средби – Kurir.mk

ВМРО-ДПМНЕ: СДС по тајните средби на Ковачевски со Арсовска очекувано застана во нејзина одбрана

Ристе Здравков — Wed, 07 Dec 2022 13:36:15 +0000

СДС очекувано застана во одбрана на Данела Арсовска, затоа што на тајните средби се обединија за провизиите и бугарските бизнис интереси, се вели во партиското соопштение на опозициската ВМРО-ДПМНЕ. -Кога се јавува наместо Арсовска, СДС да одговори дали се пристигнати автобусите од Бугарија? СДС да одговори дали Ковачевски и Арсовска договориле да направат хаос за да се даде приватниот превоз во Скопје на фирма од близина на Софија? СДС во име на Арсовска да одговори зошто директорот на ЈСП од СДС, при договорот со фирма на пратеник од СДС, нема попуст, токму пари да се порамни долгот кон приватниците? СДС наместо да застанува во заштита на Данела Арсовска, да каже дали нејзин соработник- сметководител и нејзин роднина се главни за провизиите од штетните договори? Прашуваат од ВМРО-ДПМНЕ. СДС, ДУИ Левица чии членови Данела Арсовска ги постави за директори се директно виновни за хаосот во Скопје! Истакнуваат од опозициската ВМРО-ДПМНЕ.

Пет многу блиски средби со ајкули (ВИДЕО)

Ристе Здравков — Wed, 06 Jul 2022 07:27:08 +0000

Во период кога од неколку држави ни доаѓаат вести за блиски средби на луѓе и ајкули во близина на плажите, ви пренесуваме неколку блиски, но контролирани средби меѓу професионални нуркачи и овие морски животни. Погледнете...

ВЛАДАТА НЕМА СЛУХ ЗА БАРАЊАТА НА СОНК: Генерален штрајк од 11 април – нема да се примаат деца во градинките, настава нема да се изведува

Ивона Петрова — Wed, 30 Mar 2022 08:40:46 +0000

Самостојниот синдикат за образование, наука и култура на Република Македонија – СОНК вчера ја одржа својата 4-та редовна седница, на која изврши детална анализа на Записниците од одржаните состаноци на ниво на синдикални организации на СОНК, а во врска со носење Одлука за Генерален штрајк. -На седницата, неминовен беше заклучокот дека Советот на СОНК го почитува социјалниот дијалог и дека во изминатиот период оствари повеќе средби, како со Владата, така и со социјалните партнери МОН И МТСП, за усогласување на платите со минималната плата на национално ниво. Но, за жал, во овој временски период, по однос на нашите барања, нема никаков резултат. Неприфатливиот и неаргументиран однос и основ на ресорните министерства, дополнително влијае на одлучноста на членството на СОНК да истрае во легитимната борба за остварување на своите барања. По опширната расправа на седницата, земајќи го во предвид изјаснувањето на огромен процент на членството за организирање на штрајк, Советот на СОНК едногласно донесе Одлука за организирање и одржување на Генерален штрајк, кој би започнал на 11.04.2022 година, се наведува во соопштението. Советот ги задолжи регионалните одбори на СОНК да ги преземат сите неопходни подготовки за организирање и одржување на Генерален штрајк, кој би се одвивал во сите установи од дејностите детска заштита, основно и средно образование, во кои има членови на СОНК, како и во установи каде што по пат на солидарност би се приклучиле и други вработени. Штрајкот би бил класичен, а тоа значи дека вработените кои ќе бидат во штрајк, нема да вршат прием на деца во градинките, нема да изведуваат настава и други активности што се поврзани со наставата, што би значело прекин на воспитно-образовниот процес. -Членовите на СОНК, заради немање слух на надлежните, мора да ги бараат правата кои им следуваат со закон и колективен договор, преку искажување на јавно незадоволство, односно преку Генерален штрајк. Оттука, СОНК ги повикува своите членови да останат единствени и сплотени во борбата за заштита на своите права, преку која сите засегнати во државата ќе ја сфатат сериозноста, силата и големината на нашиот Синдикат. СОНК бара разбирање и поддршка од родителите на учениците, заради времениот прекин на воспитно-образовниот процес односно прекинот на работа на детските градинки, основните и средните училишта, како и ученичките и студенските домови. Убедени сме дека нашата синдикална борба за остварување на социјални права ќе вроди со плод, при што конечно вработените во овие дејности ќе бидат достојно вреднувани, а со тоа и помотивирани за извршување на своите работни обврски, се наведува во соопштението.

