срце – Kurir.mk

Пет нешта кои ве очекуваат откако ќе ви биде скршено срцето

Ристе Здравков — Thu, 28 Sep 2023 20:26:38 +0000

Иако некои врски завршуваат со само неколку зборови, чувството после раскинувањето може да го опише само оној кому навистина му било скршено срцето. Но, тоа може да ви донесе лекции кои ќе ви бидат корисни во текот на животот: 1. Не постои магичен начин веднаш да престанете да сакате некого Дури и ако направиле нешто страшно, нешто што ве прави сигурни дека никогаш повеќе нема да сакате да ги видите, ќе се изненадите кога ќе дознаете дека љубовта што сте ја имале нема тукутака да исчезне. Отпрвин силно ќе го чувствувате нејзиното присуство, а потоа љубовта ќе постане шепот во позадина. 2. Ќе се потсетувате секојдневно Ќе се потсетувате на личноста секој ден. Ќе ја слушнете вашата заедничка песна и повторно ќе ја почувствувате таа болка. Ќе поминете покрај местото каде што сте имале прв состанок или ќе го слушнете нејзиното име и тоа ќе биде уште еден потсетник за тоа што сте изгубиле. 3. Вашите вистински пријатели ќе бидат тука за вас Кога ќе ви го скршат срцето, целиот свет ќе ви се преврте наопаку. Работите што порано ви беа забавни веќе нема да ви бидат важни. Вие само ќе сакате да го поминете вашето време обидувајќи се да ги излечите вашите рани. Вистинските пријатели ќе бидат со вас во тешките времиња да ви помогнат и утешат. 4. Физичкиот резултат од кршењето на срцето е реален и боли речиси исто колку и вашите емоции Физичките симптоми по раскинувањето се многу реални. Ќе ве болат градите, ќе се чувствувате исцрпени, со главоболка од плачење, а можеби дури и ќе чувствувате општа болка од глава до пети. Во овој период, важно е да се грижите за вашето физичко тело како што е важно да се грижите за емоциите. 5. Вашето срце полека ќе заздрави Најголемата лекција од сите, онаа што ќе остане со вас со месеци, години, децении, е неверојатната моќ што ја имате кога станува збор за заздравување на оваа рана. Иако на почетокот ќе ви се чини невозможно, сепак наскоро повторно ќе почнете да се чувствувате себеси. Ќе ги преживеете и овие моменти бидејќи сте силни!

Лек за срце стар над 800 години – лесен е за подготовка, а многу ќе ви помогне

Ивана Ефремовски — Tue, 25 Apr 2023 09:01:50 +0000

Овој познат рецепт кој го направила калуѓерката Хилдегард фон Бинген, која живеела пред 800 години и починала на 81-годишна возраст. Овој лек за срцето се покажал како многу делотворен кај сите срцеви болести и заболувања. Се користи кога ќе почувствувате срцеви тегоби како бодежи, прескокнување на срцето, треперење. Потребно ви е: 10 свежи китки магдонос (без корен) еден литар домашно црно или бело вино 2 лажици вински оцет 300 грама природен мед Магдоносот заедно ставете го во еден литар чисто природно вино и додадете 1-2 лажици чист вински оцет. Варете ги состојките на тивок оган 10 минути, а потоа додадете 300 грама природен мед и оставете полека да се вари 4 минути. Потоа сето ова ставете го во стаклени шишиња и добро затворете. Талогото кој ќе се создаде не е штетен и слоодно може да се пие. Напитокот се користи секојдневно по една супена лажица се додека тегобите не престанат. За потешки болести потребно е да се користи подолг временски период.

