срби – Kurir.mk

Денеска погреб на убиените Срби во Бањска

Ристе Здравков — Sun, 01 Oct 2023 07:25:01 +0000

Тројцата Срби кои минатата недела беа убиени во Бањска, Стефан Недељковиќ, Бојан Мијаиловиќ и Игор Миленковиќ, денеска ќе бидат погребани во Врњачка Бања и Лепосавиќ. Стефан Недељковиќ ќе биде погребан во Врњачка Бања, а граѓаните се поканети да се соберат на пумпата „Кнез Петрол“ на ова место во 11 часот. Бојан Мијаиловиќ ќе биде погребан во 12 часот на локалните гробишта во Лепосавиќ, а во 14 часот на истото место во селото Граничане ќе биде погребан Игор Миленковиќ. Потсетуваме, Недељковиќ, Мијаиловиќ и Миленковиќ беа убиени во конфликт меѓу локалните Срби и таканаречената косовска полиција на 24 септември во селото Бањска, на северот на Косово и Метохија. Нивните тела дури вчера ги однеле нивните семејства од Институтот за судска медицина во Приштина, од каде биле пренесени во капелата во Рударе кај Звечан.

Хил за апсењето на Србите во Косово: Ќе оставам на другите да заклучат зошто токму сега

Тале Кристо — Thu, 21 Sep 2023 16:25:31 +0000

Американскиот амбасадор во Белград Кристофер Хил изјави дека Соединетите Американски Држави не знаат многу детали за вчерашното апсење на тројца Срби од Косово, јави дописникот на МИА од Белград. - За нив е кажано дека се поврзани со злосторства што наводно се случиле пред триесет години. Ќе оставам на другите да заклучат зошто апсењата следеа веднаш по неуспешниот круг на дијалог во Брисел и за време на Генералното заседание на Обединетите нации, изјави американскиот амбасдор во Белград. Хил рече дека верува оти ова може брзо да се реши и дека би сакал „повеќе да се зборува за соработка, а помалку за апсења“. Тој посочи и дека САД не разбираат како забраната за увоз на стоки од Србија во Косово, која ја воведоа властите во Приштина, може да помогне за севкупната ситуација во односите меѓу Белград и Приштина.

Српска листа за апсењето на Србите обвинети за воени злосторства: Курти продолжува со насилство врз Србите

Тале Кристо — Wed, 20 Sep 2023 17:20:49 +0000

Најголемата партија на косовските Срби, Српска листа (СЛ), по повод денешното апсење на тројца етнички Срби под обвинение за воени злосторства во Косово во 1998-99 година, го обвини косовскиот премиер, Албин Курти дека продолжува со неговиот „план за употреба на насилство и сила“ за решавање на отворените политички прашања, јави дописникот на МИА од Приштина. Според СЛ, новите апсења, и инцидентот во Грачаница од пред неколку дена, кога две лица од српска националност ја обвинија полицијата дека ги истепала без конкретна причина, доаѓаат „по одбивањето на Курти активно да учествува во дијалогот (со Белград) и да ја деескалира ситуацијата на терен“. Тие ги повикаа Мисијата на НАТО во Косово, КФОР и онаа на Европската унија за владееење на правото во земјата, ЕУЛЕКС, да ги спречат, како што велат, натамошните „провокации на режимот на Курти“. „Тој ги третира Србите на Косово и Метохија како заложници во преговарачкиот процес, кои може да ги малтретира кога сака и на тој начин испраќа порака до Европската унија дека не му можат ништо. Апелираме до КФОР и ЕУЛЕКС итно да спречат упади на специјалните сили и други провокации на режимот на Курти, кои го загрозуваат мирот и предизвикуваат тензии“, се наведува во соопштението на СЛ. Косовската полиција уапси денеска три лица од српска националност, кои се осомничени за воени злосторства против цивилното население за време на војната во Косово во 1998-99 година. Во соопштението на Специјалното обвинителство на Косово се наведува дека на тројцата уапсени им е одреден притвор од 48 часа. „Тројцата уапсени се обвинети за кривичното дело „Воени злосторства против цивилното население“ , дејствија кои се санкционирани според членовите 142 и 22 од Кривичниот законик на РСФЈ, актуелно казниво според... Кривичниот законик на Република Косово... според локалните закони, воените обичаи и Женевските меѓународни конвенции и дополнителните протоколи“, се наведува во соопштението. И Официјален Белград, како што пренесуваат медиумите во Приштина, реагира преку Канцеларијата за Косово во Владата на Србија, која соопшти дека уапсениот во Звечане, Д.М., е поранешен полицаец, додека за уапсениот И.Е. тврди дека е во тешка здравствена состојба. „Тие се испратени во непознат правец јужно од (реката) Ибар. Канцеларијата за Косово веднаш обезбеди адвокати за уапсените Срби, кои се обидуваат да откријат каде се испратени, бидејќи нивните семејства немаат детални информации за нивните најблиски“, се наведува во соопштението од Белград. Директорот на Канцеларијата за КиМ при српската Влада, Петар Петковиќ, денешното апсење го оцени како „продолжување на етничкото чистење од страна на Курти“. Според Петковиќ, во наредните часови се очекува да биде уапсен уште еден косовски Србин, во село Кајково, општина Лепосавиќ, во северно Косово.

