината. (МИА)

Спутник лајт двојно го намалува ризикот од зараза

Ивана Ефремовски — Sun, 04 Apr 2021 16:17:28 +0000

Употребата на вакцината Спутник лајт двојно го намалува ризикот од зараза со коронавирусот, изјави директорот на рускиот центар „Гамалеја“, Александар Гинцбург. -Постои опција „Лајт“ која е и прва компонента на вакцината Спутник В. Ако се употреби посебно, без втора вакцинација, можноста за зараза со овој вирус се намалува за 50 проценти, па дури и за 60 проценти, рече Гинцбург за телевизијата Русија 1. Руското Министерство за здравство ја регистрираше вакцината Спутник лајт на 29 март. Вакцинацијата со овој препарат почна во Москва на 27 февруари. Се очекува таа да штити од коронавирусот четири до пет месеци. (МИА)

Русија регистрираше вакцина Спутник лајт: Се дава во единечна доза и има пократок ефект

Магдалена Андонова — Mon, 29 Mar 2021 13:43:04 +0000

Руското Министерство за здравство регистрирало за употреба верзија на вакцината против коронавирус: Спутник-лајт, која се дава во единечна доза, објави денес ТАСС. Според Танјуг, Русија минатата недела објави дека завршила клинички испитувања на вакцината, што може да биде привремено решение за земјите со голема стапка на инфекција. За оваа вакцина зборуваше и рускиот претседател Владимир Путин, наведувајќи дека постои „лесна верзија на руската вакцина против коронавирусот“. Тој изјави дека оваа вакцина ќе има пократок ефект, но дека ќе овозможи вакцинирање на поголем број луѓе. Александар Гинзбург, директор на Центарот за истражување Гамалеа, рече дека „лесната вакцина“ формира имунитет во рок од три недели, кој трае од три до четири месеци. Главната цел на користење ваква вакцина е да се намали бројот на смртни случаи од Ковид-19 во земји со многу голем број смртни случаи. Москва изјави дека нејзината вакцина Спутник V, која се дава во две дози, ќе остане главната верзија што се користи во Русија.

Русија ја тестира вакцината „Спутник лајт“, еве во што е поразлична од „Спутник В“

Ивона Петрова — Sat, 27 Feb 2021 13:06:38 +0000

Првите учесници во испитувањето на вакцината против коронавирусот „Спутник лајт“ се вакцинирани во Москва, изјави денеска заменичката-градоначалник на Москва задолжена за прашања од социјалниот развој, Анастасија Ракова. – Согласно тоа како волонтерите ќе бидат подложени на прегледи, опсегот на вакцинација исто така ќе се зголеми. Активно се поднесуваат пријави од доброволци, при што 490 лица го поминале медицинскиот преглед за два дена, рече Ракова. „Лајт“ верзијата на Спутник В се состои од една доза и се верува дека ќе овозможи заштита, посебно од тешка форма на Ковид-19, во текот на 4-5 месеци. Ракова потсети дека волонтер може да биде секој постар од 18 години кој не бил болен и не бил позитивен на коронавирус, не примил вакцини во текот на последниот месец, нема антитела на коронавирус, нема алергиска реакција, нема хронични болести. Бремените жени и доилките не можат да учествуваат во студијата. – Се претпоставува дека оваа вакцина ќе ја користат млади луѓе на возраст од 18 до 30 години, кои развиваат добар имунолошки одговор и развиваат доволно ниво на антитела при првата репликација. „Спутник лајт“ во комбинација со „Спутник В“ ќе овозможи повеќе можности за вакцинација, објаснува Ракова. Таа потсети дека во Москва е планирано и испитување на назална вакцина против коронавирусот, а испитувањето не може да започне се додека не се добие одобрение од Министерството за здравство на Русија. Како што вели таа, назалните форми на вакцини веќе постојат, на пример, вакцините против грип. „Лесната“ верзија на „Спутник В“ доби дозвола за клинички испитувања на 11 јануари од руското Министерство за здравство. Истражувањето се спроведува на 150 волонтери и се изведува во три медицински установи. Според веб-страницата на државниот регистар, која содржи одобренија за истражување од руското Министерство за здравство, целта на клиничките испитувања е да се процени безбедноста, толеранцијата и имуногеноста на вакцината „Спутник лајт“ во врска со спречување на инфекција од коронавирус. Рускиот претседател Владимир Путин претходно изјави дека постои „лесна“ верзија на руската вакцина против Ковид-19. Тој изјави дека оваа вакцина ќе има пократок ефект, но дека ќе овозможи вакцинирање на поголем број луѓе. – Ако некое лице се разболи по примената „лајт“ вакцина, нема да развие тежок случај на Ковид-19. Вирусот нема да се спушти во белите дробови, тој ќе биде само како мала настинка“, рече Александар Гинтсбург, шеф на „Гамалеја“, која ја разви вакцината. Тој, исто така, објасни дека оваа вакцината ќе може да се стави во употреба брзо по почетокот на клиничкото испитување, со оглед на тоа дека не е потребно многу да се менува технологијата бидејќи во поедноставената верзија ќе се користи првата компонента од оригиналната вакцина.