срцеви заболувања – Kurir.mk

ВАЖНИ совети од кардиолог: ОВИЕ РАБОТИ им ги забранив на луѓето кои ги сакам, така ќе живеат подолго

Ивана Ефремовски — Sun, 15 Jan 2023 17:57:53 +0000

Еминентен кинески лекар, кардиолог со американска адреса, др. Зилин Ванг, откри кои работи им ги „забранува“ на луѓето што ги сака за да им го продолжи животниот век. Чипс 100 грама пржени компири содржат 8 грама транс масти, кои не се супстанца од природно потекло, туку производ на повеќекратно загревање на растителни масла. Транс мастите многукратно го зголемуваат холестеролот во крвта и на тој начин го зголемуваат ризикот од кардиоваскуларни заболувања. Црвено и преработено месо -Стековите, меленото месо и сланината многу штетно делуваат на срцето. Бактериите од дигестивниот систем апсорбираат аминокиселини од црвеното месо, што предизвикува цел синџир на реакции кои на крајот го зголемуваат нивото на холестерол и ризикот од срцеви заболувања, вели кардиологот. Пржена храна Готвењето на висока температура создава големи количини транс масти, кои се едни од главните виновници за проблеми со срцето. Во Кина, каде месото обично се пече на скара или варено, срцевите заболувања се поретки. Пица Само едно парче пица содржи 10 грама масти, од кои 4,4 грама се заситени масти. Ако не можете да се откажете од пицата, ограничете се на само едно парче еднаш неделно и направете ја пица од зеленчук. Бел леб Редовното консумирање на храна богата со јаглехидрати, како што е белиот леб, го зголемува ризикот од срцеви заболувања. Високиот гликемиски индекс го зголемува нивото на шеќер во крвта, па научниците се сомневаат дека тоа е еден од честите први фактори кои доведуваат до срцев удар. Пченкарни снегулки Станува збор за брзи јаглехидрати полни со шеќер кои го прават инсулинот во телото да дивее. Чипс и грицки Грицките, особено чипсот, се висококалорична храна. Исто така, содржи многу сол и не е здрав за протокот на крв, а многу дебелее. Инстант супи Како и повеќето други преработени производи, инстант супите содржат големи количини сол, што го зголемува ризикот од срцеви заболувања и мозочен удар, откриваат експертите. Луѓето кои јадат инстант супи 2-3 пати неделно имаат многу поголем ризик од кардиометаболен синдром, кој го зголемува ризикот од срцеви заболувања, дијабетес и мозочен удар. Енергетски пијалоци 100 ml енергетски пијалок содржи 30 mg кофеин. Ако испиете 300 мл, што е стандарден волумен, ќе внесете 90 милиграми кофеин, што е како да пиете 3-4 еспреса. Толку кофеин може да предизвика тахикардија, а овие видови пијалоци не се препорачуваат за луѓе кои имаат некакви проблеми со срцето.

Доматите се силно оружје против срцеви заболувања

Ивана Ефремовски — Fri, 29 Apr 2022 14:56:07 +0000

Не е новост дека исхраната богата со зеленчук може да помогне да се намали опасноста од срцеви заболувања, но стручните лица овојпат анализирале над 100 испитувања, при што се покажало дека некои намирници имаат особено силно влијание во намалувањето на повеќе видови срцеви болести и смртноста притоа. Поточно, научниците ја проучувале врската помеѓу срцевите заболувања и исхраната, односно – црвеното месо, пилешкото, јајца, млечни производи, семиња и житарки. Заклучоците велат дека исхраната со малку месо, а многу зеленчук, е поврзана со помал ризик од смрт од срцеви заболувања. Зелјестите растенија и доматите можат значително да ја намалат таа опасност. Тоа, зашто доматите, на пример, се богати со антиоксидансот ликопен, за којшто е докажано дека ја подобрува васкуларната функција и штити од болести. Покрај тоа, замената на путерот, кој е богат со заситени масти, со мононезаситени масти, какви што има маслиновото масло, дополнително го намалува ризикот од срцеви заболувања. Истражувачите, исто така, велат дека е доволно да јадете најмалку две порции зеленчук дневно за да го намалите тој ризик и до 34 отсто. Зелениот зеленчук и доматите се најкорисни во овој поглед.