БиХ: Седум Срби осудени на 91 година затвор поради киднапирање и ликвидација на 20 цивили во 1993 година

Тале Кристо — Tue, 29 Aug 2023 19:21:38 +0000

Суд во Сараево осуди седуммина Срби од Босна и Херцеговина на 91 година затвор за убиство на 20 цивили кои беа киднапирани од воз во близина на Вишеград во источниот дел на БиХ во 1993 година. На 27 февруари 1993 година, вооружените припадници на војската на Република Српска запреа воз што сообраќал на релација Белград – Бар и киднапираа 20 цивили, од кои 19 беа Бошњаци, а 20-та жртва беше Томо Бузов од Сплит, пензиониран офицер на ЈНА, кој се спротивстави на киднапирањето и исто така беше одведен. Цивилите беа одведени во локалната српска команда каде биле претепани и врзани со жица, а потоа застрелани во близина на Вишеград, а нивните тела биле фрлени во Дрина. Судот утврди дека во ликвидацијата учествувал и шефот на српската паравоена единица, Милан Лукиќ, кој претходно беше осуден на доживотен затвор од Хашкиот трибунал за други злосторства врз бошњачките цивили во Вишеград.

Бугарите, Турците и Србите најнезадоволни од својот живот

Катерина Бојаџиева — Wed, 17 May 2023 13:02:40 +0000

Бугарите, Турците и Србите се најмалку, а Австријците, Швајцарците и Финците се назјадоволни од својот живот во целина, покажуваат податоците на Евростат, што преку мапа ги пренесува порталот „Ландгеист“. На скалата од - до 10, повеќето земји од Европа имаат оценка 7 или повиска. Најнезадовлни од живеачката се граѓаните на Турција (5,6), на Бугарија (5,7) и на Србија (6,0). Под европскиот пресек се и Унагрците со оценка 6,5, Летонците со 6,7 и Хрватите, Грците и Французите со 6,8. Од сите Европејци, Австријците се најзадоволни од својот живот. Тоа е единствената земја што има оценка 8,0, а веднаш зад неа се Финска и Швајцарија и двете со 7,9. Македонија не е опфатена со анализата на Евростат и „Ландгеист“.

Анкета: Голем број млади Срби се изложени на сексуално вознемирување на интернет

Тале Кристо — Tue, 18 Apr 2023 11:14:09 +0000

Во најновата анкета за ризично однесување, сексуално вознемирување и изложување на млади луѓе на сексуална содржина на интернет се наведува дека српските средношколци во голема мера испраќаат и примаат сексуални содржини преку интернет, 27,5 отсто од испитаниците добиле сексуална содржина од личност која не ја познаваат, додека 24 проценти таква содржина добиле од личност која ја познаваат. Резултатите од анкетата покажуваат дека 9,4 отсто од младите поминуваат повеќе од осум часа дневно на интернет, 15,9 проценти се од два до три часа, а 17,4 отсто на интернет се од четири до пет часа. Истражувањето покажува и дека повеќе од половина од средношколците користат два или повеќе профили на иста социјална мрежа, како и оти машките повеќе испраќаат пораки со сексуална содржина. Дел од испитаниците изјавиле дека првпат пратиле сексуална порака на 12 години. Анкетата покажува дека 20,2 проценти од испитаниците испратиле порака со сексуална содржина под принуда и закана. Сексуалното вознемирување на интернет вклучува недоразбирање на споделување интимни фотографии или видеа, употреба на принуда и закани, сексуално насилство од врсници и несакана сексуализација, но само 22,8 отсто од испитаниците изјавиле дека би побарале помош од родителите кога би имале проблем на интернет. Анкетата е спроведена од експерти од Центарот за исчезнати и малтретирани деца од Нови Сад, во соработка со тим истражувачи од Катедрата за психологија и студиската програма за социјална работа на Филозофскиот факултет во Нови Сад. Испитани се 2.950 млади лица на возраст од 15 до 17 години од 40 училишта ширум Србија.

