средно водно – Kurir.mk

Жичарницата и автобуските линии до Средно Водно од утре нема да бидат во функција

Ивана Ефремовски — Thu, 23 Jun 2022 14:25:19 +0000

ЈСП информира дека од утре, петок (24.06.2022 година) Жичарницата и автобуските линии до Средно Водно (25, 25А и 25Б) нема да бидат во функција. Времениот прекин на работа е согласно воведената делумна забрана за движење во шумите, побарана од ЈП „Национални шуми“ – Скопје, а одобрена од Министерството за земјоделство, шумарство и водостопанство, со оглед на зголемената опасност од појава на шумски пожари на отворен простор. Жичарницата и трите автобуски линии нема да работат сѐ до проценката на надлежните дека е намален ризикот од појава на шумски пожари, односно до отповикување на делумната забрана за движење во шумите.

Девојка нападната на Средно Водно

Ивана Ефремовски — Wed, 22 Sep 2021 14:36:35 +0000

На 22.09.2021 во 02:40 часот во СВР Скопје, И.Т.(19) од Скопје пријавила дека околу 00:30 часот на паркинг на Средно Водно, по претходно недоразбирање, била физички нападната од М.Ш. и М.А. Се преземаат мерки за расчистување на случајот.

Обвинение за тешка кражба од автомобил на Средно Водно

Магдалена Андонова — Wed, 11 Nov 2020 13:18:53 +0000

Основното јавно обвинителство Скопје поднесе Обвинителен предлог против две лица за кривично дело – Тешка кражба од член 236 став 1 точка 1 во врска со член 22 од Кривичниот законик. На 10 ноември, обвинетите, заедно со уште едно малолетно лице, од патничко моторно возило „Јагуар“ со српски регистарски ознаки, паркирано на паркинг-просторот на Средно Водно, одзеле: женска чанта марка „Гучи“, два пара очила марка „Гучи“, еден пар очила марка „Миу Миу“ и парични средства во износ од 1.710 денари и 2.670 српски динари. Вкупната вредност на украдените предмети изнесува 300.000 денари. Обвинетите со употреба на погоден тврд предмет го скршиле стаклото од предната совозачка врата, од предното совозачко седиште ја одзеле ташната и го напуштиле местото. Јавниот обвинител за првиот обвинет достави предлог за определување мерка притвор, додека вториот обвинет веднаш е спроведен во КПУ „Идризово“ за издржување на други казни. Против малолетното лице ќе биде спроведена посебна постапка, согласно Законот за права на децата.

33-годишна жена нападнала 18-годишна девојка на паркинг на Средно Водно

Магдалена Андонова — Fri, 25 Sep 2020 15:35:05 +0000

Осумнаесетгодишна скопјанка пријавила во полиција дека доцна синоќа била физички нападната на паркингот на Средно Водно. Според пријавеното, нападот го извршила 33-годишна жена со иницијали Е. Е. Од полицијата информираат дека направен е записник за констатиран прекршок по член 12 од Законот за прекршоците против јавниот ред и мир.

На Водно уапсени тројца странски државјани, во автомобилот им била пронајдена марихуана

Тале Кристо — Sun, 16 Aug 2020 10:23:25 +0000

На 15.08.2020 во 20.20 часот на Средно Водно во Скопје, полициски службеници од СВР Скопје ги лишиле од слобода И.О. и М.Ф., двајцата од Р.Турција, како и М.Т. од Кипар, затоа што во возилото во кое се превезувале била пронајдена марихуана. Тие биле приведени во полициска станица и по целосно документирање на случајот против нив ќе биде поднесен соодветен поднесок.

Ѓорѓиев: Шилегов со скапиот паркинг носи мафијашка мерка во корист на олигархијата

Ивона Петрова — Fri, 13 Apr 2018 09:38:24 +0000

Со одлуката на советниците на СДСМ во Градот Скопје, и на градоначалникот Шилегов паркирањето на Средно Водно ќе чини 100 денари во првиот час, а секој нареден по 50 денари, истакна на денешната прес-конференција Филип Ѓорѓиев од ВМРО-ДПМНЕ. Тој посочува дека тоа значи дека еден викенд поминат во парк шумата Водно, Шилегов направи едно семејство да го чини колку просечна сметка за вода. Според Ѓорѓиев ова значи дека Средно Водно станува привилегија за богатите, а не за секој еден граѓанин. -Ова е удар за стандардот на младите, но и за оние категории на граѓани кои поради својата возраст или здравствена состојба мора да користат превоз за да ги користат придобивките на Водно. Градоначалникот Шилегов прво велеше дека возилата ќе загадувале, па неуспешно ја ископира и воведе мерката за забрана за движење на возилата на Средно Водно, но сега не е проблем за него што ќе загадуваат возилата бидејќи со мерката за воведување на платен паркинг, загадувањето ќе биде само од поимотните граѓани. Бараме повлекување на оваа дискриминаторска и штетна мерка. Ветуваа живот за сите, а Шилегов воведе паркинг можност само за богатите, истакнува Ѓорѓиев. Тој додава дека ова е мафијашка мерка за заштита на елитата и богатите.