сребрен накит – Kurir.mk

ФОТО: 5 кг. сребрен накит и бижутерија запленети на Меѓународен Аеродром Скопје

Ивона Петрова — Tue, 10 Oct 2023 08:09:30 +0000

Околу пет килограми сребрен накит и бижутерија се запленети од страна на царински службеници на Меѓународниот Аеродром Скопје откако странски државјани не го пријавиле накитот со што направиле прекршок на царинските регулативи. -Во едниот случај станува збор за четири килограми сребрен накит и бижутерија што британски државјанин, инаку сопственик на продавница за накит се обидел да ги изнесе од државата, без притоа да ја декларира стоката од комерцијален карактер кај царинските службеници. Накитот е откриен при контрола на рачниот и дополнителниот багаж којшто е побаран од страна на царинските службеници по увид на картата на патникот. Во вториот случај, на влез во државата, запленети се 123 парчиња сребрен накит откриени по контрола на патник, инаку турски државјанин, кој патувал од Истанбул, информираат од Царина. Царинската управа и натаму во рамки на своите надлежности спроведува активности за поддршка на легалната трговија и сузбивање на сивата економија.

Златниот и сребрениот накит НЕ смеете да ги чувате заедно, еве која е причината

Ивана Ефремовски — Wed, 08 Mar 2023 13:52:55 +0000

Сребрениот и златниот накит треба да ги чуваме одвоено. Oва е совет на познавачите со цел долго време накитот да ја задржи убавината како на денот кога сте го купиле. Несоодветното чување води до спонтани реакции на оксидација-редукција кои предизвикуваат дупчење и промена на бојата на накитот. „Проблемот е во тоа што ако ставите два метали заедно, ќе создадете, во суштина, батерија, галванска ќелија каде овие јони ќе се транспортираат еден покрај друг и тоа ќе доведе до корозија“, рекол Маркус Јанг, вонреден професор на науката за материјали и инженерството од Универзитетот во Северен Тексас. Изложеноста на воздух во голема мера придонесува за оксидација, поради што експертите се согласуваат дека индивидуалното складирање на предмети во чиста и сува средина останува оптимален метод за зачувување на накитот без гребнатини и дамки.

ФОТО: Спречен обид за криумчарење златен и сребрен накит на ГП „Богородица“

Магдалена Андонова — Thu, 01 Sep 2022 16:26:08 +0000

Царинската управа соопшти дека вчера, во вечерните часови, на граничниот премин „Богородица“ бил спречен обид за криумчарење златен и сребрен накит. Случајот го разоткриле царинските инспектори од мобилните тимови на Одделението за оперативни работи на Царинската управа. При спроведената детална контрола на камион со македонски регистарски таблички кој пренесувал стока од Турција, во празнина позади инструмент таблата во возачката кабина, се пронајдени непријавени кеси во кои имало 573 грама златен и 2 408 грама сребрен накит. Стокaта е привремено задржана и предметот е предаден на Одделението за истраги за понатамошна постапка.