Имате темни линии под ноктите? Тоа може да биде знак за овие опасни заболувања

Магдалена Андонова — Fri, 26 Nov 2021 08:15:17 +0000

Појавата на темни линии кај ноктите може да биде симптом на постојано покачено ниво на холестерол во крвта, пишува британски „Дејли експрес“, повикувајќи се на стручњаци од Американската академија за дерматологија. Според наводите, ваквите дамки ги има на рацете, како и на стапалата. Тие се појавуваат кога малите крвни садови се оштетени и напукнати, оставајќи мали „крвни дамки“ кои се гледаат низ ноктот. Овие точки на крварење обично не предизвикуваат физичка болка. Врската меѓу нив и покачениот холестерол е докажана во многу трудови од медицинската литература. Во последниот напис, се нагласува дека при појава на вакви симптоми треба навремено да се консултира лекар, бидејќи високото ниво на холестерол е опасно и поради можноста тоа да е признак за срцеви заболувања. Во зависност од делот од телото, блокирањето на крвните садови може да предизвика мозочен или срцев удар. Темните линии може да значат и ендокардитис – воспалителна срцева болест, или пак, васкулитис, што е, исто така, оштетување на крвните садови, додаваат лекарите. (МИА)

Доматите силно оружје против срцеви заболувања

Ивона Петрова — Fri, 20 Aug 2021 10:59:03 +0000

Кардиолошки препораки за намалување на ризикот и заштита на пациентите со срцеви заболувања

Ивона Петрова — Wed, 08 Apr 2020 08:03:18 +0000

Кардиолозите советуваат дека срцевите заболувања го зголемуваат ризикот при пандемија на КОВИД 19 и токму навремените информации и препораките се силно оружје за срцевите болни, кои треба да се запознаени дека имаат зголемен ризик за да можат да се заштитат и да го намалат тој ризик од инфекција на дишните патишта со новиот коронавирус. Од тоа што досега се знае, поголемиот број инфицирани, односно кај 80 проценти, инфекцијата ќе помине како лесно заболување со лекување во домашни услови. Кај останатите 20-тина проценти ќе биде неоходно хоспитализирање поради пневмонија и кај два до пет проценти ќе биде потребно интензивно лекување и асистирана вентилација. Практични кардиолошки препораки: - Доколку кардиолошки болен се сомнева дека е заболен и ги има следните симптоми: покачена телесна температура, кашлање, тешко дишење, главоболка или болка во грлото, општа премаленост, потребно е телефонски да се јави кај својот матичен лекар, притоа да ги наведе сите досегашни кардиоваскуларни дијагнози, лекувања и престој во кардиолошка болница, да ги наведе сите лекови кои ги користи, за да овозможи подобра проценка од матичниот лекар за натамошно постапување. Потребно е препораката од матичниот лекар да се почитува во целост. - Доколку кардиолошки болен има симптоми од типот на силна остра градна болка, која трае повеќе од пет минути и не се смирува со земање на досегашните лекови, потребно е веднаш да се консултира со матичниот лекар кој ќе го упати како понатаму да постапи. - Повеќето пациенти нема да имаат тешка клиничка слика, дури и да имаат КОВИД 19, но редовното користење на лековите и запознавањето на медицинскиот персонал, кој се грижи за болниот со досегашните лекови е од исклучителна важност. - Секој пациент кој се лекува поради покачен крвен притисок, потребно е да го следи притисокот со самомерење и запишување на измерената вредност, и по телефон да се консултира со својот матичен лекар, доколку притисокот надминува 150/100 и да се зголеми дозата од лековите, кои дотогаш редовно се користеле, а доколку и покрај тоа притисокот не се регулира консултирајте се за преглед во ординација. - Стресот и стравот од неизвесноста во овие вондредни услови, како и постоењето штетни навики можат да влијаат врз крвниот притисок. Во некои случаи, добар човечки и лекарски совет за здрава храна и здрави навики, можат да смират дел од вознемиреноста и да ја ублажат состојбата во која сите се наоѓаме. - Пациентите кои имаат долготрајна, хронична терапија заради ангина пекторис или корорнарна артериска болест, треба да продолжат со земање на лековите, без разлика дали имаат сиптоми на инфекција или не. Повеќето пациенти нема да имаат тешка клиничка слика дури и да имаат КОВИД 19, но неопходно е редовното користење на лековите и давање точна и детална информација на медицинскиот персонал за досегашната терапија. - Земањето на лековите и почитувањето на досегашните препораки од лекарот можат да го намалат ризикот од комппликации при оваа стресна вонредна состојба, како и ризикот од белодробна инфекција. Кај пациентите каде е направена реваскуларизација, на пример, доколку имаат стент или бај пас постои ризик од компликации при вирусна инфекција на дишните патишта. Стентирањето или бај пасот значително го намалува тој ризик, доколку пациентот дотогаш се чувствувал добро. Важно е редовно земање на лековите и да ги запознае лекарите кои се грижат за него со дотогашните состојби. - Терапијата со статини кај кардиоваскуларните болни е неоходно да се продолжи во препорачаната доза за да се спречи и стабилизира коронарната и васкуларната болест. Постојат докази дека земањето статини ги намалува ризиците за кардиоваскуларни компликации поврзани со КОВИД 19 кај срцеви болни кај кои се развила вирусната инфекција. Статините делуваат имуностабилизирачки и го стабилизираат внатрешниот слој на крвните садови, а поради тоа влијаат врз превенција на кардиоваскуларните настани. - Кардиолозите препорачуваат да се одложи секој претходно закажан преглед за коронарен стрес-тест, ехо на срцето, холтер, коронарографија, техничка контрола на импантиран пејс-мејкер или друга направа, поради заштита на пациентите и спречување на ширење на инфекцијата со коронавирусот. Потребно е да се одложи секој тест или процедура или консултација што нема директно да влијае врз кардиолошката состојба. - Не се препорачува хоспитално лекување и коронарографија кај пациенти без акутно срцево страдање со кардио-ризик, кој го надминува ризикот од инфекција во време на пандемија. - Пациентите кои имаат силни потешкотии и градни болки, како и силно срцево чукање, потребно е да се јават со досегашните ЕКГ и резултати од тестови и со досегашните медицински документи за консултација кај својот матичен лекар, со цел да се процени неопходноста од натамошно постапување. Секој кардио-пациент треба да дојде со маска, со најмногу еден роднина во придружба, кој исто така треба да носи маска. Заштитната хируршка маска на лицето спречува и ја штити околината на пациентите дојдени на преглед од ширење на евентуална инфекција. Носењето на вашата маска при преглед, го заштитува медицинскиот персонал кој треба да ви помогне за вашата срцева мака. Носењето заштитна маска при преглед е во насока на препораките на Светската здравствена организација.

