средно нерези – Kurir.mk

Прекинaто водоснабдување на дел од населба Нерези

Дарко Андоновски — Wed, 03 Mar 2021 12:29:39 +0000

Поради уличен дефект Ф 80 на ул.„Девол“ бр.2, прекинато водоснабдување ќе има на ул„.Жданец“, „Девол“ и населба Нерези. Како што соопштуваат од ЈП Водовод и канализација водоснабдувањето ќе биде прекинато од 12:30 часот до завршување со активностите.

БОРБАТА ЗА ВОДА НЕ ПРЕСТАНУВА: Водовод ги обвини граѓаните дека лажат, вработените на страната на жителите за реалниот проблем (ФОТО)

Дарко Андоновски — Sun, 07 Jun 2020 09:57:52 +0000

За Јавното претпријатие Водовод населбата Нерези, особено улицата Козле 3 како да не постои. Откако граѓаните три дена за време на полицискиот час беа оставени без вода за пиење се до вчера, денеска тие се револтирани поради дрската лага на ова претпријатие во медиумите. Имено жителите на ова населено место до редакцијата на КУРИР доставија жалба во која се вели дека Водовод наместо да молчи за дрскиот однос и тортурата која ја правело врз овие луѓе, тие во своја одбрана велат дека НЕ добиле никаква пријава дека жителите на Козле 3 и Нерези останале без вода. Имено на официјалната Фејсбук страница Водовод објави дека тие излегле во пресрет на барањата на жителите на Жданец и Трнодол, додека никаде не го спомнуваат Нерези. Тие во својот пост пишуваат дека во овие две населби имало и цистерна со питка вода никаде не споменувајќи го Нерези, за подоцна во демантот го додадат и ова населено место каде граѓаните тврдат дека немало цистерна која поминувала. Тие исто така го заборавија Нерези потенцирајќи дека без вода за пиење ќе останат населбите Жданец и Трнодол. „Од ЈП Водовод и Канализација известуваат дека на ден 06.06.2020година (сабота), поради уличен дефект „промена на затворач“ со пречник Ф-100мм на ул.Жданец б.б, прекинато водоснабдување ќе имаат корисниците од нас.Жданец и Трнодол во време од 08:00ч до завршување на интервенцијата. (Општина Карпош).“, стоеше во нивното соопштение до јавноста во петокот доцна вечерта. КУРИР веднаш истата вечер ги информираше граѓаните дека овие две населби ќе останат без вода наредниот ден, откако Нерези и во петокот целиот ден беше без вода за пиење. Водовод го заборави Нерези и улицата Козле 3 исто така кога објави дека е саниран дефектот, додека во демантот објавен до медиумите стои и населеното место Нерези. Сепак од Водовод во својот демант вчера тие експресно го додадоа и населеното место Нерези правдајќи се дека ги информирале граѓаните дека ќе останат без водоснабдување. Жителите вчера како знак на револт при контакт со контакт центарот на Водовод вработените им потврдиле дека тие доставиле пријава уште на 4 јуни, додека во друг разговор тие исто така потврдиле дека немало никаква цистерна и дека тоа било лага. Сепак граѓаните велат дека оваа „борба“ за вода нема да престане тука, бидејќи овој проблем веќе го трпат 30 години, а особено чашата ја прели 80 часовниот карантин во кој дури три дена останаа без вода.

ВИКЕНД КАРАНТИН БЕЗ ВОДА- жителите на Нерези останаа жедни

ВИКЕНД КАРАНТИН БЕЗ ВОДА- жителите на Нерези останаа жедни

Дарко Андоновски — Sat, 06 Jun 2020 14:58:14 +0000

Во сред пандемија, жителите на средно Нерези трпат за вода. Во 80 часовен карантин, оставени се без најнеопходниот услов за живот. Вода нема ниту за пиење, ниту за капење. Помош барале повеќе пати до сега, но без успех, објавува Сител. Граѓаните велат пумпите за вода се направени од самопридонес во минатиот век, а оттогаш ниту една локална власт не го решила проблемот. Вообичаено вода доаѓа само по полноќ кога спијат. Слаб притисок и нередовен тек, вакво е секојдневието на овие жители во последните 30 години. Како што ги дочекавме, така и не испратија, револтирани и исплашени за своето здравје. Помош бараат јавно, бидејќи на ниту еден друг институционален начин не успеале да го решат проблемот со водата. Од водовод велат се работело за поспецифичен дефект на кој работеле во текот на ноќта и кој денеска е решен. Постапиле по пријава на граѓани, но од населбите Трнодол и Жданец. За проблемот на кој укажаа жителите на ул. Козле 3, од водовод велат нема пријава. На фб страната во меѓувреме известиле, дека цистерна со вода ќе врши достава во населбите.