Србија и Косово се договорија во Охрид, но не го потпишаа Анексот на Договорот – обврските влегуваа во преговарачката рамка

Ристе Здравков — Sun, 19 Mar 2023 16:05:31 +0000

По 12 –часа маратонски преговори Белград и Приштина под посредство на ЕУ ги усогласија ставовите за анексот на договорот за нормализација на односите. За шефот на европската дипломатија Жозеп Борел како медијатор во дијалогот преговорите биле тешки , но сепак договор имало. Во фокусот на договореното е Србите во Косово да добијат некаков облик на самоуправа, а да се прифати и Декларација за исчезнати лица. „Косово и Србија се договорија за Анексот за имплементација на Договорот за патот за нормализирање на односите меѓу Косово и Србија. Договоривме кога, кој и како тоа да се реализира. Во рамките на анексот, страните се согласија да ги исполнат сите членови од договорот и да ги спроведат сите обврски без одлагање и со добра волја. Овој исход дојде по многу тешки преговори, не се преговара 12 часа за едноставни работи. За да се имплементира членот 7 од договорот, Косово се согласи веднаш да започне преговори со ЕУ во рамките на дијалогот за воспоставување на аранжмани за обезбедување соодветна самоуправа за српската заедница на Косово. Страните, исто така, се согласија да ја поддржат декларацијата за исчезнатите лица како што беше преговарано во рамки на дијалогот како прашање кое е итно“. За српскиот претседател Вучиќ вчера не бил денот „Д“, не потпишал ништо бидејќи не склучувал никакви меѓународни договори со Косово, затоа што Србија е меѓународно призната земја, за разлика од Косово. Вучиќ не се согласил да не се попречува членството на Косово во меѓународни организации, но се согласил на нормализација на односите. Тој потврди дека текстот кој дури 12 пати го менувале, ќе биде дел од преговарачката рамка за двете земји. Курти пак обвинува дека Белград го одолговлекува времето за потпишување. По целодневните преговори се обврзал дека ја спроведе Заедницата на српски општини, но и најави дека ќе се залага за правата на сите граѓани на Косово. Постигнавме јавен договор за анексот што ќе води кон спроведување на основниот договор. Останува на Европската унија да најде механизам статусот на овој договор да биде правно и меѓународно обврзувачки. Дојдов во Охрид со намера да го потпишеме основниот договор со анекс, но српската страна и овојпат избегна негово потпишување, исто како на последната средба во Брисел на 27 февруари. Американскиот претставник за Западен Балкан Габриел Екопжбар го поздрави тешкиот но неопходен договор , за нормализирање на односите меѓу двете земји. „Можам да ви кажам дека САД ќе се заложат да помогнат во спроведување (на договореното) и тоа спроведување да биде во интерес на двете земји и на регионот. Ќе сториме се што е во наша моќ за да ја поддржиме имплементацијата, и на политички, и на економски и на секој друг начин, за да направиме мирот на Балканот да биде реалност“ Македонскиот премиер пак задоволен од исходот на дијалогот, вели дека нормализирањето на односите, ќе донесе само позитивни резултати за интеграцијата на целиот регион. Откако преговарачките тимови го усогласија анексот на договорот, Брисел сега ќе започне процес за промена на критериумите за Поглавјето 35 за Србија поради обврските кои произлегуваат од договореното. Агендата на Косовската специјална група за нормализација подеднакво ќе ги одразува и новите обврски што ги има Косово, а кои произлегуваат од Договорот и од овој Анекс“, се вели во една од точките од анексот. Во рок од 30 дена двете страни треба да формираат и Заеднички одбор за мониторинг, со кој претседава ЕУ, кој ќе следи што и како се имплементира според договореното. Брисел во рок од 150 дена ќе организира донаторска конференција со цел да се воспостави пакет за инвестиции и финансиска помош за Косово и Србија. Помошта нема да биде доделена пред ЕУ да утврди дека сите одредби од Договорот се целосно имплементирани. И Белград и Приштина се обврзале дека нема да ја кочат имплементацијата на ниту една од договорените точки.

(ВИДЕО) Напад на родители на малолетни деца од Србија на турнир во Сараево: Доживеавме пекол

Ристе Здравков — Sun, 15 Jan 2023 10:52:06 +0000

Едно лице од Белград е повредено со нож во инцидент што се случил во хотел во сараевската населба Илиџа. Како што пренесува Klix.ba, повикувајќи се на учесниците на настанот, нападнати биле група родители на млади фудбалери на ФК Звездара од Белград, кои учествуваат на меѓународен турнир. Група од 10 до 15 маскирани луѓе влегле во хотелот во кој се наоѓале децата и нивните родители и со солзавец ги нападнале родителите на фудбалерите и се обиделе да им го украдат знамето. Родителите ги следеле, но надвор ги пресретнала уште поголема група луѓе кои биле маскирани и имале факели и ножеви.