Топ 5 намирници кои се добри за срцето и крвните садови

Ристе Здравков — Mon, 03 Apr 2023 07:41:34 +0000

Зачувувањето на срцето и крвните садови е предуслов за квалитетен живот Затоа ви претставуваме пет намирници кои се добри за вашето срце и крвните садови. Целер Постои истражување во кое им бил даден целер на глувци и покажало дека крвниот притисок кај овие животни се намалил за цели 10 проценти. Познато е дека целерот е богат со калиум, кој го намалува крвниот притисок, но има и многу други состојки со овој ефект. Целерот е богат и со лутеолин, флавоноид за кој е докажано дека ја спречува оксидацијата на лошиот (ЛДЛ) холестерол. Лук Лукот е идеален за чистење на крвните садови, бидејќи ги шири и ја зголемува циркулацијата на крвта. Употребата на лук го намалува развојот на кардиоваскуларни заболувања преку намалување на високиот холестерол, високиот крвен притисок, зголемениот лош холестерол, ја намалува адхезијата на крвните клетки и спречува згрутчување на крвта. Јаткасти плодови Бадемите, оревите и лешниците го имаат главниот збор за зачувување на здравјето на срцето и крвните садови. Тие се богати со омега-3 масни киселини, влакна, витамин Е – тоа се хранливи материи кои го намалуваат нивото на холестерол во крвта и ги штитат артериските клетки. Боровинки Боровинките се стекнаа со репутација на „суперхрана“, и тоа не без причина. Поради високите концентрации на антоцијани, консумирањето на боровинки го забрзува отстранувањето на слободните радикали. Ова овошје учествува во поправка на оштетените протеини во крвните садови, а го подобрува целокупното здравје на срцето и крвните садови. Лосос Масните риби како лососот, сардините и скушата се вистинска ризница на здравјето. Нивната тајна лежи во зголеменото количество на омега-3 масни киселини, кои ги намалуваат триглицеридите, ризикот од аритмија и таложење на наслаги во артериите.

ДОКТОРИТЕ ВО ШОК: Срцето му е од десна страна, органите спротивно – млад Албанец е медицински феномен

Ивана Ефремовски — Mon, 13 Mar 2023 17:17:13 +0000

Во болница во Лондон, кај 29-годишен Албанец, кој се пожалил на здравствени проблеми, при преглед е откриено дека неговото срце е на десната страна, а и другите органи биле на спротивна страна. Според Ора њуз случајот го открил познатиот албански кардиохирург Кристо Папа, кој живее и работи во Лондон. -На пациентот кој има 29 години му беше констатирана дестрокардија и инверзии на абдоминалните органи од лево. Ова е редок случај, бидејќи во целиот свет може да има само пет до шест случаи на луѓе кои имаат ваков вид на телесни абнормалности, изјави доктор Папа во онлај врска за телевизијата. Додава дека тој и колегите во болницата ќе го следат случајот со младиот човек "кој е своевиден феномен за лекарите" и посочува дека е потребна "голема внимателност и умешност при здравствените третмани".

„Вијаграта“ ја намалува опасноста од смрт кај мажите

Ивона Петрова — Mon, 30 Jan 2023 08:48:14 +0000

Мажите кои земаат „Вијагра“ против еректилна дисфункција, се чини, имаат помала опасност од рана смрт, покажува ново истражување. Финансирано од фармацевтската компанија „Санофи“, испитувањата ги разгледуваа 14-годишните медицински досиеја на повеќе од 23.000 Американци на кои им е препишан инхибитор на фосфодиестераза тип 5 („ПДЕ-5и“) – лекот попознат како „Вијагра“. Анализата ги споредила тие податоци со оние на 48.000 мажи кои не земале апчиња. Откриено е дека мажите од првата група имале 39 отсто помали шанси да починат од кардиоваскуларни болести отколку оние од втората група. Првите, исто така, имале 25 отсто помала можност да починат од која било причина и 13 отсто помали шанси да добијат срцев или мозочен удар. „’ПДЕ-5и’ не само што се безбедни, туку може да имаат важни својства за заштита на срцето. Овие наоди укажуваат на итна потреба да се спроведе соодветно моќно, проспективно и по случаен избор, плацебо-контролирано испитување“, велат истражувачите. „Вијаграта“ се покажа како делотворна во третманот на пулмонална артериска хипертензија и беше одобрена од ФДА за оваа индикација во 2005 година под трговското име „Реватио“. Кај луѓето со оваа болест, артериите меѓу срцето и белите дробови се блокираат, што го зголемува крвниот притисок и особено ја оптоварува десната страна на срцето.

Овие знаци ви кажуваат дека вашето срце остарело пред време: ПЕТ неочекувани симптоми предупредуваат на ТЕШКИ БОЛЕСТИ!

