среда – Kurir.mk

Среда е неработен ден за сите граѓани на Република Македонија

Ивана Ефремовски — Mon, 09 Oct 2023 08:05:01 +0000

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 11 октомври 2023 година (среда), Ден на народното востание, е неработен ден. Денот е неработен за сите граѓани на Република Македонија. Истовремено, Министерството за труд и социјална политика на граѓаните им го честита Денот на народното востание.

Голема промена во хит серијата „Среда“: Еден од главните актери е избркан, добиваат СМРТНИ закани

Ивана Ефремовски — Tue, 05 Sep 2023 06:05:06 +0000

Актерот Перси Хајнс Вајт е отпуштен од серијата „Среда“ поради обвинувања за сексуално вознемирување. 22-годишниот Перси, кој го глумеше Ксавиер Торп во хит серијата „Среда“, нема да се врати во втора сезона, откако Нетфликс реши да го отсече неговиот лик поради обвинувањата што се појавија на Твитер. Девојката која не го откри своето име, напиша на социјалната мрежа дека присуствувала на забавата што актерот ја организирал во Торонто „со цел да ги опива жените и да има односи со нив“. Неименуваната девојка го обвинила за малтретирање на забавата, а потоа го избришала твитот. Овие наводи кружат од јануари, а сега го чинеа Вајт и улога во еден од најголемите хитови на Нетфликс годинава. Актерот, како и неговите родители кои исто така се занимаваат со сценарио и глума, остро ги отфрлаат овие наводи. -Порано оваа година, лице кое никогаш не сум го запознал започна дезинформативна кампања против мене. Личните информации на моето семејство беа објавени, мојот пријател беше лажно обвинет дека е „жртва“, а моите пријатели добиваа смртни закани. Штетни, неточни тврдења вака може само да им наштети на вистинските жртви. Ви благодарам на сите што стоевте покрај мене, малтретирањето на моето семејство, пријателите и соработниците мора да престане, напиша тогаш тој. „Нетфликс“ тврди дека поради штрајкот во Холивуд се уште не се донесени одлуки за актерската екипа на втората сезона, но „Дејли мејл“ пишува дека одлуката за Вајт е конечна. Погледнете го трејлерот од серијата „Среда“!

Минусни температури во среда и четврток, потопло време следува за велигденските празници

Тале Кристо — Mon, 18 Apr 2022 10:21:34 +0000

Минусни температури во среда и четврток, а потопло и променливо време за велгденските празници, најавува Управата за хидрометеоролошки работи (УХМР). Утринските температури во среда ќе се спуштат до минус три, а во четврток до минус еден степен. Од петок ќе има затоплување и позитивни утрински температури, а дневните ќе се движат од 18 до 26 степени. Времето ќе биде променливо облачно со сончеви периоди. Претежно во планинските подрачја ќе има локални врнежи од дожд. Ќе дува слаб до умерен ветер од северозападен правец. За време на викендот претпладне ќе биде сончево, а попладне ќе има појава на локален пороен дожд со грмежи. Најтопло ќе биде в недела, со минимални температури од 5 до 10 степени и максималните ќе достигнат до 26 степени.

Следува постудено време, од среда пообилни врнежи од дожд

Тале Кристо — Sun, 07 Mar 2021 08:06:47 +0000

Времето во земјава ќе биде сончево со мала до умерена локална облачност. Ќе дува слаб до умерен ветер од југоисточен правец. Минималната температура ќе биде во интервал од -6 до -1, а максималната ќе достигне од 8 до 13 степени. Во Скопје ќе биде претежно сончево со слаб до умерен југоисточен ветер. Минималната температура ќе се спушти до -6, а максималната ќе достигне до 11 степени. Од понеделник ќе преовладува променливо облачно време со услови за повремен локален дожд. Пообилни врнежи од дожд, а на планините и на некои повисоки места од снег се очекуваат во среда.

Следуваат утрински минусни температури – од среда обоилни врнежи од дожд, а на високите места снег

Тале Кристо — Sat, 06 Mar 2021 16:54:34 +0000

Времето во земјава утре ќе биде сончево со мала до умерена локална облачност. Ќе дува слаб до умерен ветер од југоисточен правец. Минималната температура ќе биде во интервал од -6 до -1, а максималната ќе достигне од 8 до 13 степени. Во Скопје ќе биде претежно сончево со слаб до умерен југоисточен ветер. Минималната температура ќе се спушти до -6, а максималната ќе достигне до 11 степени. Од понеделник ќе преовладува променливо облачно време со услови за повремен локален дожд. Пообилни врнежи од дожд, а на планините и на некои повисоки места од снег се очекуваат во среда.