I neko odluči da na ovakvom turniru napadne Srbe…. Strašno! pic.twitter.com/cfRu9fp02x
— Sportcomm (@Sportcomm2) January 14, 2023

Потоа повторно биле нападнати родителите, а еден од нив бил повреден со нож. Дел од родителите за српските медиуми велат дека „доживеале пекол“. „Ни рекоа: Само вас Србите ве чекавме. Што и да значи тоа, грдо е за ваков град. Децата плачеа по собите, едвај ги смиривме. Треба да играат игри. Овде сме поради нив, не дојдовме да правиме инциденти вели еден од сведоците кој дополнува дека брозо дошел специјалци и ја расчистиле ситуацијата. Од Министерството за внатрешни работи на кантонот Сараево потврдија дека се случил инцидент, но без да наведат детали. „Полицијата е известена дека на подрачјето на Илиџа има нарушување на јавниот ред и мир и дека едно лице е повредено, според првичните информации, со остар предмет и е пренесено за лекарска помош. Неговиот живот не е во опасност“, изјави портпаролот на МУП КС Мирза Хаџиабдиќ. Според него, полицијата работи на расветлување на сите околности поврзани со овој настан.

Србите на северот на Косово се на барикадите веќе 11 дена

Ристе Здравков — Tue, 20 Dec 2022 06:41:32 +0000

Србите од северот на Косово и Метохија 11 дена се на барикадите во општините Звечан, Зубин Поток и Лепосавиќ, барајќи ослободување на нивните сонародници Миљан Аџиќ, Дејан Пантиќ и Слаѓан Трајковиќ и повлекување на специјалните единици на Косово. Полицијата од северот на Косово. Како што јавува репортерот на РТС, се уште е мирно, но има претпазливост за да се избегнат провокации од албанска страна.

Нова барикада од косовските Срби во северно Косово

Катерина Бојаџиева — Sat, 17 Dec 2022 15:52:54 +0000

Косовската полиција објави дека во текот на минатата ноќ е поставена нова барикада во регионот населен со мнозинско српско население во северно Косово, во населба во Северна Митровица на патот кон Звечан, јави дописникот на МИА од Приштина. Во денешното соопштение на полицијата се наведува дека состојбата во областа населена со мнозинско српско население останува непроменета и во осмиот ден по поставувањето на барикадите на патиштата од страна на локалните Срби и дека граничните премини меѓу Косово и Србија, Јариње и Брњак, и натаму остануваат затворени. – Поставувањето барикади продолжува да ја нарушува слободата на движење, а исто така го оневозможува влезот и излезот на граѓаните и стоките на двата гранични премини. Во текот на мината ноќ е поставена нова барикада во населбата Берџане која води кон Звечан, а продолжува попречувањето на слободното движење и на алтернативните патишта, со што и натаму се отежнува животот на граѓаните во северниот дел од државата, се вели во соопштението, во кое полицијата порачува дека „ќе продолжи да се ангажира во пружањето безбедност за сите граѓани“. Локални Срби започнаа минатата сабота, на 10 декември, блокади на патиштата и на граничните премини кон Србија во северно Косово, откако ден претходно беше приведен поранешниот припадник на косовската полиција, Дејан Пантиќ, осомничен дека организирал напади врз канцелариите на Централната изборна комисија и на припадници на полицијата на Косово, но и врз патрола на Мисијата на ЕУ за владеење на правото во Косово, ЕУЛЕКС. Во четири општини во северно Косово, населени со мнозинско српско население, на 18 декември требаше да се одржат вонредни локални избори, откако досегашните градоначалници и членови на советите поднесоа оставки на функциите поради намерите на владата на Албин Курти да изрекува казни за тие што не ги смениле нелегалните српски со косовски регистерски таблички. По притисок од западните сојузници, пред сé на САД, прво на почетокот на ноември Курти се откажа од намерата за казнување на сопствениците на српски регистерски таблчички, а подоцна, на 9 декември и претседателката на Косово, Вјоса Османи објави дека се одлагаат вонредните избори за 23 април идната година. Според косовскиот премиер, инцидентите во косовскиот север ги предизвикуваат криминални групи, диригирани од српскиот претседател Александар Вучиќ.