Ивана Ефремовски — Tue, 18 Oct 2022 18:31:08 +0000

Ако се чувствувате уморни, имате отежнато дишење или оток - посетете кардиолог! Општо се верува дека првите знаци на проблеми со срцето почнуваат да се појавуваат дури по 45-50 години од животот. Сепак, лекарите веруваат дека овие теории се застарени и дека срцевите и мозочните удари, нарушувањата на срцевиот ритам и необјаснетите болки во градите се почесто се појавуваат кај многу помлади луѓе. Во светот, смртноста од кардиоваскуларни болести се зголемува кај луѓето на возраст од 25-30 години. Како да знаете дека вашето срце почнало предвреме да старее и дека сте изложени на ризик од развој на кардиоваскуларни болести? Постојат пет знаци кои укажуваат дека најважниот орган почнал да „се заморува“ и не се болка во градите или висок крвен притисок. 1. Зголемен замор Како по правило, поради срцева слабост, мускулите се помалку снабдени со кислород. Поради ова, потешко е да се толерира каква било физичка активност, па дури и работа која не вклучува замор. 2. Намалена издржливост Овој симптом произлегува од претходниот. Но, присуството на благи заболувања не значи дека е неопходно да се зголеми физичката активност. Најдобро би било да се консултирате со лекар кој ќе ја утврди причината за оваа намалена издржливост и ќе ви препише терапија според резултатите. 3. Скратен здив Чувството на недостаток на здив за време на физичката активност покажува дека срцето послабо пумпа крв, што резултира со недостаток на кислород. Во овој случај, вежбите за дишење и одредени лекови можат да помогнат, но само ако лекарот ги препишал. 4. Отоци Ова е најчестиот симптом на раните проблеми со срцето. Како што забележуваат кардиолозите, во случај на оток, не треба веднаш да „притискате“ на диуретици или да се обидувате да ги ублажите симптомите со контрастен туш. Отоците кои се резултат на послаба работа на срцето се лекуваат со лекови. 5. Неправилен пулс Аритмијата е највпечатливиот знак дека срцето повеќе не може да се справи со оптоварувањето. Кога е во напредната фаза, може да предизвика влошување на протокот на крв во мозокот, вртоглавица, па дури и губење на свеста.

Пациент (46) доби срце од починат донор

Тале Кристо — Thu, 22 Sep 2022 19:49:51 +0000

Рано утрово на Клиниката за државна кардиохирургија, 46 годишен пациент со тешка срцева болест доби срце од починат донор и нова шанса за живот. Во моментот, на Клиниката за урологија се прават две трансплантации на бубрег кај млади пациенти со бубрежна слабост кои беа долги години на дијализа, информираат пред малку од Министерството за здравство преку социјалната мрежа „Фејсбук“. „Дополнително во наредните недели пациенти со коскени тумори и тешки повреди ќе имаат можност за квалитетно лекување. Голема благодарност до семејството на донорот, до нејзинте три исклучително хумани ќерки кои во моменти на најголема тага одлучија да ги донираат органите и да спасат не еден, туку неколку животи. Уште еднаш ни покажаа дека хуманоста и добрината се доблести кои треба да ги чуваме и негуваме“, информираат од МЗ. Две смејства ја ставија емпатијата над сопствената болка и траума и благодарение на нив, не еден туку неколку пациенти добија шанса за нов живот.

Древна житарка што помага кај мигрена, срцеви болести и дијабетес

Ристе Здравков — Wed, 14 Sep 2022 15:39:57 +0000

Оваа древна житарка ја јаделе Клеопатра и Марко Антониј, а богата е со протеини, влакна и други хранливи состојки кои овозможуваат бројни здравствени предности. Станува збор за спелтата, пченица позната од минатото, но сега е на листата Топ 10 прехранбени трендови кои ќе ја одбележат 2022 година. Житарките котираат високо на листата, а меѓу нив е спелтата. „Луѓето се фокусираат на здравјето и имунитетот, а сѐ повеќе е популарна растителната исхрана. Затоа опциите богати со хранливи состојки се важен дел од исхраната. Луѓето на храната почнуваат да гледаат како на лек за спречување болести. Освен тоа, се очекува да порасне интересот за функционална храна која содржи состојки кои овозможуваат и здравствени предности, а не само хранливи материи“, смета Луиза Полок, претседателка на Pollock Communications. Спелтата е пченица, што значи дека сепак содржи глутен. Се одликува со висок процент на влакна и протеини и е солиден извор на Б витамини, па дури и Ц витамин. Може да се користи во разни јадења. Најмногу се консумира во Италија каде е позната со децении. Житарките како спелтата можат да го намалат ризикот од развој на дијабетес и срцеви болести. Посебно целото зрно е богато со влакна, содржи малку масти и е одличен извор на протеини за вегетаријанци и вегани. Содржи хранливи материи како железо, магнезиум и Б витамини. Во споредба со кафениот ориз содржи повеќе растителни протеини и влакна. Само една шолја спелта од цело зрно може да овозможи неверојатни 20% од дневната препорачана доза на влакна, а се препорачува секој ден да се внесува по 30 грама влакна. Спелтата е богат извор на полифеноли, каротеноиди и селен. Долготрајната консумација на исхрана богата со растителни полифеноли може да спречи некои видови канцер, срцеви болести, дијабетес, остеопороза и невродегенеративни болести. извор: thehealthystation.com