СРЕЌА И СОЛЗИ НА АЕРОДРОМИТЕ ВО АВСТРАЛИЈА: Земјата по две години ги отвори границите, овие емотивни средби нема да ве остават рамнодушни (ВИДЕО)

Магдалена Андонова — Mon, 21 Feb 2022 09:50:23 +0000

Австралија денеска по речиси 2 години ги отвори границите за вакцинирани патници против коронавирусот од странство. Целосно вакцинираните патници не одат во карантин, а оние кои не се вакцинирани прво мора да престојуваат во хотел 14 дена на свој трошок. Патниците можат да влезат во сите земји освен Западна Австралија, која останува затворена до 3 март, а за влез во земјата ќе биде потребен доказ за трите добиени вакцини. - Ова е многу возбудлив ден, кој долго време го посакуваме откако ги затворивме границите, на самиот почеток на пандемијата, им рече на новинарите австралискиот премиер Скот Морисон. Повеќе од 50 авиони денеска од странство ќе летаат за Австралија, јавува Ројтерс. Многу семејства денес во Сиднеј повторно се обединија откако почнаа да пристигнуваат патници со летовите. Авиокомпанијата Квантас очекува да пристигнат повеќе од 14.000 патници оваа недела.

Мицкоски во Брисел: Планирани низа политички средби и учество на парламентарното собрание на ЕПП

Ивона Петрова — Mon, 28 Jun 2021 05:09:26 +0000

Делегација на ВМРО-ДПМНЕ предводена од претседателот на партијата, Христијан Мицкоски од денеска во следните два дена ќе биде во посета на Брисел. Мицкоски придружуван од потпретседателот на ВМРО ДПМНЕ Александар Николоски и секретарот за меѓународна соработка Тимчо Муцунски ќе учествуваат на парламентарното собрание на Европската Народна Партија, брифираат од партијата. Се очекуваат и билатерални средби со повеќе политичари и носители на процесите важни за стратешките интереси на земјава, врзани со европските интеграции. Посетата доаѓа во време кога државата предводена од Заев доживува уште една блокада на патот кон ЕУ, како и фактот што Европската Унија има и забелешки за криминалот на Владата и недостатокот на владеење на правото, велат од партијата на Мицкоски.

Продолжуваат средбите на пратениците на ВМРО-ДПМНЕ со граѓаните: Ќе понудиме решение за секој проблем на граѓаните, додека СДСМ ги потценува, ние ги почитуваме

Тале Кристо — Sun, 27 Jun 2021 20:29:28 +0000

Пратениците од ВМРО-ДПМНЕ Дајанчо Ефтимов, Бране Петрушевски и Даниела Христова денес остварија средба со граѓаните, каде што беше посочено дека власта наместо да им ги решава проблемите на граѓаните, таа дополнително им создава проблеми, укажувајќи дека идна влада предводена од ВМРО-ДПМНЕ ќе работи во интерес на сите граѓани и ќе создаде поквалитетен и подобар живот за сите, велат во партиското соопштение на ВМРО-ДПМНЕ. Во населбата Перо Чичо каде живее најнеуспешниот министер Оливер Спасовски, потенциравме дека МВР издаде 215 пасоши и лични документи на белосветски криминалци, нарко босови од Србија, Црна Гора, Италија, Турција, Албанија, целото подземје го собраа и му дадоа македонски пасоши за да хараат низ светот. И наместо да има одговорност за врвот на власта, се се заврши со затворски пресуди за неколку шалтерски службеници, а крупните риби останаа недопрени. Време е да се прекинат поделбите генерирани од штетните политики на Заев и СДСМ, напиша Петрушевски. Пратеникот Ефтимов од Дражево село порача дека никој од власта не дошол да ги слушне нивните проблеми, додавајќи дека додека СДСМ ги потценува граѓаните, ВМРО-ДПМНЕ ги почитува. Беласица, место каде природата дарува чистина и пријатни луѓе. Дражево село каде не дошол да ги види никој од власта а имаат реални секојдневни проблеми и со земјоделие,здравство,труд и социјала политика. Додека власта ги потценува граѓаните ние ќе ги почитуваме. #Македонија за сите луѓе, истакна Ефтимов. Во Македонска Каменица , во последните четири години како времето да застанало! Со прст се нема мрднато. Народот се буди и согледува дека оваа власт час поскоро мора да си замине, напиша Христова. На средбата беше нагласено дека незадоволството на граѓаните од неспособната влада на СДСМ и Зоран Заев ќе резултира со пораз на претстојните локални избори, а со тоа ќе се создаде Македонија за сите луѓе, се вели во соопштението на ВМРО-ДПМНЕ.