Први ќе се вакцинираат здравствените работници од инфективната клиника, еве кога стартува вакцинацијата во Македонија

Тале Кристо — Mon, 15 Feb 2021 12:47:11 +0000

Министерството за здравство ја информира јавноста дека во среда во модуларната болница на Клиниката за инфективни болести и фебрилни состојби ќе започне вакцинирање на здравствените работиници кои работат во ковид центрите во цела држава. Вакцинацијата ќе почне во 10 часот, а прв ќе се вакцинира медицинскиот персонал кој работи на Инфективна клиника во Скопје. Пунктот во модуларната болница каде има 6 вакцинални позиции, ќе работи во две смени од 8 до 20 часот, а вакцинацијата ќе ја спроведуваат медицински тимови од Здравствен дом Скопје. Според утврдениот план, термините за вакцинирање ќе бидат на 10 минути. Во текот на денешниот ден Националниот систем, до ковид центрите низ државата, испраќа списоци каде се наведени имиња на здравствени работници кои сакаат да се вакцинираат, со точен час и ден кога треба да дојдат да ја примаат вакцината во модуларната болница на КИБФС во Скопје. Ковид центрите треба повратно да ги потврдат листите. Секој здравствен работник кој ќе прими вакцина веднаш ќе му биде резервирана втора доза за ревакцинација. Вчера во нашата земја од Република Србија пристигнаа 4680 дози вакцини од производителот Фајзер. Со оваа пратка вакцини, имунизација ќе се споведува само во модуларната болница во Скопје. Со пристигнувањето на другите дози вакцини во државата, ќе се врши дистрибуција на вакцини низ останатите здравствени домови во земјава каде вакцинацијата ќе се спроведува во постоечките вакцинални пунктови.

Откупувачите излажаа – или утре средба со министерот или протести во среда, велат тутунарите

Тале Кристо — Mon, 14 Dec 2020 14:39:37 +0000

Утре средба со министерот за земјоделство, а не во петок, бараат тутунарите кои денеска, по отворањето на пунктовите, повторно констатирале, како што велат, нереална проценка на родот и непочитување на договореното од страна на откупувачите. Ако средбата не се реализира, во среда, најавија, ќе има протести. -Откупувачите го излажаа министерот и целата јавност. Со тоа создадоа уште поголем револт и гнев кај тутунарите. Апелирам, тутунарите да не го даваат родот. Ќе одиме до крај. Бараме средба утре, како и со министерот за земјоделство да ги посетиме откупувачите. Ако не, ќе закажеме штрајк и в среда ќе има протести низ цела Македонија. Утре бараме да ни се дадат гаранции за до крјаот на откупот, а не постојано да има ситуација топло-ладно. Линијата да биде иста на целата територија на Макеоднија. Отстапки да нема за ниту еден откупувач, ниту за едно откупно место. Доколку не добиеме такви гаранции, в среда ќе има протести низ цела Македонија. Имаме поддршка од оризопроизводителите, од лозарите, рече Игор Мирчески од Иницијативниот одбор на групата македонски тутунари. Според Мирчески, обиколката на терен покажа дека освен Тутунскиот комбинат, другите откупувачи не го почитуваат договореното. Овен што проценката не е реална, се земаат и само пет отсто од првата берба, иако законски обврската е 30 проценти. – Договорот постигнат во петокот со откупувачите не се почитува и не се спроведува. Освен во градскиот откупен пункт на Тутунскиот комбинат-Прилеп каде има благо попуштање на линијата, другите откупувачи ја терааат истата ситуација. Сѐ што е договорено, излезе дека е лага, изјави Мирчески. Претседателот на Сојузот на земјоделски здруженија, Менде Стомнароски потврдува дека проценката не е реална, ниту се почитува договореното. -На терен работата не е како што се договоривме. Прво, сѐ уште се одбиваат нетутунски материјали, повеќе од договоренто, проценката повторно е нереална. Се зема само пет отсто првата берба, а законски е 30 проценти. Земаат на еден тон две кутии, другото, велат да се врати назад. Се слушнавме со министерот за земјоделство, бараме утре да дојде, да се појде во фирмите дирекно да преговараме. Доколку не сакаат, покрај што поверениците ќе стопираат и ќе пријавувата до второстепената комисија, ќе ги блокираме откупните компании, рече Стомнароски. Од 23 000 тони тутун, досега се откупени само 1,6 насто. Во земјава од тутунот живеат околу 30 000 семејства. Инаку, утре 15 декември е крајниот законскиот рок сите откупувачи да ги отворат пунктовите.