Проверете дали ви е ЗДРАВО СРЦЕТО: Тест со скалила кој ќе ви открие какво ви е здравјето

Ристе Здравков — Tue, 12 Jul 2022 13:50:44 +0000

Истражувањето на шпанските кардиолози покажало дека качувањето по скалите до четвртиот кат за помалку од една минута покажува дека срцето е во добра состојба. Резултатите беа претставени на Best of Imaging 2020, научен конгрес на Европското здружение за кардиологија. „Тестот со скалила е едноставен начин да се провери здравјето на вашето срце“, вели авторот на студијата, д-р Хесус Петеиро, кардиолог во Универзитетската болница во А Коруња во Шпанија. Доколку ви треба повеќе од минута и пол за да се искачите на четврти кат, вашето здравје не е оптимално и треба да се консултирате со лекар. Истражувачите сакале да ја истражат врската помеѓу секојдневните активности – како што е качувањето по скали. „Се работеше за пронаоѓање едноставен и евтин метод за проценка на здравјето на вашето срце“, објасни д-р Петеиро. Какво беше истражувањето? Студијата опфати 165 пациенти упатени на тест за вежбање поради дијагностицирана или сомнителна коронарна болест. Најчести симптоми беа болка во градите или отежнато дишење при напор. Учесниците одеа или трчаа на лента за трчање, постепено зголемувајќи го интензитетот на вежбата до исцрпеност. Учесниците беа тестирани за кондиција, а потоа, по одмор од 15 до 20 минути, беа замолени да се качат на четири ката. Пациентите имаа вкупно 60 скалила за искачување, темпото мораше да биде доста брзо, без застанување, но и без трчање. Истражувачите потоа ја анализираа врската помеѓу МЕТ (метаболички еквивалент) добиен за време на тестот за вежбање и времето потребно за искачување на четири ката. MET, или метаболички еквивалент, се користи за да се опише интензитетот на вежбање. Еден МЕТ е трошење енергија за време на одмор, поточно потрошувачка на кислород за време на одмор во седечка положба на лице со тежина од 70 кг.

ОВИЕ ЗНАЦИ покажуваат дека имате проблеми со срцето – не ги игнорирајте!

Ивана Ефремовски — Thu, 26 May 2022 18:11:06 +0000

Внимавајте на овие симптоми за да откриете дека имате проблеми со срцето 1. Непријатно чувство во градите Чувство на болка, притисок и непријатност во градите се чести знаци за проблеми со срцето. Ова чувство може да биде нормално по вежбање и ќе го решите со одмор. Но, ако болката започнува наеднаш и е проследена со умор, вртоглавица, време е да посетите доктор. 2. Рчењето Ова е пореметување кога личноста престанува да диши на неколку минути во текот на спиењето. Често се поврзува со срцеви болести и ризик од престанување на работата на срцето. 3. Гадење Постојат многу причини поради кои можеби ќе се чувствувате лошо. Но, многу истражувања покажале дека жените имаат поголемо гадење како предзнак за срцев удар. 4. Отечени нозе Срцето кое не функционира добро, не може да ја пумпа крвта. Како резултат вашите зглобови можат да бидат отечени. 5. Нееднакви отчукувања на срцето Сигурно сте забележале дека срцето ви чука брзо кога сте уморни. Треба да знаете дека прескокнувањата на отчукувањата може да бидат знак за атријална фибрилација.