Пратениците на ВМРО-ДПМНЕ на средби со граѓаните: Незадоволството е видливо, промените доаѓаат, а со тоа и создавање поквалитетен живот за сите граѓани

Тале Кристо — Sun, 16 May 2021 20:49:49 +0000

Акцијата „Пратениците со народот“ во организација на ВМРО-ДПМНЕ продолжува и денеска. Пратеникот Иван Јорданов оствари средба со жителите на општина Штип, Бојан Стојаноски оствари средба со жителите на општина Ѓорче Петров, додека пак пратеникот Бране Петрушевски оствари средба со жителите на село Горно Коњаре, кумановско. На средбата Јорданов слушајќи ги проблемите на граѓаните со кои секојдневно се соочуваат а за кои власта за жал ги игнорира посочија дека пратеничката група на ВМРО-ДПМНЕ ќе продолжи во Собранието да предлага и гласа закони само во интерес на граѓаните, не во интерес на владејачкото мнозинство и гарнитура на СДСМ и Зоран Заев. Од жителите на општина Штип, Јорданов доби низа укажување за лошото менаџирање на локалната самоуправа од страна на актуелниот градоначалник, како и лошата реализација на ветените проекти, нагласувајќи дека на градот и на граѓаните им е потребна промена, како и нова сила и енергија која што ќе работи за подобрување на животот на штипјани. Пратеникот Бојан Стојаноски од средбата со граѓаните слушна само разочарување и револт бидејќи како што му беше кажано од страна на граѓаните властите не направиле ништо за општина Ѓорче Петров и не паметат кога последен пат ги посетил некој од власта. Исто така беше посочено од страна на граѓаните дека посебен акцент треба да се стави на економијата, инфраструктурата, здравството, невработеноста за да може да граѓаните живеат подобро. Пратеникот Бране Петрушевски во село Горно Коњаре, кумановско, рече дека лажните ветувања на владата и градоначалникот излегле на површина уште на самиот почеток од преземањето на работата на општината, додавајќи дека целокупната слика во државата е незадоволство од страна на неспособноста на локалните власти, но и централната власт. Петрушевски ги слушна проблемите со кои се соочуваат жителите од овој регион поради недоволната реализација на проекти во оваа општина и истакна дека ВМРО-ДПМНЕ на претстојните локални избори ќе ги предложи најдобрите кадри за градоначалници и советнички листи на кои единствена обврска ќе им биде да ја реализираат програмата со која ќе настапат се со цел создавање на поквалитетен живот.

Пратениците на ВМРО-ДПМНЕ на средби со граѓани во акцијата „Пратениците со народот“ – граѓаните разочарани од власта, живеат тешко, бараат промени