Спиете подолго од 8 часа? Веднаш посетете лекар

Ивона Петрова — Fri, 14 Dec 2018 16:41:49 +0000

Доколку секој ден спиете повеќе од осум часа, треба да го посетите вашиот лекар. Новото истражување покажува дека ако спиете премногу, може да имате сериозни проблеми со срцето. Студијата која е објавена во европското списание „Срце“, покажала дека луѓето кои спијат подолго од осум часа дневно имаат поголеми шанси да починат како последица од срцеви заболувања или затнување на крвните садови, за разлика од оние кои во просек спијат од шест до 8 часа. Истражувањето било спроведено на 116.000 испитаници, на возраст од 35 до 70 години во 21 држава. По осум години, колку што траело истражувањето, починале 4.365 лица кои имале сериозни срцеви проблеми, пренесува Индипендент. -Сонот е неопходен за здравјето на човекот, а просечно секој човек го минува третина од денот во спиење, наведуваат научниците. Во споредба со лицата кои процечно спиеле од 6 до 8 часа, оние кои спиење осум или 9 часа имаа дури 5 проценти поголеми шанси да развијат некои кардиоваскуларни болести. Луѓето кои просечно спијат 9 или 10 часа имаат 17 отсто повеќе шанси да развијат срцеви заболувања. Спиењето над 10 часа драстично го зголемува овој процент на 41 отсто. Секако, не е добро, ниту здраво, ако спиете помалку од 6 часа бидејќи и во случај ризикувате кардиоваскуларни заболувања од 9 проценти. Заклучокот на студијата е дека оптимално би требало да спиете од шест до осум часа.