Утре не очекува нестабилно време со пороен дожд и грмежи, од среда топло со температура до 38 степени

Тале Кристо — Mon, 24 Aug 2020 09:30:25 +0000

Нестабилно време со локален пороен дожд, грмежи и засилен ветер, најавуваат метеролозите за утре, а од среда стабилизирање и пораст на температурата. Утре локално процесите ќе бидат поинтензивни и во форма на невреме со пообилен дожд, силен ветер и појава на град. Температуата ќе се движи утринската од 13 до 20, дневната од 24 до 34 степени. Од среда повторно ќе преовладува сончево и топло време со повремена умерена облачност и со пораст на температурата, која ќе достигне и до 38 степени

Во среда е Свети Никола- на овој ден никако не треба да правите две работи

Дарко Андоновски — Mon, 17 Dec 2018 16:36:26 +0000

Православните верници на 19 месецот го слават Свети Никола, слава која ја одбележуваат најмногу семејства. На овој ден не се работат никакви домашни работи, не треба да се чисти, усисува, пере… Свети Никола за животот ги подучувал луѓето, лекувал, им помагал на сиромасите.. Многумина не знаат, но Свети Никола станал заштитеник на морнарите затоа што својот имот го користел за откуп на заробениците. Постои верување дека на тој ден никој не треба да го потсетувате на долг, ниту додатно да му ја отежнувате положбата затоа што е должник. Треба да се носат подароци за оние кои го слават Свети Никола. Меѓутоа и оние кои го слават празникот по некои обичаи на некои места во земјава своите гости не треба да ги пуштат со празни раце, туку мора да им дадат дарови пред да си одат дома.

Следната среда ново рочиште за „Тенк“

Дарко Андоновски — Wed, 11 Apr 2018 19:20:56 +0000

Во Кривичниот суд по скоро седум часа попладнево заврши рочиште за случајот „Тенк“ на кое беа сослушувани тројца сведоци. Ново рочиште е закажано за следната среда, кога искази ќе даваат осум сведоци. Судот денеска го одби барањето на одбраната во случајот „Тенк“ за целосно читање на содржината на писмените докази како неосновано и рочиштето продолжи со изведување на доказите од одбраната на поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник министер во МВР Ѓоко Поповски, кои се обвинети за набавката на луксузниот „мерцедес“ вреден 600 илјади евра. Претходно СЈО ги прочита само насловите на писмените докази, на што одбраната реагираше дека нема да ги прифати само насловите и побара содржината на доказите целосно да биде прочитана. Груевски пред да влезе во Судот, по паузата, во изјава посочи дека не постои случај во светот поранешен премиер да одговара зашто остварил корист и одреден број пати користел возило. - Обвинението е дека сум сакал да имам корист и да се возам во возилото наместо во возило старо 20 години. Сите искази беа во наша корист, тоа беа сведоци на СЈО. Прво, МВР можело без тендер да го набави возилото ако сакало. Второ имало законски рок за тендерот, рече Груевски. Посочи дека Судот одбил да го одложи денешното судење, поради кое тој всушност денеска не може да присуства на собраниската седница за доверба на Владата. Судот вчера ги отфрли барањата на одбраната „бомбите“ да не се пуштаат во судница и за изземање на претседателот на Кривичниот суд Иван Џолев и судечкиот совет. Во попладневниот дел од рочиштето беа слушани аудио снимките. Според обвинението, во периодот од февруари до крајот на октомври 2012 година Груевски како службено лице ги искористил влијанието и службената положба и побарал од министерката за внатрешни работи Јанкулоска, да спроведе јавна набавка во која министерството ќе купи ново блиндирано патничко моторно возило „мерцедес“, модел „С-600 гард“, а во постапката бил фаворизиран економскиот оператор М.А. ДООЕЛ, генерален застапник и дистрибутер на возилата од брендот „Мерцедес“. ФОТО:МИА