Магдалена Андонова — Sun, 09 May 2021 18:02:19 +0000

Во текот на денешниот ден пратениците на ВМРО-ДПМНЕ ги продолжија посетите низ населените места низ Македонија во рамки на акцијата „Пратениците со народот“. Од посетите низ целата држава заклучокот е дека со власта на СДСМ се живее тешко и мачно, народот е се посиромашен и потребни се промени. Пратеничката на ВМРО-ДПМНЕ, Ангелина Петкова беше во посета на гевгелиските населени места Моин и Горничет. Последните реализирани проекти во овие места се времето кога ВМРО-ДПМНЕ беше на власт, додека последнве 4 години никој не ги посетил од актуелната власт. Со доаѓањето на Сдсм на власт е с.Моин е заборавено од локалната власт која им ветуваше многу во 2017 год.,а ништо не исполни. Потребни се промени и затоа во наредниот период граѓаните на с.Моин. во Горничет никој од СДСМ не ги посетил заради неоствареното ветување за изградба на канализациона мрежа која е приоритет во ова преубаво место. Како реален проблем го посочија и проширувањето и реконструкција на патот до с.Горничет, вели Петкова. Пратеникот Бране Петрушевски го посети Челопек, општина Старо Нагоричане каде вели дека жителите како го посочија игнорантскиот однос на општинските и државните власти. - Македонија уназадува и се дави во криминал, народот е запоставен и насушно бара промени. Се обврзав дека сите овие разговори никогаш нема да ги заборавам и ќе се борам сите населени места во Македонија да имаат услови за достоинствен живот, истакна Петрушевски. Пратеничката Ели Панова ги посети жителите на Вељуса каде што вели дека иако ова место е познато по најубавите цреши, оваа година родот беше измрзнат и жителите немаат гаранција од оваа власт дека ќе добијат обесштетување. Се жалат дека никој од оваа НЕНАРОДНА ВЛАСТ не ни помислува на нив! Се жалат дека ВЕТЕНАТА КАНАЛИЗАЦИЈА уште не е завршена, секаде е раскопано и стои така долго време, шахтите уште не преработиле а се пропаднати оти не се работи квалитетно! Опожарениот ДОМ , ветуван не е направен! СИРОМАШТИЈА ПОГОЛЕМА НИКОГАШ НЕМАЛО, а цените на производите само растат, едвај врзуваат крај со крај,нагласи Панова. Пратеничката Рашела Мизрахи го посети населеното местро Бардовски каде со жителите разговараа за проблемите со кои се соочуваат, но и за предлози од особено значење како проекти за претстојните избори. - Народот е разочаран од власта и безрезервно ни ја дава поддршката за промени. Заедно со македонската пролет доаѓа нова надеж, истакна Мизрахи. Пратеникот Игор Здравковски ги посети Богомила и Ореше, села во срцето на Македонија каде вели дека разговарале со жителите на овие две села за проблемите со кои секојдневно се соочуваат, но исто така и ги слушнавме нивните размислувања за развој на регионот и подобрување на квалитетот на животот на луѓето. - ВМРО-ДПМНЕ отсекогаш ги темели своите програми врз основ на реалните проблеми на локалното население, така ќе биде и овој пат. Идеите ќе стигнат од нив, а реализацијата ќе биде наша обврска, потенцира Здравковски. Пратеникот Златко Пенков ги посети жителите на Пепелиште со кои разговараше за секојдневието,з а се она што значи живот на секој поединец. Огромно незадоволство од начинот на владеење на централната и локалната власт на СДСМ. - Широките улици останаа неасфалтирани Катастрофално ниски откупни цени на земјоделските производи. Вода за наводнување сеуште нема Човечкиот и интелектуалниот потенцијал во Пепелиште е огромен.Вреден и трудољубив народ.Жителите заслужуваат многу подобар квалитет на живот, вели Пенков. Пратеничката Дафина Стојаноска имаше средби со жителите на селата Галате и Зубовце, два потшарпланински бисери. - Како централната, така и локалната власт, изминативе четири години ги имаат избришано од мапата на вложувања, дури и за најосновни човечки потреби. Ги нема ветуваните патишта, канализации и детски игралишта. Овде Македонците се чувствуваат како заборавено гето. Тоа мора да се промени со промената на власта, кога ВМРО-ДПМНЕ по ниеден основ нема да ги дели граѓаните во Република Македонија, рече Стојаноска Пратеничката Благица Ласовска ги посети село Дорфулија и село Каратманово во општина Лозово, каде најголем дел од жителите се тутунари и клои в ласта излажа и за откупот и за цената на тутунот. - Незадоволни, разочарани од игрите на владата. Нивите насадени, вода-нема. Мачен е животот на земјоделецот. Потценувањето на оваа мака има цена. Набргу ќе ја видите, вели Ласовска Пратеничката Велика Стојкова Серафимовска имаше средби со жителите на Долно Соње со кои поразговара за нивните проблеми кои им ги нанесува оваа власт, но како може ВМРО-ДПМНЕ како идна власт да им помогне. - Како народни пратеници наша обврска и должност е да ги слушаме граѓаните, сите нивни потреби и предлози. Со претседателот на ОК Сопиште, Јане Мицевски денес го посетивме Долно Соње и разговаравме за можностите во руралните средини. Обновата започнува. Граѓаните прашуваат, ВМРО ДПМНЕ одговара!, потенцира Стојкова Серафимовска.

Мицкоски: Премиерите со кои се сретнав Орбан, Јанша и Пленковиќ ни дадоа силна поддршка, Македонија има пријатели

Ивана Ефремовски — Fri, 22 Jan 2021 14:06:48 +0000

Претседателот на ВМРО-ДПМНЕ, Христијан Мицкоски за вестите на Алфа ТВ зборувајќи за својата мини дипломатска турнеја во Унгарија, Словенија и Хрватска, истакна дека Македонија има пријатели, а премиерите на тие држави даваат силна поддршка како за државата така и за партијата ВМРО-ДПМНЕ. -Оваа дипломатска офанзива на ВМРО-ДПМНЕ ќе трае и во периодот кој следува. Започнавме со Унгарија, Словенија и Хрватска, тоа што можам да го кажам е дека Македонија, македонскиот народ имаат пријатели и во премиерот на Унгарија Виктор Орбан и во премиерот на Словенија, Јанез Јанша и во премиерот на Хрватска, Андреј Пленковиќ. Можам да кажам дека станува збор за исклучително силни пријатели на Македонија, тројца земји членки на Европска Унија, кои што седат на таа маса каде што се одлучува иднината на Македонија во смисла на тоа дали и како ќе почнат преговорите за Македонија за членство во Европската Унија, потенцираше Мицкоски. Мицкоски додава дека на средбите со тројцата премиери се разговарало за актучелните проблеми предизвикани од пандемијата, но и блокадата на Бугарија за Македонија. - Така што заеднопсо нашите пријатели ги отворивме сите оние теми кои што не се актуелни само во Македонија, туку и во тие држави, најголем фокус беше економијата, здравствената состојба, политичката ситуација. Неизбежна тема беше проблемот кој го имаме со нашиот сосед Бугарија и сите погрешни политики на нашата влада. Од посетата можам да заклучам дека Македонија има пријатели и силна поддршка во трите држави кои ги посетив, нагласи Мицкоски.

Мицкоски на повеќе дипломатски средби со Орбан, Јанша и други политичари од Европа и регионот

Ивона Петрова — Sun, 17 Jan 2021 14:02:15 +0000

Претседателот на ВМРО-ДПМНЕ Христијан Мицкоски, како и потпретседателот Александар Николоски од утре па во наредните неколку дена ќе остварат дипломатски посети и средби со повеќе политичари од регионот и Европа во рамките на пријателските односи со повеќе сестрински партии на ВМРО-ДПМНЕ од семејството на Европската Народна Партија. Од партијата истакнуваат дека Мицкоски ќе оствари средба со претседателот на Фидес, а воедно и премиер на Унгарија Виктор Орбан. -Тоа е партијата од која потекнува и еврокомесарот за проширување Оливер Вархеји. Потоа ќе оствари средба во Љубљана и со премиерот на Република Словенија и претседател на Словенечката Демократска Партија Јанез Јанша. Ова е особено значајно за европските интеграции ако се знае дека Словенија е идната земја која ќе го преземе претседавањето со ЕУ. Воедно во неколкудневната дипломатска активност лидерот на ВМРО ДПМНЕ ќе оствари средби и со претставници на хрватската владејачка партија ХДЗ, посочуваат од партијата. Од ВМРО-ДПМНЕ додаваат дека средбите ќе бидат искористени за активно лобирање за државните интереси на Македонија пред се одблокирање на патот кон Европската Унија кој е блокиран со ветото од источниот сосед, застојот кој го има земјава во однос на реформите. Средбите ќе бидат насочени и кон градење на мостови на регионална соработка на ВМРО-ДПМНЕ, како и разгледување на можностите за идна економска соработка и отворање на можностите за привлекување на инвестиции и размена на знаења со цел економско зајакнување на земјава во периодот на силната економска криза и рецесија.